培道Interview

MushroomLi

原帖由 Pinkmoon 於 14-11-18 發表
如果係仔，小学之後会面對考中学問題？

如男孩子中學要再搵，因培中是女校。

ferferfer

原帖由 janette_chan 於 14-11-17 發表
我嗰日去到IN都好驚訝有咁多B6,我大女喺培小讀緊,以我女嗰班為例,95%以上係港人,接返學放學或者GROUP CHAT ...

我諗我係俾簡介會影響觀感......

佢揾一個講廣東話唔正，但有好多生意嘅家長講咗30幾分鐘

跟住校長最後講一個舊生例子，話語佢媽又係去台灣做生意.....

所以令我感到學校好喜歡.....

ferferfer

原帖由 ferferfer 於 14-11-18 發表
我諗我係俾簡介會影響觀感......

佢揾一個講廣東話唔正，但有好多生意嘅家長講咗30幾分鐘:think ...

係20幾分鐘

tester5

我都曾經是培道家長, 三年前我面試的安排非常好, 約30分就面試完可以離開.當時, 其他學校的安排非常差, 培道比我們的感覺是非常好.
今年, 龍年效應. 學生也多, 所以可能安排上可以做好一點.
培道是不會選學生面試的, 每個交表的學生也有機會面試, 所以應該不會選香港生還是內地學生, 所以大家會機會見到內地考生.

當年, 我們家長都沒有內地人的, 大家都有善, 也願意互相幫忙的.所以我相信學校不是只選內地有錢人做學生, 大家不用擔心.

校長, 主任, 老師對學生絶對有愛心, 頑皮的也會笑著循循善誘, 課程有系統性, 連長成冊也做得很好很專業.

各位可能近來會面對很多不同的面試, 可能等侯的时間更久, 作為家長, 多引導小朋友, 可以帶些小食, 小玩具, 安撫小朋友的情緒, 可能對面試有幫助.

cutenabb

唔好意思，我想問下3年前in 培道時係咪都係o係有蓋操場內一個家長抱住小朋友坐o係一張小朋友chair??
同一時段分a,b 2組人等前一組小朋友group play完到A, A組完左到B, 當家長坐左o係chair度小朋連企地下都無咩位，可以話動彈不得! 我自己A組先唔係話等太耐就入去group play,但我好多朋友係同時段b組真係小朋友無得點活動要坐o係爸爸/媽媽大脾，無空間活動尤其坐中間位，因為真係小朋友一郁就拍打到前面家長， 所以o係一開頭等時好多小朋友已經係咁喊同掙扎， 我果時等為左安撫個仔只好撩坐旁邊的家長傾2句同埋一齊同個長家唱兒歌我地2個小朋友先叫做唔郁動咋，何況b組我朋友o係咁情況下夾住個仔坐中間位超過30分鐘唔郁得。

等得耐ge學校好多家長都試過同埋係預左， 但真係未試過咁樣一開始等囉， 個家長又拎住個袋，手上又申請表， 要抱住小朋友坐住幼稚園小朋友size chair, 都真係好高難度， 連開袋想拎小餅乾都怕整到左右隔離前面家長，係超級迫

可能我地4,5個朋友都唔好彩IN 極都係同一個老師, 個個都係話佢無表情問野太緊迫完全唔引導小朋友, 真係未試過遇到咁ge 老師不論佢係唔係小學老師, 亦體諒感謝老師一日in 咁多小朋友辛苦, 小朋友直覺好緊要唔鐘意個老師即使係識都唔答唔望, 我仔未試過面試係咁, 平時見到陌生人就hi 同笑笑笑, 我都好奇做咩我仔咁反常。個老師咁樣唔代表間學校唔好, 只係比左家長第1個印象唔好, 學校真係好靠用家口碑, 只可以話某d 老師態度影響到學校所做的一切, 尤其係去過簡介會聽完之後去in 的家長仲要in 正果批的老師的, 真係有點失望的~ 加上我妹係o係培幼畢業大的, 自己由細到大都係o係附近住培幼小朋友真係好乖的, 只是今次親身經驗遇上, 感覺到有d失落吧~

babygini

原帖由 MushroomLi 於 14-11-18 發表
如男孩子中學要再搵，因培中是女校。

女校係咪都係直資,使唔使交學費?

cutenabb

回覆 babygini 的帖子

培道中學係津校唔駛學費的~~ 唔錯ga~~ 早幾年成間拆左翻新哂

janette_chan

dcdc2525 發表於 14-11-17 20:46
如果有幸收，都要想一想先決定讀唔讀。

就算黑面既係小學老師，如直升小學都要想想。

我係用家,小學啲老師絕對無問題,學校的確有愛心,校長同老師真係好好,我聽阿囡講,佢班有個小朋友好曳,成日整其他同學,有次仲用水倒濕我女件校服,有同老師講,老師都係掉開佢而唔係話罰呢罰路,老師會用群眾壓力令小朋友自律,學校亦鼓勵幫助人,高年班同學要負責照顧低年班同學,例如導修堂會幫手教低年班同學功課(老師亦會在場),呢啲咁著重德育嘅學校,而家已經買少見少!!

Pollyowen

cutenabb 發表於 14-11-18 15:06
唔好意思，我想問下3年前in 培道時係咪都係o係有蓋操場內一個家長抱住小朋友坐o係一張小朋友chair??
同一 ...

