2007年8月開學宏福幻兒園既媽咪一齊入來傾下

ElainAiolia

天藍,
我個醫生唔係兒科醫生，因為子聰細個o既時候睇過好多兒科都睇唔好，我o米帶佢睇我平時睇開o既醫生，佢又夾到，於是o米睇到而家，個醫生(張國光)o係耳鼻喉科，每次都要成$400-HK，我都覺得貴o架(不過我都睇o左十幾年)，但睇得好我就算喇。所以每次子聰睇醫生，我會叫醫生比定o的退燒藥、收鼻水藥、止咳藥、眼藥水及消炎藥膏等，還掂一樣咁多錢，比定看門口都好，而且o的眼藥水及消炎藥膏好鬼好用，我有唔妥都用佢，可以省o的錢。

另外，子聰早排唔舒服(我個醫生放o左假)，都去過青衣偉景花園(我娘家)樓下個兒科睇醫生(莫國榮)，都幾好而且$200-HK左右，流鼻水、咳只係睇o左一次，未食晒藥已好番啦。

626mama,
我個醫生只係打電話告知要打水痘針，佢先會攞貨番o黎，所以要打針都需要時間。另外，我覺得你幫軒軒打肺炎針都係想買個安心o者，你都係為佢好，我支持你o架，母愛好為大呀！

candyhui77,
你放心喇，翔仔明天interview一定得o既。 可能佢仲細，所以番pg先至會喊，子聰起初返pg時，唔比家長陪都喊o左幾堂 ，後來先無喊，而家仲成日話要返學o忝。最緊要你走時一定要同佢講聲同埋話佢知一陣間會返o黎接佢，同佢講完byebye後 ，就走唔好寧轉頭好唔捨得咁，如果唔係就會喊c佢。起初我接子聰放pg時，會帶定o的維他命丸當獎佢(還掂佢都要食)，佢雖然喊，但我都讚佢o力仔、攬o下佢，話佢知小朋友大個就要返學，可能就係咁，佢好快就無喊。翔仔一定好快得，我o地會支持佢o架。

天藍

ElainAiolia,

唔該晒你, 你比既資料好詳盡!!!
其實係唔係兒科醫生都無乜所謂,
最緊要係好醫生同夾到你個仔!!!
我仔本來諗住上星期打水痘針,
但仔仔病左, 以家先剛好番, 所
以下星期先帶仔仔去打, 希望仔
仔唔好又病, 好得意我仔每次我
想帶佢去打針佢就病都唔知點
解??? 所以我下次帶佢打針要
不動聲色, 到個日先講就無事,
奇怪~~奇怪~~

626mama

ElainAiolia,
子聰個醫生(張國光)o係耳鼻喉科!!!
每次都要成$400-HK，真係貴呀，
不過找到夾的醫生都好，真係d醫生唔夾，
睇幾次都冇用，仲浪費時間，計落都直得。
妳個醫生都幾好，可以比定o的藥睇門口。
青衣偉景花園樓下個兒科睇醫生(莫國榮)好呀。
等我記住先，因為軒軒係青衣睇了好多個
醫生都唔係好得。反沙田又係睇來睇去都唔得。
佢一病就好煩。

ElainAiolia,天藍,
軒軒應該會係7月尾打水痘針，因為剛剛打完
肺炎針，唔想太怏再打住，總知開學前打埋佢。
係LU，妳下次想打唔口講出來，秘密行動。

candyhui77,
翔仔星期六interview情況點樣呀。

626mama

各位,

我見天藍訂左印麥，都加把勁，星期五拿拿聲訂。
我訂了印麥同防水貼紙，兩樣野，本來想訂埋鞋低貼，
不過這間冇得訂，印麥同防水貼紙睇下
邊款可以整係鞋仔度先。防水貼紙真係好防水喎。
另外我都想贊下佢，我星期五SEND個ORDER FROM比佢，
未過數，星期六上午過數比佢，打算星期一反工
先SEND張入數紙比佢，點知都未SEND張入數紙比佢，
星期日上午個信箱已經收到。(星期日唔派信)
即係佢查到過了數，自已即日做好寄埋比我。
而且佢D公仔有註冊，係正版公仔來的。
值得推介

天藍

626mama,

係呀個間公司效率真係好快,
D公仔又靚~~
我都想知邊到有鞋底貼訂???
因我都未訂鞋底貼~~

candyhui77,

你星期六In成點, 係咪成功左呢???

hongmimi

原文章由 626mama 於 07-7-16 10:08 發表
各位,

我見天藍訂左印麥，都加把勁，星期五拿拿聲訂。
我訂了印麥同防水貼紙，兩樣野，本來想訂埋鞋低貼，
不過這間冇得訂，印麥同防水貼紙睇下
邊款可以整係鞋仔度先。防水貼紙真係好防水喎。
另外我都 ...

