| 
在線時間332 小時 最後登錄14-9-21 國民生產力191  附加生產力97  貢獻生產力0  註冊時間03-5-3 閱讀權限10 帖子461 主題12 精華0 積分749 UID9477 
 
 
 
 | 
Re: 04年9月入讀小一家長請進!
| 肥仔媽咪, 其實我唔係好清楚我當年啲小學入學機制係點,
 我只係知道當時我住嗰個屋村有兩間小學,
 一間係我讀嗰間,另一間係"陳瑞琪"~
 而我讀嗰間係我兩個哥哥都讀過,
 可能因為咁所以我父母安排我入去,
 我讀小一時,我啲哥哥已經升哂中學,
 我仲記得我小一個班主任好衰架~
 但偏偏又偏心一個男班長,同埋一個有錢女,
 嗰個男班長對住佢就扮乖,背住佢就蝦人,
 我又唔好彩坐正喺男班長隔離~成日都搞我啲嘢,
 又搶我嘢嚟用,仲將我水壺啲水倒哂落地,
 整到周圍都烏糟哂~~
 佢隻手指損咗,就同個班主任講話係我用鉛筆整損佢,
 個班主任又信佢講,仲大大聲好惡鬧我,搞到我好驚.
 仲用紅筆喺我手冊度寫住"用鉛筆弄同學"~
 返到屋企我阿爸阿媽知道我係俾人屈,
 但係佢哋都冇幫我,明知我係咁怕醜,
 佢哋好似諗住"多一事不如小一事",就咁算數~
 我阿爸仲要喺度話我"人瘦就俾人蝦"~~
 頂~~呢啲咁嘅事搞到我成世都記得,
 而家諗返都好唔開心~~仲有好多好多其他事發生過~
 所以我嗰時好怕返學~
   | 
 
        
         | 
| 親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作. |