請問有冇N1D1(PM)同學仔

loloyen

HI!媽珠
咁呢排你女女乖唔乖?
我諗過想買冷背心比阿仔,因為如果再涷啲,可穿埋係入面再穿校褸,不過我附近只有一檔係街市鋪,有件幾好不過最細5歲,另1件有細不過質料麻麻,可能要星期六出國貨公司搵先得,又唔知有冇咁細件 ,呢排開始留意今年小一派位,因為過2年到我哋,周圍睇下觀察下,到時應該點做,到時我哋會有排煩 !

媽珠

Hi! loloyen,

阿女好似冇咩心機噉. 啲功課返到嚟竟然問返我點做 ??話唔記得Miss Lam 講要點做. 好在佢醒我都正, 用另外一個方法問佢佢又開返個錄音機講返出嚟.

因為呢排阿女嘅生活時間表有兩個變化, 一就係學溜冰, 二就係99嚟咗我哋度短住. 攪到阿女日日起身都要玩, 唔肯返學, 一起身問我要唔要返學? 要就即刻 . 呢個星期好啲啦! 淨係問, 問完扭一陣冇喊. 希望佢下星期正常返啦!
前日行咗半日, 最後都係買件雪花牌比阿女. 因為我見佢著夏天件外套都起晒毛頭(著得好粗). 用幾舊水買件cashmere 著一年我唔想, 好似好浪費. 所以都係用幾十蚊買件保暖嘅比佢算啦! 但由於我倆都愛靚 , 所件衫我同佢釘咗啲花仔同改咗啲  cute 啲嘅鈕.   

其實我間中都有去下小學嗰邊睇下, 做定功課.   

原帖由 loloyen 於 10-11-24 15:40 發表
HI!媽珠
咁呢排你女女乖唔乖?
我諗過想買冷背心比阿仔,因為如果再涷啲,可穿埋係入面再穿校褸,不過我附近只有一檔係街市鋪,有件幾好不過最細5歲,另1件有細不過質料麻麻,可能要星期六出國貨公司搵先得,又唔知 ...

[ 本帖最後由 媽珠 於 10-11-25 16:32 編輯 ]

loloyen

hi!媽珠
你女女呢排有啲唔乖,可能習慣有啲改動,過一排應該冇事,係啦你件雪花牌係邊樹買架?有冇背心開褸款,有冇我阿仔細件啲架?thx!
明天就開生日會啦,好緊張我,唔知阿仔係未都緊張呢 !阿仔夏天個件外套都真係唔掂,都係起晒毛粒,下年都要考慮買過件新,好鬼霉 !明天都會見到你?有時都唔係唔想星期五接阿仔放學,不過c6冇時間同我去,我就要搭的士去,最慘係同miss lam吹完一輪出到門口,等好耐都冇的士,一係要同人爭 ,上星期五就等咗20分鐘先有,好麻煩 !

媽珠

Hi! loloyen,

件雪花牌我響花園街買, 阿女著4 碼, 身ok, 袖就長咗1 寸. 我見有背心款o架. 最細係2 碼.

你仔做 party  主角一定會好開心     , 你 唔好太緊張啦!

夏天件外套我過兩日洗完會用鬚刨刨一刨先, 如果 OK可以著多年. 因為買多件佢都係噉粗著, 結果都係一樣.

學校門口好難有車o架 , 帶住小朋友行去的士站都要行約10 分鐘. 你不如call 的士, 一早約定車咪唔駛同人爭囉.如果你想 知電話, 你去程一上車問司機又或者查電話公司.

