子女的期望 vs 父母的期望

wan_sosin

October. 發表於 17-3-9 19:37
父母不容易。

好似食藥可以控制，不過，妳仔可能唔需要，靠輔導已經可以糾正。

我個仔唔洗食藥，我係佢仲BB嗰時已開始無做野，全職教佢，每步都跟到實，旁人話我太緊張，到今時今日又話我仔好咗好多呀! 到底佢哋明唔明當初我嘅緊張先可以令佢今日算受到控制，當你要騎住一隻野馬，點可以唔打醒十二分精神! 唔好意思!唔覺意呻幾句!好多謝這裡的家長關心，其實比我更困難的，大有人在，佢哋都好需要身邊嘅人的明白和體諒!我都試過太大壓力向身邊嘅人發脾氣!

另外多謝樓主唔介意我係度分享!

Rattie

twlo 發表於 17-3-9 16:03
是否講銅記個間St Pxxl。如果是，真的不可恭維，它只是一間追求成績的學店，完全沒有愛心及關心小朋友感受 ...

也是真人真事。
中學部，有學生十四、五歲附小升中，即係小學馮二進一，中一再留，之後唔知喇因為女已畢業。
亦有中學學生馮二進一，中一時低級過佢，畢業時佢仲响中五。
咁我嘅理解係只要肯留唔介意師妹變師姐唔會踢你走，學校有幾差呢其實

twlo

除了學業，如果運動成績好，也可留低為校爭光！

1998Ruby1998

回覆 wan_sosin 的帖子

完全明白你感受。好多人都話「輕鬆d，做咩咁緊張」，但係到佢地自己，就完全另一件事。有時候真係好想對佢地講句：你又點知我心裡有幾苦？
我阿媽果陣都係四周帶阿哥去訓練班、針灸、語言治療等等，為左就係等佢可以 100 ％ 發揮自身能力，唔好退步。我記得最慘一次 03 年我阿爸因為瘜肉入院做手術，果日由朝到晚落好大雨，阿媽背住得 5 歲嘅我，拖住 11 歲冇時停「計時炸彈」阿哥，擔住把遮，朝早帶完阿哥語言同肌肉協調治療之後去買餸，煮飯煲湯畀阿爸，然後又要趕煮晚飯。我祖父母早已經過身，香港又冇咩親戚，所以阿媽要一腳踢做曬咁多野樣野，真係好堅強。畀著好多人，一定會崩潰。

d 人成日以為照顧呢類小朋友食幾粒藥、帶佢地去上下堂、陪玩一陣就可以，其實佢地都唔知父母係背後付出好多先至可以咁，當中嘅壓力同辛酸，普通家長係體會唔到。

所以加油！任重而道遠，但係當你回頭睇返，就會覺得一切犧牲同付出都值得。

wan_sosin

1998Ruby1998 發表於 17-3-9 23:57
回覆 wan_sosin 的帖子

完全明白你感受。好多人都話「輕鬆d，做咩咁緊張」，但係到佢地自己，就完全另一件 ...

好多謝你分享你的家事,一路睇一路想喊

wan_sosin

1998Ruby1998 發表於 17-3-9 23:57
回覆 wan_sosin 的帖子

完全明白你感受。好多人都話「輕鬆d，做咩咁緊張」，但係到佢地自己，就完全另一件 ...

唔好意思,上面未講晒就send咗!

你媽媽好好!你媽媽比我辛苦更多!最少我只係得一個小朋友.想訓練好這些小朋友,真係同時間鬥快,一路一路定形就更難教.我現在叫輕輕有些收成,呀仔叫無乜太嚴重問題,小問題也已習已為常,下一期是迎接青春期,現在是暴風雨前夕,較為平靜.

有些小朋友如果上到小學之後才發現,真係更難處理!我在我仔好細個時,有理無理,就算未確診都當佢ADHD咁教.

kwclau

Rattie 發表於 17-3-9 22:40
也是真人真事。
中學部，有學生十四、五歲附小升中，即係小學馮二進一，中一再留，之後唔知喇因為女已畢業 ...

咁你首先要有兩呎厚面皮先。
名校老師通常只注重業績，對於成績無咁好嘅小朋友採取ignore 嘅態度，不會諗辦法去幫你，家長日只數小朋友的不是，完全沒建議，只想你快點走，可以見下一個，因一朝早要見42位同學及家長。
讀得名校都要預左家長自谷，否則早早跳船仲好。

brother4

食藥不如食 奧米加3 Omega 3 Fish Oil 少副作用，有專注力失調或過度活躍症，有正面幫助。

little_yolky

greentea000 發表於 17-3-8 15:57
突然發現一個問題：面試時扭曲自己真係有用嗎？例如美化自己既缺點。
直接承認唔通唔係有自知之明 ...

直接承認也是好的, 態度要誠懇。又講個故仔。

話說我哋office請人, 有個女仔嚟in, 佢之前上過網頁準備過, 點知好衰唔衰上錯咗我哋死對頭個網頁(其實好多人都以為我哋係同部門)。佢好誠懇咁道歉, 笑笑口, 最後老細覺得佢老實, 請咗佢。

little_yolky

wan_sosin 發表於 17-3-10 00:48
唔好意思,上面未講晒就send咗!

你媽媽好好!你媽媽比我辛苦更多!最少我只係得一個小朋友.想訓練好這些小朋 ...