626mama,
我想問印麥同防水貼紙分別可用於邊到? 係咪印麥可聯係衫、外套，防水貼紙就貼物件如袋、杯之類。妳同天藍訂邊間架? 聽落好好wow，貴唔貴架? 介紹我得唔得?

hongmimi

我都想知candyhui77星期六in成點，應該都知result，快d上黎報喜啦!

hongmimi

各位，
有關買鞋，我姑奶同我講係宏福幼兒園樓下有間買童裝d白鞋都唔錯，雖然唔係名牌子，但小朋友著落好舒服，表姐仔(姑奶個女)都係呢到買，價錢around $99一對，聽講如果話係宏福讀既仲有九折。我未去睇呀! 因為匡匡仲有4個月先返學，都唔知對腳會大幾多，遲d先買穩陣d。

天藍

hongmimi,

織麥個到我比個網址你, 我都係上網訂,
係銀行入數, 資料如下:
http://www.hkiou.com/index-2.html
織麥係訂係衫褲到, 防水貼就可貼係餐具
等等.....
等我尼幾日有時間去你講個度睇下仔仔
返學鞋先, 因8月13日都開學, 下個月
頭都要買啦!!! Thx~~

hongmimi

天藍，
唔該晒!

pcdogxx

Hongmimi,
哈哈.. 我岩岩都想問係邊度做嘜, 俾你搶先問左..   
我諗我地都要做定先啦..  

而家d小朋友模仿力勁到不得了..   我朋友個仔, 佢睇親殘酷一叮都要玩疊羅漢, 係咁擒上阿媽個膊頭到, 睇見佢就陰公咯  

我到諗住十月中先幫佢買鞋喇..  唉..  $99對..買三對都成三舊水..   肉赤..   哈哈..

ElainAiolia,
其實之前鈞渝都係好驚水架..  一落泳池就好似樹熊咁夾到實一實..  用花灑又鬼殺咁嘈..   真係要用d時間俾佢練習下就得架喇..
而家佢鍾意到屎..   成日一見到個水泡就鬼殺咁嘈..

candyhui77
我地個個都等梗你in成點呀.. 好緊張.. 多個同學仔就好喇..

626mama, 天藍
其實果陣我都係諗如果一返學就好易病架喇.. 所以都俾佢打晒d預防針先..   我朋友個仔, 由好細個就返學, 成日見親佢都係病病病.. 睇見就陰公..  我地都要有定心理準備先得喇..  而家盡量幫佢增強下d抵抗力先得...

626mama

hongmimi,

印麥係可聯係衫、外套
防水貼紙就貼物件如袋、杯之類。
全對。

印麥同防水貼紙
www.hkiou.com


天藍,

鞋低貼
http://www.joinlabel.com/1018/mainpage.asp

[ 本文章最後由 626mama 於 07-7-16 11:20 編輯 ]

pcdogxx

我睇十月媽咪果到介紹呢間喎..  $20有40個. 唔知quality好唔好架呢..  我都未詳細睇..
http://www.jwlabel.com/silklabel.htm

hongmimi

626mama，
係wow，差d唔記得鞋都要貼添，唔該晒!!

嘻! 我有同事將個仔張學生相彩色影印用大張透明膠紙貼晒所有物品，等個仔自己認自己個樣，都o岩! 不過，唔知鞋底有無貼，如果有，咪一返學就踏住自己.........

天藍

626mama,

Thx~~
唔知會唔會好似個間效率咁快!!!
等我得閒問下先~~

hongmimi,

你真係搞笑, 如果你朋友整張相落去
真係日日踩住自己返學

pcdogxx,

Thx~~
你比既資料!!!

原文章由 626mama 於 07-7-16 11:13 發表
hongmimi,

印麥係可聯係衫、外套
防水貼紙就貼物件如袋、杯之類。
全對。

印麥同防水貼紙
www.hkiou.com


天藍,

鞋低貼
http://www.joinlabel.com/1018/mainpage.asp

hongmimi

應承左匡匡禮拜帶佢去游水，見擒日天氣好去左青衣泳池玩，佢不斷係滑梯到sir完又爬過，連環數十次，扶佢扶到斷氣……

個嬉水池的確唔錯，原來入場費大人$20小童$9，匡匡就唔洗俾錢住，好抵。游完我問佢好唔好玩，下次再帶佢去好唔好，佢答我：「禮拜…禮拜….」。原來佢話下個禮拜再去，又應承左佢，又再斷氣。:tongue:

天藍

Dear all

頭先有BK既媽咪同我講, 叫我唔使訂鞋貼,
話到時老師會用油性箱頭筆係鞋邊寫名, 大
大隻字, 好過鞋底貼.

天藍

Dear all,

昨天我們一家人下午4點左右入左珀麗灣玩,
個沙灘唔係太大, 但令人好舒服, 同個個
時間太陽唔係晒正沙灘, 加上有少少風都
唔係太熱, 不過, 我仔仔今次係第二次去沙
灘佢都係好驚沙地, 係沙灘唔肯落地, 一定
要係沙灘蓆上企, 真係激C人....
我終於知我仔個弱點就係怕沙, 不過, 我家
人話唔好勉強仔仔係沙地行, 驚嚇親佢, 話
大大下就唔怕, 下年再大D先再帶佢去沙灘
玩~~
如果假期有時間入去行下真係幾好, 個到
空氣同環境一流, 我第一次入已經好鍾意
個到~~

hongmimi

天藍，
我地第一次去珀麗灣係今年5月，一心去玩下沙。個到真係好正，我都好鍾意，有d退休feel。妳搭車定坐船? 我地由荃灣西鐵站個碼頭搭船入去，好方便。匡匡仲學左「船」、「boat」、「海」，真係好過睇書紙上談兵。其實呢隻大膽鬼第一次踏上沙灘都好怕，係咁「驚、驚」。後來去多幾次習慣成自然，而家鬼咁鍾意，成日係屋企拿住個剷扮剷沙，妳帶囝囝去多幾次一定會唔驚。

呢張係匡匡個次影既相，睇下佢玩到癲晒個樣!

hongmimi

張相睇唔到添! 陣間再post過。