將軍澳富康德寶(DEBORAH)

fifi

wing530,
我都覺啊﹐有你D提點下﹐分享下﹐個人都定D同開心D啊

你D仲要分組啊﹐一班要分幾組同一組幾個小朋友啊。係唔係會分開玩啊﹖

果日問國際班遲D會唔會開中文堂﹐佢D講而家仲唔知﹐不過K3主流班都係一唐人一鬼佬帶班﹐如果係咁﹐我會幫女轉主流班(如果K2唔轉出去)

我女係6月生日。

我覺得主流雜費貴又係因為聽朋友講St. Catherine 係五百幾﹐Victoria 都係千幾﹐所以覺得二千幾幾貴下

hinhinmom

Hi wing530 and fifi,
開頭我都覺d書簿雜費好貴, 成2千幾蚊半年,
but, so far仔仔之讀PGC時,
DEBORAH都無要我地再交其他雜費,
因為已經一次過交晒,
唔似得出面我知道有D學校成日要交~
另外, 佢地學校開生日會有D小禮物架,
攪到仔仔一話開生日會就開心到"FAYE"起~

fifi,
唔駛太緊張架, 我之前仔仔讀PGC時,
開學前我成個禮拜瞓唔到呀,
但返到學佢o既表現ok,
我先放心o乍~ take it easy 啦~~

fifi

hinhinmom,

原來妳仲緊張過我，我可能都僖返學前一晚‘目訓’唔到，不過而傢就成日唸住，驚自己唔記得左野，買漏左野

佢D兩個月開一次生日會﹐係自己班度開定係所有小朋友一起啊﹖唔過生日果個都有禮物﹖

hinhinmom

fifi,
佢地應該係全校同一日開生日會，
因為佢地當日唔駛著校服,
我仔仔上校巴時我見個個小朋友都無著校服~
佢地就算唔係o個個月生日都會有小禮物同snack架~

yi

wing530, I think today morning I saw yr husband and yr son went to school by MTR. I recognized yr son and the shcoolbag of the kindergarden. I also live in La cite noble.

siufo

想問下德寶有無全日班? 幾點至幾點? 幾多錢呀?
仲有多數會升邊間小學?

我又係住tko架, 囝囝依家先四個月大, 但都留意定學校info, 唔使到時花多眼亂。

HALAHA

各位媽媽,
幾日無上BK,好開心大家已經有咁多留言,等我又發表一下先.
放咗2日假陪囡囡返學,之前一晚我都緊張到失眠,但囡囡出乎我意料之外,竟然無哭.第一日返學,好多小朋友都哭得好厲害,哭聲震天,搞到我都心酸酸,囡囡就話要找爸爸,滴咗2滴眼淚,之後見到小朋友唱住歌排隊去廁所,就走咗下去,同老師講話佢又想去,然後我就走咗,後來老師告訴我囡囡表現得很好,無哭.直至今日,返咗3日,都算OK.所以我都好開心.
wing530 & hinhinmom :
你們的囝囝都好叻. 但我有點失望,不可以同你們的囝囝一班,我囡囡讀A班.不過不緊要啦,大家都可以繼續分享.
fifi : 不用擔心,你囡囡都會好快適應的.
你們可不可告訴我,家長會的情況.

wing530

>>fifi & hinhinmom

我地果班有3張table, 所以有3組o掛~    我同hinhinmom同組, 果張table有7個小朋友呀~ 如果你K2唔轉出去, 我地有機喎~     

生日會唔洗著校服呀, 又幾得意喎, 有得玩, 有得食, 又有禮物收, 我估都好開心呀~    

>>Hello, yi,

咁攪笑~ 咁都比你撞到呀!    你係新寶城已見到佢地喇? 係呀, 尋日係老公帶佢返學呀! 今日開始唔係喇, 由保姆湊返啦~

係呢, 你點呀? 我印象中你都好似係搵緊幼稚園喎! 搵定未呀?    