原帖由 loloyen 於 10-11-25 23:57 發表
hi!媽珠
你女女呢排有啲唔乖,可能習慣有啲改動,過一排應該冇事,係啦你件雪花牌係邊樹買架?有冇背心開褸款,有冇我阿仔細件啲架?thx!
明天就開生日會啦,好緊張我,唔知阿仔係未都緊張呢 !阿仔夏天個件外套都真係 ...

loloyen

HI!媽珠
今日我遲咗去接阿仔,因為屋企留下冇的士,所以見唔到你 !今日阿仔好 ,見到有咁多零食紅雞蛋拎,又有份大禮物,MISS LAM都話阿仔今日好,見到阿仔手拎一份大禮物,但又見到書包有多份大禮物,我問MISS LAM ,MISS LAM話係佢自己買比阿仔,呢個MISS真係冇得彈 !今日我醒目我搭去學校個架的士,叫司機係學校門口等我,再返回屋企,都係比平時多$2,唔使等的士等餐死 !所以今日都係同MISS LAM傾咗兩句,MISS LAM話阿仔呢排都乖,只係食茶點都係慢,冇計 !阿仔唔係學校攪攪震已經 !希望大啲可以食番快啲!

loloyen

唔記得講你女女明天去賣期,記得穿多件衫,早上好大風架,希望你女女賣得開心!

媽珠

Hi! loloyen,

嗰日我都遲咗小小, 去到課室見你個仔已經企響門口等你, 一包二包好似好心急想 show　比你睇. 我就問佢不如接埋佢一齊放學好唔好, 佢就好怕醜噉話唔好 ....

尋日阿女賣旗都係賣咗1個鐘多啲, 因為佢答應咗舞蹈班個老師參加表演, 所以之後嗰幾堂都一定要返. 賣旗成績我都覺得OK. 賣咗 3X 支旗. 因為尋日油天都有一齊賣旗, 所以一落街已經見到好多人賣旗, 又因為阿女要學跳舞唔可以坐車去第二到, 所以只好行去街尾賣. 人留疏啲又或者行過嘅好多都買咗, 但我都叫阿女自己試下叫人買, 當係一種教磨練囉. 不過個傻妹都有啲蝦碌嘢, 一係就o禁住個入錢位叫人入錢, 一係人哋入咗錢走埋都冇比旗人

原帖由 loloyen 於 10-11-27 00:05 發表
HI!媽珠
今日我遲咗去接阿仔,因為屋企留下冇的士,所以見唔到你 !今日阿仔好 ,見到有咁多零食紅雞蛋拎,又有份大禮物,MISS LAM都話阿仔今日好,見到阿仔手拎一份大禮物,但又見到書包有多份大禮 ...

loloyen

HI!媽珠
請問你賣旗個日係未要7:30到學校集合架,因為我見到通告係咁寫,所以怕阿仔早起身辛苦今年唔參加,問定下年先再參加 !
星期六我出咗去花園街買咗雪花牌開褸背心啦!真係 你,如果唔係都唔知去邊樹搵 !阿仔星期五放學搭的士時都有講過佢話要你女女坐埋一齊係的士,我諗阿仔既意思係你話接埋佢,所以佢形容一下同你女女一起返HOME!

媽珠

Hi! loloyen,

我之前都以為係, 其實 星期四已經將旗同錢袋派咗比我哋(可能怕星期五先派個書包太重). 入面有指示叫我哋去邊度賣同一啲細則. 好在指示要我哋去油尖旺區, 所以一落街我哋就可以開檔.

噉你個仔都織識同你講返發生咗嘅嘢, 佢好叻呀 . 不過你同佢講呂曦童媽媽接放學唔係即刻返屋企o架, 因為呂曦童:;pppp: 要去玩一陣先肯返屋企o架. 都係唔好講啦 ! 如果唔係你個仔有樣學樣就煩到你啦!
好似我個女知我去學校接佢佢就知會去又一城玩 ( 佢玩極都唔悶). weekend 跳完舞一出學校門口就問我去邊, 如果我話返屋企佢就要我打電話約公公婆婆飲茶, 同又要約埋佢啲表姐弟妹一齊去飲, 因為佢知噉就可以直落玩到夜晚.

