聖母幼稚園同學會

lola2008

我一早都話聖母D老師嚴架啦！

原帖由 kcpak 於 09-6-24 02:01 發表
係呀~我囡囡都進步左,,但老師寫到明佢掛住同同學傾計唔留心,份野唔知點見人:dizzy:

pyma

呢幾日見你地講有關而家啲細路既品格,我都有感而發,事源係星期一晚:

亞囡既表哥黎我地屋企玩，係表哥黎到以前，我問囡囡想玩咩玩具，就叫亞囡係房拎定出廳，叫亞囡一陣唔好入房玩，亞囡答應左。之後無耐，佢表哥一到，一除左對拖鞋就直銜入我囡房，我係我房做緊野，好彩我老公叫住，佢先走去洗手同埋出番廳玩。

後來，表哥話入亞囡房睇書，之後就入左囡房，不過佢地唔係睇書，而係玩燈制，係表哥玩，因我囡未夠高，又開又關，我忍唔住走去鬧佢地，唔淮玩燈制，佢表哥唔聽至我老公入黎佢先收手囉。之後我又返房做野，無理佢地，過左無幾耐，我聽到個表哥話，我唔淮你呼吸，唔比你抖氣，我聽到佢咁講，又聽唔到亞囡把聲，我立即走去亞囡房，見到亞囡成個人被表哥按住係床，面朝下望床玉，我立即喝住，佢都唔放，直至我行埋去鬆開佢隻手先放，果刻我好心寒，差點喊，我即刻同我老公講，我老公去教訓及話比佢屋企人聽。

事後我一直不能定下來，後來我問亞囡做咩咁唔大叫，佢話佢叫唔到，又郁唔到，之後我輔導左亞囡一陣，同時教佢如再有下次應點做。唉，聽到係咪好心寒，諗番起我真係好驚。

pyma

原帖由 lola2008 於 09-6-24 16:03 發表
哎呀！香噴噴嘅榴槤唔食，臭烹烹嘅豆腐又唔食，真係食少好多滋味嘢，我除咗唔食「苦」外，甜、辣、酸、榴槤+ 臭豆腐，all is my favour.

榴槤我都食少少既，臭豆腐就真係唔好預我喇，我真係有好多野唔食架

pyma

原帖由 lola2008 於 09-6-24 16:13 發表
我兩個囡囡都搞笑架，佢哋係屋企都掛住個學校用名牌，然後玩課室上堂遊戲，會學老師話：「xxx你做錯喇，xxx用完D嘢要擺番好，係喇！你答啱啦！........」真係好得意。

...

你囡囡真係好得意，尋日睇相，見你囡囡個樣大個左

sara11

嘩聽都覺得過份！表哥幾大呀? 佢屋企人好遷就佢架?

原帖由 pyma 於 09-6-24 16:34 發表
呢幾日見你地講有關而家啲細路既品格,我都有感而發,事源係星期一晚:

亞囡既表哥黎我地屋企玩，係表哥黎到以前，我問囡囡想玩咩玩具，就叫亞囡係房拎定出廳，叫亞囡一陣唔好入房玩，亞囡答應左。之後無耐，佢表哥一到，一除左對拖 ...

pyma

原帖由 lola2008 於 09-6-24 16:29 發表
我一早都話聖母D老師嚴架啦！

其實我幾鍾意佢嚴，以前亞囡nusery時，亞囡成日蝦老師架，而家就唔同，而家係聽老師話個隻。我反而覺得，如果由細係比較嚴既環境學習係會易適過到小學先開始。

lola2008

我聽你咁講都好驚，你囡囡嘅表哥幾大，事後他的父母點同你解釋？如果淨係話「細路仔，仲細、貪玩、諸如此類，咁你真係要點化佢——父母」。

以前我經常同阿女講「男女有別」，唔可以入男厠，所以我一直唔係太鍾意聖母嘅厠所，唔好同男仔玩到攬頭攬頸，坐嘅時候唔可以撐起隻腳，最近我直程係圖書館借咗D講人體嘅兒童百科書，揸住本書教佢哋要好好保護自己，E+咁細我都好緊張，再大D真係有排驚。

原帖由 pyma 於 09-6-24 16:34 發表
呢幾日見你地講有關而家啲細路既品格,我都有感而發,事源係星期一晚:

亞囡既表哥黎我地屋企玩，係表哥黎到以前，我問囡囡想玩咩玩具，就叫亞囡係房拎定出廳，叫亞囡一陣唔好入房玩，亞囡答應左。之後無耐，佢表哥一到，一除左對拖 ...

pyma

原帖由 sara11 於 09-6-24 16:57 發表
嘩聽都覺得過份！表哥幾大呀? 佢屋企人好遷就佢架?

