聖羅撒小學 PART II

cameo

moooon,
你小朋友有興趣學,當然要俾多d機會去學嘞,普通話將來好有用!!!佢有心學就事半功倍啦!
心心媽,
我女無提個話劇,但尋日我睇佢功課袋時,發覺佢書包好多話劇對白d紙,咁就知佢真係好緊張,好鍾意嘞!!hehe~

cameo

原帖由 STCMa 於 10-2-26 20:27 發表
想請問此校的功課平均每日有幾多樣? 這所學校是否很催谷小朋友呢?

今年九月想幫囡囡報小一，她有20分，機會大嗎?

多謝賜教。

其實每年都有家長問每日功課量,,,其實我個女已五年級,我可以我經驗講,功課從來未聽過有學生係唔夠時間去完成.,但完成功課時間就真係個個唔同,而做份功課出嚟成績亦個個唔同,吸收份功課入面o既知識亦個個唔同,,,,
我個女做功課係出名快,佢係真係做晒o架,錯題亦唔算多,但就真係做得唔上心,本住"有得交"o既態度!!
而某d同學係做得好慢,錯題亦唔多,但佢做功課過程認真小心,可真正得到做功課o既功效-->重溫一次課堂學習!!
所以唔洗太擔心小朋友做唔做得晒d功課!!因我未聽過有同學日日做唔完功課,反而我個女每日7點前多數已做好功課,執好書包,等食飯!!
and學校唔算好谷,但亦唔係好得閒o個種,我覺得想喺學校成績好,唔係要你幾谷佢,最重要睇佢本身有幾自律!!

STCMa

原帖由 cameo 於 10-2-27 03:05 發表

其實每年都有家長問每日功課量,,,其實我個女已五年級,我可以我經驗講,功課從來未聽過有學生係唔夠時間去完成.,但完成功課時間就真係個個唔同,而做份功課出嚟成績亦個個唔同,吸收份功課入面o既知識亦個個唔同,,,,
我 ...

多謝妳的回覆，我就係想搵間唔好咁谷小朋友的學校，而且校風良好的學校。 因為而家好多學校，就算唔出明的學校都係好谷小朋友的。

多謝妳同我分享。

心心媽

moooon,

唔係佢地講得好, 係我自己講得差唧!

原帖由 moooon 於 10-2-26 19:55 發表
心心媽：

您的女兒說得好普通話，所以笑您講得不好，都還可以理解，因為「細路係咁 o家啦」！

但現在我女兒自己都說得不太正音，都夠膽話我講得唔正，就實在太「無大無細」！

不過，我暫時不和她計較。 ...

moooon

請問St. Rose會在幾年班開始，才會教併音？-- 聲母、韻母。
因我見小一的課本，只有聲調練習而沒有其他。Thanks!

cameo

原帖由 moooon 於 10-3-3 18:27 發表
請問St. Rose會在幾年班開始，才會教併音？-- 聲母、韻母。
因我見小一的課本，只有聲調練習而沒有其他。Thanks!

sorry....其實我都唔記得!!haha~
不過我自己覺得學校教普通話應該算好輕鬆o個種,完全無壓力....我個女本身對普通話無興趣(我問過佢出面學,佢都好反感,佢無興趣o既科目多數成績好差o架).,但幾年嚟都無同佢溫習,無理佢任何測考及功課,最近一次考試亦完全無溫書,但普通話成績都唔錯,所以我覺得你想小朋友學普通話進取d,就真係出面報d班讀先夠嘞!!!

moooon

因我怕在出面學，會和學校所教的重覆，怕小孩子到上堂時會悶！

知道原來普通話不計分，心態上好像輕鬆了點，但我暫時不會告訴女兒，因看她似乎很積極。現在平平地在屋企附近找到一位私人教，希望她教得好。

cameo

原帖由 moooon 於 10-3-4 17:21 發表
因我怕在出面學，會和學校所教的重覆，怕小孩子到上堂時會悶！

知道原來普通話不計分，心態上好像輕鬆了點，但我暫時不會告訴女兒，因看她似乎很積極。現在平平地在屋企附近找到一位私人教，希望她教得好。 ...

對我地嚟講,計唔計分係好上心,對我個女嚟講完全無感覺o架,佢鍾意就緊張,唔鍾意佢咪輕鬆囉~~呵呵~

心心媽

cameo,

我見妳講開5A班主任劉老師, 我都覺得她不錯, 起碼我見我大女d中文進步了不少, 特別係中作方面, 我大女之前一造句就叫苦連天, 現在她只會說作了幾多個字....再不用我操心了! 雖然她的文仍有很多廢話!!哈哈!!

Daisy媽咪

原帖由 心心媽 於 10-3-15 14:09 發表
cameo,

我見妳講開5A班主任劉老師, 我都覺得她不錯, 起碼我見我大女d中文進步了不少, 特別係中作方面, 我大女之前一造句就叫苦連天, 現在她只會說作了幾多個字....再不用我操心了! 雖然她的文仍有很多廢話!!哈哈!! ...

