07-08年宏福幼兒園媽咪繼續入o黎傾~(PART III)~歡迎新朋友加入

pcdogxx

Hongmimi,

你咁忙慢慢先啦.. 我朋友都俾左個食譜我, 等我試一試睇下得唔得先...   

又有個人resign呀..  咁會唔會唔請人d野俾晒你做架?   

626mama,
吓.. 你報仇呀.??   一次過出咁多..   哈哈..

係咩? 乜街頭都有一檔架? 我真係唔知添..  下次去睇下先..
你去呢度睇下..   真係可以配搭得好靚架..
http://hk.myblog.yahoo.com/pcdogxx/article?new=1&mid=12

栢麗灣係幾近, 不過佢水裡面d沙好粗..  如果普通係沙到玩就ok既..

咁梗係唔係上塗鴉果一個鐘整得到啦..  果日我朋友4點先到.. 整到七點走囉..   不過果次份量多左d所以整咁耐..  如果你唔怕夜.. 整完一齊食埋飯都得架..   

我教你整 cookies, 你教我摺兔仔啦..   我呢方面比較蠢, 睇極d圖都唔知點摺...

點解你會揀左英文黎睇架..  咁梗係冇咁好睇啦..  廣東話版有感情好多.. 仲好攪笑添呀..  

我都好想可以同你地一齊去祈福玩..  或者等秋天無咁熱去吖..  而家計劃定都差唔多架喇.. 哈哈..

ElainAiolia

天藍,
你公司下個月要搬，唔知會搬去邊區呢 ？

已收到你e-mail ，但我無乜興趣，不過都唔該晒你 。

hongmimi,
你又真係好忙，公司又怕被老細炒，而家又有同事resigned o左要做埋佢果份，唯有辛苦D o羅  。

匡匡居然得到班主任一吻 ，可想而知佢幾咁得老師歡心呢 。

新學校有碟比你o地睇，咁匡匡比心機D煲熟佢，就唔怕到時環境陌生la。

你作病就休息多D ，小心身體呀，個menu o米遲D得閒先揾o羅。

子聰對眼發光都比你留意到 ，真係大鄉里，失禮晒 。

ElainAiolia

626mama,
子聰張畢業相我得閒Scan o左再e-mail比你睇呀。

份禮物小小心意，唔使客氣 。

喂，你同天藍一齊出去花園街度睇D圖案圖形機，比埋電話我 (睇o下時間就唔就到)，因我都想睇同買呀。

馬術期間，我好多時會去沙田區返工，呢個禮拜四至六會係沙田區返工o忝。

張校車form已比o左Miss Wai，佢話已通知o左温叔叔 (我已有佢手電)，要等温叔叔編排好晒D校車車程後，温叔叔會再比電話我o咼，如果你收到電話話我知，等我再追佢，唔使好似填form咁，搞到咁遲o麻，Thx！

功夫熊貓我o地特登揀廣東話，話晒子聰仲細，咁至有親切感 ，但我o地散場時，又聽到好多人講話英文版傳神D。

整cookie o米搞，暫時唔諗住，費事o徙晒D材料 。

食得是福，最緊要軒爸唔介意就得la，但我都要「的」起心肝減肥，我怕聰爸唔要我 ，所以我而家參考緊D代餐，但好似好貴呀 。

一個人帶小朋友去游水真係好多o野攞，我都攞都C o下C o下 。

雖然子聰成日同隻兔仔接吻 ，但都難逃一C (爛o左)。你肯教我摺真係求之不得la 。

ElainAiolia

pcdogxx,
我屋企有scanner，你需要的話攞張畢業相比我，我今個禮拜都係返早，暫時除禮拜五已約o左人食飯外，基本上都會係屋企  ，你OK比電話我再約呀 。

子聰睇戲食o野係因為驚過頭，要食o野分散注意力，所以不停塞o野入口食 。

係呀，個姑娘都講個course會盡量將相同level o既小朋友編埋一班，都OK o咼。

祈福同馬豆糕果度勞煩晒你，Thx！

你o地整cookie睇o下返工果度就唔就到呀，若可以，我都會八卦咁上o黎join你o地。可能好似你話齋，子聰貪D圖案得意先不停咁食，但係佢真係話好好食o咼 。

天藍

hongmimi,

你掛住昊藍, 我都好掛住匡匡~
昊藍下個月26號開學, 26, 27日家長自己帶小朋友返學
返一個半鐘, 到28, 29日開始校車接送返二個鐘, 到9月2日
正式上堂~
匡匡真係好以家就有新學校 隻碟睇, 到時返到學唔怕陌生,
匡匡咁醒目一定好快適應。
匡匡咁得意無話佢學校miss鍚佢一啖, 我同昊藍都想錫匡
匡啦~
匡匡人見人愛車見車載!

