有冇讀康盛花園比華利國際幼稚園的媽咪?

ivyho

Hi all,

Sorry, lee排好鬼busy!

星期三晚再帶左仔仔睇醫生, 真係玫瑰疹呀!   當晚之後無再發燒啦.    我星期四早上立即打電話返學校報告, 何主任話會同其他媽咪講叫佢地留意小朋友有冇出紅疹.

何主任話應該係唔同既細菌引致, 不過咁啱一齊發燒. 我諗住比加彥休息多一兩日, 星期一才返學. 我都有係中藥舖執左d小兒清熱茶比仔仔飲, 等佢清熱解毒吓.

Prestonmon,
柏希冇事就好la,  我覺得好似打完一場仗!

Garytai,
好嘢, 謙謙冇事.
你都喉嚨痛呀? 我都係!星期二開始la, 勁痛, 所以pak左d克痛, 但宜家開始咳, 今晚得閒先睇醫生 ! 你都要多多保重&休息.


個個都好番la   , 唔知熙熙點呢 .

  

garytai

哦! 原來加彥出玫瑰疹....星期一可以見到大家啦...

今日帶左謙謙返學, 因為反正自己都唔舒服, 唔好對住我咁多, 我費事又再傳番俾佢, 聽老師講有個新女同學喎 終於唔使讀男校啦, 有番個女仔...聽Ms Chong講柏希都會搭校車? 係唔係? 老師都建議我俾謙謙搭校車, 除左唔使我咁辛苦外, 都可以俾謙謙獨立下喎, 同謙爸商量後都會俾佢搭校車, 希望謙謙可以定定地啦

謙謙同大家做多一個月同班同學, 10月份就會升去劉老師果班讀n1, 我地亦都打算俾謙謙讀全日, 咁多轉變我一下子都未接受到, 不過覺得謙謙起其他人面前真係聽話d, 學野都會好d, 所以放佢起學校長d時間, 等佢學埋食飯仔及介片片

ruby

我呢排好忙呀..      好耐無上來喇...


原來咁多小朋友病．．．　　小心d呀　

PRESTONMOM

hi all,
好嘢....大家都打勝仗!!    星期一大家又返學啦.....
原來加彥真係出玫瑰疹呀....我上來睇到至知喎！
我哋呢排捱夜唔夠瞓...好容易病同埋好熱氣架! 真係要保重,我都飲咗２次苦茶清熱解毒...
Great..終於有個新女同學啦...柏希應該唔會再咁嗲....佢係女仔面前會man d ...   
係呀, 我想被柏希10月試吓搭校車, cos我見加彥好叻仔..好獨立,己經no problem 搭校車。我諗謙謙應該都handle到搭校車, 謙謙好叻..佢平時都定架!!! no worry!!

ivyho

Hi all,

個女同學叫咩名呀?知道請話我知, 因我有時會同仔仔傾吓學校d嘢, 我會問吓佢同d同學仔玩咩呀?

謙謙大個仔升班lu, 不過好快我地都升班咁咪又做番同學仔law.

   好嘢, 柏希都搭校車, 加彥有伴la, 唔知係咪搭同一架呢?

ivyho

Hi all,

點解早上個校車EE轉左架 , 仔仔已熟悉之前果個la, 昨天第一次見新EE時, 我都覺得奇怪點解轉左, 以為轉左第二架校車, 立即望吓有冇安全帶 , 好彩有, 再望吓司機叔叔是一樣的, 所以應該只轉左EE, 但我問公公接放學仍然係之前果個wor! 今天早上在新校車EE面前, 仔仔表現開始不安:cry: , 上車後仍叫住媽媽, 雖然未喊(開車前), 但情緒不穩law (缺乏安全感). 希望唔好再轉人啦!:-| :cry:      

garytai

ivyho,

下一次你可以話俾彥彥聽巴士係去學校, 好快就見到Ms Chong啦, 可能會好少少啦!

今日謙謙第一次搭校巴, ee話佢好定, 淨係眼碌碌望街, 當巴士黎到後ee抱佢上車及帶上安全帶後, 佢一眼都冇望過我地 淨係掛住望街, 想同佢bye bye佢都唔望我地, 激死人呀, 後黎問何主任謙謙車中及落車的情況, 她話謙 謙跟住其他同學落車, 仲排隊, 好聽話好乖 見到佢搭校巴搭得咁好都安樂哂

ivyho

hi garytai,

謙謙好叻喎 , 仲識排隊添, 你可以安安樂樂, 慳番唔少時間.

有時我係到諗, 我地會唔會太過overprotective,   佢地其實可能可以做/學好多嘢, 只係我地估佢做唔黎, 所以冇比佢地試姐!    

