教育局終於正視問題

beastiebistro

ok_ko 發表於 24-10-10 10:36
關於你最後一段，你嘅意思應該係説明每個人天生就唔同，但不是命定論。
有人（經過後天訓練之後）整冷氣， ...

當然。

但係我係覺得唔係人人天生有能力做醫生，亦同時唔係人人天生有能力整冷氣，或者踢職業足球，或者寫書。至於天生有嗰方面能力，最後去唔去做嗰樣職業（或者去唔去到嗰個範疇嘅應有高度）就睇個人取態，際遇，環境等等因素。

所以我其實係唔buy「每個人有無限可能」或者「只要努力就可以做到任何想做嘅嘢」呢啲理念。當然呢啲係我個人睇法。
最後補充，我同你一樣尊重各人選擇，亦唔認為第三者有權／應該作出干預，更加唔應該由政府／制度去限制選擇。

加樂爹

poonseelai 發表於 24-10-9 18:07
原來我2011年註冊EK, 不經不覺十多年, 孩子也工作了, 好懷念以往EK各位家長無私分享, 獲得好多資訊, 而家E ...

"家長的要求也在改變中....."

分享, 聆聽, 找答案, 找同溫層, 查看不同意見....

需要付出時間, 心思, 思考.

有時番看EK舊文, 都有大慨方向.

有時提醒下自己, 到EK 不是發言, 而是留意別人想法.

就是發言, 目的都是預左比人批評, 若不受批評, 怎知自己原來一直有盲點,.....被指出, 沒有什麼大不了罷.

ok_ko

beastiebistro 發表於 24-10-10 11:02
當然。

但係我係覺得唔係人人天生有能力做醫生，亦同時唔係人人天生有能力整冷氣，或者踢職業足球，或者寫 ...

我很大程度上同意。特別針對樓主曾説過的國家運動員，只要努力就能做到? 劉翔一定是天生腿部結構有優勢，這優勢不可能只是後天努力就能達到。但係經過後天訓練，我估計很多人都有能力整冷氣。哪怕是進香港醫學院的門檻（6科交出36分），并不需要天生有多大能力。反而家庭環境比起天生的能力更重要。至此，我一樣認爲政府不應該干預選擇，但應該提供途徑，讓人（特別是來自弱勢家庭的小孩）有機會選擇。

加樂爹

兒時有個遊戲, 問最小既問題, 可以猜到最精確的故事答案.
要求不單是你有幾聰明, 更考量冷靜, 用心, 推理能力, 捉心理...

twhkleung

ok_ko 發表於 24-10-10 11:24
我很大程度上同意。特別針對樓主曾説過的國家運動員，只要努力就能做到? 劉翔一定是天生腿部結構有優勢，這 ...

我都傾向相信, 先天優勢,同後天努力/培養(包括成長環境), 係有組合性嘅關係.
(先天,後天) = [0,0]; [0,1]; [1,0]; [1,1], 除了[0,0], 其如有可能可有近似结果.

睇了些最近这幾年的papers关於brain與intelligence的关係與碚養, 我嘗試summarize一下供大家参考, 基本上,我自己同意50%, 25%有疑问, 25%我睇唔明.

1. 智慧由 neurons, axon, sensor组成基本components.
2. 已前大家以了neurons越多越好, 而家知道info 儲存, 係靠axon張d neurons連在一起,
3. 唔同configuration 代表唔同info, 而, 越reconfigure得快, info的saving, loading, modification就越快.

以上幾点, 大家可能都略知一二. 但以下的实驗, 就更巨体去解释, 后天的重要性.

有左個先天勁的brian, neuron多, axon多, 重要reconfigure快, 係唔夠, 还需后天的操練, 就好似, 學晒本書, 还要勁操exercise, 先可熟. 我地個brain都一样, 一出世后, 就要开始操d components, 点操? 要個baby的sensors收多d data, 攘components不段connect, store, reconfigure, 但d data要convergence,即d data要有關聯性, 並能形成智慧, 而divergence的data 反而会令components間的training 失去焦點, train不出智慧. 所以,

1. baby揩段很重要, 因個training process好快会變得無咁active.
2. 父母懂照顧, 能给出多样的convergence data, 对生产多d聰明小朋友係非常重要.