  

wing530

>>HALAHA,

你終於返o黎啦, 我仲唸住通緝你, 睇你去左邊, 咁耐唔見你呀~     

你囡囡都好叻呀! 無喊, 我仔仔今日有幾滴眼淚呀! 佢唔捨得保姆個女呀! 仲有, 有少少賴尿, 攪到條底褲仔濕左, 聽日要拎個條返學比老師喇~

唔同班唔緊要啦, 都可以一齊"吹水"架~     

家長會好似無乜特別喎, 生日會會提早一個鐘放學; 要帶多套平時著既"3"係學校; 如果唔返學, 最好果日要打電話返去; 如果無帶放學咭, 要登記I.D.; 如改左人湊放學, 又無放學咭, 可以早d打電話返學校講低; 星期五派手冊, 要填好資料, 星期一交回; 你地有無補充呀~     

>> siufo

有全日架, 我唔知幾多$$$$喎~     

wing530

各位,

我有個問題呀! 唔知好唔好同老師講好呢?

尋日老公接阿仔放學, 班主任同佢講, anson食左1個三文治, 到夜晚, 我老公同番我講, 我都覺有問題喇, 因為阿仔唔食三文治既, 咁~ 我咪問阿仔囉, 阿仔話好嗅唔食, 咁,我問佢個三文治去左邊呀? 佢話掉左, 我問佢掉左去邊呀? 佢話掉左去垃圾桶喎, 老師唔知既~

咁~ 其實, 我應唔應該同班主任講好呢? 應該由老師教導佢唔好"簡飲擇食", 唔好浪費, 還是呢件係小事, 唔洗講呀?

hinhinmom, 你有經驗喎, 可唔可以指導下我呀?

fifi

HALAHA﹐

你終於返來啦﹐仲唸住唔知你女返學情況點﹖原來你D各個的仔仔女女都好叻啊﹐聽日輪到我D啦，我唸我會好似妳
o甘‘目訓’唔着啊

我驚個女見到各個小朋友喊，佢都喊埋一份﹐到時我就... :cry:

家長日唔係太多野﹐都係好似wing530所講﹐介紹下學校﹐老師﹐小朋友的接送﹐校車等安排。你女會唔會坐校車啊﹖我就會睇返下個時間﹐如果同自己送差唔多﹐從九月就比佢坐校車。

hinhinmom,
你仔仔係德寶讀開﹐而家開學一定唔問題﹐你唔會好似我D咁緊張啦

原來生日會係全校一起開﹐咁真係好熱鬧啊﹐雖然早放一個鐘﹐但可以唔著校服都幾好噢 聽日星期四﹐係唔係應該著運動裝啊﹐我驚我第一日幫個女著錯衫﹐真係笑話啦

wing530,

你仔仔幾搞野﹐唔食又會自己丟左去垃圾桶o架﹐係唔係你係屋企教o架﹖

小朋友有D野唔鐘意食唔出奇﹐話係三文治﹐我唸都係包夾芝士吧。你可以自己話比佢聽﹐麼都要試下食﹐唔鐘意可以食小D﹐話比老師聽﹐老師唔會鬧o既﹐唔好自己丟左去。

如果你唔介意話比老師聽就最好﹐兩方面一起注意下。(不過﹐我都覺得好搞野﹐各個小朋友都坐係度食野﹐一個起身去丟野﹐D miss 都見唔到麼 )

homingm

siufo 寫道:
想問下德寶有無全日班? 幾點至幾點? 幾多錢呀?
仲有多數會升邊間小學?

我又係住tko架, 囝囝依家先四個月大, 但都留意定學校info, 唔使到時花多眼亂。

德寶全日班早上八點鐘就可以送小朋友返到學校，下午六點前就要接走小朋友放學，學費$3700，包括早午餐，及兩餐茶點。至於升邊間小學，我剛問過黃主任今年升小學的情況，而家升小學是電腦抽籤，唔關讀邊間小學，不過好多都派到第一志願 :

fifi

我D放學返來啦

囡囡今日第一日返﹐我琴晚真係緊張到失眠啦﹐又驚今朝唔知醒﹐但5點幾就醒左﹐一路就住就住咁’目訓‘。

不過囡囡就好得意﹐差唔多8點﹐我叫佢起身﹐佢眼都沒碼開就爬左落床﹐搞到我覺得好驚奇又好笑。只係飲左奶就出門。

去到課室﹐個miss走過來同佢玩﹐同佢傾解﹐佢又唔驚噢 都好多小朋友喊﹐仲係D放假返來喊得好犀利﹐D嬸嬸﹐主任都來幫手睇住D小朋友﹐我女係咁望住﹐我幾驚嚇親佢。我同佢講媽咪而家去買D野轉頭返來接你。佢話OK﹐同我bye-bye. 佢表現得好冷靜﹐但我自己返來係車度就眼濕濕 :cry:

