大埔羅定邦中學 交流區

力奇大叔

今早去羅定邦注冊了, 眼見好多初中生回校幫手辦理手續, 大家都好有禮貌&耐性, 講解清楚, 真係厲害

力奇大叔

請問各位
開學前係咪會知道分社情況呢?
因買運動服唔知買咩顏色

JonaT

請問今年1M係唔係英文好d果班?

dinofans

回覆 JonaT 的帖子

去年是1M, 今年不清楚, 一般是最多non Chinese 學生的一班

力奇大叔

返左一星期Eng camp後, 我個女話好正
惟一投訴係... 學校個飯盒好難食

希望正式開學後, 飯盒味道會有改善啦...

lily1113

結結巴巴 發表於 17-6-21 11:43
既然不喜新高中的課程，選擇外國讀GCSE代替就是了，反正最終是經AL上大學。

對通識科的課程內容沒有太多研 ...

各位好，早兩日去咗簡介會，阿仔小五，非常喜歡羅中。
請問每年的海外活動和學校的課外活動，會只有精英才可參加？還是全級只要有興趣，都可以參加呢？

觀察所得，老師師當天笑容不多，校長自己主持簡介會 (其實講得幾生動，帶動到氣氛，但有點像個人talk show), 不知道校長和老師的關係好嗎？師生氣氛好嗎？

不好意思，好多問題！

結結巴巴

回覆 lily1113 的帖子

海外活動通常是有興趣就報名，如果真的有人數限制，一般是採用先導先得。沒有聽過什麼精英優先之類的說法。
校長的 talk show? 當然啦，推銷學校特色和教學理念是校長的主要職責嘛。至於老師沒有什麼笑容，可能是不識得配合校長，或者比較緊張，又或者真是只識教書不懂得笑。理想的情形當然是校長老師上下一心，但很多時候各自有各自壓力，未必每事盡如人意。

JonaT

lily1113 發表於 17-11-6 18:31
各位好，早兩日去咗簡介會，阿仔小五，非常喜歡羅中。
請問每年的海外活動和學校的課外活動，會只有精英才 ...

我女兒剛中一讀左兩個多月 活動報名無分精唔精英班

至於老師同校長關係我唔太清楚 但老師同同學關係唔錯 我女好喜愛教佢既老師了 除左數學科 佢唔鍾意數學

暫時我對學校評價都係滿意既 我女比較內向都主動左

lily1113

JonaT 發表於 17-11-8 23:48
我女兒剛中一讀左兩個多月 活動報名無分精唔精英班

至於老師同校長關係我唔太清楚 但老師同同學關係唔錯 ...

多謝jonat n 結結巴巴嘅回覆

yuyueng

lily1113 發表於 17-11-6 18:31
各位好，早兩日去咗簡介會，阿仔小五，非常喜歡羅中。
請問每年的海外活動和學校的課外活動，會只有精英才 ...

從小兒口中及自己親身接觸過幾位老師，感覺唔到老師對學生好，亦欠教學熱誠，老師上堂照書讀既唔少，hea教多，發顛拍抬鬧人都幾個，唔知係咪宜家香港D老師都係咁？定係因為好既老師每年走下一批，走下又一批，流失率好高。小兒成績中上，因為自己有補習，但對小兒幾年後考DSE絶對無信心，個人覺得係走下坡既。

Fanny_ma

yuyueng 發表於 17-12-16 08:02
從小兒口中及自己親身接觸過幾位老師，感覺唔到老師對學生好，亦欠教學熱誠，老師上堂照書讀既唔少，hea教 ...

羅中未來數年的管理層將有更多變數，下年將會換副校長。不過校董會已說明要搞好DSE成績，減低流失率(但前幾年許多都是自願不續約，教到好的已過檔其他津校，甚至有老師自願賠錢解約都要走)。

yuyueng

Fanny_ma 發表於 17-12-16 08:32
羅中未來數年的管理層將有更多變數，下年將會換副校長。不過校董會已說明要搞好DSE成績，減低流失率(但前 ...

