低功能自閉症=腦葉酸缺乏症

boc

原帖由 professor_king 於 13-04-11 發表
回復 llam1210 的帖子

唔好意思，講得唔请楚。2月中1歲3個月响中九龍CAC見姑娘，因女兒太细，會安排8月先 ...

就因為越來越進步！當時我發現細仔有問題是1歲4個月！是個兒科醫生好肯定話佢有野！我先生同佢再睇什麼兒科權威醫生（在金鐘）。個PK 做了很多x x screen , 話似又唔似咁！跟著同我們說比D藥我仔吃應該兩年無事 but 藥費每月三千元未計診金！我記得我親手餵左我細仔十四天！由於之前排了瑪麗所以再見瑪麗D醫生話：太太你想瑪麗定私家跟進，我話想瑪麗跟進！咁個醫生話太太咁你就立刻停藥啦，D藥會使你孩子智商底8度！我當堂下到O 晒咀！跟住一路跟進就是發展遲+自傾！都唔講大仔啦！每個孩子都有一個故事！！今個星期佢就七歲啦！大家再努力吧：）

chris-BB

Hello101 發表於 13-4-11 16:23
佢意思糸吾糸你有S位暫托(政府資源)就吾安排社交小組比你? 可能政策糸你用緊一樣資源就沒有第二樣。。
我 ...

應該唔關政府資源問題事，因為我自己比錢去暫托，政府沒有資助，就算去普通幼稚園暫托都係一樣收費，而且S位暫托沒有治療既課堂，只係同普通幼稚園一樣咁上吓堂，唱吓歌，玩吓玩具，食吓飯，瞓吓覺咁炸。重有，精神科打黎話我個仔未返到學唔知有冇能力應付社交小組，所以要問吓上司喎。佢咁講重唔係白眼？

chris-BB

Kyle 發表於 13-4-11 15:22
女人好多時情緒無男人咁穩定。佢eq 唔係好得。

算啦！求人就係要受吓氣，好似佢有一個手下姐姐都唔多友善，間唔中都比説話我聽。我都講明亞仔無得按摩就針耐啲，唔使咁快攞走啲針（因為我早上去，無阻其他人，佢地答應話得），一陣又話自己一個人做好忙，唔想翻轉頭服務我仔仔，順序做唔使撞正其他小朋友拔針既時間。 一陣又話我唔出聲自己延長鬧鐘。大佬呀，佢地叫我上午去針又話可以比我仔針一個半鐘，明明前幾個月都係一個半鐘開始，只不過有免費按摩所以轉返一個鐘，留啲時間黎按摩。無按摩果日我巳經講話~都無按摩針返一個半鐘，另一個姐姐好識做會自動幫我延長鬧鐘，可惜巳經走咗。而哩位惡姐姐就成日比説話人地聽。佢同有啲媽咪鬧過交添，我都見過。但都無辦法，要求人，比錢人賺都要受氣，自己eq低啲都唔得。其他啲針灸成功率又唔知，都唔敢轉，唉！

dorisfan

apple~y 發表於 13-4-11 22:23
回復 Kyle 的帖子

初初點會0甘容易接受

係呀, 細個的時候傻笑尖叫, 人地最多話我地無家教, 但而家阿仔就來到我肩膀咁高, 有時在街癲笑, 發出柽聲, 人地就一定當他係傻仔, 在擠迫的交通工具時, 有人會即刻彈開, 仲眼超超添. 唉!!

我成日問他究竟知吾知道咁樣會令人很討厭, 他說知道, 但他話他覺得好想咁叫/笑, 我估他真的明白, 但他不太在意別人的想法同點睇他, 以致不會因此改變自己. 雖然可以用另外的獎勵去誘使他做, 但人要在社會生存, 如果長期不能自然的跟從社會的規範, 而要我呢個第三者用其他東西去誘使他, 我覺得到他大個咁唔係辦法. 就好似他返學時我要他自己穿好校服, 將裇衫攝入褲頭, 出門時整整齊齊, 但放學時就變到好似乞衣咁, 西褲著到pat pat 一半, 連under都見到, 裇衫飛哂出來, 但他都仍然想得無事, 激死. 有時話如果他返來時校服都能穿好, 就會獎些什縻麼給他, 有時會湊效, 但到第三天就會回復原狀.

Kyle

原帖由 boc 於 13-04-11 發表
禍福得失睇開的 人生好比一齣戲
幸福不一定由天賜　成功半人事
儘管今天不開心　誰保他朝不得意

首歌實在太好，今早我睇咗歌詞好幾次。葉振棠。

boc

原帖由 Kyle 於 13-04-12 發表
首歌實在太好，今早我睇咗歌詞好幾次。葉振棠。

係呀，我一唔開心就拿出來睇下，仲有Stand by me , 壯志驕陽，強！有段時間，我返工前就會聽下這幾首歌先！如果自己唔比正能量自己，已經死左了：）

apple~y

回復 dorisfan 的帖子

係呀好似今朝同呀仔等lift番學,遇到其他住戶一起等lift
大家禮貌打招呼早晨,我都叫呀仔同人講早晨
呀仔開始發神經又係0甘笑,
我咪扮無0野,入0左lif全lif都係人都係0甘笑個個眼望望
一出lift我咪好惡話佢,佢先知驚即刻收聲
我都唔想係街做顛婆,好聲好氣話佢叫佢唔好又當我無到,
係都要迫我發顛,先收聲
或者佢都唔想控制唔到,但都要教盡可能減小呢個問題
我呀仔固執,古怪行為唔多,又有眼神接觸,係勁笑問題比較大
如果解決到呢個問題個人都正常好多