PRESTONMOM

hi garytai,
我都見到謙謙上車好定...no problem啦....好叻仔.   ..謙謙係末屬於好獨立個種呀 ?
hi ivyho,
其實我都有時都咁諗我哋會唔會太overprotective,不過我哋甘早捨得送個仔返學...已經知道要放手啦.(自我安慰) ...小朋友祇要無寵壞.間中喜歡詐吓嬌,"嗲"吓..好正常..佢哋都係小朋友...過多ｌ,2 年我哋會miss佢哋呢d行為。

garytai

謙謙呢兩日發低燒, 都係徘徊100度, 有鼻水同咳 又冇返學啦...不過見佢又冇咩野喎, 比起上星期喉嚨痛的反應已好了很多...

昨天見到謙謙指住自己個pat pat, 我以為做咩? 過左一陣我聞到有臭味, 我估佢係想話我知佢要去大大, 不過果時唔為意, 同埋佢呢一兩日都好鍾意玩個廁所仔, 又企定定起度扮小便, 我估佢距離介片時間不遠了

謙謙唔知係咪叫獨立, 但係佢一定係膽生毛, 佢又唔怕羞, 又唔驚死, 總之有野玩亞爸姓咩都唔知, 佢應該係d粗枝大葉的男仔, 唔係細心體貼果類, 佢似係一般粗心男仔囉 但係一嗲起上黎又會好痴身....  

至於太過保護方面, 我估現在普遍的父母都係咁, 我都有時覺得好矛盾, 成日諗:佢兩歲都未夠想佢點啫? 但係當有人提我唔好太緊張及要在適當时間放手時又唔捨得, 但又覺得唔可以保護佢一世等等的就會促使我放手...其實bb需要我地, 我地都唔捨得佢, 咁咪形成我地過份保護囉...以上純粹個人分享

ivyho

謙謙要快d好番一齊玩.

昨晚臨睡前, 仔仔係到講‘陪’, 我以為佢叫我陪瞓, 佢講左幾次, 我問佢係唔係培培呀? 佢就笑笑 , 咁我問仲有呢, 佢答我‘熙熙’, 咁仲有呢, 佢又答我‘柏希’, 再問就無答我lu.

今朝起身仔仔周圍走，唔肯比我換片片，跟住我話快d入黎換片之後番學同培培玩啦, 哈!   話都無咁快即刻跟住我去換片，睇黎佢特別鐘意培培wor!   爸爸仲問佢你有無打培培呀? 佢話有喎, 希望唔係真la (不過比爸爸激c  :evil: , 問埋d咁negative既嘢 )

PRESTONMOM

hi all,

呢排成日無事忙.... 柏希而家都好鍾意返學,星期六,日都指住書包要返學,平時朝早又會拖住我隻手要我快d出門口,不過去到學校門口,又會例牌扭吓我計,激死!! :tongue: 放學時...就笑住來攬住我. ...最開心係佢而家出街見小朋友玩緊,唔會搶住去玩,會等人哋玩完再玩....我諗佢開始有d耐性,明白吓d規矩..    .
早兩日,我見多咗個新男同學仔...不過唔知叫咩名...而個位新女同學叫婷婷,佢返全日架...佢好乖,好聽話架..仲識幫柏希遞個書包被我...柏希都鐘意培培架,次次聽到我提到培培,佢都講一大輪嘢&用手指住個口,不過我唔知佢講mud! 上次我帶咗餅仔接佢放學,佢就猛餵培培食,好好笑。
我見謙謙早兩日放學,個樣有d眼瞓咁. ..可能啱啱好返有d攰,因平時佢眼仔睩睩好精力  
加彥而家搭校車有冇喊呀?有時放學見佢都會喊住望實個根車ee,不過無再用佢淒楚既聲音叫媽媽啦  有時我同姐姐會分晒吓佢,佢又會掛住望,唔記得喊啦   

ivyho

Hi prestonmon,

而家番學搭校車好少少啦, 無喊, 不過都要好快離開現場囉！ :

睇黎培培都好受歡迎喎!  

咁而家咪有8個小朋友囉? 再多1個洗唔洗開班呢, 不過謙謙下個月都升班。

今日好大雨, 我無比仔仔返學, 之後仲紅雨+3號風球添, 你哋小朋友有無返學呀, 咁洗唔洗即刻接放學 , 定係等學校通知先接? 或直至放學先接呢? 如要早放學, 又有無校車搭架?

你哋著手做燈籠未？點樣比仔仔參與？搞破壞就差唔多。 :     

garytai

咩原來培培咁受歡迎嫁 不過我起謙謙面前提同學仔的名字佢又冇反應, 但係一提Ms Chong佢就笑, 有次Ms Chong打電話俾我傾左成個鐘, 亞仔都知道, 佢d表情怪怪地, 都幾好笑

今日得謙謙一個人返學咋, 我打俾何主任佢講我知, 最後叫Ms Chong帶佢去隔離班上堂, 即係將會升去Ms Lau果班...一到3號風球係有通知家長, 不過何主任話唔需要專登上黎接, 都係照平時時間去接放學...咁既安排都幾好...