ElainAiolai,

真多謝晒你d禮物~
真唔好意思我都無乜比到子聰, 真多謝!
宏福老師同教學上都好好, 行政就係係亂d,
上次開家長會我都有同老師講到, 佢地話都會
跟進到改善, 雖然仔仔唔係到讀我都希望學校會
係行政上有所改善, 越變越好。
校車個到Miss Wai同你跟返應該開學前都會安排
到, 如係你樓下個小巴站上落就fit, 落雨都唔怕~

pcdogxx,

你地成日講美食, 教到我係公司流晒口水, 我以家
減緊肥, c 啦!  睇睇下以家好想食野, 減成個星期
先減到個兩磅, 依然都好肥唔覺有瘦到都唔知係咪屋
企個磅有問題

626mama,

原來你識摺兔仔, 我都想學你幾時教我???
ElainAiolai 都想買圖形機咁不如我地約埋
一齊去買, 大家有傾有講, 買多機部可能分
分鐘有折~
星期日個日係珀麗灣見到你同軒軒真開心,
但我地好遲先去到你地都準備走, 但個日
昊藍都唔係好肯走出去海邊個到玩, 因潮
退d石浮出來好拮腳, 昊藍行到出去拮
腳成日話要走~

all mama,

昨天老闆話30號會正式搬, 所以今個星期同
下個星期會好忙, 有乜事可打電話比我~

原文章由 ElainAiolia 於 08-7-22 22:16 發表
pcdogxx,
我屋企有scanner，你需要的話攞張畢業相比我，我今個禮拜都係返早，暫時除禮拜五已約o左人食飯外，基本上都會係屋企  ，你OK比電話我再約呀 。

子聰睇戲食o野係因為驚過頭，要食o野分散注意力，所 ...

天藍

all mama,

答漏樣問題, 我公司都係搬返同一座Building
係搬落一層~

原文章由 天藍 於 08-7-23 10:49 發表
hongmimi,

你掛住昊藍, 我都好掛住匡匡~
昊藍下個月26號開學, 26, 27日家長自己帶小朋友返學
返一個半鐘, 到28, 29日開始校車接送返二個鐘, 到9月2日
正式上堂~
匡匡真係好以家就有新學校 隻碟睇, 到時返到學唔怕陌 ...

626mama

pcdogxx,

下...鈞渝話比妳知踎係度影畢業相。
哈哈...如果真係都幾攪笑喎。
我昨晚才拎張相同VCD反屋企，本來想等
一陣睇，點知又唔記得左添。

軒軒都係啦，食飯就話眼訓，一食完放
佢落地，不知幾醒神。

我地塗鴉係咪最後一堂8月2日呀，咁不
如我地8月9日整曲奇餅好唔好呀。
妳同朋友整左差唔到三個鐘，明白。
食完午飯一齊整都OK，晚飯我都想回家食，
因為軒軒一個星期回沙田一次，同大家食
飯通常係星期六下午同晚上一齊食飯，
星期日好多時一早見完各自去街，跟住要
等下星期。表姐見我地星期六出去，成日
叫軒軒唔去，留係屋企同佢玩。

