07-08年宏福幼兒園媽咪繼續入o黎傾~(PART 4)~歡迎新朋友加入

pcdogxx

各位,

你地聽日有咩活動呀?  如果冇, 可以考慮下呢個喎..

http://www.treats.org.hk/BalloonFestival_tc.htm

聽日渝爸返中..   下午得我同鈞渝自己去玩咋....

pcdogxx

626mama / Hongmimi,
之前我同事去過話都有Hello kitty 既玩具買架..  不過今年年頭d人話冇之前咁平.. 都唔知去唔去好..

我都估到Hongmimi未必去架喇..  因為上次我見匡匡都比較悶..    今次我都係想鈞渝返去見下d老師咋..  佢一定好開心...  

Hongmimi,  
你情人節剝削左匡匡同鈞渝去街街既機會...  鈞渝實嬲死你..      我叫鈞渝移情別戀去第二個到先...   哈哈..

嘩..  乜匡匡食左咁多高危食品呀?   今日睇報紙話M&M 印尼果邊驗超標好多..  3歲小朋友食幾粒都超喇..   好彩我好少俾呢d佢食架者.....  唉.. 而家樣樣都有毒都唔知食咩好...

626mama,
我join左平日年票呀..  好抵呀..  $650, 渝爸平時都放平日架嘛.. 我拎假又方便..  假日又多人, 所以我覺得join平日又抵又正..

ElainAiolia,
子聰飲左有問題牛奶呀?   點解要去驗呀?   我諗佢一定要有篩選過d人先俾佢驗既.. 如果唔係個個都去真係唔得掂...   

我pm左資料俾你喇, 如果收唔到就話我聽啦...  點解要俾名既?  死啦. 如果果日有事係咪唔可以搵人頂上架...
我諗應該會兩邊一齊攪既.. 唔通淨係果邊N1同K1自己攪 咩..  

嘩.. 咁好出晒成年既生日會時間..  其實我都比較欣賞宏福呢方面既準備,  起碼知道d活動大慨既日子, 自己安排活動都易d嘛..   鈞渝間學校乜都冇架.. 淨係得放假既日子參考..

ElainAiolia / 626mama,
10月 join左 快樂小人類
11月  1堂感官樂園 / 塗鴉 / 音樂節奏
12月  主角接班人 / 音樂節奏 / 英語遊樂園

主角接班人同音樂節奏最尾三堂撞左半個鐘呀...

10月小人類 鈞渝同子聰上.. 11月小人類 子聰同軒軒上..  

我記得架..  學剪髮嘛..   希望快d學有所成幫鈞渝剪返個靚頭啦..   我特登唔帶鈞渝去剪髮住.. 留返個頭俾我做實驗品..  哈哈..

天藍,
昊藍咁好連軒軒媽咪都掛住既...  咁我有冇份呀?  呷醋...   
好彩有你陪我去宏福個旅行者.. 如果得自己去.  我就唔敢去喇.. 哈哈.. 希望果日唔好同其他野撞期啦...

pcdogxx

鈞渝開生日會
日期 : 10月18日 5:00 - 9:00pm
地方 : 鈞渝屋企
結果搵唔到地方, 原先想係大伯住果個club house, 點知話冇小朋友野玩既..  咁麻煩大家屈就下啦...   

麻煩遲d通知我幾多人到..  等我準備食物..  我尋日買左d材料, 諗住試下自製蛋糕做生日蛋糕..  大家豬屎cake岩唔岩呀?

pcdogxx

各位,
我今日去工商開左個親子戶口..  放2000蚊半年就送個迷你櫃員機喇.. 好似幾得意咁..   平時攞錢鈞渝都爭住按掣..  佢實好鍾意玩呢個櫃員機者..  仲可以叫佢儲下錢..  
你地有興趣都去申請一個啦..

http://www.icbcasia.com/big5/retail/deposits/promotion.shtml

ElainAiolia

Dear all mami,
我同626mama係宏福幼稚園果邊聽到有個mama帶小朋友去驗眼，得知有成200幾度散光，搞到我都D擔心，雖然4歲可以去健康院度驗眼，但我又怕健康院驗得好求其，個mama介紹果度佢話幾好，連大人都可以check，一D都唔貴，佢話$120-左右，佢仲建議我o地打電話去book，因為我太心急，我今日下晝已經打o左電話去book，佢o地問我今個星期五得唔得，我兼快得制，所以揀o左6/10上午9:00，子聰check完我再post行程你o地知呀。

「香港低視能及盲人輔導會」
深水埗南昌街248號新總部大樓一樓
(石硤尾MTR ‘C’ 出口較近)
逢一至六
9:00a.m. – 12:00 n.n.
1:30 p.m. – 5:00 p.m.
Tel: 2778 1772

