聖若瑟英文小學 (彩石里) 一年級加油站 (Part 2)

進進媽

矇仔媽咪:
你confirm下好woo~~G.S我班真的明天默.
因我今天收到作文通知亦是9/10默中文,和你班一樣,
但奇怪無寫(貝)默?
踏單車當然可約你一齊啦!
進進好幾次問我誰是矇仔,我也不知怎介紹給他,
因我也未見過!!!!

pomama

矇仔媽:
  我儍寶今個暑期開始在琴行學番小提琴。皆因佢上年整年在校內上咗兩個courses都冇學到啲咩,甚至連單音都冇返嚟拉過我聽 ,每次問佢老師教過咩&使唔使練習,佢都話唔知、冇、nothing & no need .結果課程完咗後,只係得到個小提琴。
  我自知個仔學嘢啲進度超慢,因此今年減少課多活動。除咗平時學游泳外,就係小提琴,而且今年ECA係武術,唔使驚佢運動量唔夠。

原帖由 矇仔媽媽 於 08-9-25 12:44 發表
cheukcheng:
你不用客氣, 這只是舉手之勞!
我覺得不是你個仔未把默書寫在手冊, 可能老師未講, 反正早D知道, 可以早D預備!

東東媽咪:
你甘耐無上黎是否工作好忙呢?
那天我同Miss Kwan 講電話, 2C好似仲未講幾時默G.S ...

pomama

矇仔媽:
  還掂G.S.遲早都要默,我諗只會相差幾天,而中默& reader 還有時間,今日溫咗嗰5個字先囉!

東東媽咪

哇哇哇! 真羡慕你地咁得閒交流心得, 我返工好好好忙. 放工屋企部電腦又成日比老公同個仔霸住, 只係有時早返公司, 食住早餐上網.  

唔覺唔覺東東升咗2C,我仲停住響1C,睇住個仔大,真係唔認老都唔得!!

GS默書己經溫咗,東東話佢「胸有成竹」(係我睡前說成話故事佢學既,不過就成日亂講一通!好攪笑).  其實如果矇仔唔記得生字,會唔會默多幾次會好D?我習慣叫東東寫完生字即晚默一次,以後每晚抽默幾個. GS生字係一早知既,我就抄底貼在厠所前面牆上,等佢辦大事時可以睇吓.唔好笑,我一年班開始用呢個方法.都work架!

基本上星期六,日下午都可以去九龍灣踏單車. 不過天氣有時勁熱, 有時又落雨, 所以最近好少去. 下次約埋一齊去最好,大人可以吹吓水,無咁無聊!

東東係會參加校際音樂節鋼琴及普通話比賽,前者係鋼琴老師叫佢參加既, 普通話係學校叫佢去.  什麼頌材?是不是朗頌題目?  已經收到了, 不過我冇叫佢背, 佢話老師會教佢.  我知佢細膽, 所以冇迫佢背, 怕佢壓力太大,最驚佢臨時縮沙放棄.

其實我一心只想佢可以出去比賽多D,羅多D經驗,唔駛樣樣野都咁驚驚青青.  你有時見佢 有隻烏鱦飛過都驚,真係.......忍唔住鬧佢「有乜好驚!!」

[ 本帖最後由 東東媽咪 於 08-9-26 08:19 編輯 ]

pomama

東東媽咪:
  哈!我同你一樣,都會貼啲要默嘅生字在房門&廁所門,希望佢見多幾次會入腦。
  你工作咁忙,仍然抽時間講成語故事給東東聽,真係十分難得。我自已只係一星期內,大概只能有一兩次跟囝囝講故事,真慚愧!

原帖由 東東媽咪 於 08-9-26 08:00 發表
哇哇哇! 真羡慕你地咁得閒交流心得, 我返工好好好忙. 放工屋企部電腦又成日比老公同個仔霸住, 只係有時早返公司, 食住早餐上網.  

唔覺唔覺東東升咗2C,我仲停住響1C,睇住個仔大,真係唔認老都唔得!!

GS默書己經溫咗 ...

cheukcheng

寶媽, 東東媽咪：

你地真係好好！起碼一個星期或每日都有同阿仔講故事，我一個月都會有一次，我仲慚愧呀！每晚同佢對完功課同溫習已經好tired！如果真係要講故事比佢聽，都要等假期溫完習有時間先可以，你地簡直super and great!!!!!