原帖由 loloyen 於 10-11-28 23:46 發表
HI!媽珠
請問你賣旗個日係未要7:30到學校集合架,因為我見到通告係咁寫,所以怕阿仔早起身辛苦今年唔參加,問定下年先再參加 !
星期六我出咗去花園街買咗雪花牌開褸背心啦!真係 你,如果唔係都唔知去 ...

loloyen

hi!媽珠
你女女都好好精力!唔會覺得累 !
如果咁樣唔使咁早起身,我都比阿仔下年參加!
想問一下你,11月份份餐單係未冇咗30號個日咁 !
今日個功課又唔知點解印埋12月1日做個版 !即係點?我安全啲叫阿仔做埋 .thx!

媽珠

Hi! loloyen,
佢嗰日 8:00 就自已起咗身, 之後跳完舞就去咗公公屋企直落. 返到屋企成十點, 都重要玩. 要我叫先瞓....
11月餐單有 30號, 係芝士肉鬆條 + 橙汁.
功課淨做 29 號, 如果你做咗, 1號就可以休息一下啦!

原帖由 loloyen 於 10-11-29 23:49 發表
hi!媽珠
你女女都好好精力!唔會覺得累:good: !
如果咁樣唔使咁早起身,我都比阿仔下年參加!
想問一下你,11月份份餐單係未冇咗30號個日咁:question: !
今日個功課又唔知點解印埋12月1日做個版:question: !即係點?我安 ...

loloyen

hi!媽珠
昨日阿仔回來,問佢今日有冇唔乖,佢自己已經報案,話食茶點喊,我都知miss lam夜啲會call我,原來阿仔唔肯食個bread,揸係手好耐都唔食,直到佢見到miss lam同其他同學仔排隊去next room睇tv,阿仔就即刻好快食,因為佢驚賴底佢,之前miss lam叫佢食佢又喊咗好耐,都唔知點攪可以令佢食好啲 ,平時係home都成日教佢唔好浪費食物,重比埋非洲國家個啲瘦猛猛小朋友啲片佢睇,解釋比佢知,問佢要唔要去呢度,冇食物,冇衫著,冇屋住,佢都識答唔好,教既時候佢又話唔浪費,但一返到學校見到唔like既bread就乜都唔記得! 唉!

媽珠

Hi! loloyen,
頭先阿女都有同我講, 仲辦  Miss Lam 嬲時個樣比我睇. 我問佢 Miss Lam 點解會嬲, 佢話因為有小朋友唔乖, 仲講我知係你仔仔食茶點食得慢 所以  Miss Lam 嬲.
不過而家啲細路食嘢都好難攪, 我個女又係噉, 食嘢冇人睇住唔食. 連同表弟表姐都一樣, 所以如果返公公婆婆度食飯, 小朋友自己一齊食, 我坐響度望住就個個乖乖自己食, 因為個個都怕我  . 我家姐話見到我嗰餐佢食得好自在, 起碼唔駛勞氣 叫表弟食飯.都唔知要用咩方法 啲小朋友先會自己自動食飯, 唔駛人   先食, 唔通真係要餓佢幾餐先得.
呢排阿女唔係日日都即日匯報學校生活比我知, 有時又匯報不準確. 好似今個星期二臨返學先講, 話  Miss Lam 講邊個玩完返課室最慢下次唔比佢出去玩. 一路講就一路 , 佢話因為佢最慢, 佢知要快啲玩完返課室, 因為小朋友要放學..... 我問佢係咪 Miss Lam　叫好多次你先返, 佢又話唔係. 但佢高頭大碼手長腳長冇理由會行得慢過人 o架. 所以我尋日接放學問 Miss Lam, Miss Lam 話係做功課做得最慢先冇得出去玩, 而且佢又未試過係最慢. 唔通阿女自己日有所思 夜有所夢 .

原帖由 loloyen 於 10-12-1 15:47 發表
hi!媽珠
昨日阿仔回來,問佢今日有冇唔乖,佢自己已經報案,話食茶點喊,我都知miss lam夜啲會call我,原來阿仔唔肯食個bread,揸係手好耐都唔食,直到佢見到miss lam同其他同學仔排隊去next room睇tv,阿仔就即刻好快食,因 ...