妳教我整 cookies, 我教妳摺兔仔啦，
咁我係好低囉。呵呵...我兩款都教妳摺丫。  

我昨天回復都回復左成日，
老細係度貼唔到上黎之嗎。唔係報仇。

唔知點解，個網址去唔到。
http://hk.myblog.yahoo.com/pcdogxx/art
icle?new=1&mid=12

因為英文最快做，我地費事等就睇左英文。
第時有機會都食簡番廣東話。  

祈福等秋去都好，冇咁熱，不過今次要問下軒爸得唔得先，
而家要計劃定...呵呵...咁就拜託妳喇。

626mama

天藍,

咁都好，妳公司個位都叫方便。

原文章由 天藍 於 08-7-23 11:41 AM 發表
all mama,

答漏樣問題, 我公司都係搬返同一座Building
係搬落一層~

626mama

ElainAiolia,

好呀，妳得閒 Scan 左子聰張畢業相e-mail
比你睇丫，我都叫軒爸我我Scan先，跟住
send比妳地睇丫。

馬術期間，妳原來好多時會去沙田區返工，
唔知有冇機見到妳呢。

好丫，我地收有校車消息就上來講，
我都會我係漏左果個呀，大家都知啦，
有時多口問聲好過等學校通知。

軒爸都想我瘦嫁，只不過我有加無減之嗎。
我都想「的」起心肝減肥，以前食過減肥
菜湯，多數都好"寒良"食到頭暈暈，而家都
唔感食喇。妳話D代餐好貴，妳係講食物
定係張單好貴呀。

係呀，一個人帶小朋友去游水真係好多
o野攞，唔至妳我C o下C o下，我都係，
真係好想死。

子聰成日同隻兔仔接吻，接到爛o左，
隻兔仔真辛福。隻兔仔好容易摺嫁炸，
好以我地細個摺個紙波咁，只以改良
小小就係兔仔喇。港鐵果個就複雜d。


ElainAiolai,天藍,

一齊出去花園街度睇D圖案圖形機，
咁我地幾時去睇好，大家平曰放工
有無邊日唔得，我星期一至四才得，
星期五要反青衣湊軒軒唔得，跟住
29號唔得，之後全部都得。

626mama

天藍,

昊藍下個月26號開學，8月唔係反好多人之喎，
即9月正或反學，宏福暫時咩都唔知，舊年都
有張比我地反學適應期點反，今年都冇。
減成個星期減到個兩磅，都算唔錯喎，
妳用咩方法嫁，不如教下我丫，我比人話
我以大肚呀，好滲呀。

妳都想學摺兔仔冇問題，見到面時教妳啦。

星期日妳地入珀麗灣時水已經退，出面真
係好吉腳，我就係確得好吉腳才走反入黎，
入黎才見到妳坐我地後便，早知就約埋一
齊入去玩啦，昊爸咁勁，只用對手可以捉
到條魚入黎。

天藍

626mama,

咁好呀! 下次見面你教我摺兔仔。Thx!!!
昊藍26號開學, 有4日適應期, 但學校都
好個4日學費同校車錢都唔使收, 係免費,
由9月先開始計
可能你地會遲d收到學校電話, 因我記得開
學前都會有班主任打比我地家長。
點減兩磅無o架! 早餐食包餅(梳打餅)or 麥
包一塊, 乜都唔查。 下午食粥or米粉(唔好
咁油), 晚餐只飲湯食, 唔吃飯。平時唔
吃零食同唔飲汽水。但兩磅好似好少, 我
都唔覺自己瘦, 只係個褲頭好似無之前
咁緊咋!
但以家開始好似胃食鬼上身, 又想起想食
零食, 朱古力, 可樂..........., 救命呀! 唔
知我忍唔忍到
珀麗灣個日潮退真係d沙好拮, 我地後尾玩
一陣就走, 個日由於拮腳昊藍唔係玩得咁
happy, 所以都早d走, 昊爸係呀! 佢好鍾意
玩o架! 運動方面佢都識好多, 我反而有d白
痴, 所以昊爸用隻手乜工具都無都捉到魚, 但
我地走時都放生d魚啦!
買圖形機個到要睇下ElainAiolai幾時得閒, 因
馬術開始會好忙, 我平日一至四都應該ok.

原文章由 626mama 於 08-7-23 15:16 發表
天藍,

昊藍下個月26號開學，8月唔係反好多人之喎，
即9月正或反學，宏福暫時咩都唔知，舊年都
有張比我地反學適應期點反，今年都冇。
減成個星期減到個兩磅，都算唔錯喎，
妳用咩方法嫁，不如教下我丫，我比人話
我以大肚呀，好滲呀。 ...

pcdogxx

ElainAiolia,
你果d咩代餐咁貴呀?  唔係康寶萊呀嘛??  
我以前食過, 不過冇食之後好快肥返架..   我同事都係. 所以我唔敢再試..

好呀.. 我得閒拎張野俾你scan吖.. 唔該你先....

我係網到搵到個幾好既馬豆糕食譜..  所以我諗住照住佢黎整...  如果呢幾晚你見唔到我有拎落黎, 者係代表失敗左喇..  哈哈..

