比華利幼兒園.

hktt

homingm,

你所講的《兒童的第一個六年》及《兒童的第二個六年》呢兩本書係咩黎嫁?唔好意思我唔識。

冷衫是否用番e+果件紅色呢?如是我已有了，而恤衫我亦有了。

hktt

IRON,

便都未必岩著嫁，都要睇過先，同埋有二樣都有，可能重便呀，哈哈。

我以為我結婚算好內啦，點知你都唔弱。執笠....咁下年點重覆當年既節目呢一飯呀?

hktt

littleeva,

可能都要訂多一set，雖然有天台哂衫，但冬天d衫好似好難乾咁。

IRON

hi littleeva,

哎, miss話個仔仔係學校好掂都唔知係咪安慰我既, 返到屋企咪一樣, 食飯印印餵, 飲奶奶印印托住個杯, 著鞋著物又咪印印做; 不過出街真係大膽左, 唔會見人地行埋就閃, 尋日仲肯比舅父抱住周圍行......

我諗住買一套睇下掂唔掂先, 因為屋企有乾衣機, 就係怕縮水; 其實我係驚長褲唔知有無裡, 如果係絨底我仔仔未必肯著, 到時要搵人車返個裡先掂.

IRON

hi hktt,

我仔買左件大左既冷衫, 因為當時學校無貨, 家陣又要買多件岩身既; 哎, 岩岩先講妳聽佢買左新鞋, 而家又話要轉黑鞋, 遲下又要去買過, 到再著返白色時都唔知岩唔岩囉, 怪不知以前d人要生幾件, 原來佢地仲知道唔好浪費資源, 哈哈哈.

而家仲邊有時間/精力/閒情丫, 自從懷住仔仔到家下兩公婆腰又痛肩又痛, 日日唔夠訓, 而家仔仔返三個鐘我地首要去book物理治療師整返掂先, 唔係邊有能力照顧好仔仔, 仲要捱十幾年架. (所以我好佩服妳地仲要返工)

IRON

hi littleeva & hktt,

唔記得問妳地萬聖節學校搞party, 妳地bb扮咩野呀?? 我就驚仔仔唔肯著d衫, 而且d面具又古怪恐怖......聽日去玩具反斗城行下先.
學校話帶生日袋係咩黎架??我都唔多覺有既, 唔通佢地比漏左??

littleeva

HI HKTT & IRON

1.) 校服我都係每樣訂一件先.  加埋都成 $769 我諗應該會乾. 小朋友高得快. 都係唔好買咁多. 分分鐘都係著果幾個月.

2) 萬聖節學校搞party, 我唔會幫仔仔扮咩野lu !  我仔多數唔肯著d衫, 而且要佢唔自然都係費事. <等佢大個小小先>

iron　生日袋只是一個透明手提袋，遲ｄ會派比您個仔嫁啦．　

ｈｋｔｔ　昨天在北宣您到您囡囡＆工人．好可惜人多，未能與您打招呼．　您囡都好叻肯跟工人．　而我仔就一定要我陪他．佢都好開心．不過佢話一定要媽咪陪．　

　

hktt

IRON,

可能未必十幾年嫁!返工.....無法啦生活迫人呀!邊有你咁鬼幸福姐。

hktt

IRON,

琴日同囡囡去過玩具反斗城睇過，佢見到已驚到死啦!爸爸又嚇鬼佢，攞呢樣攞果樣嚇佢，攪到佢驚哂，睇都唔睇已經話要走啦，所以無IDEA，比D意見呀。

hktt

littleeva,

我一聽到工人講就周圍望及走出找你啦 (當時好多人)，點知你已不見了，你咁快就走嫁?原來你都係返北宣嫁，我同囡囡第一次返咋。

我以為佢返學都ok，返主日學都應該無問題啦，點知佢都係咁無用，見唔倒我就哭。係呢我囡囡上堂如何呀?因我問工人佢表達得唔好，我都唔明白，只知囡囡有哭。

子軒又如何呀?你係唔係一向都有返嫁。

littleeva

hktt

PLS CHECK pm

hktt

littleeva,

PLS CHECK pm.

IRON

hi littleeva & hktt,

哎, 我仔仔都係丫, 尋日去玩具反斗城, 事前我已叫爹地唔好整鬼佢, 不過佢一見d衫黑mud mud, 再行下見到d鬼樣, 就即閃去睇狗狗, 死都唔肯行返過黎, 我都無乎囉.

係呢妳地諗住報出面邊幾位幼稚園呀?? 今日仔仔返學分開果陣仲係喊, 尋日接佢一見到我又係喊, 唉......

littleeva

HI IRON & HKTT

講件開心事比您地知.  可能您地覺得好少事. 但對我來說就好開心. 一同分享下.  

昨晚仔仔同我講 "Michelle" 這兩個星期佢都有講, 不過我唔知佢講咩.  昨晚又講 <今次講得好清楚>佢話係比華利個michelle 我問他是否同學. 佢話唔係 係教子軒唱 "round round round"  我仔當時仲捲埋條利同我講要捲條利. 我問佢是否 miss 佢話唔係,係叫 Michelle .  我終於明佢講咩.