原帖由 pomama 於 08-9-26 12:06 發表
東東媽咪:
  哈!我同你一樣,都會貼啲要默嘅生字在房門&廁所門,希望佢見多幾次會入腦。
  你工作咁忙,仍然抽時間講成語故事給東東聽,真係十分難得。我自已只係一星期內,大概只能有一兩次跟囝囝講故事,真慚愧! ...

進進媽

東東媽咪:
為左個仔,我巳經無晒朋友無晒娛樂 每日放工九秒九回家check功課,唯一娛樂便是和你們班媽咪交流下.
你的toilet study方法很不錯呀!反正他便便時亦是無所事事,乘機讓他溫溫生字也好,我亦試試先.
你講東東怕慚,其實進進也不好得去邊,在家講大大聲,
出到街和陌生人傾計重細聲過蚊玆,最慘又係怕小昆蟲,
見到飛行的物體便嚇到大叫
pomama:
相信你一星期可講故事一二次巳很好了,我們一個巳忙到不得了,你二個寶貝woo!!真是不簡單.
all mum:
唉!!今天才默完G.S,家課冊又寫3/10要默G.S
現在即是3,9,14也要默書,中文還有二課,看來星期六,日也要溫習了!!!!但奇怪進進話中文是讀默,但矇仔是背默?
二班不一樣 而我亦想問是否二課讀晒,因上年會寫明那一課只默(詞),那課默(課文),今年沒有寫

pomama

cheukcheng:
自從開學的parents meeting 上,Miss Yuen 話唔好幫小朋友咁多,盡量將啲責任交反比亞仔,功課都唔好同佢對,錯就由佢錯。我內心都十分矛盾, 幾經爭扎決定採取隻眼開隻眼閉的態度 。有時見佢做錯咗都扮睇唔到 ,等佢錯了回來再改正。咁樣我至多少少時間用咋!

原帖由 cheukcheng 於 08-9-26 14:59 發表
寶媽, 東東媽咪：

你地真係好好！起碼一個星期或每日都有同阿仔講故事，我一個月都會有一次，我仲慚愧呀！每晚同佢對完功課同溫習已經好tired！如果真係要講故事比佢聽，都要等假期溫完習有時間先可以，你地簡直super and great!!!! ...

[ 本帖最後由 pomama 於 08-9-26 17:45 編輯 ]

pomama

進進媽:
你過獎啦!我只不過在早上佢食早餐而亞妹未起床,或晚上他睡覺前亞妹又罕有地早瞓,才可以講到故事給他聽。如果佢倆兄妹雙劍合壁的話 ,我真的應接不暇,無能為力啦!
  另外默書方面,亞仔都話老師冇話要背默喎!不過,打風假期嗰日叫佢自已試吓背默,佢除咗標點符號外,又真係識喎。我諗進進都已經識背呢課書,所以無所謂啦!

原帖由 進進媽 於 08-9-26 17:41 發表
東東媽咪:
為左個仔,我巳經無晒朋友無晒娛樂 每日放工九秒九回家check功課,唯一娛樂便是和你們班媽咪交流下.
你的toilet study方法很不錯呀!反正他便便時亦是無所事事,乘機讓他溫溫生字也好,我亦試試先.
你講 ...

東東媽咪

中默不是背默, 家課冊都冇寫。

進進媽

東東媽咪:
ms.yuen所講唔好幫佢咁多,功課有得佢錯就錯,無錯,其實對小朋友是好,但見他做的功課有時又真係錯幾多下!
又唔忍心由得佢交,可能真是係時候讓放手讓他試試了!

ianmami

原帖由 進進媽 於 08-9-27 17:57 發表
東東媽咪:
ms.yuen所講唔好幫佢咁多,功課有得佢錯就錯,無錯,其實對小朋友是好,但見他做的功課有時又真係錯幾多下!
又唔忍心由得佢交,可能真是係時候讓放手讓他試試了! ...

