九龍禮賢幼稚園K3家長請進！

littleeva

bosze

不用客氣. 大家交流下湊仔心得. 亙相分享下.
細本既英文故事書我估已經教完, 因為我仔仔能夠講番內容.
我暫時都有帶. 遲D有機會順便問下老師.

近日仔仔成日唱不是BB. 好鬼得意.

penpen

開生日會咯! 我個囡要帶10隻旦同10個橙呀!! 你地有冇都係今次既主角呀??  若果冇就要家長會先見到喇~~  仲有旅行呀!!     

朱古力

penpen,

我囝囝三月架,所以生日會我無份去,不過旅行果日我一定會去.到時見喇各位!

penpen

朱古力,
原來你囝囝3月,令我諗番起一件事, 返學校買校服果日遇到一個同班同學, 都係囝囝黎架! 高我囡囡半個頭, 佢媽媽仲話吓?! 同班同學?! 我話俾佢知我囡9月既~ 佢囝囝都同妳一囝囝一樣係3月架! 相差半年真係有頗大既分別, 唔知果個會唔會係妳黎呢?!!  
生日會果日我要幫阿囡抬10個橙返學校
我哋可以唔洗等到旅行,響家長會果日都可以見呀!! 妳會出席嗎??    

朱古力

penpen,
我非常之想出席呀!因為工作很忙,

penpen

朱古力 & bosze,

喂喂! 仲有下星期六既家長會呀~ 你地會唔會出席呀??  

係呢?! 你哋有冇申請學費減免呀??   

朱古力

penpen,

家長會我報左名，但現在未知去唔去到，因為怕請唔到假．

旅行果日，請問你地老公會唔會去呀，我老公話通常都係媽媽去，唔會有爸爸去喎，所以佢怕悶．

GraceMami

"At School" 本書, 自從派了回來, 都未有放過書包嗃.

我星期三會放假去生日會, 上午會fix 番部電腦, 因為部電腦開不到機, 而家都只是借來上網.

penpen,
生日會那天見不到你喇, 家長會見喇.

朱古力,
我老公因為請不到假, 不會去生日會, 否則, 他一定會去的.  其實, 參加子女的學校活動是親子機會, 無分男女, 不過, 現時很多男士都要在大陸工作, 或是出外公幹, 所以才很少出席吧.

penpen

朱古力,
希望家長會你去到啦~ 咁到時我地就可以同埋bosze(如果佢去的話)相認,我諗感覺就好似久別重逢咁~  

GraceMami,
係呀! 需然我哋同一日開生日會, 但係就因為上下午班而見不到喇~ 家長會果日我哋可以約響教堂門口等呀!  
生日會我諗我老公或者可以蛇蛇, 遲少少先返公司, 但反而旅行果日係FRI.佢最忙, 去不到了!!   

penpen

今日係我妹豬既free day,我同佢練習練習咗 表演" 自我介紹" 同埋 "唱歌", 因為老師話過佢響學校比較靜, 我都見過佢返畫班果陣講野比較細聲, 所以我將d對白寫咗響張通知free day既紙背面諗住可以提下老師有需要時幫幫佢, 同埋寫咗d鼓勵打氣既說話俾阿囡,等老師見到話俾佢知,唔知佢既表現點呢?! 我諗最快都要明天老師派回手冊先知結果! 不過我見到老師送咗張比平時大既貼紙俾阿囡 其實祇要佢會大聲d我就好高興喇~~
後日就星期三開生日會喇~ 好想果日會快d到! 好似我自己開生日會咁!!  
跟住SAT.家長會喇~~ 又係想快d到睇吓阿囡上堂係點?!    bosze,我哋小朋友係同班既~  到時見?!  

朱古力

我都提囝囝今天要記住嚴老師講既話,因為明天開生日會,所以叫佢記住老師要帶d咩返去.

家長會我去唔到喇,我叫丈夫出席.不過男人會操心大意d,你地去完家長會講番d情形比我知呀!

penpen

朱古力,
你有冇收到張開生日會既咭呀?! 後面有寫, 你囝囝唔洗帶食物不用穿校服, 不用帶書包, 但你要幫佢準備濕毛巾, 紙碟叉放落乾淨膠袋再放入背囊, 另外幫他準備多一個膠袋或環保袋等佢開完生日會取老師派的食物回家, 我記得之前家長會嚴老師講過至少會有一個橙同一隻旦架!
家長會你老公唔去我哋可以陪妳嘛~ 妳唔想睇吓妳囝囝上堂既情況咩?? 我老公都去唔到呀!  