我同個女坐走廊位, 會好d,不過小朋友好難有耐性等咁耐, 未到佢已經走黎走佢, 攞住張form 個女又想撕走張相, 好難攪, 又唔影響佢心情, in完雖然都知reject多, 但對學校安排都有d失望, 面試過程比校長簡介會講的深好多

chok0925

janette_chan 發表於 14-11-18 15:52
我係用家,小學啲老師絕對無問題,學校的確有愛心,校長同老師真係好好,我聽阿囡講,佢班有個小朋友好曳,成日整 ...

我都相信哩間係一間用心辦學既學校,可能真係今年太多人,安排得無咁好啦,雖然等我都得太耐,但我都希望有offer,因為我都好心儀哩間學校,我有去簡介會,亦之前爬左好耐文,用家個個贊好,咁當然要同一線既比一定無得比!

但我都希望自己小朋友搵到一間適合既學校,一路讀上去,

仲有22/11一日面試,真係好心急!

dcdc2525

janette_chan 發表於 14-11-18 15:52
我係用家,小學啲老師絕對無問題,學校的確有愛心,校長同老師真係好好,我聽阿囡講,佢班有個小朋友好曳,成日整 ...

我無意特別去評擊培道任何既幼稚園或小學老師。我只係將當日之情況講出來。
只能說，她們當日的面口就是如此。
即使平時如何好，面試係對一些未接觸學校家長，第一次親身感受學校既機會。我覺得，老師幾倦都好，係唔係唔應該擺出一副不耐煩的樣子，仲要係草草完場。
覺得她們態度差的不只是我一個，上面都有幾位家長有如此感覺。

tester5

回覆 cutenabb 的帖子

我今年冇參與面試, 所以我唔評論今年的情況, 而且我也安排相信是可以有改善空間的,
我沒有否定你的第一感覺, 我只希望大家不要因為一次安排不善, 就否定一間學校.

gg33

原帖由 Pollyowen 於 14-11-18 發表
問咁少野?

in我那位miss直情冇問我問題，問阿仔都只是2條問題，可能見佢唔係好識講野

cutenabb

我意思係只想問下今年安排係咪同你小朋友3年前安排一樣， 如果一直都係咁只可以話人太多只安排2日in培道今次失哂預算， 唔會話咁等法就否定培道唔好， 我妹o係度畢業，我認識加眼見培道過20年有多， 今次安排係差左d黎緊佢仲有一日面試希望安排好返d, 最致命係某老師態度真係令家長們誤會左學校，最funny係我同幾個fd都中同一個老師比我地同一個feel 。

我當然相信培道係一間好學校，而老師亦代表住學校面對家長，希望黎緊的家長去interview 加油

janette_chan

dcdc2525 發表於 14-11-18 17:11
我無意特別去評擊培道任何既幼稚園或小學老師。我只係將當日之情況講出來。
只能說，她們當日的面口就是如 ...

可能我嗰日見9點,所以唔知下午個環境有幾惡劣,不過你見到嘅只係其中一兩位老師,唔應該一口咬定所有老師都係咁,我見前面都有家長講有啲老師都好好,我明白學校安排得唔好係會令家長對學校嘅觀感有影響,每間學校都有好同唔好嘅老師,好似我細囡而家讀緊間PN,我INTERVIEW嘅時候個老師態度都唔好,好趕時間咁草草了事,由於我無第二個OFFER最後無奈讀咗,點知返咗學個班主任勁好,幾乎個個星期打俾我滙報阿囡嘅進度,仲問埋我佢喺屋企有無曳,有就幫我話吓佢,講完佢知嘅嘢佢真係幫我跟進,會打番電話問我有無改善,如果我因為個INTERVIEW老師而錯過咗呢間學校,咁點知原來學校係好嘅呢??如果唔係大女喺培道,我會俾細囡繼續讀而家嗰間!!

Pinkmoon

原帖由 janette_chan 於 14-11-19 發表
可能我嗰日見9點,所以唔知下午個環境有幾惡劣,不過你見到嘅只係其中一兩位老師,唔應該一口咬定所有老師都係 ...

如果比著个好老師教就係，如果係比果个態度差的老師教三年點算。间学校係好，但一个老師这樣，讀左果班怎樣？

lcl505

老實講,龍年龍校，一定多人爭，你報得就預左，人總有情緒，小朋友，家長，老師大家都係人，有時身體疲倦總會不經意地表露於臉上，大家就一就，開心愉快的經驗就這樣產生的，就當是遊戲吧，學校你地唔會選錯，它的確係一所用心教導的好學校

janette_chan

Pinkmoon 發表於 14-11-19 09:52
如果比著个好老師教就係，如果係比果个態度差的老師教三年點算。间学校係好，但一个老師这樣，讀左果班怎樣 ...

點都唔會唔好嘅老師教三年,因為年年都唔同老師教架嘛,況且佢INTERVIEW態度唔好唔代表佢教學有問題啫,始終小學老師同幼稚園老師態度一定有分別,同埋你讀咗之後發現有問題可以同校長講,培道校長真係好到你唔信,一個咁好嘅校長,佢嘅團隊我又唔信會差得去邊囉!!

MushroomLi

原帖由 chok0925 於 14-11-18 發表
本帖最後由 chok0925 於 14-11-18 17:19 編輯

很高興睇到你沒有因一次的面試接觸,而將之前對整間學校的睇法完全推翻，好希望學校給offer你的小朋友，只是用家一味讚好的説服力遠不及親身體驗吧，希望將來有機會給你見到哪面試日以外的培道