天藍,
搬公司好鬼煩..  樓上搬樓下仲煩..   有d野要自己退落去...

你間學校又幾好喎, 有幾日免費試堂日..  真係好.. 希望昊藍會返得好開心啦..  

其實要減肥真係唔止減食.. 運動好緊要架...  反而節食完再食返肥返既機會係200%..  哈哈...  我尋日都拎左我舊時好瘦既相出黎睇..    相差好遠....... 所以尋晚拎左個呼拉圈出黎轉個半個鐘...  我諗我要貼果張相出黎警惕下自己先得....

我又要拎返d aerobic 碟出黎跳下喇..  

見你話減肥.. 都唔好意思post D 曲奇相俾你睇添...   喇.. 我post俾626mama睇, 你唔好偷睇喎..   哈哈..

626mama,
我入到條link喎..  你再試下睇唔睇到..
http://hk.myblog.yahoo.com/pcdogxx/article?mid=47

你入去睇下d cookies, d樣好靚架..  哈..

8月9號呀.. 好呀..  咁早d你整完可以早d返入去食飯..  如果上完塗鴉堂可能晏左d....  


各位,
你地去買機唔好漏左我呀..   雖然我買左.. 但係睇下有冇新款都好呀....    我咩時間都得..  或者大家俾d實際日期選擇下邊日得...

ElainAiolia

Dear all mami,
子聰今晚無端端發燒 (約101度) ，無其他症狀，本來諗住帶佢睇醫生，但又過o左診症時間，唯有比佢食住退燒藥，睇o下聽日情况點先決定，但佢又好精神 ，都唔知乜o野事 。

出花園街買o野果度，我仲未出下星期返工時間，暫時決定下星期，我一知道時間，先上o黎通知再約 ，到時食埋飯，大家有無問題 (除29/7及星期五)？

天藍,
原來你公司係搬落一層，起碼唔使再適應第二區交通o麻。

昊藍間學校真係正，可以免費試堂4日，之後先正式返學，等佢o地可以適應新學校。

我都希望校車可以係我屋企樓下上落，唔使行咁遠o麻 。

你唔係屋企個磅壞，只不過減o左D鬼崇肉o者，2磅好少o者，梗係唔覺la，但有feedback就要繼續努力 ，成功在望。

嘩，原來昊爸係運動王子，仲可以徒手捉魚，咁你o地走前總共捉o左幾多條呀？

ElainAiolia

pcdogxx,
9/8我睇o下返乜先join你o地，你o地cookie之約唔使特登等埋我，因我返工時間好亂 ，未必就到。

D代餐係指D舖頭o既代餐奶昔、餅等，我未去睇幾多錢，只係估好貴o者 。康寶萊我以前都食過，但係都減唔到o既 。

好，等我呢幾晚睇o下邊日有甜品 (馬豆糕) 食先 。子聰睇o左你果D cookie相都話好正 。

買機預埋你都得，但日期未fix到 (因我未知返工時間)，如下星期一、三及四，你有無問題呢？我估626mama及天藍OK卦！唔知叫埋hongmimi出o黎食埋飯當提早一次聚會有無問題呢 ？

626mama,
你千祈唔好見到我，因我好似個乞兒咁，披頭散髮 、又臭又污糟 (因出好多汗同做o野地方好污糟)，我驚你見到我都認唔到 。

校車果度唔該晒你到時通知我 。

D代餐係指D舖頭o既代餐奶昔、餅等，我未知幾多錢，只係估好貴o者 。

宏福有通告比o左我o地 (16/7)，1/9開課，時間同青怡果邊一樣，時間為上午班09:00 – 12:00 (進園時間 08:30)，21/7 – 31/8 為學校暑假，但如有任何查詢於 Mon – Fri ： 09:00 a.m. – 5:00 p.m.，可致電 2432 6628 (校務處)，K1無適應期，K2新生返學日期同我o地一樣，K2舊生及K3會於4/9先返學。

626mama

天藍,

好!一終咁話，下次見面我教妳摺兔仔。
昊藍學校4日適應期學校同車費都不收分文，
又幾好喎。

早餐食包餅(梳打餅)麥包一塊
下午食粥or米粉(唔好咁油)
晚餐只飲湯食, 唔吃飯。

我怕我唔忍得口，我公司週圍都係我的零食，
房又係，睇怕清左佢才去減，都有排清。
昊爸都係運動形。

原文章由 天藍 於 08-7-23 04:23 PM 發表
626mama,

咁好呀! 下次見面你教我摺兔仔。Thx!!!
昊藍26號開學, 有4日適應期, 但學校都
好個4日學費同校車錢都唔使收, 係免費,
由9月先開始計
可能你地會遲d收到學校電話, 因我記得開
學前都會有班主任打比 ...