媽珠

重有呀! 尋日唔記得還書比學校, 攪到 Miss Lam 出reminder 追. 阿女又話有同 Miss Lam say sorry . 所以尋晚溜完冰返屋企, 佢竟然唔駛叫就自動將圖書放落書包. 可能你Miss Lam 教佢啦!
阿女尋日同我講學校有 Christmas 表演, 但係未綵排. 唔知係唔係呢. 真係好想睇, 不過我諗係校內表演, 家長未必有得睇, 如果有相睇我都好開心o架啦! 呢兩日佢一聽到 Christmas 音樂, 佢會唱歌, 可能學校己經教緊佢哋唱喇!

loloyen

HI!媽珠
今日阿仔放學回來都自己話今日有喊,佢話整爛咗個三角形,我話下次唔好啦,不過佢始終太細個我都知好難定性,唯有叫佢下次唔好曳,明天你接唔接你女女放學,會唔會見到你,好鬼掛住你 !有彩排就好,不過我哋冇得睇,唔係嗎 !唔知阿仔有冇份!希望阿仔快啲食嘢有改善 !

媽珠

Hi! loloyen,
今日塞車 , 所以到我遲咗接放學, 呢排同你真係冇緣啦!
見家長我會改weekday 放學, 費事無情情去多日學校. Miss Lam 叫我寫上要改嘅時間在通告上, 佢會re-confirm 返我.
學校要考試啦! 阿女呢生人第一次學校考試, 我好緊張呀!

原帖由 loloyen 於 10-12-3 00:03 發表
HI!媽珠
今日阿仔放學回來都自己話今日有喊,佢話整爛咗個三角形,我話下次唔好啦,不過佢始終太細個我都知好難定性,唯有叫佢下次唔好曳,明天你接唔接你女女放學,會唔會見到你,好鬼掛住你 !有彩排就好,不過我哋 ...

loloyen

HI!媽珠
我上星期五都冇去接阿仔 !唔係冇緣,因為今個星期三C6休息,佢話到時先去接,所以上星期五冇去到,SORRY!
大家既小朋友都開始人生漫長既考試生涯,一開始要到20年多後先可以停下,真辛苦,你唔好咁緊張,唔好太大壓力比自己同你女女,順其自然,努力咗就OK!我都同阿仔溫過下,英文OK,中文就麻麻 ,不過我都會同佢溫多啲,估唔到佢係學校原來學咗好多嘢,平時阿仔都冇乜講過份卷入面既字,但一睇到佢就識讀,真係 間學校!真係冇選擇錯!

媽珠

Hi! loloyen,
阿女都係, 英文 letter sound 睇圖都識晒, 重教返我, 所有用英文嘅問嘅問題點問都識答. 但中文就淨係識個"布"字 (因嗰日剛剛做完中文功課), 其他都唔識. 而家只好用字咭日日同佢識下字啦!

原帖由 loloyen 於 10-12-6 15:18 發表
HI!媽珠
我上星期五都冇去接阿仔 !唔係冇緣,因為今個星期三C6休息,佢話到時先去接,所以上星期五冇去到,SORRY!
大家既小朋友都開始人生漫長既考試生涯,一開始要到20年多後先可以停下,真辛苦,你唔好咁緊張,唔好 ...

媽珠

Hi! loloyen,

你實係好忙喇! 今日有冇還書呀? 阿女星期一晚已經自動將本書放落書包. (可能  Miss Lam 叫啦, 睇完可以還返先, 阿女話好多人唔記得還) 不過佢放錯咗響圖書管借嘅嗰本書 , 所以尋晚自己又要再放返本o岩嘅落書包.

loloyen

HI!媽珠
係呀呢排好忙,因為剛賣咗層樓,要搵地方住,搵到屋又要去新屋度尺,又要睇傢俬,真係 !因為趕住新年前搬,不過今日都有時間接阿仔,終於見到你啦 ,阿仔食茶點方面都仲係麻麻,希望阿仔快啲叻叻,你女女呢排有冇唔乖!