昨晚我同佢沖涼時,佢同我講 同詩詩玩. 我問邊個詩詩. 佢話"頭髮有隻夾"  我問佢是否"紫晴" 點知我仔仔同我講 "紫晴唔係坐係子軒張抬. 詩詩坐係子軒張抬. 係子軒隔離"

一晚內佢另我驚訝2 次.  我都要問下何主任 是否有 Michelle 和 詩詩 .   他好似突然之間長大了..  當時我眼裡有少少淚光.  

開學兩個月.他改變好多. 特別是喜歡唱歌. 佢唔係唱學校d歌詞. 而係唱個音. 而d字就自己"作" 比佢笑死.

我諗我沒有選錯學校. 他開始喜歡上學. 之前我返工好似做"察"咁 要偷偷地出門口. 而家我可以光明正大出門口, 同佢講媽咪返工. bye bye 子軒. 他就會講 bye bye 媽咪. 一陣返來.

hktt

littleeva,

Michelle 係英文老師 (外國人)，教佢地唱歌嫁，詩詩我諗係同學仔la。

聽完都鄧你開心，覺得子軒大過左好多呀。

我依家都係好似你一樣光明正大咁出門口，每朝我同囡囡講"媽咪走啦"，佢即會同我講"媽咪返工，紫晴返學，bye bye"。

littleeva

hktt

紫晴好叻呀. 佢都好鐘意返學.  在主日學裡我見佢坐定定聽老師講故事. 真係進步了好多.

我一陣就會打比何主任問下子軒近況. 另外最主要問幾時換季.  如果天氣太冬而又未換季.可否著條長褲 .

IRON

hi littleeva,

呀.......妳仔仔真係好叻呀, 真係令我羨慕, 我都好想快d有呢個驚喜. *0* 今日打電話比何主任, 佢話仔仔今日第二轉時突然講要去屙vv, 佢地都好驚訝, 覺得佢可能開始黎料, 叫我放心d. 我都覺得間學校唔錯, 而且插班仲好, miss可以多d照顧仔仔; 不過我問佢點解仔仔呢兩日情緒唔好, 佢話呢兩日有個囡囡成日喊, 因為佢要照顧多d個囡囡, 搞到我仔仔以為miss唔要佢, 佢都feel到所以都成日拖住仔仔, 我諗仔仔直頭當佢係私人保母, 今日佢行開左就唔識搵人屙尿卒之係椅度搞掂左, 哎.

今日下午去學校羅冷衫, 因之前無size無奈買左件大d既, 校長話原來唔駛等20號先訂冬季, 我地會聽日就訂啦.

如果我係妳就會喊一餐架啦, 開心到........呵呵呵(我係好眼淺既人, 而且我深深體會到妳既感受 ^_*)

littleeva

hi iron & hktt

剛剛和何主任 講完電話. 佢話多數11月 會 換季. 如果而家天氣冬男仔可以著長白色褲. 女仔就著長 白色襪褲.

她話可以現在訂不過未有貨.  另外她話唔好買咁多. 一件就夠.因為小朋友大得快.

另外我問何主任子軒如何.佢話幾好. 開始"勇敢"了
肯答問題唱歌出來讀書書.  佢話對於子軒來說是"勇敢"了.
不過相對就係子軒以經熟習了環境而家開始頑皮左,  

講完故事未派工作紙時子軒會另轉同同學傾計
開始坐唔定.

何主任話正常.小朋友應該是這樣的.

另外真係有個詩詩和MICHELLE,  何主任話有 2 位英文老師.
1 位是 MICHELLE 多笑容. 活動D
另1 位 是 DONMANLY (唔知係唔係咁串)

小朋友大多鐘意MICHELLE.

而詩詩真係坐係子軒隔離. 何主任話子軒時常幫她. eg 例如佢拉唔到拉鍊.子軒就會幫佢拉.

聽到何主任咁講,我開始放心. 我諗多數都唔轉校, 讓他開開心心過這幾年吧!   

我都覺得子軒頑皮左. 平時我和他讀番學校d兒歌時 我讀秋天到 子軒就識接住講 : "天氣涼 寶寶快快添衣裳". 點知我昨天如常和他溫書. 當我講秋天到, 點知佢講 "天氣涼寶寶快快開風扇"  您地話佢係唔係頑皮左. 所以何主任話佢頑皮了. 我信嫁, 今晚回家要"教訓"下佢先.

littleeva

iron
不用羨慕啦.  2 個月後您仔仔都會一樣.  小朋友返學真係好快學到野 進步得好快.  何主任話有時見到d小朋友都幾得意. 佢話好似老師叫佢地 穿過 呼拉圈. 之前有d小朋友做唔到or 好"論盡", 而家個個都做到.  

係呀我都覺得插班唔錯,老師會多d時間照顧新來的小朋友.
學校都算幾好. 我只是 不喜歡學校與家長溝通太少, 除左家長自己打電話比老師.  手冊就冇野寫. 我見同事囡囡的手冊個個星期老師都寫滿了字, 讓家長知道小朋友進展和問題.

其他野我就好滿意學校.

IRON

hi littleeva,

嘻嘻, 希望真係如妳所講好快有驚喜, 到時一定同妳分享. 妳仔仔真係醒目咁快識得改歌詞, 哈哈哈, 真係要鍚到佢"龍(高音)", 我非常"鄧"妳開心.  *0*  再有咩野多d一齊分享丫.

我又無問過朋友人地學校手冊會寫d咩野喎, 不過下午打去實搵到何主任我都好滿意, 佢講得好詳細清楚, 有時我仲驚人地覺得我太緊張咁煩.