佢6歲幾怏7歲，佢屋企人都有教佢架，不過話極都係咁，我最怕同佢出街，佢一見到啲佢想睇既野會一支箭咁走左去，話極都係，而家仲會駁咀，所以通常有佢無我，唯獨我囡又好鍾意同佢玩(唯一一個成日見，年紀又最近的一個伴)

pyma

原帖由 lola2008 於 09-6-24 17:05 發表
我聽你咁講都好驚，你囡囡嘅表哥幾大，事後他的父母點同你解釋？如果淨係話「細路仔，仲細、貪玩、諸如此類，咁你真係要點化佢——父母」。

以前我經常同阿女講「男女有別」，唔可以入男厠，所以我一直唔係太鍾意聖母嘅厠所，唔好同 ...

佢父母當時唔在場，不過事後都有打來問番發生咩事同 say sorry, 而個小朋友都要受罰，罰咩我就唔多清楚，好似係無電視睇。

其實之前試過佢同我囡伙坐係雙人床上睇電視，唔知點樣睇睇下，佢表哥一腳伸左我囡落床，我當時不在場，大家聽到我囡豪哭先知，當時亞囡比較細(K1開學無耐), 我老公話佢地入到房亞囡成個訓左係地，我返去見到亞囡半邊面紅哂，我真係好心痛，到而家，亞囡間中都會提及此事，自呢件事，我地已經比較小心，不過，佢好古惑，成日都誘我囡去大人睇唔到既地方黎蝦我囡，如推，撞，我見過佢係刻意咁做既。所以自星期一那事後，我真係好討厭這個小孩

pyma

原帖由 lola2008 於 09-6-24 17:05 發表
我聽你咁講都好驚，你囡囡嘅表哥幾大，事後他的父母點同你解釋？如果淨係話「細路仔，仲細、貪玩、諸如此類，咁你真係要點化佢——父母」。

以前我經常同阿女講「男女有別」，唔可以入男厠，所以我一直唔係太鍾意聖母嘅厠所，唔好同 ...

我最近都有借'我從那裹來' 同埋'為什麼我是女孩' 既書比亞囡睇，不過，佢好似唔多明，但睇完'為什麼我是女孩'之後，就話佢唔可以同爸爸一齊訓覺，因爸爸唔係女孩，媽媽先係。

kcpak

原帖由 Nanaleung 於 09-6-24 11:24 發表


咁不如大家click入去睇下啦!! 南丫島漁民文化村

http://forum.baby-kingdom.com/thread-2392558-1-1.html

都係一個好提議,,或者租渡假屋去兩日一夜離島囉~

kcpak

原帖由 lola2008 於 09-6-24 11:37 發表
嗚﹋嗚﹋嗚﹋嗚！


今朝一早返學校見老師，看到大大張通告寫住高班畢業禮取消，死喇！我同阿囡日望夜望嘅畢業禮.....「冇咗！嗚...真係冇咗！」個心當堂down 晒，已經冇心機再睇通告內文，yester ...

下...................真係取消呀 我聽日先知......好驚呀~
我好明白你心情,一生人得一次幼稚園畢業典禮,,唔通會有第2次咩~不過你囡囡咁叻乜都抵返晒.....

kcpak

原帖由 Nanaleung 於 09-6-24 11:49 發表


好呀!!! 等你約 唔好扼我, 我會唔放過你

不如你又去睇下COBY DANCE或免費試堂, 可能你囡囡見到我囡囡咁投入, 又想跳埋一份, 到時放學後可以約埋一齊去食臭豆腐啦!!

黎緊星期日 EMAX 又有得睇佢地表演,  ...