唉, 睇完你哋既例子, 感到雖然兩個女都無乜專長, 無乜出色, 但平平凡凡都係一種福氣嚟。

annie40

回覆 wan_sosin 的帖子

剛剛路過，請恕冒昩，你提到這些特質的人，像我老公。
分享是他們與人合作共處的能力，會隨著年齡增長而遞増，可以做到好掂。唔掂個番，只有身邊人知。

另外兩個我看著長大的男生，一個確診中度自閉，一個輕度自閉，現正十八歳，㚈形俊朗，行為擧止大方得體。自己已經出到聲同佢地阿媽講，佢地個仔再唔夠膽約我個女去街街，我就快去恐嚇佢地嘞。:)

HAPPYan_BB

樓主你好勇好叻女好識諗, 不過如果你e+已經有仔女故事性會更精彩更有說服力,
因為有些事情的確要自己親身經歷過才可以真切體會...
想像往往跟現實係2回事, 你e+可以講如果我有仔女一定5會點點點...
而事實現在社會環境氣氛+上社會壓力又可能會令人頭腦昏擾, 失去理智,
如果現實你真係做得到, 至少你可能明白你媽媽多一點, 放下種種矛盾衝突...
我們作父母都係邊學邊做, 我覺得自己都算合格啦...但人人標準不同...
而且我小朋友未到高小/初中, 我也不敢咁肯定自己做5做得到
我會經常提自己小朋友咁好正常, 自己細個都係咁...
至少我e+仲可以keep 住5主動問小朋友學術, 小朋友都會放學來電自己報告 (無論高/低分),
宗旨係要記住5可以因為學業而影響親子關係, 講到底始終都係身體健康, 一家人相處融合最緊要最long lasting ! 關係是親子的儲蓄銀行, 係要由小建立~

wan_sosin

annie40 發表於 17-3-10 11:01
回覆 wan_sosin 的帖子

剛剛路過，請恕冒昩，你提到這些特質的人，像我老公。

能夠長大之後，控制或改善到弱點，可喜可賀！其實自閉症也可從學習去克服不足之處，只係常人自然會識，佢哋要刻意去學和訓練。
隨著一個人認知能力的增長，某些行為是可以改變，成年的ADHD,都唔會再係港鐵車箱攞住扶手轉圈或玩單槓。
不過成長過程，都一定比其他人困難。

little_yolky

annie40 發表於 17-3-10 11:01
回覆 wan_sosin 的帖子

剛剛路過，請恕冒昩，你提到這些特質的人，像我老公。

Annie你要confirm阿女有你性格既良好基因遺傳到, 至好去馬呀。好就好男人, 唔好就..........好難忍！

greentea000

回覆 wan_sosin 的帖子

多謝你肯講咁多就真！
我想了解多D，諗個方法叫個親戚帶個女去做評估。佢女k2老師已經話懷疑過度活躍症，佢不肯面對。小一考直私津(超級大包圍果種)都無一間收，派位去一間普通小學。成績係級尾20%，投入既資源勁多，成效唔理想。


再拖仲擔心。

wan_sosin

greentea000 發表於 17-3-10 17:32
回覆 wan_sosin 的帖子

多謝你肯講咁多就真！

如果有勁好支援都係後尾20%，是要關心下，試下用成績去推動下家長面對，話知道有小朋友見醫生後，成績有進步。不過有風險係比咗個期望佢，第日可能會失望。
不過坦白講，如果真係要改善，尤其成績方面，好大機會要食藥，行為治療都只係可以在行為上管理好些，守規矩一D,但專注力方面可能難改善過行為。
但如果藥物起到作用，成績都會明顯唔同，但有些家長會選擇成績弱一點而唔揀食藥，因為食藥必然有副作用。

annie40

回覆 wan_sosin 的帖子

不過成長過程，都一定比其他人困難Xxxxxxx.


或許要更改為以下更貼近事實。


不過成長過程，阿媽都一定比其他阿媽困難得多。


*******


D 仔其實唔多覺自己有問題，亦似乎唔介意。


是阿媽勞心勞力勞氣地同時間競賽，拉疆都拉到手軟，欣慰是如果趕及在孩子離巢前，調教得駟駟正正， 孩子竟然就是出奇的孝順了。

annie40

回覆 little_yolky 的帖子

謝謝你愛屋及烏，簡直是感動。
小女已經有男朋友。去街街，去唔去，是一種經驗和選擇而已！不用擔心去唔去馬咁凝重住！

其實自閉男好可靠，如was sosin 所言，他們有內置的排除唔重要的人和事功能，做人簡單得多，唔多需要朝秦暮楚而想多左。只要傳送指令程序和程式，非常精準，就不會 hang 機了。

註：自己果部經常hang 機，原因：操作員大意，忘記按步驟輸入正確程式。

wan_sosin

annie40 發表於 17-3-10 20:24
回覆 wan_sosin 的帖子

不過成長過程，都一定比其他人困難Xxxxxxx.

這類小朋友早期肯定是媽媽給力，但也有些人到後期發現自己的不足，而自己想辨法去改變，雖然並非容易有這個自覺，但如果當事人明白自己的需要，加上意志和決心，就更能克服困難。
我自己細個都有某程度的困難，到稍為大個都係自己下決心找方法再一步步努力去改變。

greentea000

happy friday

按傳統我家星期五晚係自由活動，relax！

我去睇下劇先！