04年9月入讀小一家長請進！

evelyn317

[quote]我都係咁話, 雖然仔仔未試過冇交功課但聽他講在校有?事情我個人覺得比較嚴厲??, 唔知是否學校始終都要給少少下馬威佢地呢? 至於功課我就用plastic folder或市面有些透明拉鍊袋裝住.
______________________________________

學校同家長睇o野o既角度又點會一樣？況且妳同我係o甘o既取向，唔代表其它家長，有o的家長鐘意向高難度挑戰 到時學校又話唔知聽得邊個家長講，同我個女校巴個家長話校務處o的職員話有兩星期寞限期，我都費時打電再問點解各班做法都唔一樣，雖然大家都係一年班。如果以我自已的性格和處事方法，開家長會個日實同學校鬧交，o的通告日子寫錯，例如九月一日星期一寫o左星期三，咁究竟星期幾？個女本家課冊話要交乜乜通告，根本都無派俾o的學生，打電話去問先知一年級唔使交。唔使交當然唔會派通告，做乜又要寫係本手冊到叫交通告？o的學校書記同老師攪錯o的o野又得，但係o的細細個o既小朋友就.......，  

唔take it easy, 我驚自已會nervous breakdown！

肥仔媽咪

唔take it easy, 我驚自已會nervous breakdown！

AGREED!

LULU-MAK

我之前已經同學校提過, 請學校係洗手間既門後面加個勾, 比d小朋友去洗手間既時間用來掛個食物袋, 唔駛d小朋友唔小心將d野跌落廁所, 個位置必須配合到d小朋友, 學校回覆okl, 應該無問題.

Cheung

Astrid,

等我明晚開電視睇下先! 唔使擔心la, d小朋友好快適應!  :

Cheung

evelyn317,

呢囡囡間小學真系好嚴!好似你話齋,返工都有3個月試用期,何況他們系小學1年班, 一次機會都唔比! 我囡囡上星期五 忘記拎造句簿返來,我只好系手冊多通知老師! 老師話比一次機會她! 不過以後就冇情講 : ,唯有希望她以後乖d.   .

evelyn317

呢囡囡間小學真系好嚴!好似你話齋,返工都有3個月試用期,何況他們系小學1年班, 一次機會都唔比! 我囡囡上星期五 忘記拎造句簿返來,我只好系手冊多通知老師! 老師話比一次機會她! 不過以後就冇情講  ,唯有希望她以後乖d.  .

鬼叫間學校係自己揀，每間學校做法都會唔同。我個friend 係香港間瑪x曼今年讀小一，同我個女一樣，一次都無情講，佢個女又係唔識得揀返每堂要交o既功課，佢兩個直頭係細碼Twins。不過我個friend 同我o既o念法一樣，我o地都係「只愛孩子，不要面子」。第一個星期己經有好多o野要適應，唔會因為”衣”o的o野而鬧個女，o甘細個就俾o甘多壓力佢o地，妳都見到報紙久不久就有學生自殺，有o的仲係成績都o吾差，就係因為佢o地太demanding。O念起都驚！

希望各位小朋友都可以開開心心上學，學校係一個激發及鼓勵尋找知識的地方，唔係尋找壓力的地方。由幼稚園讀到上大學碩士，起碼都要二十幾年，佢o地讀書條路仲有好長，欠交o左幾次功課又如何!!
     

carollam310

我個女暫時未有欠帶野,欠帶功課,因為佢自己好緊張架,仲做完功課自己睇時間表執書添,佢仲好貪靚吩咐我要燙直直條校裙,一直返慣下午班既佢,上星期六返早,竟然冇發脾氣,5:40分一叫就仆去刷牙洗面,真係奇跡~~~

麟媽媽

過左個weekend，呢兩日早上又攪一輪先出門口….
琴日個仔放學好攰，因星期一嘛，咁下晝兩點零鐘佢訓左，到大約四點先起身。之後夜晚出事了，成十點有多個仔都訓唔著，今早又扭一輪！我同佢小便時幫佢拉拉鍊，佢又扭計周身”沃”，之後又喊話我拉到佢D肉，嚇得我！好彩佢話近肚仔的肉，我幾驚拉到佢個”雀雀”！！
本來奶奶話比佢訓下好D，因琴日佢訓醒之後好精神，做功課都好快手，專心D。但如果午睡之後夜晚又訓唔著，都係攪唔掂，點好呢？
:cry:  :cry:

肥仔媽咪

Carol,

咁你個囡都好生性喎, 飲得杯落啦!


麟媽媽,

可能你個囝weekend玩得累所以昨天午睡, 今日未必瞓o架, 睇定啲先.