朱古力

penpen,

我有睇，不過我想比ｄ責任囝囝，要佢記住老師既話，因為囝囝唔會記住老師講既野，靠我睇佢既手冊和通告，有時睇你地講番，佢咩都唔理，所以我叫囝囝留意老師的話，否則就無得開生日會，無蛋糕食．
另外，penpen唔係我老公唔去，係我無得去呀！

littleeva

penpen

您囡囡好叻喎. 咁快 到她表演. 我仔仔就比較怕羞, 到我仔仔時都唔知點算 .  祝您明天生日會和囡囡玩得開開心心.


係啦您地知唔知家長會會否單獨見班主任談一談. or 只是集體討論. 因為我仔以前讀 bb 時, 家長會係 每個小朋友家長可以單獨見老師 around 15分鐘. 還有評估報告. 討論下小朋友有什麼地方做得好. 有什麼地方要注意.

不過今次上下班 合供成 70 個家庭. 我估 老師不會單獨接見.  

KiuKiu媽媽

記得個囡K1時的生日會, 生日月份小朋友的家長系可以入課室一齊影相同分享食物架, 家長又會幫老師分食物給小朋友, 一齊影相, 好開心架, 我去過一次, 真系好開心, 但自從沙士后就唔可以啦, 只可以系禮堂睇老師表演節目, 等小朋友食完野就等接放學, 如果好似以前咁, 相信您們一定會開心過D小朋友呀!!

littleva 及其他Mami,
今次的家長會系每班的家長一起聽老師講下這兩個月小朋友大致的情況, 有咩要注意, 同講下跟住的課程活動, 有問題都可以問, 另外"應該"重有錄影帶睇, 約10分鐘度的影帶系小朋友上堂或運動堂的情況, 好好笑架, 因為真系有小朋友周圍走來走去, 唔理老師講野架, 咁您地可以初步了解到小朋友現階段上堂的情況!! 如果系單對單接見要等到學期完結派評估報告先會有啦!!

littleeva

KiuKiu媽媽

多謝您的資料. 咁我要話比老公知先. 費事佢有期望. 因我地以前是 1 年 3 次評估. 每次都係單對單.  

Anita_Lee

Hi 各位

我係k2家長呀, 今次我個仔都要帶十隻蛋呀, 因為我個仔係插班, 今次係第一次參加, 唔知可唔可以再加d 棉花糖或者其它食物比老師送比小朋友呢?

好開心個仔可以係九龍禮賢讀書!!

shermanbb

Anita_Lee ,
   你個小朋友係低x班呀?我個女成日都話有兩個新的小朋友同佢一班呀,睇下佢地識唔識? 我個女係低望班呀!

   你想加d 棉花糖或者其它食物比老師送比小朋友,當然可以啦,你明天返學參加生日會嗎?我相信你都會好開心,hehe

penpen

littleeva,
好開心呀! 我囡囡星期一既表演得到老師既讚賞, 老師讚埋我添呀!!  

朱古力,
妳囝囝就叻, 識得記得講要帶d咩~~ 我囡我之前問過幾次佢都未識,係昨天問佢佢話要帶水壺, 對於佢黎講已經進步咗, 之前我俾晒貼士佢佢都唔記得架! 不過可能係差半年就差dd啦~ 但係佢又背到兒歌書第二首既 幼稚園,老師好,同學多, 天天上學笑呵呵喎!我第一次聽到果陣打咗個突呀~

KiuKiu媽媽,
我都唔知今次生日會可否入課室呀! 因為通告就寫響禮堂, 都祇可以逗留1小時15分鐘咋! 不過無論點, 我諗一陣都會好開心既!  我都期待緊Sat.家長會既時候睇下阿囡上堂既情況呀!!  

Anita_Lee,Kitty&mimmy,
我除咗10隻旦(家陣烚緊)仲要帶10個橙呀! 好重!! 需然有校車搭, 但我想橫掂都要去開生日會, 所以我同我老公會同佢返學校, 另外, 阿囡屋企太多糖果喇~ 所以我都執咗大包糖俾阿囡帶返學校同其他同學分享!

朱古力

penpen,

最衰昨晚上唔到bk喇!我想叫你幫我留意下囝囝在學校既情況呀,昨晚我放工就問囝囝,嚴老師話要帶d咩返去開生日會,佢今次記得喇!話帶碟、叉、蛋糕喎,我知道生日既小朋友先要預備食物,不過佢記得要帶碟、叉都算喇!penpen你開完生日會,記得post番d情形比我聽呀!我好想知道呀!