將軍澳天主教聖安德肋幼稚園

barryalice

Hi all,

我終於出山喇~~
因為朗朗由7-13號係第二段考試, 之前又放左十日新年假期攪到放完假後要日日同佢溫習番之前所教既書&預備oral(包括中、英、普通話), 真係發覺連白頭髮都多左    , 到佢考完我個人就好似俾人按摩完鬆"曬"o禁, 成身都好倦無力咁,變到好懶唔想郁      , 不過我都有留意你o地post o架   

wing530,

你點呀~~習慣左做full time mami未呀 仲有好番未?
幾時約出o黎食早餐先    之前你問要落幾多瑞士汁既分量先夠上色, 其實我就無定o架, 只不過通常我會蓋過"曬"所有雞翼就算,煮刑o禁上o下就開蓋望o下上唔上到d色, 唔夠咪再落多少少lor.

kcmama & hinhinmom,

上年朗朗佢o地都有出去聯校聚餐(東涌富豪酒店食自助午餐), 不過就無家長份~~而且仲要俾$o架,      

KCMAMA

barryalice,

去食自助午餐家長冇份   我以為可以一齊去 tim 諗住又可以同其他媽咪傾下講下.........冇得去

barryalice

KCMAMA,

我o個年得十個k3學生都無得去, 你o地今年成40幾 人如果有得去個場面應該會混亂左d, 而且仲有其他天主教既幼稚園k3學生一齊,還要玩集體遊戲, 我諗都真係未必有得去

wing530

>KCMAMA
我都好保護條頸喇, 今日20幾度, 我都仲著緊樽領衫架, 見人地已著"短就衫"tim喇~    我遲d都唔知自己會唔會好似sammi咁, 30幾度都要帶"頸巾"呀!     

你問左老師彩排係星期五既六時半呀, 我都唸緊唔知我老公請唔請到假tim, 而家6:30pm就o岩哂佢喇~  

其實, 我都問過anson, 做乜唔選唱歌, 但係佢又話鐘意跳舞喎!    另外, 卓卓咁大隻都係得52磅咩, 唔似喎! 我仲以為卓卓會重過anson架!

親子比賽果度, 我都係選擇做"禮物"呀, 我覺得3個黎講, 呢個算係最容易d囉!     但係就未唸到做乜囉~   

check腳果度, 要打電話book架, 唔可以就咁去, 你可以選擇自己o岩嘅時間囉, 夜d都得架! 如果你有需要, 就pm我啦~   

>hinhinmom
勁喎, 參加2項tim呀!     我原本都想架, 不過, 呢排自己病到7彩, 無心機整咁多野呀!  

你而家....係咪笑我跳超人舞呀?手震震, 腳又震呀! 下!!!!     你知唔知其實都幾難架, 好多舞步架! 又要走位, 仲要同你嘅左右兩邊嘅小朋友都要合拍, 跳一陣就成頭大汗喇!  :tongue:  :tongue: 唔信問下barryalice啦~   

>barryalice
我都想call你架, 不過, 做左咁耐c9就病左咁耐喇, 真係一條辛苦命黎架~      

我都唔知自己習慣未, 只可以話ok囉! :-| 好似仲辛苦過返工呀!       不過, 係煮野方面, 開始好d, 我今日仲買左"周中師傅"出嘅食譜, 我唸遲d.....都應該可以"入得廚房, 出得廳堂"掛~          

係喎, 我都記得你講過有buffet食喎, 原來無家長份架, 不過咁又係呀, 如果有埋家長, 我唸真係要好大地方, 同埋幾大陣仗呀!        

KCMAMA

wing530

卓卓 e排重左d啦，之前得 50 咋
似sammi咁, 30幾度都帶"頸巾" 型呀   

你真係辛苦命，唔返工就病都而家，陰公    點做闊太呢 ，行下街街嘆下茶咁   

barryalice

wing530 & KCMAMA,

嘩 我家朗朗只得44磅咋(差一個月才六歲半)    

KCMAMA

barryalice

我諗卓卓同爸爸一樣，骨骼較粗加上高大，所以好似有dd肉咁囉 : 不過卓卓都唔食野仲非常偏食，可能吸收掛..... !!!

朗朗係米唔係好吸收呀 還是食好少野

wing530

>kcmama
如果要我30幾度都帶"頸巾", 我寧願唔出街喇~   不過, 我做左c9之後, 都無試過行街街喇, 行親都係惠康, jusco買"食送"咋!        今日見精神好d, 講野都可以夠氣d, 我地3條友終於出街食下dinner喇, 我都驚悶親佢2仔爺呀!   

