聖羅撒小學 CHAT ROOM

cameo

wankwok,
會唔會你女女未真正習慣而家個時間呢?我女頭一星期每朝都眼濕濕,而家叫做可以嘈到佢起身嘞,但佢脾氣都差左,可能而家要返全日班對佢太疲累吧,忙這忙那,好似24小時唔夠用咁,我個女d功課都係比k3時求其左好多,中文都還好,因為佢鍾意中文,但英文就差呢,佢唔鍾意所以更加無心機....
我個女開頭都好多野要"學",可能以前在幼稚園照顧周到,而家大部份都係要靠佢自己攪掂,返到屋企又少左好多時間玩,我都覺得佢重需要時間去習慣呢個"小學生活"呢~

心心媽

妳地囡囡好叻呀,識自己做功課,我個女除左抄寫外,差不多科科都要PG架.我自己每星期三晚要進修,個菲傭又唔識睇手冊和中文,所以由十月開始,我會送個女去補習社,希望佢有進步喇! :cry:  :cry:

Daisy媽咪

我個女連抄寫都唔做, 仲衰過幼稚園果時, 我依家日日都 pg, 冇哂時間.. :cry:
我想問你地記唔記得個輔導老師係咪叫ms au ? 我想打電話比佢, 你地可唔可以比個電話比我  

cameo

daisy媽咪,
我連個社工姓乜都唔記得左嘞,咁你有冇問過佢班主任呀?

心心媽,
咁你個女補習時間長嗎?因我見屋企附近的補習社時間都幾長,3:30至到成5,6點,,,,,我之前都有諗過補習,但我個女瞓覺時間又多過人,驚佢辛苦之餘又會再少時間用囉,,所以都會遲吓先諗...

