英鎊回落，各位準備好未？

Ruby1219

原帖由 亮燈 於 15-03-22 發表
要清楚基金內買乜野債券，如政府債券？公司債券？一定要清楚，仲有，除利息外，此基金的管理費好重要，因會 ...

知道！我老公硏究緊。thank you very much

亮燈

原帖由 Ruby1219 於 15-03-22 發表
知道！我老公硏究緊。thank you very much

順帶一提，美國國庫債券大約都有2%左右，如此基金亦只有2%，而係投資在公司債券上，咁就變左高風險而低回報喇！

scso

我買咗幾年基金, 收好多乜費乜費, 今年年頭叫agent幫我總結下, 勿講話賺, 連本都保唔到, 忍痛cut咗

demio

回覆 scso 的帖子

我都係一樣

亮燈

scso 發表於 15-3-22 12:43
我買咗幾年基金, 收好多乜費乜費, 今年年頭叫agent幫我總結下, 勿講話賺, 連本都保唔到, 忍痛cut咗 ...

其實MPF都係一樣，明未？

CharlesMom

因之前大家話英磅平時我就去渣打入啦(當時係11.60)，但個職員係咁介紹個叫高息貨幣掛鈎存款比我，話既然唔係急用做尼個好D，話有6厘息存1個月，如到期的話英磅價高過我入個價就會對返港幣比我，如低過的話就係當時入嘅$11.60計算及連利息比我，因我唔知係乜，佢講左幾次話咁咁咁後我最終都做左佢講果D，大家有冇做過這個存款呢？好唔好的呢？請比吓意見丫。

noel2010

CharlesMom 發表於 15-3-22 14:58
因之前大家話英磅平時我就去渣打入啦(當時係11.60)，但個職員係咁介紹個叫高息貨幣掛鈎存款比我，話既然唔 ...

我用渣打入英磅，去年中同你情況一樣中伏，其實聽完玩法，明知只保障銀行，但多番游説下，話升好快升十四。結果13.1x 入咗勁多，total loss HKD100,000 以上。最後冇眼睇下筆錢用嚟買樓。

brother4

BK › 家庭理財 › 高息債券高回報 一> 高風險。

債券价格 會跌， 甚至 跌到$0，或違約。

有啲債券，佢條款寫明有啲情況下 可以暫停派息！

brother4

標題: 有無人做「外幣高息掛勾存款」？ ans同銀行對賭，利潤封頂，但風險無限！！

嬴粒糖輸間廠

hennyyoyo

原帖由 noel2010 於 15-03-22 發表
我用渣打入英磅，去年中同你情況一樣中伏，其實聽完玩法，明知只保障銀行，但多番游説下，話升好快升十四。 ...

上年渣打都推销我，不過因為無咁多錢（同感覺好似賭大细），所以無做，諗起都

亮燈

CharlesMom 發表於 15-3-22 14:58
因之前大家話英磅平時我就去渣打入啦(當時係11.60)，但個職員係咁介紹個叫高息貨幣掛鈎存款比我，話既然唔 ...

我之前post過，呢D所謂高息存款，其實係你沽外幣期權合約，銀行同你對賭，果D所謂高息，其實係期權金，因揸合約要俾期權金，而沽合約一方就可收此期權金，之後等到期時的匯價來結算。唔識、唔明，千祈唔好掂。以下是17頁 #329貼中提到高息存款既情況。

回覆 梁媽媽 的帖子 其實呢D唔係普通存款，亦不能稱作存款，因為呢D係外幣期權，而所謂30厘息，其實係期權金，點解你會收到呢30%所謂利息呢？因為你同銀行協議左一份外幣期權合約，你將一份外幣期權合約沽比銀行，相反，銀行就買入左呢份外幣合約，咁銀行就會比期權金你(即沽出者)，合約訂明，到期日如外幣為該預設兌換價，就要履行合約，用這價格買入或沽出該外幣。例：大約情況是這樣，實際就要睇當時銀行設定合約內容作準。如現在英鎊兌美元為1.63，合約寫一個月到期日匯價是1.5(即英鎊跌)，金額1萬鎊，雙方同意便履行合約，如到期日真的跌穿1.5，這30%期權金便是你的，相反，如英鎊上升，你便要以當日匯價接英鎊了。大約是這樣，實際情況未必相同，只作參考，如有錯漏，請各位專業人士指教，謝謝。

noel2010

你未開這post 前已中伏。之前HSBC sale 我時，知道冇著數，但渣打.... 怕煩便中招了！

Sheep006

其实間間銀行都會推呢啲，好鬼煩，所以我一概不理，講起就怒氣，上星期想除消個户口都除消唔到呀，因為唔够一百萬費是卑人收手續費埋想除消囉，點知個經理點都要我保留個户口一年，總話唔收我手續費，跟住又推咗好多隻産品卑我，煩咗我成幾個鍾

亮燈

既然講開就講兩個經驗分享啦！1)以前去銀行櫃位入數，職員位有個高息存款介紹，我當然知係乜，反正有時間，叫佢講下，唔記得佢話邊隻外幣，好似係澳元，我諗一陣，因我覺得歐元會跌，我就同佢講：我做歐元啦！於是佢呆一呆(因為佢sell澳元)，問經理，之後答我：唔做歐元，我話算啦！佢就冇纏我喇！
2)又去櫃位，佢話有隻儲蓄計劃(即保險啦！)，我又有時間，睇你點sell，佢就print左份計劃俾我睇，又話往績好，每年有幾多厘息等等，於是我問佢，呢個計劃將我D錢投資去邊？佢話買債券、股票等，我就話：買邊幾隻股票、債券，佢居然話唔知，因冇資料。我就同佢講：你都唔知，叫我點買呀！咁又攪掂

Ruby1219

原帖由 亮燈 於 15-03-22 發表
既然講開就講兩個經驗分享啦！1)以前去銀行櫃位入數，職員位有個高息存款介紹，我當然知係乜，反正有時間， ...

嘩！睇完你地咁講好驚添！咁即係放響度算啦？其實我的£留黎年尾買樓丶交學費。

demio

回覆 Ruby1219 的帖子

銀行一定話到好隱陣，有幾好回報，好似唔買係你損失

亮燈

原帖由 Ruby1219 於 15-03-22 發表
嘩！睇完你地咁講好驚添！咁即係放響度算啦？其實我的£留黎年尾買樓丶交學費。



  ...

既然年尾要用，就好似麥兜個校長話齋，坐定定，乜都唔使做，咁就得喇！

Ruby1219

原帖由 亮燈 於 15-03-23 發表
既然年尾要用，就好似麥兜個校長話齋，坐定定，乜都唔使做，咁就得喇！



  ...

同意。咁我放英國戶口定期0.8-1.1厘息，好過冇

梁媽媽

Ruby1219 發表於 15-3-22 23:22
嘩！睇完你地咁講好驚添！咁即係放響度算啦？其實我的£留黎年尾買樓丶交學費。



  ...

我上左呢個 topic 之後，好認同的就係：［留黎做學費的，乜都唔好攪，唔好理，放係處就算。］　

Ruby1219

原帖由 梁媽媽 於 15-03-23 發表
我上左呢個 topic 之後，好認同的就係：［留黎做學費的，乜都唔好攪，唔好理，放係處就算。］　
...

未用得著的放定期收息(although very little) 也不好嗎？應該好穩陣吧？