麟媽媽

你地的小朋友要做燈籠嗎？我仔學校有一個親子燈籠DIY的活動，是用來送給東華的老人家的。兒子想做一個金魚燈籠，你地知唔知邊度有鐵線賣？我想要比較粗但有紙包著的那種，如果是淨鐵線，好難痴上面紙的。有沒有人試過用竹枝仔做燈籠架嗎？容唔容易屈？今次應有點難度，但亞仔係街見過金魚燈籠，說好鐘意，我唯有盡力而為喇！

evelyn317

麟媽媽

Are you live in HK side, I know a shop which located in Kowloon City sell the materials to school for the class of "Art".  Is it convenience for you go to there?

Sorry, cannot use writing pen to write Chinese, boss is back, his room is next to my room, but the room door is made in "glass", like "golden fish" in the tank!

Easy媽咪

我仔仔開始習慣小學生活喇...之前自己太過擔心了。
佢開學後被班主任選左做班裡"服務生",佢當然好開心,但令我更開心的事,仔仔被英文老師選出去參加"校際英文朗誦比賽",而且仔仔在數學科中時常答問題,老師仲請他食糖!    這一切出於他專心上堂所出成果,希望佢保持住le份學習心態啦!     

Astrid

係呀 .... 岩岩開學, 好多野對佢地都好新奇 !!  做錯左, 唔記得帶齊野 .....千祈千祈千祈唔好鬧佢地 ..... 我都係愛孩子, 唔愛面子 !!!


cheung,

今晚都有得睇, 不過就係其他學校既老師    

麟媽媽

Astrid,

我見你編織好叻喎，D作品好靚呢！早兩日亞仔問我識唔識用兩支長針拮拮下咁？佢講得好好笑，詞不達意！我知佢意思，便說好耐之前媽咪都織過冷衫，之後佢問我可否織件比佢冬天返學著，我口爽爽答應了….今朝諗都唔知點著手，成10年前織過，而家又無pattern，返學灰色冷衫難織嗎？

evelyn317

係呀 .... 岩岩開學, 好多野對佢地都好新奇 !! 做錯左, 唔記得帶齊野 .....千祈千祈千祈唔好鬧佢地 ..... 我都係愛孩子, 唔愛面子 !!!

Please click:

我的孩子罰企


越睇越驚，o的老師大條道理及理倫，文中有o的係由老師發表，如 YxL。 :cry:

2808611

Astrid,
本人是新會員,近期為了女兒升小一問題故十分留意"小學雜談,知道你女兒讀"正慧",現有小小問題查詢,希望多多指教.
小女明年升小一, 我有意為她選"正慧", 學校我己參觀了,很是滿意,尤其小女簡直不想離開它的圖書館,我也很喜歡它的教育方針,比較活動式.但不知"正慧" 的校風如何,學生有禮及守紀律嗎 ?

Astrid

evelyn,
我都越睇越驚 ........

麟媽,
我有 pattern 係手, 不如你留個 e-mail 俾我, 我 send俾你睇呀!! 如果你識基本針法, 應該問題不大, 有咩事就入去織冷衫個 topic, 大把高手 (唔係我呀    ) 答你

2808611,
"正慧"前身係陳式宏既上午校, 創校已經超個二十年, 03年分到千禧校舍, 再有善心人拎左一大筆錢加添好多設迤, 所以設備比較好 ...... 至於校風都算嚴; 禮貌方面都幾好, 因為我有返去做義工 , 巡小息 (愛心姨姨) , 好多學生見到我都叫姨姨早晨 , 搭 273a 會叫車長早晨 / 午安 .... 個圖書館真係好正, 我依家幫緊老師整理緊 d 書, 入電腦, 等小朋友可以有多 d 書睇 !!!  我女幼稚園係讀基督教, 依家轉左佛教都無問題 !! 依家係小一, 小三 & 小四 都係全英語教英文課, 係配合教統局既 english seeds project !!

2808611

Dear Astrid,

唔該哂你呀 ! 咁我聽日就放心遞表啦! 我個女而家讀緊浸信會呂明才,都係基督教,如果真係派到"正慧"希望會好似你囡囡咁咁快可以適應啦 ! 不過我諗都要等第二輪大抽獎先得,因我得最基本個15分咋 ! Anyway, Thanks for your valuable information !!

麟媽媽

各位，琴日亞仔同學家長打比我，比左個好辦法我叫醒個仔！如果你個係仔仔又係返上午班，請留意：
無線電視早上6:00am播放一套日本片叫咩"星空戰隊"(好似係咁既名啩？！總之係類似Space rangers的)，今朝我開了電視，亞仔聽到D配音即走出廳，成個人醒晒，不知幾合作，好掂！
唔知女仔受唔受呢？

Astrid,
麻煩晒你，please check pm。

carollam310

我都係用呢招 ,我女返下午班但我要佢8:30醒,我就準時開小魔女Doremi VCD,佢即刻仆出黎...