ElainAiolia

hongmimi,
我想子聰照腎係除o左安心D外，係因為宏福Nursery係比雀巢奶粉比D小朋友飲，雖然可能飲o既份量唔多，再加上平時佢間中都會食樂天熊仔餅、OREO及其他有可能中招o既食物，還掂而家又免費照，o米照o下等自己安心o下o者。

天藍 / pcdogxx,
已收到你o地o既pm la，如果係咁，就由我負責報天藍一家，而626mama負責報pcdogxx一家，大家有無問題，如無我會pm pcdogxx D 料比626mama。

626mama,
你幫pcdogxx一家報名有無問題，如無，我會pm D 資料比你。

ElainAiolia

pcdogxx,
聽我同學講係免費照，但因而家實在太多人去照，搞到我早兩日fax D料去瑪嘉烈諗住預約，點知佢o地話要醫生寫轉介信先收症，我問o左我朋友，佢話私家 / 政府醫生寫o既轉介信都得，所以o米諗住快D照o下等自己安心。其實高危食物愈講愈多，都唔記得子聰食過幾多呢？

今年報名去旅行要填埋中英文名，另外得知N1同K1去旅行係同一個location，所以應該見到N1 D老師o既。

「感官樂園」你係o米報o左1/11果班，因子聰都有報；「主角接班人¡v係o米12月o架，子聰都中o咼；咁你有無報到6/12 o既「美味廚房 ~ 聖誕食品」，因子聰都報埋。

豬屎cake無所謂，但D豬屎可否唔好咁重手，因我怕子聰唔食咁大陣味o既cake (真係唔好意思，打搞你兼要你整o野食仲要求多多o忝)。

個櫃員機幾靚，但我已經同子聰係中銀開o左個小朋友戶口，所以唔再開la。

626mama

真係可惜，我今日才睇到添。

原帖由 pcdogxx 於 08-9-30 04:47 PM 發表
各位,

你地聽日有咩活動呀?  如果冇, 可以考慮下呢個喎..

http://www.treats.org.hk/BalloonFestival_tc.htm

聽日渝爸返中..   下午得我同鈞渝自己去玩咋....

626mama

個迷你櫃員機真係好得意，不過我幫軒軒去左恆生開戶口，兩年都冇郁過，都係唔好lu。多謝分享。

原帖由 pcdogxx 於 08-9-30 05:23 PM 發表
各位,
我今日去工商開左個親子戶口..  放2000蚊半年就送個迷你櫃員機喇.. 好似幾得意咁..   平時攞錢鈞渝都爭住按掣..  佢實好鍾意玩呢個櫃員機者..  仲可以叫佢儲下錢..  
你地有興趣都去申請一個啦..

http://www. ...

626mama

pcdogxx,
咩蛋糕都冇所為啦，我咩未都鐘意食...呵呵..
冇意見。

原帖由 pcdogxx 於 08-9-30 05:21 PM 發表
鈞渝開生日會
日期 : 10月18日 5:00 - 9:00pm
地方 : 鈞渝屋企
結果搵唔到地方, 原先想係大伯住果個club house, 點知話冇小朋友野玩既..  咁麻煩大家屈就下啦...   

麻煩遲d通知我幾多人到..  等我準備食物.. ...

626mama

ElainAiolia ,

冇問題，pcdogxx一家報名由我負責啦，妳pm D 資料比我丫。

原帖由 ElainAiolia 於 08-10-1 12:13 AM 發表

已收到你o地o既pm la，如果係咁，就由我負責報天藍一家，而626mama負責報pcdogxx一家，大家有無問題，如無我會pm pcdogxx D 料比626mama。

626mama,
你幫pcdogxx一家報名有無問題，如無，我會pm D 資料比你。心 ...

626mama

ElainAiolia,

唔該晒妳電話通知我，我當時唔方便講電話，
所以冇同妳傾，不平我好得閒，
可以隋時打電話比我嫁ok。

仲有多謝妳sms有關資料比我 thx。

原帖由 ElainAiolia 於 08-10-1 12:11 AM 發表
「香港低視能及盲人輔導會」
深水埗南昌街248號新總部大樓一樓
(石硤尾MTR ‘C’ 出口較近)
逢一至六
9:00a.m. – 12:00 n.n.
1:30 p.m. – 5:00 p.m.
Tel: 2778 1772 ...

