自己算是中產, 都送小朋友去讀學卷幼稚園, 因為:

uncle13

原帖由 popcorncat 於 16-12-13 發表
我識大把細個英文唔叻, 但中學去英國留學數年, 英文已經十分流利

如果一開始上私幼, 但之後上津小英文淺 ...

其實你呦黎都冇用，總之百貨應百客。 我諗你應該不是有錢人家出身，父母小時候沒有栽培自己最後都成為專業人士，所以認為咁早洗錢係浪費金錢，會計算每一分錢的回報，認為錢用於最後個兩三年最實際。 我原本都是這樣心態。 但問題是，我唔係俾唔出，其實為了讓子女得到更好的教育，讓他們讀私幼，有錯嗎？ 還是自己攬住d錢，儲埋俾佢去外國讀大學？ 既然3-4年大概2x-3x萬左右，去外國一年都3x-5x萬，咁我諗都唔係d咩錢，咁咪俾佢地讀下，試一試他們的實力，亦幫他們的語文底子打好。 我囡宜家讀lh k1,讀了3 個月後，發覺她的普英溝通能力很大進步，能出來講3 分鐘show and tell, 這是我從來沒想到的。 $5300/月的學費你問我值唔值，我覺得有效果就值，冇效果就唔值。 我朋友囡讀名學卷，佢做律師，最後發現玩升小個遊戲原來咁難，嗱嗱聲揾鬼佬上門每星期兩日單對單補習英文，但每個鐘都$600 , 其實一d都唔平，又學唔到普通話和其他知識，佢都後悔冇入私小操好d.  之前幾年學費仲平d,  計返宜家仲唔抵。 總之，人人心態不同，希望你可把你的信念堅持到底。

Yeahly_ly

popcorncat 發表於 16-12-12 23:01
大把初中、高中甚至大學先去外國讀書, 一樣可以講到流利英文

幼稚園英文較好, 但之後中、小學不能維持語 ...

我諗細個重視得英文...中、小唔會唔keep住外補呱！唔明點解宜家明知0-6歲學得最快（以前就話阿爸阿媽唔會讀教）....唔比小朋友去抓緊呢個時候...寧願中學先送佢去外國浸....不過我冇得交25萬税所以希望將來留港讀大學...唯有宜家投資0-6歲啦...再上都會keep住外補既...英文呢d都係慳唔到

monchichipapa

咁樣可以拗到12版,好厲害

其實,每個人價值觀唔同

有個醫生同我講過,唔會俾個小朋友讀英基,太貴(但佢唔會出唔起啊)

佢話留返d錢,買多層樓,俾佢收租過日,佢個仔可能仲感激佢

咁我人工無醫生咁多,我反而有考慮過入英基(如果人地收)

所以呢,每個人把尺唔一樣

無乜好嘈

Baby.caroline33

uncle13 發表於 16-12-13 06:14
其實你呦黎都冇用，總之百貨應百客。 我諗你應該不是有錢人家出身，父母小時候沒有栽培自己最後都成為專業 ...

同意！我仔而家讀全日 每月都成萬蚊學費啦，但事實佢啲英文真係學得好好！ 仲可以響學校訓練埋自理能力
我哋都係中產家庭，交稅絕不少過樓主，為仔女，洗錢落仔女身上，都係想佢將來條路好行，自己做父母都要 了解吓間學校係咪適合小朋友，唔係一味諗住 學券 慳錢
既然樓主 您講到要咁合乎經濟原則， 您唔應該住 千幾萬嘅樓（夠住就唔駛買咁大又咁貴），唔應該揸車（香港咁細，搭公共交通仲方便，又唔駛比停車場費）
大家都要知一樣嘢，針冇兩頭利， 有學卷幼稚園 同 私幼 都有佢哋嘅利弊

popcorncat

uncle13 發表於 16-12-13 06:14
其實你呦黎都冇用，總之百貨應百客。 我諗你應該不是有錢人家出身，父母小時候沒有栽培自己最後都成為專業 ...

首先, 討論區是用來辯論, 我唔認為有問題

另外, 我亦想比私幼家長知, 好多讀學卷幼的小朋友, 加上外補, 有些家中更有講英文的工人, 佢地英文亦很好, 不要看小佢地, 而且佢地啲中文可能比人更好

當然我從來冇話讀私幼是錯 -＞如果可以輕鬆負擔到

popcorncat

Baby.caroline33 發表於 16-12-13 07:55
同意！我仔而家讀全日 每月都成萬蚊學費啦，但事實佢啲英文真係學得好好！ 仲可以響學校訓練埋自理能力
我 ...

買樓是投資, 唔係消費！

lawboon

popcorncat 發表於 16-12-13 10:05
買樓是投資, 唔係消費！

投資應該收租先有最大經濟效益, 吾係自住~

Chan343

popcorncat 發表於 16-12-13 00:33
我識大把細個英文唔叻, 但中學去英國留學數年, 英文已經十分流利

如果一開始上私幼, 但之後上津小英文淺 ...