走多幾年，流失率就必定下降，因為好既都七七八八。

結結巴巴

yuyueng 發表於 17-12-16 08:02
從小兒口中及自己親身接觸過幾位老師，感覺唔到老師對學生好，亦欠教學熱誠，老師上堂照書讀既唔少，hea教 ...

可能是我比較幸運，之前遇到的老師大多數都是比較關心學生和有工作熱情的。在現今的大環境下，學校要留住人才實在不容易，尤其是像羅中這類學校，無名氣又無鐵飯碗，有實力而又留下來的需要憑著一份信念和一腔熱情。可惜持份者中不是個個都理解學校的理念，更加談不上認同。既想多元化發展，又要注重考試成績，往往兩頭不到岸，更會導致老師學生無所適從。

結結巴巴

Fanny_ma 發表於 17-12-16 08:32
羅中未來數年的管理層將有更多變數，下年將會換副校長。不過校董會已說明要搞好DSE成績，減低流失率(但前 ...

如果羅中未來真的要以提高DSE成績為工作重心的話，不如不做直資，做返派位津中好過，起碼不用擔心收生不足。要知道，一間沒有特色的直資，就連吸引力都無埋。

yuyueng

結結巴巴 發表於 17-12-16 18:09
可能是我比較幸運，之前遇到的老師大多數都是比較關心學生和有工作熱情的。在現今的大環境下，學校要留住人 ...

有好既理念但沒有好既老師去執行，一切只餘下空談。就好似每年海外學習一樣，老師唔得，D同學都無意欲去，阿仔半班同學因為都討厭帶隊老師平日已經乜都勁發顛，所以唔打算去，仔有2個best friend就話，去就一齊去，唔去就一齊唔去，到時見機行事。其實呢個年頭唔係更容易留住人才咩？我成日覺得如果老師只係當教書係一份賺月薪既工，心情唔好又嬲人或請病假，工作只係將書本內容陳述，呢D人唔好悞人子弟囉。學校不乏呢D人。

Fanny_ma

我想羅定邦管理層從來都無揚言要把成績谷上最強，但至少亦要確保學校成績是合理見得人，而非每年得3X%3322，可能這裡的家長一直活在學校製造的假象裹，未必全部知道學校實則辦學成效，本人曾爲羅中家長，亦有朋友曾任職羅校，對該校許多行政秘聞略知一二。家長可能認為愉快學習很吸引，但你知道學校實質的推行成效嗎？

yuyueng

Fanny_ma 發表於 17-12-17 15:04
我想羅定邦管理層從來都無揚言要把成績谷上最強，但至少亦要確保學校成績是合理見得人，而非每年得3X%3322 ...

無錯！大家一開始係比愉快學習有一定既憧景，覺得想好似D國際學校咁，開心學習得黎個個成績都好，可惜最後真係2頭唔到岸，可惜左原本剛升入中學既學生都唔太差，我覺得平均屬2頭既，所謂愉快學習，如果就係hea教hea讀，結果可以預見。

Fanny_ma

yuyueng 發表於 17-12-17 19:36
無錯！大家一開始係比愉快學習有一定既憧景，覺得想好似D國際學校咁，開心學習得黎個個成績都好，可惜最後 ...

係！朋友告訴我原來羅校收生成績一點也不差，PRE S1英文成績原來一直高過全港平均，一定有BAND2頭，但點解DSE只有BAND2尾水平，而非把他們提升到BAND1尾？愉快學習一詞包含學習兩字，如果連DSE都可以負增值成咁，請問啲學生六年來學到了甚麼？如果要愉快就得，點解我要交學費送仔女入來讀書，唔索性日日去旅行玩，可能咁重愉快！

yuyueng

Fanny_ma 發表於 17-12-16 08:32
羅中未來數年的管理層將有更多變數，下年將會換副校長。不過校董會已說明要搞好DSE成績，減低流失率(但前 ...

外藉副校長退休？