真係睇囡囡個病想點先可以約會你.....今日連哥哥都睇醫生啦~我呀爸話頂左一個月先野到哥哥,哥哥算好叻啦~

kcpak

原帖由 lola2008 於 09-6-24 16:27 發表
kcpak, 嘩！點解半夜三更都唔瞓嘅，你日頭有冇精神，你使唔使買餸煮飯架？

我夜晚先係c人時間麻....我日頭好多時跟我囡訓晏覺架~

kcpak

原帖由 pyma 於 09-6-24 16:34 發表
呢幾日見你地講有關而家啲細路既品格,我都有感而發,事源係星期一晚:

亞囡既表哥黎我地屋企玩，係表哥黎到以前，我問囡囡想玩咩玩具，就叫亞囡係房拎定出廳，叫亞囡一陣唔好入房玩，亞囡答應左。之後無耐，佢表哥一到，一除左對拖 ...

睇完我都心寒.....差少少就出事~所以我同我老公講璇璇係到唔想姑9個仔上黎,雖然我都好錫表哥同表哥都算聽話,但咩事都可能發生.....但我老公聽完話我痴線喎~

Nanaleung

原帖由 kcpak 於 09-6-24 19:52 發表
下...................真係取消呀 我聽日先知......好驚呀~
我好明白你心情,一生人得一次幼稚園畢業典禮,,唔通會有第2次咩~不過你囡囡咁叻乜都抵返晒..... ...

擒晚訓覺時稔, 點解學校唔安排同班小朋友影張大合照, 等佢地留念呢???????

pyma

原帖由 kcpak 於 09-6-24 23:31 發表
睇完我都心寒.....差少少就出事~所以我同我老公講璇璇係到唔想姑9個仔上黎,雖然我都好錫表哥同表哥都算聽話,但咩事都可能發生.....但我老公聽完話我痴線喎~ ...

其實又唔使太過擔心,我囡既表哥係另類。不過,當小朋友玩得過份時係會忘形,提點下應該就無問題。

我囡表哥其實真係有好多壞習慣,呢啲都係佢細時,佢地認為大左就會自己改好,不過好明顯無囉,所以到佢習慣左而後先叫佢改真係好難,我見到佢咁,我就會寧願一開始就慢慢教,好過養成習慣後真係好難改,所以我對亞囡既行為我真係有要求,而學業係其次就係咁既原因囉。

相反,佢表哥既父母比較著重學習上既進度而後先係行為,佢既成績唔錯,但佢真係在'捧下'才有這種成績(做唔好係會比人打)，佢地叫我屋企都要買定滕條，由亞囡1歲多已叫我買，到而家我都無買，因為我唔贊成同埋我認為而家細比你打，到大啲識反抗時,仲可以點教呢!!!!

sara11

係喎！你講我就醒起哥哥當年係每年都有影班相！下次試下同老師提意下先！

原帖由 Nanaleung 於 09-6-25 09:59 發表


擒晚訓覺時稔, 點解學校唔安排同班小朋友影張大合照, 等佢地留念呢???????

sara11

hi pyma,
唔好再為表哥既事勞氣！ 因為唔同家庭對子女既要求同準則都唔同。 好似我老公屋企都多小朋友，我奶奶一共有六個內孫，由最大九歲到最細我囡囡三歲幾！ 佢地一齊玩時候就發覺大家父母既教法好唔同，好似玩門就係我既死穴，因為分分鐘真係會夾斷手指，但係原來佢地又接受小朋友玩門！ 不過小朋友論盡打爛/倒瀉水，我又可以接受唔鬧佢地，淨係提醒佢下次要小心，但係佢地父母又會為左咁而打佢地！所以好難去評論!  不過我好讚同你既睇法，小朋友既品德培養係最要過學術!  大家加油啦！

原帖由 pyma 於 09-6-25 10:21 發表


其實又唔使太過擔心,我囡既表哥係另類。不過,當小朋友玩得過份時係會忘形,提點下應該就無問題。

我囡表哥其實真係有好多壞習慣,呢啲都係佢細時,佢地認為大左就會自己改好,不過好明顯無囉,所以到佢習慣左而後先叫 ...

pyma

原帖由 Nanaleung 於 09-6-25 09:59 發表


擒晚訓覺時稔, 點解學校唔安排同班小朋友影張大合照, 等佢地留念呢???????

我地A班有影班相噃