所以,點解向山区, 窮鄉僻壤地方, 揾到聪名人的机會會少好多, 也解释了, 天才或資優, 好大机會不是先天,而是後天形成,e.g., 2:8比.

如果你有資優小朋友, 可以想想, 他baby時的成长中, 有冇d convergence data吸收过, 分享下, 大家也学習学習.

ok_ko

twhkleung 發表於 24-10-10 12:38
我都傾向相信, 先天優勢,同後天努力/培養(包括成長環境), 係有組合性嘅關係.
(先天,後天) = [0,0]; [0,1]; ...

係呀！所以，我同意樓主成日講兒時要愉快學習。不過，兒時并不只是幼兒園，我認爲可以推前到出生時。有人還提出出生前，只是我個人能力有限，沒法跟從。然後【愉快學習】有兩樣嘢（並不是對立的），愉快同學習。不應只談愉快，而個B減少了機會學習。

poonseelai

ok_ko 發表於 24-10-10 11:24
我很大程度上同意。特別針對樓主曾説過的國家運動員，只要努力就能做到? 劉翔一定是天生腿部結構有優勢，這 ...

劉翔講過教練睇中他的pat pat, 肌肉夠大

beastiebistro

ok_ko 發表於 24-10-10 11:24
我很大程度上同意。特別針對樓主曾説過的國家運動員，只要努力就能做到? 劉翔一定是天生腿部結構有優勢，這 ...

今次到我原則上同意。

我嘅睇法係理論上，任何普通人只要經過長時間嘅訓練，某程度上可以整冷氣，可以做到跨欄嘅動作，甚至做到基本醫學斷症開藥。但好明顯，需要嘅能力係好唔同。所以一個出色嘅冷氣師傅，未必做到職業運動員或者名醫，相反我認為亦然。

最重要我認為咁樣喺時間同資源都不足嘅情況之下，係唔合乎整體社會經濟效益嘅做法，哪怕該小朋友或家長（or both）幾咁渴望可以。

所以我個人睇法特別啲，我覺得教育係應該不停考核分流，甚至由幼稚園開始年年做，咁政府可以集中發放資源俾專業學校／老師去做培訓。其實咁樣更加可以減小貧富懸殊對接受教育嘅影響，因為早早identify有某仲能力嘅人，將佢哋集埋，俾足夠資源（就唔再關屋企有無資源事）。每次考核都係一個entry point，後發嘅小朋友都絕對可以喺途中上車。

事實上呢啲都唔係咩新鮮事，成個運動員嘅世界差不多就係咁運作。每一個運動員都係經過無數次嘅競賽，每次擊敗對手更上一層樓，再成為國家重點培訓對象，我認為原理上係冇分別嘅。亦有運動員好遲先發現天賦，或者轉運動跑到，後發先至。

不過我強調係個人睇法，我唔係look for認同。

ok_ko

beastiebistro 發表於 24-10-10 16:15
今次到我原則上同意。

我嘅睇法係理論上，任何普通人只要經過長時間嘅訓練，某程度上可以整冷氣，可以做到 ...

各抒己見啦！我都覺得奇怪，點解你只是在我的貼後加個 。其實，所有良性互動都是好的。

beastiebistro

ok_ko 發表於 24-10-10 13:08
係呀！所以，我同意樓主成日講兒時要愉快學習。不過，兒時并不只是幼兒園，我認爲可以推前到出生時。有人還 ...

我多咀講多幾句可能比較獨特嘅個人睇法。

我認為好奇心同學習心係與生俱來人人皆有嘅本能，但係會被gratification耽誤嘅。

我嘅做法係:
- 喺幼童時候（0-6歲）先完全禁止電子gratification（包括手機／pad／電腦／電視等等），其他gratification（玩具）都盡量少買
- 將閱讀／學習變成gratification，一齊睇書，一齊based on啲書天馬行空，令睇書「得到」嘅世界變得無限大

所以我嘅小朋友從來唔覺得學習唔愉快，恨不得學得更多更闊更廣（未必全部關學校／「學術」事）

beastiebistro

twhkleung 發表於 24-10-10 12:38
我都傾向相信, 先天優勢,同後天努力/培養(包括成長環境), 係有組合性嘅關係.
(先天,後天) = [0,0]; [0,1]; ...