chris-BB

dorisfan 發表於 13-4-12 10:42
係呀, 細個的時候傻笑尖叫, 人地最多話我地無家教, 但而家阿仔就來到我肩膀咁高, 有時在街癲笑, 發出柽聲,  ...

咁你囝囝即係幾多歲呀？上次我在街見到一個同佢爸爸咁高，係街喊，大叫，依依俄俄，重未識講嘢，重要果爸爸媽媽攬住叫佢唔好喊！我驚亞仔將來又係咁，所以勤力啲帶佢去針灸同埋飲食方面著手，希望佢似返個人，唔想佢大個仔後好似我見到既情景係我身上再出現啦！

apple~y

回復 chris-BB 的帖子

你8唔8到點解個姐姐唔做
可能走0左一個得番1個姐姐,1人做2個人0野
壓力大,脾氣都差0的

Kyle

原帖由 apple~y 於 13-04-12 發表
本帖最後由 apple~y 於 13-4-12 12:56 編輯

回復 dorisfan 的帖子

Candidase 會唔會試下，用來對抗candida,  iherb 有售。我又有一樽未開。

Kyle

原帖由 chris-BB 於 13-04-12 發表
咁你囝囝即係幾多歲呀？上次我在街見到一個同佢爸爸咁高，係街喊，大叫，依依俄俄，重未識講嘢，重要果爸爸 ...

S 位導師成日提我老公，叫佢唔好抱阿仔咁多，話佢見過有啲過十歳a 仔，仲要個年老的父母抱。我感概地回應個老師，我地幾年後都會係咁！

apple~y

回復 Kyle 的帖子

Candidase係咩,你講多0的,我想了解0下

Kyle

原帖由 apple~y 於 13-04-12 發表
本帖最後由 apple~y 於 13-4-12 12:56 編輯

回復 dorisfan 的帖子

有次見到一個十幾歲的腦麻痺少年，媽媽推住輪椅。個少年手好緊向外彎，佢控制唔到把手指不由自住地放係口裏咬，佢媽媽面無表情好似扮無野咁，實情佢用緊另一隻手使勁地抆住個仔啲手指唔俾佢放口咁肉酸。看在這裏我都悲從中來，原來這位媽咪咁多年嚟都未慣被人望。旁人根本好同情佢地，都唔知佢個仔咬緊手，但個媽咪好介意囉！

Kyle

原帖由 apple~y 於 13-04-12 發表
回復 Kyle 的帖子

Candidase係咩,你講多0的,我想了解0下

Enzyme 嚟，用來打爛candida 的細胞膜（cell wall). 制止Candida 增長。

chris-BB

apple~y 發表於 13-4-12 13:00
回復 chris-BB 的帖子

你8唔8到點解個姐姐唔做

果姐姐成日企搞到腰酸骨痛，所以唔做喎！之前有個姐姐黎，一星期就走咗啦。而家啲年青人點會肯做啲咁悶既工作呀！

Kyle

原帖由 boc 於 13-04-12 發表
係呀，我一唔開心就拿出來睇下，仲有Stand by me , 壯志驕陽，強！有段時間，我返工前就會聽下這幾首歌先！ ...

今日心情差，要聽多幾次首歌。

apple~y

回復 chris-BB 的帖子

更係無年青年人做,日日對住0的有問題細路,又喊又叫係人都怕
我諗都幾難請人

dorisfan

Kyle 發表於 13-4-12 13:03
Candidase 會唔會試下，用來對抗candida,  iherb 有售。我又有一樽未開。

我剛在iherb訂左NOW 的Candida Clear, 吾知得吾得呢. 不過你果隻好似都幾好喎, 我下次可以試下. 你仔食左有無好D?

dorisfan

chris-BB 發表於 13-4-12 12:56
咁你囝囝即係幾多歲呀？上次我在街見到一個同佢爸爸咁高，係街喊，大叫，依依俄俄，重未識講嘢，重要果爸爸 ...

我仔就黎7歲了. 我仔講野無咩問題, 係成日九吾搭八咁插咀, 但最吾好就係整D怪聲, 個人軟皮蛇咁, 擰來擰去坐吾定. 我阿媽話如果他吾係我個仔, 她見到他就想一巴車埋去.

dorisfan

回復 apple~y 的帖子

我仔咪又係咁, 他重衰, 吾單止笑仲會有怪樣同擰來擰去, 攪到同LIFT 的人, 眼望望, JEEP JEEP聲. 同他一齊, 少些EQ都吾掂