將軍澳天主教聖安德肋幼稚園

KCMAMA

wing530

唔該哂 我已經叫老公跟下架車睇下點

hinhinmom

冇錯，俾d信心喇，係一間公司太耐樣樣事情都清楚哂，去左新環境，定要d時間習慣下，你千期唔好打定輸數，否則你就會冇哂信心及動力，慢慢就會習慣，況且你講果d都係小問題啫，每間公司都有唔同既文化，唔好將佢地比較先，我覺得起碼做番一個月，再睇睇點先可作實 你話係唔係

努力呀     

wing530

>KCMAMA
卓卓真係搭黃色果架保姆車呀?   都好, 叫你老公跟下佢, 如果睇到佢再衝紅燈, 仲可即時鬧佢麻~     

>hinhinmom
今日點呀? 會唔會好d呀?     

kcma都講得o岩呀, 間間公司d文化都唔同, 制度又唔好, 好難同一而論架, 我每3年就會轉公司一次, 咁多年黎, 我都習慣左每間公司嘅制度, 你而家只係.....時間嘅問題姐~    

你新老細咁好, 唔理你上網, 又比你放no pay leave, 值得為佢留低架~   

hinhinmom

all,
多謝晒你地支持我呀!!!    今日返工心情好dd啦, 你地講我o岩, 我o係之前間公司做得太耐勒...
仲有, 我睇返張尾糧cheque, 個變態老闆原來張我月薪除31日, 平時佢計no pay leave, 係用月薪x12月再除365日, 正一衰人黎架!!! 到今日仲未有ref letter比我!!! 擺明玩野!     
我老公話宜家呢份工又舒服d, 又高薪d, 值得留低wor.

你地講o個架黃色校巴真係有無搞錯?? kcma, 你有無佢車牌? 係o米學校介紹架? 如果係, 同學校講下好wor, 佢再唔改善就等學校唔好再介紹呢架校車比人! :evil:

KCMAMA

all

我有車牌但唔知係米佢呢 !! 架保母車返學同放學唔同車，等我老公跟下先，如果係我實唔放過佢   

hinhinmom

你個變態老闆，好小氣做老闆做到咁點做大事呀  :tongue: 一d 氣量都冇
你封 ref letter 佢會唔會寫得好差架

hinhinmom

kcma,
佢寫ref letter, 係好似寫"証明書"o甘o乍, 因為我同事走佢都係o甘寫, 佢宜家擺明玩野!!
佢梗係做唔到大事啦, 佢都無大事做!
頭先我先同我個律師同事msn, 話呢個變態老闆好唔得, 係乜都唔得!

wing530

>hinhinmom
好d喇, 咁咪好囉!       你舊老細又幾絕喎, 計得咁盡嘅~      唔做會計師"side"哂啦~     

你果去reference letter, 都唔好期望d咩喇, 只係一封"証明書"黎, 佢都衰啦, 做左8年都咁對人架~   

>kcmama
你敢唔敢轉工呀? 會唔會比hinhinmom嚇親呀?       你係呢間公司係咪又係做左好耐架?     

KCMAMA

wing530

我係呢間公司之前做左六年跟住走左三年，再返去做左四年，有時都好悶做到冇哂引，做做下都做左咁耐，好恐怖   
敢唔敢轉工呀? 敢 但行頭好窄，95%係男人，女人好少公司會請，所以我都幾難轉工，要等時機或有熟人介紹咁囉   
做熟左知公司d 衰野就下忍下囉，又冇話好急要轉工，有時自己皮四臭，老闆有時都忍緊我 :evil: 但有工適合的話一定會試

wing530

>KCMAMA

嘩~ 你係你間公司都做左好耐喎!       應該好有歸屬感至係喎~          

呢排好清閒, 佢地又無功課做, 你會安排d咩比卓卓呀?

>hinhinmom
聽日happy bee最後一日, 要整d食物返去比佢地喎, hinhin選擇帶咩返去食呀? anson選擇左腸仔, 都好, 簡單d, 我先識整咋!       

KCMAMA

wing530

歸屬感小小啦...唔係好多，因公司冇咩制度但又扮有，好煩 要講就要講好耐，第日見面再八俾你知。

卓卓日日都有d英文要寫下，同習作要做下咁，都冇咩特別安排架 日日係屋企砌 lego 囉    

hinhinmom

all,
個變態老闆仲未比ref letter我, 我搵日放工上去搵佢!!!
講真呀, 真係有o羊case都唔好比佢做, 真係逢打必輸呀!!! 明明我地act for 原告, 倒返轉比人告返轉頭, 仲要輸埋costs!!!
呢個變態老闆雖然年資高, 但自己客又無, 又趕晒大老闆refer o既客走, d律師都話佢唔掂, 真係睇佢唔順眼!!!                 

wing530,
你就好啦, 我要整三文治... :tongue:

kcma,
你都想轉工o羊? 宜家市好, 諗得過wor. 有無諗過轉行呀? 其實我都諗過轉行, 但係自己又唔識第2樣...