仲搞笑係我第一日接放學就唔記得代張card, 要登記ID 去到課室﹐miss哎佢名﹐佢竟然玩到唔捨得走﹐要miss幫佢拎埋個氣球﹐包餅同書包﹐佢先肯走。返來一路沒停過嘴﹐又話食左cake, 玩炒松﹐miss Carly 有唱歌仔又成日同佢玩噢﹐又話有小朋友整暴左個波﹐要羅過個, 又XX唔同D小朋友一起玩......總之有報告唔完D野。我真係服左佢﹐佢真係叻過我﹐我細個返學喊足幾日而家仲當緊笑話

係啦﹐wing530, 我睇到原來星期二係食果醬三文治。

whyeye

fifi,

nice to meet you all here~~

may i know which class are your daughter in?

my son is in PGI. Ms Carly is your daughter's class teacher?

whyeye

fifi

whyeye,

My daughter is in PNI class. Ms. Carly and Ms. Mandy are her class teachers.

PGI is K2 or N1?

whyeye

hi fifi,

PGI is N1 so my son is not of the same class as yours la...

wing530

fifi,

你又咁鬼攪笑既, 竟然無帶放學咭, 我就好似精神病咁, 不停睇下有無帶喎!   
你囡囡都叻喎, 我唸都好快適應呀! 包括埋我地呀~   

今日主流班上2個鐘啦, 仔仔無喊, 係今朝話唔返學, 唔肯換校服, 喊到"3"都濕埋呀, 出左門口就無事啦~

仔仔係屋企都無將食物掉落垃圾桶架, 係掉, 佢都掉落地啦~ :-|  :-|  :-| 今日問返班主任, 佢話仔仔食左幾啖唔食, 係佢叫仔仔掉落垃圾桶架~ 咁都好d, 仲以為無人知佢做個乜呀! 啊~ 食果醬三文治, 佢實唔食架, 佢咩都唔食, 好鬼煩架~      

係呢, 你地有無買書桌呀? 下星期做功課啦, 我都係時間要買喇, 我去過吉之島&實惠都無得買呀, 點算呀? 今日放工去新都城睇睇, Trendyland應該有好多卡通款, 唔知果d好唔好呢? 你地有無提議呀?

hinhinmom

wing530,
你問左ms. suen呀?!
其實我都係有小小野都會打電話比佢,
唔知佢會唔會覺得我煩呢 ??he~~~

我好耐之前o係jusco買左張"摺木台"連chair,
唔記得左幾錢la~~
不過擔佢夠實淨, 我都驚會"反木台"呀~he :

唔, 你地有無d感覺, 我自己就有,
湊左仔仔返左2日學, 宜家好想日日都親自湊佢返學放學,
因為湊佢放學o個時, 佢成日望住個課室門口好似等我湊佢o甘~~

車厘子qt

whyeye,

我同您一班呀!我囡囡是PGI - N1,
您仔仔今日返學點呀?
您有冇陪他?
我囡囡今日返學,喊左好耐呀!
希望明天好D啦!

fifi

wing530,

所以我話囡囡叻過我囉﹐我走果一刻﹐我唸想喊的係我﹐真係好鬼冇用

小朋友適應能力好強﹐真係唔使擔心。今日喊得最犀利果兩個男仔係升班上去的﹐放完假返來。但一個課室幾個小朋友一起喊﹐有D 唔喊的都影響埋一起喊﹐我真係心都酸埋。 :cry:

佢D將D餐單貼係門口﹐可以睇到都幾好。今日食蛋糕﹐我女話佢食得幾多噢﹐但沒食完﹐又話好多同學仔都沒食完

你D咁快就要作功課啦﹐如果今日仲搵唔到可以去九龍灣宜家去望下﹐應該有。

想問下﹐書包度的盒仔係毛巾盒or食物盒啊﹖

我問左D校車﹐8﹕15am係海悅果度上車﹐12:15pm落車﹐點解去程耐好多o既﹖我仲考慮緊遲D比唔比佢坐校車。但老公講日日接佢可以同D miss傾多D都幾好。 不過點都遲D先啦﹐而家仲覺得接送佢好得意﹐不過最衰佢玩到竟然唔想返屋企