626mama

pcdogxx,

呵呵...我都拎張瘦相出來比自己睇下先。
提醒自已要減肥，唔好食零食喇。
我以前都會係廳做運動，而家唔方便
係廳做，都冇做動運。
唉...軒爸睇到實大把野講啦。

http://hk.myblog.yahoo.com/pcdogxx/article?mid=47
我睇到喇，嘩......d cookies 好靚呀。
街買都冇咁靚。

咁8月9號我地整靚靚 cookies，整到回家比
軒爸睇下，識下叻先。呵呵...我要買d咩準
備整，係咪普通超市可以買到嫁喇。

原文章由 pcdogxx 於 08-7-23 05:33 PM 發表
ElainAiolia,
你果d咩代餐咁貴呀?  唔係康寶萊呀嘛??  
我以前食過, 不過冇食之後好快肥返架..   我同事都係. 所以我唔敢再試..

好呀.. 我得閒拎張野俾你scan吖.. 唔該你先....

我係網到搵到個幾好既馬豆糕食譜..  ...

626mama

EalinAiolia,

子聰無端端發燒 (約101度)，子聰係好
精神走來走去應該都唔洗好驚。今朝洗
有冇睇醫生呀。

希望 9/8 整 cookie 見到妳啦。

原來係舖頭代餐，E D 都幾好，唔洗自已整，
買到就可以食，不過真係會貴D。  

唔怕啦，係沙田相見我認唔到妳係因為
我望地下行，迎面行過來我都認唔到，
我有百幾度近視，成日睇野

校車果度唔該晒你到時通知我 。
D代餐係指D舖頭o既代餐奶昔、餅等
，我未知幾多錢，只係估好貴o者 。

宏福有通告比o左我o地 (16/7)，
婆婆唔記得講比我知，等我問下佢
先，唔該。


各位,

EalinAiolia我地等妳返工時間表出左先約啦，
妳得就上黎講比我地知幾多號LU喎，hongmimi
妳有無興趣一齊出來睇完食飯呀?

原文章由 ElainAiolia 於 08-7-23 10:07 PM 發表
Dear all mami,
子聰今晚無端端發燒 (約101度) ，無其他症狀，本來諗住帶佢睇醫生，但又過o左診症時間，唯有比佢食住退燒藥，睇o下聽日情况點先決定，但佢又好精神 ，都唔知乜o野事 。

出花園街買o野 ...

天藍

ElainAiolai / all,

因我公司下星期三(30/7)搬, 所以最好唔好約下
星期三出去買圖形機, 我怕個日會好忙, 可能會遲
收工, 如下星期一同五應該都ok, 唔知你地又點呢???

原文章由 626mama 於 08-7-24 13:59 發表
EalinAiolia,

子聰無端端發燒 (約101度)，子聰係好
精神走來走去應該都唔洗好驚。今朝洗
有冇睇醫生呀。

希望 9/8 整 cookie 見到妳啦。

原來係舖頭代餐，E D 都幾好，唔洗自已整，
買到就可以食，不過真係會貴D。  

唔怕 ...

pcdogxx

各位,
天藍星期一, 五, ElainAiolia 一三四, 咁好似星期一比較好喎...

哈哈.. 又打鐵襯熱...  就7月28日星期一啦.. 有冇人有異議???
1. pcdogxx  "OK"
2. ElainAiolia
3. 天藍
4. 626mama
5. Hongmimi

[ 本文章最後由 pcdogxx 於 08-7-24 16:13 編輯 ]

626mama

各位,
天藍星期一, 五, ElainAiolia 一三四, 咁好似星期一比較好喎...

哈哈.. 又打鐵襯熱...  就7月28日星期一啦.. 有冇人有異議???
1. pcdogxx  "OK"
2. ElainAiolia
3. 天藍
4. 626mama "OK"
5. Hongmimi

ElainAiolia要出左時間表先知得唔得喎。
我地暫時定28號