柏希咁好, 咁快就鍾意返學, 我見謙謙淨係鍾意玩個書包, 都冇話特別要返學, 平時亦都仲係好鍾意同人爭野玩, 咁睇黎柏希乖好多喎

你地有冇諗住k1去邊間讀? 本來打算繼續讀呢間, 不過同老公商量完後老公好想佢讀宣道茵怡, 下個月就會派表, 睇下報唔報到果間....

ruby

Hello 咁多位,

我都好多耐無上黎喇…. 呢排公司好忙呀… 做到死死下…

今日我囝囝都有返學呀…. 學校大約10:30 call 我, 問我想點安排…. 我囝囝全日班, 可以選擇留o向學校, 不過因為下午班停課, 所以唔會有校車, 要家長到學校接….

最後, 我決定囝囝搭上午校車走…. 不過原來全日班可以在校食埋午飯先搭第2班校車架…

講開… 提提你地… 如果再有類似情況…. 咁岩果日小朋友又有藥帶返學校的話, 記住提老師放返d 藥入書包呀… 因為我過去2 年, 都試過2 次老師忘記左俾返d 藥囝囝呀… 最後1 次無拎返.. 得第2日返學先再食… 另1次個班主任好好.. 佢主動話佢放工時搭車來我家附近交俾我, 佢話希望我囝囝keep 住食藥快d 好返… (我知個老師唔係住tko, 係專登搭車來架, 佢真係好好, 可惜佢今年開始唔o向 Beverly 教喇)

ruby

Garytai,

講開宣道茵怡, 我前年都有去排隊取表, 係先到先得架… 上午班好搶手…

我記得果日我未夠7點已經去到排, 我係上午班大約最後第5個… 如果你有心去排, 真係要早d 呀…

不過, 我最後都係選擇左 Beverly

PRESTONMOM

原來今日得謙謙1個人返學呀?!我本來都想送柏希返學架，諗住萬一 紅雨都等12點至去接佢，不過嫲嫲晨早打來提我外面風大雨大，費時老人家擔心，所以無返囉。
柏希其實唔係乖,不過佢怕我罰佢坐naughty corner ，同埋怕我要全家唔睬佢，等佢知道佢既行為令我哋唔開心。當然需要爸爸既合作啦......bh1qwmmn nn,pi0 .0ip 0.i00ip..0p[o0p [ o0                                          qdsxowewpededwpowqpo[w2qqe2woop2qew2qppoqwwqo

garytai 寫道:
咩原來培培咁受歡迎嫁 不過我起謙謙面前提同學仔的名字佢又冇反應, 但係一提Ms Chong佢就笑, 有次Ms Chong打電話俾我傾左成個鐘, 亞仔都知道, 佢d表情怪怪地, 都幾好笑

今日得謙謙一個人返學咋, 我打俾何主任佢講我知, 最後叫Ms Chong帶佢去隔離班上堂, 即係將會升去Ms Lau果班...一到3號風球係有通知家長, 不過何主任話唔需要專登上黎接, 都係照平時時間去接放學...咁既安排都幾好...

柏希咁好, 咁快就鍾意返學, 我見謙謙淨係鍾意玩個書包, 都冇話特別要返學, 平時亦都仲係好鍾意同人爭野玩, 咁睇黎柏希乖好多喎

你地有冇諗住k1去邊間讀? 本來打算繼續讀呢間, 不過同老公商量完後老公好想佢讀宣道茵怡, 下個月就會派表, 睇下報唔報到果間....

PRESTONMOM

  ....d外星文係柏希既傑作   
吓...我無joi n燈籠個比賽呀...因為會end up 100%我既製做. ..    ,等多1,2年先啦,等佢都可以貢獻d嘢...   ...我又可以暫時偷吓懶先..
而家未决定去邊間讀, 不過打算報多幾間, 睇下收唔收先...

garytai

ruby 寫道:
Garytai,

講開宣道茵怡, 我前年都有去排隊取表, 係先到先得架… 上午班好搶手…

我記得果日我未夠7點已經去到排, 我係上午班大約最後第5個… 如果你有心去排, 真係要早d 呀…

不過, 我最後都係選擇左 Beverly

7點? 係朝早7點or之前果晚7點呀? 我聽聞係先到先得, 亦都知道上午校係非常搶手, 不過....係爸爸負責去排隊

PRESTONMOM ,

我發覺謙謙真係好難攪, 佢唔驚我罰佢, 唔知係我唔忍心定係咩? 總之就係同佢角力好辛苦, 佢又越黎越野蠻, 我都教到好氣餒... 至於燈籠方面我都唔打算參加, 因為我絕對相信100%係我做, 所以都係等下年先一齊做....今日收到通告, 話有d讀書計劃, 要睇完d書後做報告, ruby, 你知唔知道係點? 我驚join了後難完成, 可否分享一下