wankwok,
今日我個女調左位呀,無同你個女坐嘞,但係佢地兩個都有一齊玩,原來我女去圖書館係排隊玩電腦呢~~

~~~~~~~~~~~~~~~~~~~
係喎,10月7日個家長日你地去嗎?我去呀~

Daisy媽咪

我本來冇諗過我個女有問題架嘛, 所以都冇心裝載佢叫乜名. 家長會, 一定要去啦, 我個係問題小朋友嘛 !

wankwok

daisy媽咪
試下在學校網頁找一下，好似有社工輔導頁，其實我先最需要找社工幫忙，因為囡囡好像不是功課問題。

心心媽,
你最好考慮清楚囡囡是否適合，和慎選補習社，因為好多時去補習社的小朋友除了是作功課輔導外，有可能是一些較為唔聽話的小朋友，家長無佢地辦法，才將他們送去托管。我大女去過一段時間托管班，因為她本身較乖，識分辨好壞，所以比較放心，佢都有和我說有小朋友講粗口，又唔聽話....等等。而我呢個細女就一定可避則避，因為試過暑假期間去了個暑期托管班，本以為讓她有些好節目，如去海洋公園，科學館，空手道 ........等，但她耳濡洱染下，都學到d唔乖嘢，她自己又不知好壞，結果又要調教。

cameo,
我都知今日你囡囡調左位呀,無同我個女坐嘞,佢重話林老師想佢地兩個都留心上堂所以才調位，從而估計是我囡囡連累你囡囡被調位的了。證明佢調去邊都打擾同學。不過佢就話鍾意同你囡囡坐。我知我女去圖書館係排隊玩電腦，而並非看書。

cameo

wankwok,
hahha,邊關你個女事丫,我個女讀幾年幼稚園都係一個多咀學生,可能開學頭未適應所以未發作啫,而家撞啱同你個女啱傾d,就發作嘞,,hahahaa....不過呢次佢就慘d,佢話隔離位係無人o架,,,
心心媽,
係喎,講開你女女返補習社,咁會唔會又另外俾功課佢做o架,我見而家d補習社好似都會咁,其實都幾辛苦啊!
daisy媽咪,
其實係咪你要返工無得"人釘人"所以佢先咁咋,我自己日日看住個女先會做咋,如果我唔o係佢身邊,其實我都唔知佢會唔會自動拎功課出嚟o架....

心心媽

daisy媽咪,

妳囡囡係咪唔適應新學校呀?不如同吳老師傾下先喇!佢可能比到意見妳架!

cameo & wankwok,

我都擔心個女會係補習社學壞,妳地知喇,個d地方龍蛇混雜
,不過我都想試一個月,如果發覺有唔妥即刻stop囉!

家長日大家見唔見個面呀?

    

wankwok

cameo,
明天要默書，囡囡都幾抗拒，但都無辦法，結果攪到我發脾氣，結果家姐幫佢默，真係少見，可能佢兩個見我唔開心，所以一個主動幫個妹，一個又少見地聽家姐話啦。

cameo

係喎,咁家長日可以約埋一齊都得喎..hehe~

wankwok,
我個女又無唔鍾意中默呀,其實呢幾日都有同佢默吓,中文書後幾頁有個"筆順表",咁錯字我就叫佢跟番個表寫一次就收工,佢中默唔大問題o架,反而下一次英默就慘,佢尋日先真係識讀新教o個堆生字(headmaster...group leader),叫佢一吓默咁多,真係有難度,唯有每日溫少少囉!
你個女識唔識讀英文拼音o個幾張紙呀??我尋日問個女佢好似一舊雲咁,佢係識識地,只係因為幼稚園教過,我又唔識拼音,而家都只係單字母個音個女都重記得吓,遲d真係唔識教佢呢!

心心媽

wankwok

我大女現在讀P1,細女讀K2,我都會叫家姐教妹妹做功課架!家姐都好鐘意架,又可比佢溫故知新!

妳個女點解會對默書抗拒呀?佢幼稚園無默書架?定妳比好大壓力佢呀?咁遲D測驗點算呀!

anyway慢慢教喇,或者叫大女幫手

wankwok

我囡囡真是怪怪地，有時真係好難明白。
我已經係俾人話我太唔緊張仔女學業的媽咪了，只是理下d基本嘢，查下功課，也要求不大高，多數都是"虛張聲勢"而已。她幼稚園期間都無點太理佢，但求完成功課便ok。
幼稚園期間沒有正式默書的，只是有工作紙，比較活動d，好似有評估。
唔知係咪我突然關注起佢的學業，又要默書，又要問長問短，又要規規矩矩寫生字......她適應不來呢?

總之就係頭痛苦!!!!!!!   

DoReMiKa

Hi all primary mammies,

I heard that the year before, K3 程度 was 淺 in st. rose kg and cannot match the standard to P.1. So this year K3 standard will be higher and the student will not be so difficult to get into primary. The 2nd saying is P1 調低程度 to match K3. Don't know which is true.

How's the new principle？  聽聞有些改變都幾好 ，有作文；D家長都幾喜歡。真的嗎？

cameo

心心媽,wankwok,daisy媽咪..
其實你地會唔會覺得英默比較上一次深左太多呢?剛那一次英默只係a-m我覺得熱身都還可以,但突然係one-ten加一堆新學o既keywords我又覺得太突然呢,我個女都係呢兩日先識讀新學的keywords,若要佢再串字,我覺得只係"催告",我估計佢好快會唔記得晒lu~~
doremika,
因我個女都係今年p1,無得同之前o既校長比較,所以比唔到實際意見你呢~

Daisy媽咪

CAMO,
I not yet see the content of english dictation so that I'cant commend.  But as I share with other moms in different primary, St. Rose is not such hard.

心心媽

我個女上次英默得77分咋,佢d大細楷亂左呀!好在中默100分,算佢喇.

講開英默,我想問下係默1-10或one to ten呀?我估緊係咪老師講one,小朋友寫1? any idea?其實今次英默真係突然間深左咁,要串headmaster, monitor etc都幾多字母架,我對個女都無麥信心!

心心媽

Daisy媽咪

St. Rose係到P3開始才谷的,所以P1同P2應該係蜜月期!

wankwok

我尚未開始幫個女溫英默，因為下星期三才默書，那麼早溫，恐怕放完假又是忘記了，到星期二，一次過溫便算了。基本上，她應該懂得讀，但串字竟較為煩了。
我囡囡對我說上中文堂好悶，最喜歡上體育和宗教堂(同一個老師教)。

cameo

其實我想知keywords係英文書入面,定係老師加埋o個一d呢????因為明明係monitor,隔離又多個monitress,headmaster又多個headmistress........
我個女每日串一兩個,係非常勉強咁串喎~
講真,我估默完書之後好快又唔記得晒lu~~~~
我記得之前個校網有老師d相,但而家無左???因為我淨係知個女班主任係邊一個,個女話英文老師係miss Tin,我又未見過,其他老師佢又講唔出.....

cameo

應該係one-ten嘞,之前見個女功課係要寫one-ten啊!

心心媽 寫道:
我個女上次英默得77分咋,佢d大細楷亂左呀!好在中默100分,算佢喇.

講開英默,我想問下係默1-10或one to ten呀?我估緊係咪老師講one,小朋友寫1? any idea?其實今次英默真係突然間深左咁,要串headmaster, monitor etc都幾多字母架,我對個女都無麥信心!