一呂家長

claudiaho

星期日出發呀, 今次會去埋聚龍灣,長龍(水上樂團)同祈福農莊, 回來再談

放假前又是做到c, 放完假番嚟又一大堆野, 都唔知幾時先有得逗氣

原文章由 alicetong 於 07-8-8 12:41 發表
claudia,
妳幾時出發去玩呀..
頭先都睇完電視訪問個14歲狀元,佢話佢爸爸煮飯好叻,最希望一家人慶祝食到佢爸爸為佢煮0既一餐飯就最開心..

claudiaho

你要限制佢睇書要有short break呀, 唔係會深得好快呀!

今朝食早餐見到個朋友(教育界) 都係話英文卷太淺, 以致到學校收生時相對地對英文的要求又提高, 同學入門的門檻又相對提高, 都唔知政府(教統局定係考試局?)攪什麼, 一時又話要提升教育程度, 一時又將份卷出得甘淺, 唔知想點

原文章由 Homama2004 於 07-8-9 12:46 發表
唉! 但我好擔心囡囡個眼鏡越來越厚呀!!

今年會考英文科話出得太淺, 得中二, 三程度, 未能反應英文好及差的學生水平. >>
我看報紙都見啲狀元咁講,好奇想看下份卷點淺法....
我有3個同事的仔囡都係今 ...

alicetong

整天親子樂,尋晚玩左2盤大富翁+2出〝逃〞睇到2點,
今朝起身都無左半日,交帶埋阿仔篇暑假作文,教阿女暑期
作業,練琴就出左教協買返學用品+海洋公園飛+幫大山驗
眼配眼鏡,晚黑科學館睇合家歡〝願望小馬〞,再去〝松屋〞
食日本野再返0黎......

claudiaho,
玩得開心d呀.. 返0黎再傾啦.
話之佢啦..玩完再算,休息工作再工作

原文章由 claudiaho 於 07-8-11 22:02 發表
星期日出發呀, 今次會去埋聚龍灣,長龍(水上樂團)同祈福農莊, 回來再談

放假前又是做到c, 放完假番嚟又一大堆野, 都唔知幾時先有得逗氣

alicetong

homama,claudia,candy
係呀,兩年對眼健康檢查都唔pass,免強唔駛帶,舊年都係100度,尋日驗眼右眼變200度,左眼25度.已經配左眼鏡做四眼博士0拿  

[quote]原文章由 claudiaho 於 07-8-11 22:19 發表
你要限制佢睇書要有short break呀, 唔係會深得好快呀!

alicetong

homama,
請check pm  

Homama2004

claudia
>>玩得開心啲!!! 對公司啲嘢暫時失憶…..

一時又將份卷出得甘淺
>>但聽講中文就深了好多,要貼近內地水平云云…..

你要限制佢睇書要有short break呀, 唔係會深得好快呀!
>>我都知….但又不在家,不能時時刻刻叫佢哋做眼部操,好彩這一年的度數都穩定下來

右眼變200度,左眼25度
>>兩邊相差咁遠…..好奇喎!!! 要看看是否有少許惰視喎!!!即時常用右眼.

科學館睇合家歡〝願望小馬〞,
>>好睇嗎????

星期六那天係我居企一年一度的Girl’s Camp, 半夜2點啲女仔扣門入我房話肚餓,吃掉兩盒蛋糕……嚇死我!!真係發育時間好食得…晚飯已各人吃2-3碗肉醬飯+4隻雞翼+無數菜+半盒雪糕…..,我在西田買了四包牛肉弄肉醬,4磅雞翼,5大個西蘭花…清晒….嘩!!7個女仔可以咁大食喎…….厲害!!我同老公講難怪以前啲父母生7-8個時,叫啲仔囡做化骨龍,食都食窮 …..去年無咁厲害喎!!! 那晚的女仔結果係無瞓咁濟…..而我同老公都一晚起數次身叫佢哋靜啲要瞓下…..現在仍然累到想c……但總算各人都玩得好開心….:) :)


昨天家長們接小朋友到酒樓飲茶,聽一位家長講妹妹一位同學讀呂中的家姐考獲2科5*+6科A.... ,即是8A呀!!好勁呀!!佢同14歲神童一樣,當年DGS都唔收佢讀Form 1,走寶 !!! 又有一位家長話佢朋友仔仔讀中中,想著都要找IVE讀,但出來居然有24分入了恒商讀預科,佢係最後2個月才發力.....啲仔真係厲害,2個月就得!!