仔係語言+數學資優，吸concept好似海綿咁，我咪自己買書教／陪佢做，係咁同佢天南地北傾偈。買書我亦絕唔手軟，任何同數有少少關係嘅書，不論係漫畫、故事、英文散文（essays）、學術全部都買。呢樣可能間接印證你講嘅理論...

ok_ko

beastiebistro 發表於 24-10-10 17:13
我多咀講多幾句可能比較獨特嘅個人睇法。

我認為好奇心同學習心係與生俱來人人皆有嘅本能，但係會被gratif ...

我個特別D，雖然你見我都用好多方法，但係後來我發現佢好奇心同學習心唔係好强。不過，同時我發現佢有D好勝心，咁就得啦。當然，有時要故意讓佢輸，磨練吓面對失敗嘅能力。

其實只要肯同個B磨合，方法一定有的，除非個B天生有缺憾。

poonseelai

twhkleung 發表於 24-10-10 12:38
我都傾向相信, 先天優勢,同後天努力/培養(包括成長環境), 係有組合性嘅關係.
(先天,後天) = [0,0]; [0,1]; ...

講到山區兒童, 有無留意Dr Sugata - the hole in the wall project, 他放台電腦在窮鄉僻壤, 在無人指導下孩子透過self learning, 也學懂用, 他的研究結果係孩子以小組形式學習最有效, 老師角色應該係一個facilitator, 引導學生, 家長就好似一個granny, 聽下孩子分享學習過程和成果, 加以鼓勵

千萬不要低估孩子的學習能力, 留白對孩子相當重要, 我覺得現今不少父母 too obsessed with structured learning

工作上接觸的年輕同事, 少數會自己想多一步, 唔知同一直學習方法同環境有多大關係

beastiebistro

poonseelai 發表於 24-10-10 18:04
本帖最後由 poonseelai 於 24-10-10 20:11 編輯

講到山區兒童, 有無留意Dr Sugata - the hole in the w ...

我個人覺得同Structured Learning冇直接關係，但係同教法有。

你可能都知我特別推崇傳統英式寄宿教育。我估純粹講curriculum，冇嘢俾佢更structured。始終幾百年嚟模式都係大同小異，香港教改前沿用嘅模式都係源自英國。

重點分別係，香港傳統學校教學方法停留係上世紀。仲係老師企喺講台高高在上，佢講學生聽。英國教育喺課堂上有大量嘅討論（甚至辯論），老師正正就係做moderator。Curriculum繼續係Structured，亦唔係project based，但係老師懂得引導學生去Critically debate課題，唔係填鴨。

poonseelai

beastiebistro 發表於 24-10-10 21:03
我個人覺得同Structured Learning冇直接關係，但係同教法有。

你可能都知我特別推崇傳統英式寄宿教育。我 ...

我講得唔清楚, 我係想講現今不少家長會課餘送孩子去上唔同班, 認為一定咁有structure才是學習, 其實孩子透過玩, 閱讀一樣係學習

香港今天的教育, 可能就係唔想你去討論

twhkleung

beastiebistro 發表於 24-10-10 17:22
仔係語言+數學資優，吸concept好似海綿咁，我咪自己買書教／陪佢做，係咁同佢天南地北傾偈。買書我亦絕唔手 ...

"呢樣可能間接印證你講嘅理論" 我冇咁叻, 只係睇下人地d papers而已.
不过, 埋d理論也不能尽信, 好似幾十年前, 藥管局话蛋黄会增加膽固醇, 叫我地食少d,而家又话冇乜关係, 所以, 唔理邊個講, 有存疑之心,不信奉權威, 才会有机会找到root cause.