係呀, 頭先ms.pang call我, 佢話搵我做一個訪問呀, 係一間出版社搵學校做, 咁學校想搵家長幫手做一個訪問, 講下對學校嘅觀感等等囉, 咁 ms.pang就話, 校長第1個就唸起我喎, 我真係"受寵若驚"呀!       

不過, 我已婉拒左喇, 一來我又唔係好識講野, 二來我唔係好講到太耐說話, 因為我成日咳, 加上唔係好夠氣, 講得一句就接唔到第2句, 咁就唔好啦, 費事"出醜"啦~      

>barryalice
睇朗朗又唔似得44磅喎, 因為佢夠高麻, 不過, 小朋友唔好介意輕重, 最梗要健康麻! 以前anson都好瘦, 好瘦架, 係超細碼黎, 我果時都估唔到而家嘅anson會咁好肉啦, 所以, 要睇長遠d呀, 我自己都係啦, 我12歲時, 都係得60幾磅咋, 邊估到而家....會咁啦~      

KCMAMA

wing530

你點解唔接受訪問喎 我覺得你可以升任呀 連校長都覺得你係首選，點會有問題，講番你個感覺之麻，又唔係講假話，咳之麻有咩問題喎    你再諗諗佢啦

好似話明日又開始凍喇，你小心身體呀

之前成個星期都好潮濕 煩到c   間屋都唔知似咩，無論咩質地既衫褲都一定要用乾衣機，但又怕縮水，唔用又唔知幾時先乾     最恐佈係間房個天花板開始有黑色毛菌    去年年中先油咋   

你12歲得60幾磅 : 咁你都追得好勁"大"得好快喎

barryalice

KCMAMA,

朗朗的確唔係好吸收~~但食既份量都唔少, 通常只係一日三至四餐, 可能佢似爸爸咁細時就只高不肥,到三十幾歲結埋婚生埋仔就開始肥.

wing530,

我都應同你講法~~最重要身體健康, 肥或瘦我都唔太在意

hinhinmom

wing530,
係o米你o既"味"力, 吸引到校長呀??~~       算啦, 唔做訪問都好o既, 你知啦.... 我怕你越講越多呀!~~       

barryalice,
d男人一到中年就會肥肥肥架勒~ 我老爺後生時仲瘦過我老公, 但宜家... 你有無見到呀?   

all,
今日hinhin居然同我講, 話佢想跳超人舞wor!!!       我問佢點解, 佢話"原來好好玩架媽咪~!", hahahaaaaaaaaaaa, 佢就真係好玩...   我聽日都係要問下班主任求證下先!!!

wing530

>all
你地知唔知....如果早返學, 小朋友要講故事比幼兒班聽呀? 上星期, anson早左返學, 佢要講英文故事書比幼兒班聽喎! anson就梗係無咁鐘意啦, 因為佢無得玩麻, 不過, 我覺得呢個方法都幾好, 又可以訓練下佢地, 抵讚呀!       

>hinhinmom
係, 你又跳超人舞呀, 好呀~           

係呀, 聽日著happy bee制服返學呀, 要帶小書包呀! 可以帶相機呀! 聽anson講咋~

咩呀, 我講野不知幾中肯又客觀呀!   做乜怕我越講越多呀! :tongue:  :tongue:

>kcmama
呢排天氣唔好, d衫係難d乾架, 你無用"抽濕機"咩? 會好d架, 順便抽埋衫, 會快d乾架~  

  

KCMAMA

all

我唔知佢地要講故事俾幼兒班聽 冇聽卓卓講過，唔知係米佢搭校車晏返，所以冇......問下先

學校"禮物"方面你地點呀，諗到整咩未呀 我想參加埋作文章呀     

wing530

我開左抽濕機架，但都係咁發............."梅"呀   

hinhinmom

all,
今日係我o既last day, 我老闆(變態o個個), 真係擺明玩野, 宜家攰c我呀!!!     我同事叫我唔好理佢, 準時5:30走, 叫佢將張cheque寄黎我屋企, 到6:00, 我打內線比佢個sec, 我問佢, 佢老闆係o米應該今日比cheque我? 佢話係, 跟住我話, "宜家好似6:00勒wor!!"

到6:15, 先收到cheque, 返到屋企, 我先醒起佢未比reference letter我...   

wing530,
今日hinhin都有帶camera, 影左d相都幾靚wor~~~

wing530

>KCMAMA
你咁勁, 想參加埋做文章呀!       我就無咁好心思呀, 唔知係咪唔舒服, 無哂"mood"咁呀!      