Hi 各位mami, 我想問下你地平日d功課如workbook, 工作紙, 交時如小朋友錯左會唔會影響佢平時分ka? 仲有我想問下你地會唔會比佢錯交比老師等老師知佢唔太明白呢???

pomama

ianmani:
  聖小的老師個樣好似惡啲,其實好有愛心又包容。做錯唔緊要,最緊要唔好時常欠交。做錯老師會叫你做改正,我亞仔改正都可以錯,錯完又再派回再改。老師都冇投訴,還安慰我說,一年級啲仔係咁啦,慢慢嚟,冇得急。記得亞仔曾經有兩三次忘記做,因為寫漏homework record,老師只係叫亞仔第二日交返,並無責罰。學期中還派發綠咭給亞仔,其中一項是用心做功課。 ianmani 你哋剛剛起步,老師唔會要求太高。
  況且,我覺得學校希望慢慢培養出小朋友的責任心&獨立性,好似我哋二年班老師都提點家長,唔好幫小朋友對功課,讓他們自覺地學習,不要太依賴。雖然眼見他錯了又唔講佢知,真係好難忍,但係佢錯了回來改正時,我會留意他究竟真係唔識,還是不小心。如果係唔識的話,再在平日溫習時多加講解。希望這樣會更收效,我現正在學習&實習中。

原帖由 ianmami 於 08-9-30 09:40 發表


Hi 各位mami, 我想問下你地平日d功課如workbook, 工作紙, 交時如小朋友錯左會唔會影響佢平時分ka? 仲有我想問下你地會唔會比佢錯交比老師等老師知佢唔太明白呢??? ...

進進媽

pomama:
我而家都嘗試"dig"起心干由他錯,專登扮看不到,
總之要忍忍忍,唔出聲,等他錯了要改正,然後再解釋正確答案給他,我驚下下提他做會依賴,唔上心.
今日唔知咩原因2B班某些小朋友罰無得小息要留在課堂做n.maths,因為做錯了某部份,進進也有份,我問他無得小息會否不開心,佢話大把人陪無所謂

pomama

進進媽:
  進進講得啱,係好多人陪,我亞仔係其中一個。 亞仔今次又係錯咗改正,改正再錯,所以老師留佢做改改正。嘻!望佢咁樣會記得深刻啲啦!

原帖由 進進媽 於 08-9-30 20:53 發表
pomama:
我而家都嘗試"dig"起心干由他錯,專登扮看不到,
總之要忍忍忍,唔出聲,等他錯了要改正,然後再解釋正確答案給他,我驚下下提他做會依賴,唔上心.
今日唔知咩原因2B班某些小朋友罰無得小息要留在課堂做n.maths,因 ...

ianmami

原帖由 pomama 於 08-9-30 17:33 發表
ianmani:
  聖小的老師個樣好似惡啲,其實好有愛心又包容。做錯唔緊要,最緊要唔好時常欠交。做錯老師會叫你做改正,我亞仔改正都可以錯,錯完又再派回再改。老師都冇投訴,還安慰我說,一年級啲仔係咁啦,慢慢嚟,冇得急 ...

popoma, 唔該晒你的詳盡分析.  我都知聖小d 老師好有愛心同包容... 仲有我都希望我個仔可以好獨立...

[ 本帖最後由 ianmami 於 08-9-30 23:17 編輯 ]

進進媽

pomama:
呢幾日真的不替他改正功課,才發現原來真的有很多大意的地方,如:my pals workbook全部句子漏了is,還有是其它.....其本上有很多需要改正.
現在才發現之前原來提他很多,引至他回來的功課不用改正.但他的錯處正好是平時考試時的大意.
我之前誤會做錯功課會不好意思,經常提他改正.
幸好ms.yuen提出功課不用太著意提小朋友,我希望他改正後知道自已的錯處,日後會改善.

ianmami

原帖由 進進媽 於 08-10-3 10:06 發表
pomama:
呢幾日真的不替他改正功課,才發現原來真的有很多大意的地方,如:my pals workbook全部句子漏了is,還有是其它.....其本上有很多需要改正.
現在才發現之前原來提他很多,引至他回來的功課不用改正.但他的錯處正 ...

進進媽, ian 都有改正因佢d 字唔靚佢仲以為自己串錯字. 我睇黎都要交比佢自己改善下啦.

pomama

進進媽,IAN媽:
  啲仔大部份都係粗心大意,唔小心 。我諗要走嘅路都幾漫長,大家努力啦！

pomama

Ian 媽:
一年級時,我個仔都試過好多次因為寫字唔靚要改正。佢自已最激氣係默書時,寫得唔好檔佢錯 。佢話明明識都被扣分好唔高興 ,結果都係要面對現實。過咗第一個學期已經無同樣事情發生,有時佢寫得醜怪,佢會自言自語話,咁樣老師會誤會我寫錯喎,然後擦改。

原帖由 ianmami 於 08-10-3 10:09 發表


進進媽, ian 都有改正因佢d 字唔靚佢仲以為自己串錯字. 我睇黎都要交比佢自己改善下啦.