[ 本文章最後由 Homama2004 於 07-8-13 09:37 編輯 ]

alicetong

homama,
我都係咁諗..問視光師又話唔知0既.. 無理由相差咁遠掛..
只知hb話唔想太快戴眼鏡拖一拖就深左100度0拿
佢眼仔經常怪怪地咁轉...難為佢平時點睇野呢？
視光師話無配足..200度那邊配175,25度那邊配足度數..希望
平衡番..另外25度那邊都有散光25度呢？

〝願望小馬〞幾好睇喎..hb就打左5次呵欠...我笑說明年唔駛預佢0拿... 我可能人老心不老...同小朋友一樣有共鳴呢？:loveliness:



※右眼變200度,左眼25度
>>兩邊相差咁遠…..好奇喎!!! 要看看是否有少許惰視喎!!!即時常用右眼.

科學館睇合家歡〝願望小馬〞,
>>好睇嗎????

candytl

claudia,

希望玩得開心啲, 翻來同我哋分享吓行情.

alice,

聽講話有近視唔戴眼鏡會加深度數架, 我諗係聽視光師建議點做安全啲. 小朋友近視問題都好煩的. 你仔仔宜加睇電視上堂使唔使戴眼鏡?

homama,

嘩, 7個女仔嘅食量嚇c我
正值發育期, 可能個個都係咁食得的. 記得兩年前我老公兩個姪女黎我屋企食飯, 我事前已准備比平時多一倍有多嘅餸菜, 佢兩姐妹(年紀只差一年)食到包尾, 掃到檯面干干淨淨先停手.

哈哈, 我好期待我兩個女將來都係咁食得.

[ 本文章最後由 candytl 於 07-8-13 13:53 編輯 ]

alicetong

homama,
妳地真係好心思呀...最緊要夠地方容納咁多人喎...
可能佢地實在太興奮不能眠0拿...半夜2點仲敲門搵auntie
搵食 妳地想訓都好難囉..:D 講開又講訓著左唔覺餓..
唔訓覺半夜三更個肚會〝谷谷〞叫架..
佢地發育年齡一定食得多...遲d貪靚就唔會0拿...
呢個女仔心事girl camp一定令佢地好難忘架..
一個童年的美好回憶:loveliness:



※星期六那天係我居企一年一度的Girl’s Camp, 半夜2點啲女仔扣門入我房話肚餓,吃掉兩盒蛋糕……嚇死我!!真係發育時間好食得…晚飯已各人吃2-3碗肉醬飯+4隻雞翼+無數菜+半盒雪糕…..,我在西田買了四包牛肉弄肉醬,4磅雞翼,5大個西蘭花…清晒….嘩!!7個女仔可以咁大食喎…….厲害!!我同老公講難怪以前啲父母生7-8個時,叫啲仔囡做化骨龍,食都食窮 …..去年無咁厲害喎!!! 那晚的女仔結果係無瞓咁濟…..而我同老公都一晚起數次身叫佢哋靜啲要瞓下…..現在仍然累到想c……但總算各人都玩得好開心….:) :)

alicetong

candy
妳提醒我下次取眼鏡都要問清楚先....
就係囉..hb話唔想佢咁快戴..隔左1年幾深左100度
其實前年健康檢查都話右眼近視免強0拿..今年佢自己都話睇得
一行....星期四先有眼鏡囉咋..我難為佢平時點睇野呀..


alice,

聽講話有近視唔戴眼鏡會加深度數架, 我諗係聽視光師建議點做安全啲. 小朋友近視問題都好煩的. 你仔仔宜加睇電視上堂 ... [/quote]

candytl

上星期六帶我女参加鋼琴比賽, 今日知道有份入決賽, 真係俾咗個好大好大嘅騖喜我呀, 佢個組有300+人, 7個入決賽.
我女今次彈嘅歌難度不如人(约5-6級), 賽前琴老師也講可能會輸蝕小小, 個日同我女同組的一位小朋友彈舊年皇家8級的歌, 彈得好到冇得頂, 我同阿女都講佢坐亞望冠. 咁啱琴老師另一位學生也入到決賽, 個日仲同我女同一時段出賽. 哈哈, 頭先我主刻同老師報咗喜. 話已當阿女赢咗場比賽

[ 本文章最後由 candytl 於 07-8-14 16:01 編輯 ]

Homama2004

Candy, 你囡囡好叻女呀!! 恭喜恭喜!!!你的心機沒有白費啦!! 飲得杯落囉 ......

剛巧昨天囡囡們參加了一個朗誦比賽,妹妹好彩地拿了亞軍,因佢那組得小貓十數隻 .....所以咪有獎拿......
而家姐就慘,她那組很多人,雖然少妹妹一分但無獎拿!!!:( :( 佢好唔開心.妹妹真係一世好彩....我同家姐講妹妹的証書比佢來得重要,佢已有間好好的中學收咗,而妹妹還要等人接收呀!! 但你們都明白係好難一下子接受現實.....

佢哋今日跟學校去了參觀南丫島風力發電站,我昨天才知家長可以跟埋去.....可惜我未申請假期不能同行.....下午便回來.....

