各位出左2015-2016機票末？

hjma

Mamamia465 發表於 15-4-30 07:58
我個agent好平，8-9月BA直航都係$8xxx，阿女張年票一萬有找^^

$8xxx真係平喎，是否連税？你係幾時買㗎？而家先訂唔知訂唔訂到？可否PM你個agent給我？謝謝

waichung1962

小女本來鐘情直航，自紐航取消飛倫敦後，佢坐過很多不同航空公司，評價最差係(1)BA, (2)CX。上述兩間又貴，服務水平低，衛生環境惡劣，食物差。反而轉機仲好。依次Good(1)亞聯猶、(2)荷航、(3)星航。我就買學生票，貪佢行李有35KG(亞聯猶)，改日期唔洗加錢(來回要坐左一程先，但我試過來回未搭過都係收一百元行政費，另外亦試過全免其他收費)。

waichung1962

2015年9月至2015年12月已出，另外2016年1月至2016年3月已預留隨時出得。你計返日期就得(打個比喻：現在係2015年5月1日，即係你可出到2016年4月30日的來回機票)。

waichung1962

經agent及自已上網出學生票都試過，上網出的航班時間冇咁靚，agent返而有很多選擇時間(航空公司可能留起一些指定時間比agent的公司，佢地的時間網上冇得買)，我通常訂凌晨12時35分HK起飛，七小時後到杜拜，在杜拜等2至2.5小時轉機，跟著再坐７小時，在UK時間中午12時15分到達倫敦。價錢方面比我上網自已訂的仲要平一百元。另外亞聯猶有VIP制，小女已經係銀咭會員，到達HK、杜拜及UK的亞聯猶櫃位辦理寄行李及拿機票都不需排普通隊(有專櫃做)，另外銀咭會員可寄47kg行李(不論件數)，仲經常免費升級商務客位比佢。

waichung1962

今次同佢出套來回HK-UK，港幣9800元(學生票)都OK平，9月機票比較多學生乘坐，提議早少少出。

hjma

原帖由 waichung1962 於 15-05-01 發表
小女本來鐘情直航，自紐航取消飛倫敦後，佢坐過很多不同航空公司，評價最差係(1)BA, (2)CX。上述兩間又貴， ...

睇到幾多家長buy阿聯酋，但我仔14歲，今年第一年過去，未試過自己搭飛機，仲要轉機，驚佢搞吾掂，係咪Dubai轉機？

scso

回覆 hjma 的帖子

唔駛擔心小朋友好聰明架, 我仔都係14歳自己搭轉機, 德國, 瑞士, 迪拜也試過, 無問題, 最緊要有錢有電話防身

tung_yan0623

回覆 waichung1962 的帖子

$9800平呀，係米今年九月飛，我个套要$10200

亮燈

原帖由 hjma 於 15-05-02 發表
睇到幾多家長buy阿聯酋，但我仔14歲，今年第一年過去，未試過自己搭飛機，仲要轉機，驚佢搞吾掂，係咪Dubai ...

我阿仔舊年15歲，都係自己一個第一次搭長途機兼轉機，冇問題，佢話舒服。

ritb

阿女第一次獨自去英國都係阿聯酋，我都担心，所以用UM,免費的,用了兩三次，佢知道轉機是怎樣就無用um
佢都試過免費升級坐商務艙,非常開心

ritb

on line 買機票, 辦UM手續要到中環阿聯酋辦事處,但要起飛前二三天辦, 可以一次過辦手上所有的機票來回程, 唔駛成日上去
如果through agent出機票, 可以叫agent代辦手續

scso

我仔喜歡坐Lufthansa or Swiss貪佢飛行時間短，Emirates佢坐過一次就唔坐，雖舒服位夠大，但飛行時間長DVirgin有時都平

wloi

大家咁喜愛Emirates...等我自己坐一次，評估下先。
我大女之前大學term break 跟班師兄去歐洲tour..搭卡塔爾航空，佢話服務真係好，不過轉機時要停6-7個鐘。好彩成班人，時間先無咁難過。

hjma

原帖由 ritb 於 15-05-03 發表
阿女第一次獨自去英國都係阿聯酋，我都担心，所以用UM,免費的,用了兩三次，佢知道轉機是怎樣就無用um
佢都 ...

其實我都未試過轉機…在轉機站係咪要留在特定區域，夠鈡就揾返接駁機閘口上機就得？使吾使攞返行李再check in？

optimist

我覺得轉機比較舒服，始終有得舒暢下筋骨，加上價錢平d。唯一怕轉機有意外例如delay，冇經驗會好徬徨...

waichung1962

是，2015年9月去UK，2015年12月回HK，轉機唔洗中轉站拿行李，李行跟機直飛倫敦，轉機可在亞聯猶候機室等，如果你是銀咭(VIP)會員，有自助餐、酒水、上網供應，如果時間長仲有沖涼房洗個白白先，都係免費招待銀咭以上(VIP)會員。

waichung1962

另外卡塔爾航空係現在評分排第一的航空公司，第二係星加坡、第三就輪到亞聯猶了(冇記錯的話)。

Sheep006

回覆 waichung1962 的帖子

點樣才能成為VIP?