- 在線時間
- 635 小時
- 最後登錄
- 15-4-26
- 國民生產力
- 195
- 附加生產力
- 765
- 貢獻生產力
- 0
- 註冊時間
- 03-3-23
- 閱讀權限
- 10
- 帖子
- 3451
- 主題
- 8
- 精華
- 0
- 積分
- 4411
- UID
- 8202
![Rank: 5](/static/image/common//star_level3.gif) ![Rank: 5](/static/image/common//star_level1.gif)
|
wongpsv,
我個女由07年7月 (k1升k2)開始學數學 (start from 5A), 而家K3學到C200 (溫習階段, 準備做評估)!
由於我女幼稚園K1時係無字寫, 加上係年尾出世既細女, 所以運筆既能力比較差, 正所謂真係拎支筆都唔識, 但因為5A係連線練習, 阿女做得好HAPPY的! SO FAR響平學年之前, 佢都好ENJOY做數學科既野! (即係5A至2A階段) 而且仲好有成功感添!
但係K2下學期就升到LEVEL A, 開始做D兩位加數, 自從呢個階段超學年開始, 佢就初嘗到乜野係挫敗感, 因為唔識計, 自然就計得慢, 計得慢, 自然就無心機做...當時自問都花左好多時間去鼓勵佢同埋幫佢克服呢個難關, 而for我個女, 我發覺每當佢有挫敗感嗰陣, 若然我幫佢cut一半功課量, 佢覺得做得輕鬆d, 慢慢地, 佢又會應付得唻, 佢d自信心又會返番唻!
原則上, 我同公文導師一樣, 唔會建議家長一開始就報晒三科畀小朋友讀的, 尤其for幼稚園生! 嚇怕左, 好大鑊! 而我個女, 我都係逐科加上去的!
07年10月 (即讀左數學三個月左右) 我就加左個英文EFL畀佢, 由最低LEVEL 7A開始, 由於當時只係看圖識字階段, 由淺入深, 所以當時都係做得好HAPPY的, 最緊要係, 7A至5A, 一隻字都唔駛寫...我女而家成日都會呻下, 如果我仲係讀緊7A至5A就好咯! (佢好懷念嗰陣咁輕鬆啊...無計啦, 而家真係寫到佢手仔軟啊!)
之後中文就08年4月中既試學週加畀佢學既, 由於我女學校係用普通話呢種語言唻教學, 所以響PICKUP中文科嗰陣, 都算係應付得幾好, 加上中文都係由最低LEVEL 5A開始, 而一開始, 又係認讀階段, 所以佢都好ENJOY...不過而家AII喇, 坦白講, 真係唔輕鬆, 絕大部份都係閱讀理解, 每版既文字亦都唔少, 佢稍微發下夢, 已經唔知篇野講緊乜喇...加上呢個LEVEL FOR一個五歲幾既小朋友唻講, 某D內容&用詞都真係幾深, 好多時, 就算佢成篇文章讀左畀我聽, 佢都會問番我一句: 媽咪...咁即係點呀? ...又或者: 媽咪, 呢兩個字點解呀? 乜野叫做乜乜乜呀?...要佢一個人單獨去處理呢個LEVEL, 暫時FOR佢唻講, 真係幾吃力!
ANYWAY, 我個人覺得, 由超學年開始, 就唔再係輕鬆的了, 尤其幼稚園生, 好似我女做數做到LEVEL C, 以公文標準唻睇, 係小三程度, 我女而家K3, 算係超三學年, 問題係, LEVEL C 做緊乘除數, 要我女去理解嗰種概念, 我同我佬都花左唔少功夫去準備同埋解釋畀佢聽, 又畫圖, 又形象化等等...同埋我地有個習慣, BEFORE佢升下一個LEVEL, 我地 (尤其我老公) 會預先教定佢下一個LEVEL既有關概念, 等佢一見到新功課, 唔駛嚇到呆晒! 好似下個LEVEL係兩位乘除數+分數導入, 我地就先教左個比簡單分數概念畀佢先...而兩位乘除數, 仲研究緊點樣可以令佢容易D明白點樣計! (很頭痛啊, 希望唻緊既LEVEL唔駛讀一年都升唔到班啦, 好驚驚地呀!)
而家你女每日要做幾多張工作紙? 讀緊K幾? 如果佢成日話倦, 你要同佢傾下究竟係佢對D工作紙無興趣? 抑或係佢嫌太多野要寫? 工作量太多? 重複又重複? 會唔會係佢運筆好出力? 做公文係你既意思抑或係你同個女商量後作出既決定? (我覺得呢樣好緊要的, 好似我女咁, 由第一科數學開始, 我已經問左佢意願, 亦講明開始左唔可以貿貿然嗌停的, SO FAR報學每樣野之前, 我都係問左佢意願至學的, 佢而家既目標係, 快快趣趣完成個EFL課程, 然後轉讀ERP啊, 佢以為到時又可以由認讀做起, 會好輕鬆咁話咁, 傻妹唻架!)
ANYWAY, BEFORE你想加科畀佢之前, 你一定要搞清楚個女係咪真係鍾意做公文, 同埋係咪真係鍾意用呢種形式去學習, 坦白講, 真係唔係咁多小朋友鍾意架, 就算當初鍾意, 做做下都會有唔鍾意既時候的, 我女都係咁, 尤其遇到挫折, 唔識做OR做得慢, 或者要做好鬼多嗰陣, 佢真係畀個好鬼可憐既樣我睇架! 但我地總係有商有量的, 佢講得出問題所在, 我會盡量幫佢配合&解決...條件係我配合左之後, 佢就要繼續努力學習, 唔可以再諸多事實!
你都FIND OUT下個女唔願做既原因先啦, 了解左再決定下一步如何啦!
原帖由 wongpsv 於 09-3-19 16:02 發表 ![](http://forum.edu-kingdom.com/images/common/back.gif)
想問下你小朋友學左幾耐呀?初時會唔會好辛苦...?因我囡囡月初開始數學4a開始...唔知係唔係成日寫字...佢唔叫好疲倦...你係唔係一科一科咁加架...即唔係一開始就讀三科...唔好意思...問咁多野....
thanks!!!
... |
|