626mama

EalinAiolia,

係呀『快樂小人類』我報左右為(B)，
子聰同完鈞渝上堂，
之後可以同軒軒一齊上堂。

點解你今日下午放假o既，今朝佢o地宏
福升旗禮 ，如果你放上午假，o米可以去睇o羅。

聽妳地講已經準備攪緊去醫院免費照，
我真係要的起心肝先得喇。

626mama

hongmimi,

我都確得襯而家照下好D。
遲D可能要自已外，
起碼安心D丫嗎。

626mama

pcdogxx,

我昨天去了開倉果度(A座7樓)，應該唔係華立果個倉，
個倉都好大，有一半係模型，好多大人掃貨。
另一半就係小朋友野，不過唔係好岩我地，
玩具多數3歲以下岩玩D，我地小朋友就唔係
好岩玩。

另外B坐14樓1室有兒童圖書開倉，我都順便行去睇下，
不過地方好細，唔係好多野買，都冇收獲就走，都唔係
好平，好以有張DVD一張有三套故事，兩文三語(朵拉)，
原價$XX.00唔記得幾鏘添，總數只係平8蚊，
行開睇下冇防，專登去睇就唔值。

妳join左平日年票係抵D，渝爸平時都放平日，
妳一個拎假又就可以出發，去兩次都回本。
而家軒軒見到迪士尼成日叫我帶佢去，
我都話比佢聽，一年內唔入去，出年才去，
佢都唔明。真係比佢激死。

軒軒有一班同子聰學，有兩班同鈞渝學，
我只報左三班，三班都有朋友仔一齊學，
真係好喇。

我故有妳個想法，想留返個頭俾我做實驗，
點知星期日公公又帶軒軒去剪髮喇，
有咁岩人地冇開舖冇剪到，我估短期內，
公公一定帶左佢去剪，公公真係好鐘意
帶人去剪頭髮嫁。

pcdogxx

ElainAiolia,
嘩.. 咁細個就驗到近視喇?   但係點解果個媽咪無啦啦會帶佢小朋友去驗眼既?  係咪覺得佢成日都睇唔到遠野呀? 咪晒眼咁黎睇呀?    So far 我覺得鈞渝隻眼應該冇乜野.. 因為佢真係好細少都睇到.... 不過如果真係唔貴, 俾佢去驗下都好..  順便check下有冇其他問題嘛..  咁麻煩你check完話返俾我地聽係點吖..  唔該晒...

如果子聰真係食得多有問題食物.. 真係去驗下都好... 反正而家唔使錢...   希望子聰驗左乜事都冇啦....  其實我都唔知鈞渝有冇食到...  不過佢平時好少食雜食...   都係羊奶片, 餅, 腸仔多... 所以我諗應該冇事卦...   

感官樂園我報左8號果堂, 係朝早..   因為1號d時間應該係瞓晏覺, 癈事佢瞓唔夠發老脾...  主角接班人係呀12月架..  好野..  又可以同子聰一齊上..   我冇報美味廚房果d課程呀..   因為鈞渝而家仲係攪破壞多d, 等佢大少少先同佢報咯.. 同埋屋企有時我都同佢玩整野食架嘛..

唔.. 我跟果個食譜d豬屎應該都幾濃架..  上次我朋友整果個應該輕手d既.. 等我問佢攞食譜黎試整先...

其實我都係放2000蚊開左個戶口拎左個禮物半年後就cut鬼左佢架喇..  佢話要keep半年之嘛..  哈哈..   我星期一果日換左喇.. 真係幾好玩....  不過鈞渝而家都未有零用錢, 所以未岩玩住..

pcdogxx

626mama,
荃灣廣場我結果都冇去到呀..   返左青衣婆婆到順便去左玩具開倉..  你尋日幾點去架?  見唔到你既?  我係差唔多2:30行到4:30左右...  同舅父仔一齊去, 佢睇模型, 我睇玩具.   不過d野真係麻麻地..    聽d人講話都唔係好平.. 所以我都冇買到野呀...  係睇中有個melody收銀機..   好得意真係讀到barcode 係部機彈個價錢出黎.. 不過都要$235,  我又唔知係咪真係平喎. 所以諗住出去睇左先..  如果係買先叫舅父幫我買... 反正好鬼近之嘛..  

圖書倉我都有去..  真係好細..  我淨係買左2盒認字咭咋..  其他野都冇乜興趣

你果陣join假日都千幾... 真係幾貴.. 不過真係去得多會好悶..  你解釋俾佢聽啦...   我地聽晚放工都會入去呀. 去感受下halloween呀..   不過一定勁多人...

咁你同公公講唔好帶佢去剪嘛..  你要搵佢個頭黎做實驗, 如果佢剪左咁你咪冇得試囉...

