05-06年升讀小三的家長, 請進入>>

Nymph

你仔仔果件保暖衣係未厚料果隻?直頭係潛水衣料,保暖程度都好高,薄料係for 夏天架.以我所知,好怕冬嘅小朋友,係冬天游水會著厚料果隻保暖衣,都o.k.架.
你仔仔有鼻敏感更加要比佢游,唔好停.我朋友個仔女都係有鼻敏感同哮喘,游咗2年,身體強壯咗,唔駛睇醫生,又肥咗,高咗,但係水到,佢地係不停游架.     

alicetong 寫道:
Nymph ,Zoey
唔該晒妳地報料,可能我仔仔本身有鼻敏感,依家落雨無陽光已經要著連身暖衣0拿？試過著連身簿泳衣都打嗝嗤...所以再凍D一定要暖水泳池。(其實天氣再寒D係未可以兩件都著埋呢？唔會唔郁得掛...哈哈哈！)
    

alicetong

Nymph,
係呀？我件厚料係好似潛水衣料0個隻,買0既時候都搵左好耐係波鞋街尾先搵到同平D,都要280蚊度(無記錯的話)
點知大半年無著囉番出0黎FIT晒身,好彩妹妹第時用得著咋？
其實見過有種(佢介紹又保暖又簿身)剩上衣長袖都要5百幾更係買唔過啦！大人就話0者...我都係諗住希望佢身體好D先學游水,其實睇鼻敏感時醫生都話過唔好游水,而且我小朋友仲有因蚊蟲咬到轉變成濕疹添...睇左好幾個月0拿？醫生一樣話最好唔好去游水...但係報左唔通唔學咩！真係同自己倒米...哈哈哈！不過SO FAR依家唔駛再搽濕疹膏,轉左另一隻,D印都淡番好多0拿....通常鼻敏感同濕疹有好大關連..0岩0岩我個仔兩樣都有都無計啦！       

siulisa

真係好多謝各位媽媽的報料.

我囝都有一件保暖背心, 我問左教練話南華會有熱水咼, 難得亞囝又自已話要跟去學, 所以我會比佢學多十堂.

亞囝有時飲奶粉(雀巢), 有時飲牛奶(邊隻平買邊)

請問各位囝囝囡囡飲完奶隔幾耐先瞓呀 亞囝好多時都隔吾夠半夠鐘就瞓 會吾會唔係幾好呢

siulisa

wwyee 寫道:
hhma
我仔囡好似同你仔仔一樣喎！
我仔仔一直都有飲奶，我會放晒ｄ蒙牛入雪櫃，因為佢成日都想飲凍野，見無０茶就會勁飲牛奶，一日可能飲４－５包，奶粉開的都會飲，由其係囡囡ｄ試用裝奶粉，呀妹唔飲呀哥飲埋。

囡囡有飲加營素早午晚三餐。

妳囝囝都好飲得咼   

siulisa

講起真失禮, 原來亞囝對皮鞋已不合著, 都不知買不買到添架, 開學期都吾知會不會冇碼   

siulisa

各位

今晚要同亞囝去買皮鞋, 有冇好介紹呀唔該?

siulisa

有冇人呀

alicetong

siulisa,
尋日我係西田見到有開學用品展覽呀？不過唔知仲有無喎？近電器0個面架！仲有好多黑皮鞋同白波鞋賣添..我仔女就著開Frog白皮波鞋幾低著囉,因為太快唔0岩著我唔會買太貴？100蚊鬆d用到半年有多,皮鞋就著Dr.Kong仲未爛,睇過Frog黑皮鞋質料都唔錯！下次一定會買0黎試試...係教協買就平10元8塊,但唔係成日有Promote囉！

妳小朋友係邊度學游水呀？...係未跟學校...??

jazzmama

我幫襯 Dr. Kong,
因 check 左呀仔對腳,
有 d  偏平腳

siulisa

alicetong

吾該你呀.
我亞囝不係跟學校學游水架, 係南華會暑假甘岩租佐我屋企隔離間學校的泳池教, 所以就跟佐佢地學, 學到尼個星期二就學完, 甘教練問跟吾跟去南華會學, 亞囝又肯咼, 所以應該會跟去南華會學多十堂到了我估

siulisa

jazzmama

我亞囝都有扁平腳呀, 我係寶血醫院幫佢配鞋墊, 所以買鞋要買個底深同夠闊. 吾知點解我又冇諗過要係Dr Kong買鞋, 可能因為當時寶血醫院的人去幼稚園幫小朋友CHECK腳時, 有家長問 Dr Kong專吾專業时得到的答覆係醫院會較專業, 因為醫院係根據小朋友的腳型做鞋墊

alicetong

siulisa,
明白,南華會其實係邊度架！我都檬查查..哈哈！ 不過我就以近為原則囉！)又要帶埋妹妹就比較麻煩d,見到有d泳友仔都係賓記帶去,無人睇架？我兩公婆就打雀咁眼望實,始終係危險活動都要打醒精神架。
如果講黑皮鞋就真係Dr.KONG耐用好多,著左成年都未爛擦返令又新0既一樣？不過就一 分錢一分貨。 哈哈！  

siulisa

alicetong

話時話, 我都未知實際南華會係邊架, 只係知道好似係銅鑼灣附近卦. 甘又係呀, 我都儘量自已或老公送, 中間都係係度等, 吾會走佐去

Dr kong 的皮鞋, 請問你家小朋友著得舒服嗎?

alicetong

siulisa,
咁老實講我個仔都係扁平足,由幼稚園著Dr Kong著到依家依然係..所以有無幫助就真係不得而知0拿？記得舊年係學校都有CHECK過但係就無跟進囉！醫院當然較專業啦,但係價錢貴唔貴呀？係依家D小朋友幸福就真..我地細個邊有話扁唔扁平足架？鴨屎撻未又係咁樣大...哈哈！
   :wink:  :wink:

alicetong

siulisa ,
如果以耐用0黎計都低0既..妳知小朋友好粗著架啦！兩隻小魔怪踢左成個學期都未爛..Daddy擦得靚靚又可以著住先,但係我真係會試下Frog囉！搓上手手感都唔錯喎？平成半有多？

siulisa

alicetong

哈哈, 甘又係呀, 話時話, 我都係扁平足架.

第一次配就貴d好似忘記仟幾¸ 第二次配就平d八佰幾元, 包一次隔半年左右返去check進展, 但上一次甘岩遇著沙時, 所以都冇去check, 今次就仲未到時間返去, 可能第三次配又會再平d卦, 我囝今次著架都係第二次配架, 佢由小一開始配

alicetong

siulisa,
甚麼牌子？咁鬼貴？..等我CHECK下？我見教協都有咁上下野...不過行過無留意0者？比我就唔捨得0拿？

siulisa

alicetong
請問香港尼頭邊處有得買Frog鞋呀?

siulisa

alicetong

冇牌子架, 係寶血醫院架乜骨乜嬌正…度腳定做架, 都可能著二個size架, 但小朋友著佐之後真係少佐叫腳累咼

alicetong

siulisa,
呢層我真係唔知呀？暑假時我係銅鑼灣教協買架，做Promote3日,不過我有電話,妳試下打去問下..可能佢知邊度
有得賣架！92762381(黃小姐),名叫保健學童鞋中心,牌子係Frog？