05-06年升讀小三的家長, 請進入>>

joanneka

raccoon_dog, jazzmama

你地會唔會睇叮噹呀? 可唔可以勞煩raccoon_dog幫我地一齊訂票呀   

Eva

joanneka, halala, raccoon_dog, siulisa

我都俾個女激親,錯完可以再錯,連改正都改錯, 例如依兩個字,錯左四五次都仲係錯: WHICH寫成WITCH; THIRTY寫成THIRDTY咁. 都唔知幾時至記得岩.

見你地都鬧得咁激,我都安樂D. 唔好以為我咁黑心! 係因為我都有時鬧到失控,連老公入來叫我出去休息一下,我都FING開佢隻手,繼續鬧.但是次次鬧完都好心傷,我仲以為自己有病, 原來多數媽咪都咁勞氣,咁我都無咁驚.

最近亞女放學之後成日嗌頭痛,肚痛.我都唔知點解.但是之後一定是告訴我欠帶依樣,帶個樣咁. 但是睇佢個樣又唔似假裝出來想我唔鬧佢, 不過佢真是很怕我鬧的, 唔知是否壓力引起的痛,你們的小朋友試過未呀? 不過依家盡量鬧小D, 睇下會唔會好D.

是否集體訂票會平D,如果係我都想, 他們很喜歡看叮噹的.

我好小上來,所以一來就好長氣   

jazzmama

joanneka,

pls check pm

raccoon_dog

多啦A夢門券,不如你們"事旦"一個俾地址(pm)我,我郵寄張表格給他,你們再集體訂!
我十五十六想去又想唔去,
他們三隻次次坐唔定,攪攪振.

raccoon_dog

Eva,
肚痛-摸吓肚仔暖定凍,暖的是假,因為太緊張引起.
凍的是真,小孩真的唔舒服.
有些小孩壓力大,緊張還引起頭痛,肚痛,吐瀉等,都幾誇張.
以前囡囡一欠帶東西,就會緊張到肚痛,怕比我鬧,現在我冇鬧,慢慢的就冇咗呢種情況,但次欠帶會叫她下次要記得.
小學六年生涯,有幾個可以冇欠帶,我想冇.

fion414

Hi Eva,
妳唔洗驚, 我之前都係鬧得個仔好激 , 跟住大家一齊哭 , 例如:默書錯字改5個, 佢只改4個, 功課要做2頁, 佢就只做1頁, 真係發白日夢, 我估亞仔諗有媽咪check功課, 所以冇用心做. 後來我想通, 冇謂因為成績,功課傷左大家感情, 而且係佢番學, check功課係佢責任, 越幫佢只會越依賴, 所以我宜家冇幫佢check功課同默書, 只係測驗考試會幫佢溫下. 以前功課科科A, 宜家當然科科B, 其實咁都好, 起碼佢知自己錯左要改正, 有時仲要重改, 我又冇再同佢溫默書, 佢試過唔合格 就立即知驚, 有時真係要比佢跌倒先識自己企番起身. 以前亞仔考試, 我會請假陪佢一齊溫習, 這次考試我冇再請假, 只係比d練習叫佢自己做, 然後等我放工後再同佢溫重點, 我反而要佢注意小心作答及一定要double check, 佢好多時只係唔小心錯, 佢仲話考試時check到有5個錯, 我都唔知讚佢check到有錯, 還是話佢作答咁唔小心! 不過這次派成績表我都十分滿意!   

fion414

Dear all,
早晨!
我想買本牧童笛書比亞仔睇, 請問有冇家長可以提供書名及出版社名字?
另外, 有冇家長參加"國際聯校學科評估"?

siulisa

Eva
有段時間, 我仔都會話頭痛, 我都吾知佢真定假亦話係學我, 因為有輪我都成日叫頭痛, 亦話係做佐某D野驚我

fion414

siulisa,
亞仔間學校只需要買牧童笛, 平時只係用音樂書教, 都唔洗用牧童笛書, 所以我想買本比佢自學.
"國際聯校學科評估"由澳洲新南威爾斯大學教育測驗中心主辦，協助學生評估自己在英文、數學及科學方面的思考能力及應用能力，而所有參加的學生均可獲得新南威爾斯大學教育測驗中心所簽發的證書及成績報告，以證明學生的學習表現。
其實我都唔知係乜東東? 但每科考試費只需$40, 所以我都幫個仔報考!

siulisa

fion414
原來係甘, 等我今晩返屋企睇完話妳知本書名.

