番禺會所華仁小學

chelsea

I remember have read your school picnic this year will be in Macau this July for 3 days 2 nights, is that for the whole school activity?

Very much looking forward my son will enter the school soon, then I can become part of your big family here :)

Chelsea

麟媽媽

唉….      
我亞仔又整親腳喇！
早兩日右腳，今日又到左腳！
頭先班主任打比我囉。
佢好似唔知石屎地同人造草係有別咁架！！
成日當石屎地係人造草咁踢！
一定要好好教訓佢！我決定唔比佢踢，
兩星期喇！唔比佢帶波返學！
佢真係要好好諗吓，佢一D都唔就住既，
褲穿左幾條至多買過，手腳斷唔係講笑架嘛！
好勞氣！聽日都唔知行唔行到，一陣仲要睇跌打。

麟媽媽

呢個活動係暑假舉行架！
唔知有無人數限制呢？可能要抽籤架，
我地一家唔去囉，因為我地出門吖。
我諗都幾好玩的，可惜我地一早出左機票喇，
無法喇，貪個Early bird offer 平D嘛。

其實我12號上機架，嗰日派成績表，
咁我唯有早上去攞無得見班主任囉。
而下晝要註冊，諗住叫個家長幫我咋，
我問過人話得喎，有機會問吓老師先。

chelsea 寫道:
I remember have read your school picnic this year will be in Macau this July for 3 days 2 nights, is that for the whole school activity?

Chelsea

ms99

麟媽媽：

亞仔睇咗跌打未??
撞瘀吓咋，唔係好傷嘛? 希望佢快啲冇事兼趁機休息吓啦。
唔好勞氣啦，等爸爸同佢傾吓啦。

麟媽媽

ms99,

有心喇，睇左跌打喇！
我地泊得唔近跌打度，
我老公抱我仔上氣唔接下氣呀！
而家佢隻腳包住左藥囉，
我聽日叫佢唔好返學囉，
費事佢上上落落D樓梯，
仲有坐校車仲要行斜路tim。
我好嚴厲同亞仔講左，
佢太唔愛惜自己個身體了，
咁樣好令父母擔心的，佢又好似明咁樣囉！
跟手我話Sat 唔可以打柔道，
佢咪呱呱嘈，之後比佢老爹「炳」囉！
我老公話仲唔坐定定休息，
連星期日都無得踢波！
不過我諗呢個禮拜都唔比佢踢住喇。

ms99

實情細佬點知自己有幾傷呢，你罰佢都啱，等佢冷靜吓落嚟。兩日都冇活動?? 嘩! 你都罰埋自己冇街去? 陰公囉。
麟仔今日乖啲休息吓，好快亞媽下咗談氣又可以去玩啦。

麟媽媽

ms99,

你估今堂多唔多用隻腳呢？
我仔話佢只用手唔用腳喎！
佢實在好鬼鐘意同你仔地玩喇！
加上仲可以去食「海南雞飯」！
柴哇哇個個細路兩碗飯唔係講笑！
但我老公話唔好去住，
琴日個醫師話佢傷左韌帶，
但不太嚴重，但千萬係呢段時間，
唔好比隻腳踝向側再「摟」到，唔係手尾長。
睇怕主日學可以見到你既，
但Judo 等多個星期好D，
仲有係咪聽日派埋件袍呢？我未比錢架。

jackjackma

麟媽媽:睇到麟仔受傷自己都心傷.希望快啲好返.
又想起我個大少一年班9月中已經同人玩,比人用飛腳踼爆膝蓋的軟骨,睇足7日跌打,要工人日日同佢返學攞書包,小息又要跟住佢.好彩好快好番,直到4年班之後就好好多,未試受傷.
講開跌打,有無人有好介紹? 亞仔以前睇開灣仔洛克道梁仲偉,好似執咗.問定大家以妨萬一.

麟媽媽

jackjackma,

我同亞仔睇灣仔張煒生醫師，
係洛克道近鵝頸橋，
「大中華麻雀館」樓上。
佢幾好架，仲有針灸做既，
以前我抱亞仔無情力，
摟左條尾龍骨唔郁得，
都搵佢針灸好番架。

chelsea

麟媽媽,

It's sad to hear 麟仔 gets hurts, lesson learned for him, if hurt no activities.  Stay home and speedy recovery :)

Chelsea

ms99

麟媽媽：

其實初學幾堂同第一堂大同小異，我覺得教練第一堂教得太快，因為學拍蓆都起碼可以拍足五堂，要個個都拍得有聲有色先可以再上，事關最基本就係最保護自己。以我微建麟仔可以去上堂的，因為繼續打筋斗同學禮儀。你上堂我咪同教練單聲招呼

ms99

jackjackma：

係咪個個一年班都咁狼架?? 所以老師們對一年班特別嚴,務求早日收服佢地??!!

麟媽媽

ms99,

今日唔返學囉，
我見佢左腳側邊舊骨比右腳凸左D，
有D腫腫地咁囉。
我諗都可以叫佢去柔道班既，
人地郁得勁時佢咪坐低，
睇吓得個知字都好吖呵？！

jackjackma

ms99
我諗佢地唔係狼,係唔識死.整到亞仔個同學都好斯文.佢係獨仔,好小有人同佢玩,所以唔識點到即止.要攞吓經驗先知.老師們對一年班特別嚴係好,好過成日出事.
麟媽媽又有好介紹            

ms99

麟媽媽：

今云要認真睇你點惡仔

ms99

jackjackma；

完全認同。   
咁辛苦哂各位老師了。   

麟媽媽

ms99,

弊喇！聽日無人帶仔去柔道班喎！
我指意老公同佢去，點知佢要開會！
個賓姐又唔多掂，一定叫唔住我個仔囉。
我唔知，聽日5點約左個中醫師喎….
我呢排唔多掂，有日咪心口唔多順咁，
隻手又有D麻痺，我要去調理吓嘛。
上次我好驚呀！以為自己會中風呀！
但可能係嗰日飲得太多coffee....
做過Medical check 應該無咩事(西醫講咋)，
但都係睇吓中醫可能好D。

ms99

麟媽媽 ：

要唔要幫忙???
我可以由主日學一條龍服務帶麟仔去上堂，
食個下午茶都得，
然後仲可以安排晚餐再送番屋企。
去到上堂有教練，有N位熱心家長，
你放心冇?!   

misskho

麟媽媽

請問你亞仔係唔係去St. Margaret's Church上主日學呀?

睡公主

麟媽媽，

冇上嚟幾日都唔知原來麟仔受咗傷，
現在佢好啲未呀？
我相信你一定好心痛，
上次我阿仔整親個頭流血，
我都唔知點算好，
但又要扮鎮定，
不過你真係要俾佢知，
受傷唔止佢一個人痛，
做呀媽的比佢更痛。

你放心啦！
如有需要，
明天我們可代照顧麟仔的，
請隨時 call 我。