請問粉嶺上水區小一派位?

hinhei

仲有補充就係
我鐘意曾梅其中一點係佢係lunch time 加長咗,比小朋友來參加課外活動.

軒幼兒園方面就係講曾梅讀的小朋友返來都好開心,話好多課外活動.
榮真的就一半一半,成績好名列前矛的當然無問題好開心啦!但成績唔好的就話唔開心,追得好辛苦咁話.
其實一直以來軒的幼兒園對榮真的評價都唔係咁好~~~~

朗媽

究竟嘉福榮真係傳統教學定係活動教學？？？



hinhei,

其實宗教分都要睇學校係邊個教會，若果你本身入神召會，而你報o既學校係聖公會，你未必有宗教分，你要問清楚心水學校o既要求。呢點我好肯定，因為尋日去咗民生書院聽研討會，有講者提及呢一點。

wenwen821

朗媽,
我4/9有事無去睇學校, 但聽同學媽咪講曾梅千禧只係新, 其他麻麻, 同你講的一樣, (五個課室有兩間無冷氣(因無$$$$)，仲有隔離起緊公屋, 仲有好多設施未完全裝設好), 反而李志達就好好, 無論環境, 校舍都好過嘉福榮真, 佢話考慮李志達, 因無宗教容易入d!

朗媽

wenwen821,

4/9 我去咗大埔田家炳千禧，只係去八卦吓，有攤位遊戲玩。之後咪去咗曾梅千禧囉。

我無入李志達個校舍，但環境真係唔錯，面對運動場，對面係公眾泳池，好清幽。

你有無參觀學校？佛教正慧呢個星期六開放日，            11/9 (10 - 11:30 pm)

你知唔知嘉福榮真係咪傳統教學？

朗媽

Polly,

你有無收到風話宣道 2006 年轉全日制？

Astrid

Teresa ,

呢個星期六我都要返正慧開家長會 !!      你會發現, 佢 d facilities 係好過曾梅好多 ....

朗媽

Astrid,

我上過佛教正慧個網，d設施好完善，校舍好靚，我老公話學校位置好過曾梅千禧添。

我諗我多數揀嘉福榮真呀，希望無決定錯啦。

朗媽

hinhei,

曾梅 lunch time 加長至幾耐？

*Polly*

朗媽,

我已知道,  但經過幾個禮拜的暑假, 比個曳仔 King 搞到我瘦咗成個碼,  我知道如果比佢讀一年半曰, 可能命都比咗佢.  所以要轉軚揀其他全日的學校啦!

星期天同佢老豆傾過揀小學的問題, 個死人頭諗都唔諗就講, 橫掂都是無分, 間間都無咩機, 不如博吓d名校la.  你話死未......  好似個仔無佢份咁...

而家考累 上水榮真 - 比較近, 等佢大d可以行路返学
                曾梅 -無宗教分問題, 上年識幾個小朋友 第2輪第一志願都掂咗.

真煩死人la

朗媽 寫道:
Polly,

你有無收到風話宣道 2006 年轉全日制？

              

hinhei

朗媽

我睇佢個網頁話有四十五分鐘用來給小朋友參加課外活動.

佛教學校我一定唔會選,因我們是基督徒!
若你不是,其實正慧睇來都幾好!

頭先我老公先出來講,佢都係想個仔讀榮真.我就同佢講,睇吓點囉!第一輪唔得,第二輪乙我都會選榮真做第一志願!咁睇吓神點安排吧!
跟住佢仲話我一諗咗係點就點,唔會聽人講.............
乞人憎到死,我都講咗比佢知我問咗好多人啦!

我今日問過老師,佢都唔讚成我選榮真,因佢覺得軒比較坐唔定,所以入到榮真都未必係好事.因榮真比較注重一啲乖又成績好的學生,其他的都比較懶理!

朗媽,你其實仲要考慮一個問題,就係嘉福榮真好串架!無叩門架!但另外一間就可以!所以你有心理準備,第一二輪入唔到就無希望的了!

朗媽

hinhei,

聽聞李志達都幾嚴，唔知曾梅千禧係咪一樣。

今年朗朗間幼稚園有 8 個入嘉福榮真，4 個入曾梅千禧。

朗媽

Polly,

我老公都無咩意見，不過佢都覺得曾梅千禧個環境幾好。上水榮真近年似乎少咗人揀，好多人都揀有新校舍嘅學校。

你話煩，上咗小學仲多嘢煩。King 少學校有默書未？

tungfung

Hi everbody,

I am new to this web site.

I think that why Ka Fuk Wing Chun (KFWC) cannot entertain the unsuccessful applicants after the 2nd round of P1 placement exercise is that she has too many applicants to entertain.  The case is similar to a restaurant with very delicious food cooked will have a very long queue during lunch and dinner time.  
In my understanding, KFWC constructs a very good condition for students to develop their talent.  So you may note that there will be (but not too many) projects assignments given to students and most of these assignments do not need the parents' assistance as they will be allowed to discuss in the lesson time in school

Tungfung

Astrid

....... 岩岩聽完黎幫我做鐘點既社區中心職員 (宣教會) ...... 因為佢個侄女今件要選小一 ..... 所以都好多野同我講 ...... 佢非常唔喜歡曾梅千禧 ...... 因為 d 老師唔夠心愛, e.g. 佢地既學生好多都係坐校巴, 但佢地 d 老師就唔俾架巴駛入學校 .... 搞到個度交通擠塞, 第一二日因為有 police 趕車, d 車就係遠 d 既迴旋處落人, 由老師帶入學校 (都好遠下) .... 第三日無 police .... 就算俾 273A 既巴士 "砵" , 校方都一樣唔肯開閘俾校巴入去落學生  ......

仲有, 轉左新校舍一年就換左個校長 .... 有 d 地方唔 "咸" 接 ......






... 我都係聽人講咋 ... 我自己就 no comment  

wenwen821

朗媽,
我都唔知嘉福榮真係傳統教學定係活動教學, 不過上次去上水榮真問過校長呢個問題, 佢話係多元化, 部分傳統, 部分活動, 唔知嘉福榮真係咪一樣 . o甘請問你知唔知上水榮真係咪band 1?
前幾日聽完位家長講嘉福榮真有個男學生的問題和學校處理方法, 令我對呢間學校有d失望. 真係唔知仲揀唔揀佢好     .
     

朗媽

Astrid,

o個日去參觀曾梅千禧，個老師話o個個係署理校長姓李，好鬼後生，我估唔過40，唔知署理校長同校長有乜分別。

朗媽

tungfung,

你的小朋友又係今年揀小一？定係你有仔女o係嘉福榮真讀緊？

朗媽

wenwen821,

我問咗喇，係傳統教學，但又加咗活動教學o既元素，我估同上水榮真差不多。但我唔知上水榮真係咪 Band 1 呀。

可唔可以講吓個男學生嘅 case 我知？

*Polly*

朗媽,

學校講咗要默書, 但未開始默.  而家次次等佢做完功課就同佢試下串字, 比佢實習吓lor.

但最要命不是默書, 而是一星期要做2個閱讀報告, 及一個新聞分享, 你話系唔系要我地媽咪学習小一生活ar

朗媽 寫道:
Polly,

你話煩，上咗小學仲多嘢煩。King 少學校有默書未？

      

wenwen821

朗媽,
件事唔知係真定假, 我不如pm比你啦!