KCMAMA

hinhinmom

你個變態老闆真係衰到冇人有   

我想轉工，但唔會轉行喇，咁多年經驗哂左好可惜，而且我又唔識其他野，咁大年記重新再離過 唔好喇 我肯都冇人請啦   

wing530

>KCMAMA
卓卓砌下 lego都好啦, anson而家做左電視精呀!        不過, 我都有比d練習佢做下, 而家佢...懶過鬼呀~   

我都係咁話呀, 呢個年齡先黎轉行的話, 咪攪喇, 而家做得耐, 講句說話都可以大聲d啦~  

>hinhinmom
整三文治...難你唔到啦!    

頭先湊佢返happy bee, 我覺得今日好似特別熱鬧, 又開心咁喎, 個個都拎住大大盒食物, 好開心呀, 我整左"老水"腸仔, 加一盒朱古力呀~   

今日收到通告, 畢業禮表演果d小朋友要彩排呀, 有幾日要留係學校lunch, 放3:00pm呀, 我又好free喇, 唔洗整lunch比anson食, 我又可以去下街呀~       

hinhinmom

all,
頭先去左放糖水食, 宜家食緊walnuts糊加湯圓, 順便補下個腦呀~   

呢兩日返工, 開始多野做左, 好在我個似陳方安生o既老闆體諒我, d同事又好好~

wing530,
你整"老水"腸仔?? 你整架?? 真係你整??      

anson要留校lunch你就可以去shopping? 平時佢放學帶埋佢都一樣可以shopping 架?

KCMAMA

hinhinmom

咁米好囉    咁快習慣    你老闆個樣咁特別呀   

如果我帶埋卓卓去 shopping ，根本上只可以望兩眼，佢就會煩住哂不停問走得未 但去睇玩具就可以睇好耐好耐

wing530

卓卓都有睇電視架，佢成日睇 now 果個整車節目，我媽媽投訴攪到佢冇電視睇 所以我要卓卓自已整個時間表....
唔可以成日掛住睇電視   

All

我交左份禮物同作文啦......你地進度點呀

hinhinmom

kcma,
其實今個禮拜都開始習慣新公司lu~ 今日會計部同每個同事講, 話今個月要遲一日先出糧, 我有d驚o甘問佢地, 係唔係成日都係o甘架? 點知會計話唔係, 係因為今個月加人工, 老闆又遲比個amount佢, 所以要遲一日先出糧~

就係呢一點就已經勝過之前o個間, 宜家老闆唔怕同d同事講, 生意好, 加人工, 又要請多個receptionist 幫輕d!  

嘩, 你使唔使o甘快手呀??!!       你唔知我每次都係臨到deadline前2個星期先有靈感開工o既o羊?!     

now 度, 你可以block左佢架, 整到佢要set password先睇得, 我宜家d disney channel, i-cable兒童台, 都set 晒password! 要o甘對付佢地先得架!  

KCMAMA

hinhinmom

公司生意好會自動加人工及請多個人，你老闆真係識做對員工又好    好人老闆都唔會架   

我整果d手作仔，好快攪掂啫    你唔同麻，大製作係要d時間喇    我份禮物係卓卓諗到要點整，我負責做之麻   

睇電視果度，卓卓有個時間表，所以我冇整 password 架，我成日諗佢要自動自覺，我只要講佢就要跟住做，而家有d 咩要做，我只會同佢講，唔會同媽咪講，我要訓練佢要有擔帶    好似佢咳咁，我唔會就佢，我會係佢面前飲凍野，佢而家唔會問我攞黎飲架

SiuBay

各位媽o米,

我都想比女女08年入讀e間幼稚園呀, 佢係我暫時見過甘多間幼稚園最靓最新既一間黎架...但我住寶林個邊, 學校沒有校巴, 只有保母車...甘保母車是要家長們自己安排的, 甘我要點做呀....車費大概係幾多....有人可解答我嗎...謝

KCMAMA

Siubay

保母車由學校介紹，我住尚德車費 HKD300.00  

wing530

>hinhinmom
我今日唔同往日喇, 我而家識整番2度散手架喇!      腸仔呢d....簡直係easy job啦~          再遲d呀, 我仲勁呀!     

帶埋anson行街, 佢好鬼煩架, 行一陣又話倦, 去反斗城就唔會喇!    

跳舞果度, hinhin同anson原來唔同組呀, anson係b組, hinhin係c組喎, c組要拎"啦啦球"架!     佢地今日開始彩排喇! d舞姿有d改左呀, 睇anson跳都幾得意喎!  

>kcmama
唔係化, 你已交左作品, 洗唔洗咁快呀!       我都仲未唸到做乜呀!       我都係小製作, 不過, 都無你咁快手, 你直頭好似"王晶"d戲咁, 好快就可以上畫咁呀~      

聽anson講, 卓卓今日要幫手彩排跳舞喎, 因為有個同學仔去左旅行, 所以, 要卓卓"頂"住喎~   
   

wing530

>ALL

你地easter會去邊呀? 我join左4月7日(sat, 3:00pm)去大白灣沙灘(愉景灣), 搵500個小朋友係沙灘掘金egg大賽, 會有1萬隻蛋收埋左, 叫佢地搵返出黎, 我見幾得意, 咪參加左囉, $20呀~

你地有無興趣呀, 係今期"新假期"介紹架, 係自由報料都有講~