不过真係咁, "大部份"資優都是來自父母有心又懂教養小朋友的家庭,而且好少係赤貧家庭, 所以, 聽講李光耀信奉優生學是有其理, 聽说父母是大学生, 會鼓勵生多d, 唔係gene既原因咁簡單, 而係多d成功機会教出一個叻d既下一代係因為对有學识的父母. 所以政策制定者需要傾斜d去幫下基層.


你的教導小朋友方法其实非常正路, 正正乎合晒上面条件(比足夠"多样性"的convergence data個小朋 的sensors去接收, 同再傳遞去train佢d neuron/axon connections, 從而形成同儲存學識), 真係間接/正接印證埋d理論添 .



(我仔就冇咁幸運了, 為了生活, 佢十歲前我都好少見到佢, 佢第一次講野, 第一次走路, 第一次出牙仔,...我全都不在他身边, 直到我提早退休返HK先可親自教他, 我係homeschooling支持者, 我覺得我會教得好过佢学校d老師)

twhkleung

Hehee... 比我費话多幾句啦!

智能上的才能同運动藝術方面的才能可能有些不同,

1. 智能上: (先天:后天) = (2:8)
- 智慧係可以累積的
- 所以, 就算資優小朋友点叻, 都冇可能叻过一個professor(指真係堅果种)
- 因為甘, geoffrey hinton曾發过公开信去警告全世界,要有效控制人工智能嘅發展,否則人類就會被消滅既可能

2. 運动藝術上: (先天:后天) = (8:2)
- 正如我先天脚短, 就算patpat肌肉點大都冇用, 直到我地方科技可控制,e.g., baby出生時可選隻手长d, 隻脚短d, etc.

终合性智能, 就好似部电腦同全個人.
- cpu/ram, 就好似人個brain
- peripherals, 就好似人手脚,皮膚,五感etc (the sensors)

大家往往对資優都習中关注智能上, 而忽略了sensor的重要, 人d neurons可以后天越train越叻, 但人的peripheral/sensors, 暫時只能靠先天.

我冧, 这是那些papers想告訴我们的重點
(正如我年青時在英國究研超级電腦时,個group都係張個focus放向interconnect 同peripheral上面, 而不是去設計粒快CPU, 我老板相信, simple is enough, 关建係多同点样connect晒佢地, 这其实以同neural network既concept差不多)

barque

beastiebistro 發表於 24-10-10 17:13
我多咀講多幾句可能比較獨特嘅個人睇法。

我認為好奇心同學習心係與生俱來人人皆有嘅本能，但係會被gratif ...

本帖最後由 barque 於 24-10-11 09:37 編輯

小朋友的學習過程和你的有些相似。

1. 中學之前冇手機，家中的電腦/視雖然係任用，但係佢冇興趣。

2. 大量的閱讀，我記得當時係要用埋外父，外母共5張圖書證一齊用。另外買咗好多書。不知小朋友是否資優，因為冇驗過。但係覺得閱讀是個好好智力發展，這個從佢高中考IB, 考SAT 和其他公開試時事半功倍的效果時得到證實。

3. 自己一直都認為中小學階段都是些基本的 ’學術‘， 不是不重要，但係過份投放時間其實是種浪費。至於要投放幾多時間才足夠，按能力人人會有所不同。

poonseelai

barque 發表於 24-10-11 08:42
本帖最後由 barque 於 24-10-11 09:40 編輯

本帖最後由 barque 於 24-10-11 09:37 編輯

我也是支持大量閱讀，亦慶幸孩子自少已有閱讀習慣，閱讀的好處不止於語文，creativity,  empathy....., google 一下已看到好多資訊

至於手機問題，就要睇父母，有次吃飯鄰座一對母子，孩子是小學生，各自邊拿部手機邊吃，然後亞媽鬧個仔邊睇邊食，叫佢快D，幾乎笑咗出來

poonseelai

twhkleung 發表於 24-10-11 03:50
Hehee... 比我費话多幾句啦!

智能上的才能同運动藝術方面的才能可能有些不同,

一個說法係AI無法取代人類, 原因係AI不會消費