626mama

pcdogxx

荃灣廣場喝妳結果都冇去到呀，
返左青衣婆婆到順便去左玩具開倉，
我成4:30才去，兩個地方夾埋行左
一個鐘，都係冇咩野岩買。咁咪即係
妳走我才去囉。昨天冇緣見而添。
我都確得D野唔係好平，軒軒買左個
美小女電話要$80，都唔平。  

圖書倉真係好細，只係行開睇埋，
冇必要專登去行。

我講左好多次比佢知，我地而家冇買年票，
唔係以成日入去，出年大過仔D才入去啦，
聽話D才帶佢入去。跟住佢就會話自己好
聽話。入便一有咩特別節目就會好多人，
通常會在開頭多D人，後尾果幾日會冇咩人。
(倒如10月1日至10日頭果D日子又夾到
星期六日會好多人，之後入去隊都唔洗隊)
仲有呀，妳入會咪會比張野妳填，我果時寫
左個名同ID CARD個識員就叫我咩都唔洗寫，
即沒有填到地址及電郵。跟主有咩優惠卷
咩都收唔到，過後打電話去問，原來我沒有填
電郵及地址，就會咩都冇，亦都唔會補發，
這點妳要留意。如果真係冇填，記得補反比佢。

公公次次帶完軒軒剪頭髮我地才知，
佢特登唔講，因為軒軒頭髮好短，
公公都確得好長，成人日比姨姨話
佢，佢都聽.........剛剛聽到個
電話，軒軒剪左頭髮喇。個髮形師
仲話佢有幾條白頭髮，係咪唔夠營
養有關呢，真係...成日唔肯食野。

聽個媽媽講，小朋友眼晴好重要,若有任何
問題必需愈早發現愈好，2-3year old就太細
，因表達能力有限，所以就要等到佢能清楚
表達至得，3-1/2year old就差不多，因為
怕他眼仔真係有事所以就早d check，最初
諗住應該會無事,諗住去Check眼係畀個安
心自己，點知真係出事200度散光,
不過算係早發現都算不幸中的萬幸了。
不過就確我好心痛。

因為大仔都係3 -1/2year old 發現有
散光，當時只就98度,點知佢Daddy同爺
爺猛話咁細個戴眼鏡好陰公都係睇定D,
點知睇咗半年加到198度散光，後來
大仔配眼鏡,跟住呢兩年散光度數就無
加深Ｋeep得到。

天藍

pcdogxx,

多謝你邀請昊藍去鈞渝既生日會, 乜口味既
蛋糕我都無乜所謂, 只要你同鈞渝整既我就
開心啦!
有你同鈞渝陪我地去宏福旅行真係好開心,
昊藍以家間學校都出晒上學期既時間表, 但
都係出到1月尾, 希望唔好咁o岩情人節學校
會有活動啦! 唔好撞期啦!
昊藍間學校個個月都有生日會, 係全校一齊
個日唔使穿校服返去, 一齊上大禮堂開party,
一齊為個個月既生日之星唱歌同玩遊戲慶祝,
好熱鬧! 但唔知會唔會好似宏福個陣生日個
位小朋友可家長陪埋一齊返學影相我就未問
學校, 但知學校會免費送生日蛋糕比個位生日
之星, 唔使家長買, 而其他食物都係學校供應,
家長唔使另附生日會費或買野, 真係唔錯有得食
又有得玩又唔使錢~
我好期待鈞渝既生日會, 因我胃食想試下你親手
整既蛋糕, 一定好好味!!!

ElainAiolai,

麻煩晒你地幫我報名, 今個星期六我要去昊藍
開家長會, 唔會去接昊藍放畫班, 我可否下星期
去匡匡生日會個陣先比埋d旅行錢你, 因我昨天
同我工人講叫佢星期六比你, 但佢又驚驚青青又
話怕唔記得, 又話怕唔見左, 我怕佢所以欠住
你先下星期先比番錢你, 真唔好意思!
或你可PM你A/C NO. 比我入落你銀行亦可以,
真唔好意思!

原帖由 pcdogxx 於 08-10-2 11:07 發表
ElainAiolia,
嘩.. 咁細個就驗到近視喇?   但係點解果個媽咪無啦啦會帶佢小朋友去驗眼既?  係咪覺得佢成日都睇唔到遠野呀? 咪晒眼咁黎睇呀?    So far 我覺得鈞渝隻眼應該冇乜野.. 因為佢真係好細少都睇到.... 不過 ...

天藍

hongmimi,

我點會嬲你, 我講下笑咋!
匡爸咁醒點會唔識做~
不過, 唔好意思想! 下星期六匡匡生日會
可能我同昊藍都要遲d先到, 因我唔記得
個日學校有個二手校服銷售, 2點開始我怕
帶仔仔去得學校再去你個到唔知趕唔趕得
切3點去到, 如真係唔得我到時早d打比你,
如果真係遲就要勞煩你出多次來接我地, 真
唔好意思又煩到你, 最衰我無記性! sorry!

原帖由 hongmimi 於 08-9-30 15:30 發表
各位，
嘻嘻~ 都知妳地個個咁好人唔會嬲我架喇~ 我都唔係一定有節目架，只不過留個機會俾人，希望有人識做啦~  

ElainAiolia,
除左為左安心d，點解妳想子聰去照腎? 係咪食過d高危食ho品? 匡匡對上個禮拜先食左成盒熊 ...