番禺會所華仁小學

睡公主

我個仔原來仲未知幾時默英文，今日我打電話俾佢個英文老師，佢話佢只不過係借"Dict"嗰格寫，純粹提學生就嚟測驗要温書，至於默書佢就話有可能下星期，我話下星期四原本有英文默書堂但係嗰日係學校旅行，佢居然話係咩，等佢睇睇先再通知班學生。

ms99

wlk168win：

我入到 PM 了，都嘗試回覆，不過唔知係咪OK，因為睇唔番自己寫過嘜。 麻煩你睇睇 !

睡公主

ms99 寫道:
今日以為無咗上網家課冊服務  

原來放咗在9月27日，大家留意!

之前我都試過揾唔到，初時以為佢哋未放上網，後來至發現原來佢哋放咗去上星期六嗰度。所以最穩陣前前後後都入去睇吓。

ms99

睡公主：

你好積極呀!  如果亞仔無話幾時默書，我會側側膊，唔多覺。 係咪好亞 Q 呢!   :tongue:

ms99

你哋上班一族唔駛食晏咩!

我要開工嘞! 今晚要早啲番去應戰，多謝各位，呢個鐘，好輕鬆。

  

麟媽媽

上下晝班D試卷是一樣的。
好似連改卷既都係同一個老師，
即是佢一個人改晒上下晝4班的卷，
咁唔怕有唔同的marking scheme。
好似係咁，以前有人話過我知的。

ms99

哎呀!  今晚個個都好忙嗎?  個場好冷清呀?  要去到第五頁先搵到呀?   

大家見到新家課冊貼咗測驗範圍未呀?  係咪正在密謀對策呢?

我都正在愁梗如何處理，真係一波未平一波又起。

今云真係要禮請我哋嘅 "靈魂人物" 麟媽媽指點迷津。有請。

    
1. 想知道範圍內的PLE, GP, EW, GE, Reader是否一併在同一卷內出哂呢?
2. 大概分佈如何呢?   是否PLE佔的比例較多呢?
3. 題目是否與平日派發的worksheet差不多呢?
4. GP是什麼?
5. 如何幫小朋友溫習才有效呢? 除了串熟字外。

見到測驗範圍後，腦裡即閃出以上問題，有勞麟媽媽幫忙，希望在有限時間內事半功倍，多謝麟媽媽!  

ms99

各位會否考慮參加 「3 P親子正策」呢?

名額好有限，好似唔錯喎。 如果有興趣的話， 給我PM吧，我識用  PM 了。

easiness

各位好呀!

ms99,

你個仔都係dict p.1, 4, 我想唔會太難吧! 鼓勵佢多o的! 會好o的既!

麟媽媽

唉~~好唔得閒，剛默晒英文，
又要預備星期四中文背默....

你地今年既英文書改了，
真係唔知跟我地有無唔同喎。
PLE是否教科書？我地用的是NWTE。
基本上都係考晒的，
Paper 2不用測Reader。
試題跟平時練習差不多，
但多了comprehension。
我們的GP=Grammar Practise

我覺得多做exercise比較有用。
Reader唔同了老師，
我地舊年只考reader worksheet，
fill in the blanks亦有得選的，
唔識串認得個字都唔會寫錯的。
但今年我唔敢話一定係咁，
如果無得"供詞填充"唔好鬧我呀！

ms99

亞仔今晚再溫都有 9 成功力，但瞓醒又可能跌watt，so..做亞媽已盡哂力，希望佢大步攬過啦!  

我未見過亞仔有 Grammar Practise 喎，你哋有無呀?

麟媽媽：

你話多做練習，係學校的練習重覆做還是出街買呢? 邊本較合用呢? 請賜教。

我今個星期有大嘢做，明晚開始一連六晚都要留守office做大事，暫時唔可以日日監察亞仔功課。

如有問題，請各位媽媽拔刀相助，謝謝!  