甘請問係經學校報名的嗎?

halala

我女以前都成日肚痛，要到校務處搽油，他們是真的肚痛的，不過可能有很多原因，連他們也未必知道的。

ChunChunMummy

Hi, 各位媽咪,  
我都好耐無入黎啦, 新一年祝各位身体健康, 仔女聰明伶俐, 聽教聽話.   唉 !我老公Christmas 入左廠呀,   十二指腸「劊」瘍, 不過好彩無穿,不用做手術, 但攪到今個假期都無乜理個女, 開頭仲plan 好假期溫書架, 依家都唔知點算, 返學後homework 又多, 惟有今個禮拜六日催谷啦.

Eva

raccoon_dog , siulisa, halala

我都覺得佢唔似辦野,因為我特登話要帶佢睇醫生,佢都話好.

昨晚又話個頭痛,好似有塊野在入面,陏一下就痛一下. 但佢又無發燒WOR. 我記得以前自己都成日咁樣痛,但都無理佢就自己好返,所以我都無帶佢去睇醫生. 記得之前佢又係成日肚痛,睇左醫生,醫生都話無事,可能有壓力,當時剛剛升上小一,但是剛上小一時我表現極之寬容和開心,咁都有壓力? 後來就無話痛LU.

佢依家成日唔係頭痛就肚痛,我怕佢以為媽咪唔惜佢,所以都唔敢催佢溫習. 死啦! 9號就考試LA MA,家下一科都未溫得曬. 不過昨日都算乖, 頭痛都肯自己溫習數學,睇曬D習作紙(佢話睇曬,唔知真定假),不過就一個練習都未做過!

fion414

其實我一向都無乜跟佢, 只是有時SUPRISE CHECK下佢D功課做成點, 咁至死.以為佢好自律,但是一係唔睇,一睇就扯火: 作英文,唔識串個生字(明明書有教過的)又唔去搵書,亂拼一個上去; 寫寫下句子, 可以無左下面句; 上面寫開個樣式,下面唔睇清楚人地問D乜,照上面的樣式咁寫,句子前面成日唔記得寫大草, 結尾又無".";  結果俾老師改到本作業紅噹當.

現在一路寫,一路反醒一下自己, 事實上又好像很小事,可是當其時總會很激氣,激氣點解改極都係咁!

不過,算啦!我都係覺得自己唔岩多D.其實我可以不要太兇地責罵她,可以溫柔一點,耐性一點去提她,都是自己脾氣不好吧! 依家發覺佢越鬧越無自信咁...我真是要按禁一下自己了   

RACCOON_DOG

原來是叮噹話劇,我還以為是電影TIM, 咁要幾錢一張票呀? 唔似得電影個屏幕咁大,如果坐得後D都睇唔清楚D人LAW! 前D的票一定很貴了!

fion414

siulisa,
真係唔該晒!
我係經學校報名的!

siulisa 寫道:
fion414
原來係甘, 等我今晩返屋企睇完話妳知本書名.

甘請問係經學校報名的嗎?

halala

chunchunmummy,
你叫你老公扮慘些，小朋友好可能會很聽話，唔駛勞氣就肯溫書呢!希望你老公快些好晒啦!

fion414

Eva,
越鬧真係會越無自信, 好似上次派成績表前, 我問亞仔估自己考第幾?佢居然話自己考包尾, 仲驚升唔到班, 可能之前比我話佢冇用, 小小

halala

Eva,
有時小朋友的小無病，西醫好難睇到，所以真係值得係屋企附近搵番個中醫睇下。

jazzmama

halala 寫道:
Eva,
有時小朋友的小無病，西醫好難睇到，所以真係值得係屋企附近搵番個中醫睇下。

所以亞媽成日話要小朋友飲涼茶, 間唔中去唔哂, 會肚子痛...

siulisa

siulisa

ChunChunMummy
妳真係好耐冇入來咼
妳老公點呀, 好返哂未呀, 祝佢早日康復

ChunChunMummy 寫道:
Hi, 各位媽咪,  
我都好耐無入黎啦, 新一年祝各位身体健康, 仔女聰明伶俐, 聽教聽話.   唉 !我老公Christmas 入左廠呀,   十二指腸「劊」瘍, 不過好彩無穿,不用做手術, 但攪到今個假期都無乜理個女, 開頭仲plan 好假期溫書架, 依家都唔知點算, 返學後homework 又多, 惟有今個禮拜六日催谷啦.