各位2013/９月英國開學的家長分享區

brother4

應該遲了，怕好的homestay俾人派咗。

Ding

原帖由 Bling2013 於 14-07-17 發表
近日親戚朋友開始同女兒食 farewell 飯，每次聚會後，都令我很失落，覺得離分開的日子又近一步。。。

Gua ...

應該OK，最快要去 homestay 係10月中嘅 half term break。但你到埗就要即刻去辦手續同俾錢

梁媽媽

回覆 Bling2013 的帖子

比我自己就會覺得太遲，因為驚近學校的 家庭沒有，到時要去遠地區的家庭，你知個邊，夏天還好，一到冬天，又話大風雪，又話 4:00已天黑。好似上次咁，英國打風，好多地方水浸，火車停左，周圍去唔到，我女機乎去唔到監護人家，學校又一定要佢走，就算我唔理幾多錢，比佢坐的士都唔得，因為有ｄ地方水浸，完全去唔到，當時我個心急到．．．，真係唔係普通用錢就解決到，個細路自己亦會好驚。　

~~咁你就會知道寄宿家庭近的好處。　
~~唔係嚇你，經驗分享。

brother4

英國上次打風，D街道水浸，學校放假，亞细校門口等超過2小時，監護人要改路才到。

Ding

如果係監䕶人公司的話，就算登記左都唔係即刻幫你安排 homestay，佢地多數到開學之後先會搞。我嗰間會預早俾寄住家庭資料我睇下啱唔啱先。如果唔鍾意佢就會揾過另一個家庭。所以每次有遠有近。但如果你係指定一個 homestay 家庭，咁就要快

brother4

亞大的homestay是學校安排，在7月初派地方，會先接受先得，亞大派大房但l5分鐘行回校，很多朋友要细房派3o分鐘以上，估要乘巴士，少數怕長計，計落大家差不多使费。

Bling2013

Ding，Brother 4，梁媽媽，謝謝妳們的溫馨提示！我會 send 個 email 同 guardian 公司溝通下先！

brother4

亞细張學費單到，新收费加4%，要交新费用，好彩上年成績ok，有獎學金，9月新一季交少一點。

Ding

叻仔，幫爸爸媽媽慳錢

梁媽媽

回覆 brother4 的帖子

真係 "孝順父母" , 叻叻!!

梁媽媽

brother4 發表於 14-7-17 15:31
英國上次打風，D街道水浸，學校放假，亞细校門口等超過2小時，監護人要改路才到。



  ...

係, 最慘係學校關左門, 人人走晒,佢自己係處等...做家長聽到的會肉赤,
但另一方面諗, 亦係助長佢地獨立成長。

我女出國一年, 已坐過 德航、瑞航、芬蘭航空、國泰、日航。
試過德航罷工, 好在可以轉坐其他航空公司。
又試過唔見行李, 要在機場搵黎搵去...等到最後真係無行李出, 又要去搵航空公司報失.....


呢d , 全部都係佢自己一個人面對, 好在佢本身都比同年齡的女仔成熟,
我對佢的能力都好有信心。

Bling2013

回覆 梁媽媽 的帖子


好叻女呀！妳囡囡幾歲？

brother4

你女女好醒，失行李能報失，是本港claim嗎？

梁媽媽

回覆 brother4 的帖子

因為我女係一個人飛去日本比賽！在日本唔見行李，在日本 Claim，好在第二天送回酒店，
咪就係坐芬蘭航空羅，我訂左之後，我 fd 先話我知早幾年佢坐左幾次，都試過人轉到機，但件行李無轉到機的事件，（因為轉機時間係不足一小時）行李第二天送回酒店，


所以我女去比賽時，我叫佢把比賽相關的物品全部手提上機．．．．果然中招，佢一個人，在日本機場．．．睇住條行李輸送帶．．．行下行下．．．行極都無佢件行李，勢色唔對．．．．好在佢已有心理準備，即時在機場內搵地勤, 填 claim form....！　
一個女仔．．．真係算係咁！！！

Ding

梁媽媽，你囡囡好叻
衣D亦係經歷，佢地其實可以好獨立，只要父母肯放手就得，唔想佢地第二時係王子同公主。

梁媽媽

肯定唔會係公主～～因為我地無咁多錢，哈！

Bling2013

梁媽媽 發表於 14-7-18 13:20
肯定唔會係公主～～因為我地無咁多錢，哈！

哈哈！梁媽媽，就算唔係公主，都未必有妳女咁醒㗎！好似我女咁，唔識轉彎，又大頭蝦，我放手之後，撞板多過食飯，唉。。。佢去到英國，真係祝我兩個好運！

梁媽媽

哈，個次從日本回到英國，我仲要阿女自己坐公車，因為係佢自己要去，當然要佢捱下。

佢坐巴士+火車+的士才到宿舍。
仲要走左班巴士，趕不上火車，要去同巴士站及火車站的人講，人地見佢一個女仔，都好好人，寫張紙比佢免費坐下一班。

算好好彩！

brother4

巴士+火車+的士才到宿舍,你的女又叻又醒目,我朋友的孩子第一次到英國讀專科,跟一班學生到市中心,後各自離開,佢英話同我一樣差,最後打番香港求助.

Bling2013

梁媽媽 發表於 14-7-18 17:19
哈，個次從日本回到英國，我仲要阿女自己坐公車，因為係佢自己要去，當然要佢捱下。

佢坐巴士+火車+的士才 ...

其實一個女仔，有時也確實擔心，沒出事真是萬幸！在尚算安全的環境下，我也希望磨練女兒，令她硬淨一點，有更强的應變能力。