我仲未唸點做"禮物"呀, 自己咩都唔識整, 不過, 只想做點點自己嘅心意咋!      

係呀, 返早要講故事呀, 尋日通告係咪都有講呀? 你問下卓卓啦, 係呀, 卓卓嘅校巴係咩顏色架? 係咪黃色呀? 我聽朋友講, 佢成日見到呢架車開得好快, 又衝紅燈呀, 好危險呀~   

下, 開左抽濕機都係咁呀, 會唔會裝修果時, 無做好個底呀? 我阿叔屋企仲犀利, 全屋都發哂毛呀, 嚇ccc我阿嬸呀!        

>hinhinmom
係喎, 今日last day喎, 恭喜哂呀!          

你張cheque都今日收到啦, 我果張仲麻鬼煩呀, 要返headquarter拎呀, 平時autopay出糧, 今次要等通知先有得出糧呀, 你話...係咪煩啦~    

下, 未有reference letter, 有無攪錯呀! 你個衰老細又真係衰d喎, 咁小氣架!      不過, 我張reference letter都未拎呀, 要搵日返去拎, 因為我要佢改一改d字眼呀!  

今日anson影左好少相咋, 好似得3張咋, 聽佢講...話太多人, 老師唔比佢地點影相喎!     佢話幾開心, 見到好多花喎~

KCMAMA

wing530

開得好快, 又衝紅燈呀.....黃色車呀等我問下我老公先，一係叫我老公跟蹤下架保母車先得   

間房係去年暑假我地自己油咋 之前係裝修人做的但都有發毛   

我有心思寫野架，不過寫得好唔好另一件事   

hinhinmom,

恭喜你 可以重新啦，唔駛對住d衰人    

wing530

>KCMAMA
係呀, 你睇下係咪黃色車, 聽講佢成日飛車, 好危險, 比人改左名叫"烈火戰車"呀~      我得閒時, 搵返個post比你睇!   

聽日放假喎, 有無咩節目呀? anson想叫我帶佢去太空館, 我又驚太過辛苦, 因為仲食緊藥, 怕太倦呀!      

>hinhinmom
今日返新工, 點呀?    

wing530

KCMAMA

搵到喇, post比你睇下啦, 不過, 唔知咩車牌, 只知道係黃色車咋, 如果唔係, 我都想同學校講下反應下, 雖然唔係學校嘅校巴, 我唸學校同佢地講下. 我唸.....佢地都會聽掛~


****************************************
wing530，

好彩anson唔使坐校車，我今日見到個奇景，校車飛車      

從將軍澳果邊，就留意到架校車係我後面左穿右插，仲唔係慢。但太遠睇唔清洗邊間學校o既。過多兩個roundabout，侷就越來越近，先睇清係anson學校的校車。然後到o左海悅後面的traffic light，我離遠見到變o左黃燈，就停o左車，但見到架校車仲遠過我好多，踩足油，飛緊過來，仲係變紅燈時沖o左過去   

問你驚沒   

**************************************

hinhinmom

all,
今日係我返新工o既日子, 本來都有幾日抖下, 但係之前公司個衰老細...anyway, 講返今日返新工...
我好唔適應呀!!!   真係唔知點解呀!!!
呢間公司大過之前o個間, 但係之前o個間d設備又好d wor, pantry又有飲品供應, 呢間, 只有水... 仲有個typewriter, 係電o既, 不過... 係鐵o個隻呢...  

太多同事, 真係唔知邊個打邊個... 雖然個老闆好nice, 又唔管我上網... 但真係比我預期中更多野要適應...

返左半日打電話比老公, 話我唔想做, 老公話我傻, 仲話唔我已經大個女... 同埋我可能o係之前間firm太耐...8年... 會難d適應wor... d人講得o岩架, 做耐左真係難d適應出面, 係真架!!!

我係o米好c呀??...

希望我可以盡快適應呀! :-|

wing530

HINHINMOM

你係你以前間firm做得太耐, d人又識左好耐, 習慣哂, 而家...突然轉新環境, 一定會難適應, 而家d同事又多又唔識, 係咁架喇, 你要慢慢黎呀, 你一定得架, 捱到架, 信自己, 千祈唔好比你以前個衰老細睇c呀, 要硬淨d呀, 加油!!!!!       

你係一個事業型媽咪, 去到邊都可以架, 比d信心呀!  難你唔到架~     我地會支持你架! 做你個聆聽者呀~        加油~加油~