「如果一開始上私幼, 但之後上津小英文淺返, 一樣冇用」

點解你會覺得無用？

Baby.caroline33

popcorncat 發表於 16-12-13 10:05
買樓是投資, 唔係消費！

自住嘅樓 就唔當投資啦

L+H

popcorncat 發表於 16-12-13 10:01
首先, 討論區是用來辯論, 我唔認為有問題

另外, 我亦想比私幼家長知, 好多讀學卷幼的小朋友, 加上外補,  ...

哦，明白唒，原來因為怕被人看小，以為讀學卷學校既父母就係低收入一羣。似乎樓主對自己太無信心，所以想找人認同……

其實讀學卷學校真係無問題架喎, 特別是父母其實兩文三語好既話，屋企也有語境，又有時間教既話，相信一樣可以考到好小學。

dreamdream081

L+H 發表於 16-12-13 10:50
哦，明白唒，原來因為怕被人看小，以為讀學卷學校既父母就係低收入一羣。似乎樓主對自己太無信心，所以想找 ...

good point

uncle13

其實，有一點我覺得很奇怪，就是捨得用接近1萬元揸車，唔捨得栽培子女，除非要靠部車揾食啫，否則自己的享受較子女教育重要？真係唔同人唔同心態。

Monstereasy

原帖由 popcorncat 於 16-12-13 發表
我識大把細個英文唔叻, 但中學去英國留學數年, 英文已經十分流利

如果一開始上私幼, 但之後上津小英文淺 ...

善意討論，其實小朋友休息時間好重要，即使上半日班，放學後午餐，午睡兩小時，再去公園玩下，差不多已經到晚飯。如果放學後外補，要考慮小朋友休息。有時私幼課程及資源足，可以令小朋友多休息時間。
當然學卷亦有不少好好既學校，但名學卷比名私幼更難入。
有家長會考慮課程為先，學費為後。
但假若你以學費為先亦無不妥，每人價值觀不同。

Yeahly_ly

其實樓主都係谷....不過覺得揀學卷加自己谷～最終都係想入名校；真係無咩所謂～有人話邊間邊間幼稚園入邊間小學易～都唔係絕對～都係睇返小朋友能力啫～最重要都係間幼稚園小朋友喜歡～又可以教好你小朋友同埋好好享受3年幼稚園生活！

Monstereasy

原帖由 宮二 於 16-12-10 發表
近佢返工嗰度d樓，小家庭夠住的，千幾萬起跳

我估嗰位家長用詞謙虛，先用"細屋"形容自己屋企，等同d人介紹自己兒子用犬兒or"乞衣仔"。亦可能間"細屋"三四千呎，對部份人來講都係細。做人其實唔需要打開肚皮比人睇。

omoinoyukue

回覆 popcorncat 的帖子

好小見到依d hot posts 又有想覆的意欲,望大家可以中立點去看我的看法
其實樓主講讀學卷校的原因可能唔系100%主導俾小朋友讀甚麼學校的,只是起個list到排得前一點. 我 consider 的除了錢,還有很多因素,這些很多jm已說過,就無謂再講啦.

看返樓主的第一個post, 我感覺到係看她有得揀,所以有這些理由,我唔會羨慕/看低你,我只能'哦'一聲回應,很難認同或不認同你的看法. 我唔係你,我唔會知甚麼選擇最適合你一家. 不過大前提我會揀適合我小朋友的幼稚園,唔會盲目追隨有名氣的私幼/學卷幼.

起依到都見到家境係點唔代表全都會去私幼/學卷,所以私幼/學卷都會見到不同階層的人,只是比例多少的問題. 舉個例,就算非中文作母語的家庭,我們可能標籤他們係讀國際學校的一群,但亦有部份會選擇本地課程, 所以真係唔太同意"學卷會見到不同階層的人", 這樣看任何一所學校好像簡單了點.

願這裡的jm們可以找到適合自己小朋友的教育路!

hkpapa852

Yeahly_ly 發表於 16-12-13 12:07
其實樓主都係谷....不過覺得揀學卷加自己谷～最終都係想入名校；真係無咩所謂～有人話邊間邊間幼稚園入邊間 ...

香港教育界無乜嘢好, 最好就係: 唔係有錢就大晒, 大部份學校都唔係睇學生家底去收人

所以無論你幾有錢, 如果小朋友唔夠料考唔到, 唔好話名幼, 學券幼稚園都唔輪到你.

不過, 如果可以多錢到捐間校舍俾人, 可能又另計

dorahelen

原帖由 L+H 於 16-12-13 發表
哦，明白唒，原來因為怕被人看小，以為讀學卷學校既父母就係低收入一羣。似乎樓主對自己太無信心，所以想找 ...

一語道破！咪就係樓主一開始已有"讀學券幼稚園=次一等/低收入家庭"呢個谂法先咁惹人反感囉！

宮二

原帖由 Monstereasy 於 16-12-13 發表
我估嗰位家長用詞謙虛，先用"細屋"形容自己屋企，等同d人介紹自己兒子用犬兒or"乞衣仔"。亦可能間"細屋"三 ...

嗰度三四千呎的要八千萬以上