[ 本文章最後由 Homama2004 於 07-8-15 10:45 編輯 ]

candytl

Homama,

恭喜妹妹得亞軍呀,


佢唔係好彩, 佢普通話發音好正!! 叫家姐唔好失望, 實有機會赢翻的.
住我隔離屋那位一呂P6生今年升呂中, 佢媽咪都好開心.

我潯日搞錯咗, 我女那個組別大概有150人度, 加埋另一組先至係300人.
比賽取得好成績, 最大嘅功勞係老師, 其次先係學生同家長呀.

alicetong

各位姊妹,
..呢兩日忙到C :(

CANDY,
恭喜晒妳女女..一次比一次進步.
其實鋼琴比賽又唔係同一曲目同年齡..
真係好難去比較..亦都好主觀,但妳女女
已經好叻女0拿..
  

HOMAMA
恭喜阿妹咁叻女:loveliness: ...家姐都唔輸洩架..個組人多
競爭又大d囉...

真係多小朋友好消息聽呀？好野....

原文章由 candytl 於 07-8-14 15:58 發表
上星期六帶我女参加鋼琴比賽, 今日知道有份入決賽, 真係俾咗個好大好大嘅騖喜我呀, 佢個組有300+人, 7個入決賽.
我女今次彈嘅歌難度不如人(约5-6級), 賽前琴老師也講可能會輸蝕 ...

[ 本文章最後由 alicetong 於 07-8-15 13:42 編輯 ]

alicetong

各位姊妹,
我地25號0既約會係未繼續呀 妳地幾點得
我要返工呀,返到0黎1點到啦.

claudia,
尋日hb帶女..我又記錯妳咩單位,等佢比人趕返出0黎..
仲有又唔幫個女夾clip梳頭..好彩妳姐姐好醒目比妳阿女個夾
佢夾..唔係好似窗簾布咁檔住..妳話點寫字咯..
唉！男人就係咁..

Homama2004

25號是可以的....我幾點都得,因為五天工作麻(晒命 )

男人就係咁,講就天下無敵,做就..... 成日話等佢哋自己學下自己來....算啦!!可能係佢哋"特登",如不是就怎顯得我哋的存在的重要性呢   

咦! Alice你好番晒未呀!!現在天氣涼了少少,小心呀!!

alicetong

homama,
真係羨慕妳呀.... 等埋candy同claudia睇過點..
多謝關心,好番晒0拿.不過呢排好忙囉...
對..女人真係細心d架..天性來..


[quote]原文章由 Homama2004 於 07-8-16 10:10 發表
25號是可以的....我幾點都得,因為五天工作麻(晒命 )

男人就係咁,講就天下無敵,做就..... 成日話等佢

candytl

alice,

25號我1:15后ok.

alicetong

candy,收到..
claudia唔浦頭一定忙到

原文章由 candytl 於 07-8-17 09:22 發表
alice,

25號我1:15后ok.

claudiaho

各位姊妹, 我回來了

放了幾日假, 做番哂幾日的東西, 忙到c, 但如homama所說, 一於放完假先算

今次去了清遠同番禺, 由深圳坐了兩個幾鐘頭車至去到清遠, 為的是去青龍峽玩漂浮, 即是坐橡皮艇由上流落去下流, 全程成90分鐘, 其間都有相當驚險的地方 , 有好幾處由高處向下(好似海洋公園個個滑浪飛船由上沖下來個種),d離心力都幾大, 嚇到d人大叫 , 細佬就連佢對心愛的芝麻街拖鞋都冇咗, 但是沿途的風景十分美麗, 涼風+涼水, 真係夏日一大享受

我地又去了聚龍灣溫泉渡假村, 當然就係浸溫泉同游水, 不同種類同味道的溫泉有幾十種, 浸到樂此不疲, 最可惜錯過了魚療, 即是放對腳入水, 比d魚啄食你d死皮, 聽講話好得意, 下次再有機會一定要再試一次

另外, 我地都去了長龍水上樂園, 不過真係好多人, 週圍都係人, 同埋好多大型玩點都要1.4米高以上, 阿仔一定唔夠高, 阿女都差dd, 只有玩其他好一般的玩意 (同去香港的水上樂園無異), 點知仲玩玩吓行雷閃電, 所有人都要上番水, 真係冇趣

最後又去祈福農莊 (冇野睇)同新長鹿農莊, 後者是一個幾好玩的地方, 除了一般機動遊戲同水上活動, 還有射箭, 射鎗, 四駏電單車, 由於落雨, 場內不太多人, 不用掛隊, 玩得好快好開心

>>恭喜哂Candy同Homama嘅囡囡, 希望好消息陸續有來

>>25號我冇問題, 幾點同係邊到呀 ?

原文章由 alicetong 於 07-8-17 09:26 發表
candy,收到..
claudia唔浦頭一定忙到