原來同學仔之間已開始討論升中揀那學校了, 我仲矇查查. 原來各人都有各人既取向 !
我已同亞女傾過, 我地都有所方向啦 !

cameo

得閒同個女傾開偈時都收吓風先~~

心心媽

Daisy媽咪,

咁快決定? 我地連第一次呈分試都未考喎?! 咁Daisy會唔會報書院呢?

Daisy媽咪

原帖由 心心媽 於 10-3-16 09:53 發表
Daisy媽咪,

咁快決定? 我地連第一次呈分試都未考喎?! 咁Daisy會唔會報書院呢?

哈哈..... 似乎係相向問題喎, 咁如果你係我, 你會點為佢安排呢 ?

心心媽

唔好意思, 遲左覆, 因為我去左升中個邊追面試消息, 哈哈!!
我都有問我女學校有冇同學仔講升中選校, 佢話無, 唔知係咪佢玩開個d同學仔都唔care呢!?

選校方面, 妳都係睇埋6月個呈分試再決定啦, 我最近聽好多六年班家長(其他學校的)講, 呈分試d考試成績會來個大執位架, 估佢唔到架. Daisy到時好可能會比個驚喜妳!!

原帖由 Daisy媽咪 於 10-3-16 16:09 發表


哈哈..... 似乎係相向問題喎, 咁如果你係我, 你會點為佢安排呢 ?

cameo

今次TEST我又無咁多時間陪個女溫,,,其實只陪佢溫英文,但都好似唔夠時間咁,本故事書Swan Lake又今個月先開始教,對我女嚟講,唔好話溫習,要佢深入睇晒5個chapter都難度好高,而家叫做大概知個故事咋!
今次test我都叠埋心水,忍住唔鬧唔鬧唔鬧,鼓勵佢多d,佢自己大概喺個範圍度列左溫習次序,慢慢教佢自己溫習方法!!
....希望,,,work !! hahaa~

Daisy媽咪

原帖由 心心媽 於 10-3-18 23:43 發表
唔好意思, 遲左覆, 因為我去左升中個邊追面試消息, 哈哈!!
我都有問我女學校有冇同學仔講升中選校, 佢話無, 唔知係咪佢玩開個d同學仔都唔care呢!?

選校方面, 妳都係睇埋6月個呈分試再決定啦, 我最近聽好多六年班家 ...

我個女身邊d同學話想入協恩. 當佢地問亞女想讀邊間時, 亞女答佢地, 佢地話係乜野學校, 名都未聽過, 又問係咪英文中學... 依家d小朋友真係比佢激死...
我會安排一間比較適合佢性格既中學比佢, 不過都要佢考到至得.  我希望有西班牙文學, 因為佢對語言真係好敏感 (我新年同佢去布吉, 我地就問當地人條街名係乜, 然後用中文拚番個音出黎, 點知佢早兩日睇新聞見thailand 既事件, 就竟然可以講番個條thailand 既街名出黎, 你知dthailand 音幾長幾難記架啦, 仲有賓賓教左佢少少菲律賓話, 佢都朗朗上口, 因係服左佢 )
至於test, 真係 平日既時間緊夠做功課同溫默書, 佢仲有兩份數學功課未做, 聽日又有課外活動, 真係死硬 !
今日我個女上書法班都有個st.rose 既女仔, 佢婆婆都話佢個孫平日好多功課, 冇時間溫書, 所以書法堂都交唔到功課.

大家努力啦....

cameo

我個女完全無同同學傾升中問題呀~~都唔知好嬲定好笑??佢太緊張我又擔心,佢唔緊張又擔心,,,,
我女平時功課及溫默書真係完全自己攪掂,只係偏偏科英文係差到嘔~英文成績係可以將其他所有野抹殺晒咁!!!
平時學乜課外活動,無話特別出色,但又完全唔洗理佢擔心佢,佢會keep住"中規中舉"o既進度一路學上去咁囉!
無野擔心,係平時friday尾堂o既學校課外活動剛開始新題材,新教做毛毛毯!!我女個樣係非常有興趣去整,我覺得呢個星期叫佢hold起唔整一定無可能囉,,,,我個心係諗"早唔教遲唔教,係要開始test又開始毛毛毯??"
不過無得好怨,自己個女都五年級,只可怪自己無能力管得佢夠自律~唉,,,,,,

BBChu

希望快D到星期五啦 我地一切放監

cameo

原帖由 BBChu 於 10-3-24 18:28 發表
希望快D到星期五啦 我地一切放監

佢test完個英文我都無野好理佢,中文佢自己攪掂,數學就聽日俾d練習佢做吓就攪掂!!!
我而家淨係想佢d傷風咳快d斷尾咋,,,睇左三次醫生都斷唔到,d菌真係惡,,,,,

Daisy媽咪

原帖由 cameo 於 10-3-24 19:22 發表

佢test完個英文我都無野好理佢,中文佢自己攪掂,數學就聽日俾d練習佢做吓就攪掂!!!
我而家淨係想佢d傷風咳快d斷尾咋,,,睇左三次醫生都斷唔到,d菌真係惡,,,,, ...

依三日請左假, 主要其實公司要清假, 今朝同個家長飲早茶, 傾左好耐, 佢小朋友應同你囡囡同一班, 佢話劉老師好好人.

不過更震撼的是她家長日既所見所聞, 我好想與你分享 !