麟媽媽

ms99,

咁要睇睇你地今年教科書教咩來決定買咩exercise喎。
舊年我在商務搵到一本補充練習，
裡面分左幾本模擬試卷，
跟NWTE的課文內容大至吻合，
我咪買比個仔做囉。
仲有我自己出吓D題目，
同Grammar Practice & Language Practice
(我地既英文作業)既題目差唔多咁囉。
如果今年你地轉左書，
你要出去書局睇吓，
好多補充練習係因應一般出版社既教科書出的。

睡公主

ms99：

噚晚個網又有問題，唯有今朝才覆你。

嗰本Grammar Practise係上星期才由學校安排買的（重有小卜的知識樂園）。我個仔已經做咗4頁了。

我都好想參加這個3P，但又唔知可唔可以個個星期六都返到。等我再考慮多一陣。

我個仔昨日開始用正式嗰本手冊，連測驗範圍都講埋。唯一唔知點温的就係本reader（Car Wash 全課），到依家都未做過任何Worksheet（真係無從入手）。

睡公主

麟媽媽：

今年PLE就係教科書，唔知今年係唔係深咗，Paper I 已經要測埋本Reader第一課（Car Wash），同埋到依家乜都無做過（連抄寫都冇），仲話差唔多教晒，點算？  

麟媽媽

睡公主,

Paper 1一向都是要測埋reader的，
今年測驗推前了，教左唔係好多野。
我地NWTE都只係考3個chapters，
加埋D作業(即creative writing, GP & LP)，
GE1 & GE2既worksheets，reader 咁囉。
我見亞仔本reader釘左一大叠worksheets，
佢話老師說考試便是考worksheets的。

Reader都唔係跟書出題的，
最緊要係小朋友能明白各個詞語的運用。
比如說，書中內文是︰
In the garden, there is a very big oak tree.
試題可能會咁出︰
In the ______, there are many flowers.
咁小朋友一定要明白咩係Garden，
之後再要識運用寫番落適當的填充內。
舊年Reader就係咁考架喇。
不過小一測驗係有讀題的，
如果你個小朋友listening是ok的，
咁教佢小心聽實老師讀題，選啱答案便填，
因為佢地未必識睇晒成條題目D字架！

睡公主

麟媽媽：

多謝晒！你真係我的明燈（其實我係毫無頭緒咁同佢温書，總之見嘢就讀，不停咁問佢呢樣、問佢嗰樣），我今晚就番去試吓同個仔用呢個方式温。

遲啲有時間請你飲茶。

wlk168win

ms99:
My son has got "Grammer Practice" last week and we paid for HK$113.5 for other 2 books.

wlk168win

麟媽媽:
我們今年剛轉的PLE係 “深” d, 但比起某間學校, 都係低一級, 因為華仁P.1用1A, 而另間讀先人一年既學校, P.1已經讀緊2A.

聽講上年有家長反映舊的英文書太淺.

麟媽媽

你地今年轉左Primary Longman Express, right?
我以為我地都會轉，但聽他們說，
我地小一用開了便一直用番New Welcome to English。
我知聖心舊年小一都同我地一樣用NWTE，
但早半年，即開學便是用 Book 1B。
我以前讀St. Paul’s Convent都是用深一年的，
但細路女點知，人讀我讀便一路讀上去囉！
點會覺學D野深，唔比佢知便唔知架喇，哈哈！
但唔多學校讀深一年的，而家仲有邊間係咁？

wlk168win 寫道:
麟媽媽:
我們今年剛轉的PLE係 “深” d, 但比起某間學校, 都係低一級, 因為華仁P.1用1A, 而另間讀先人一年既學校, P.1已經讀緊2A.

聽講上年有家長反映舊的英文書太淺.

睡公主

麟媽媽：

其實深唔深係我哋話，對啲小朋友嚟講，總之唔識就係深。

校長喺迎新日講，本來打算今年就一年級轉用PLE，出年就一至三年級轉，跟住後年就全校轉晒，不過如效果理想，可能出年就全校轉晒咁話。