大埔羅定邦中學 交流區

O~O

manyan314 發表於 15-10-8 14:56
我又要求救喇 , 我想問其實幾時係考試期, 唉, 我仲懵下懵下, 個女又話比我聽, 佢lee 幾日都unit f ...

我都無去講座，但收到通知MATHS及中文 UT 時間，呀女話1年有三次測一次考，上星期是數學，下星期是中文，英文上星期在隨堂已測，無時間表，UT後19/10-23/10就已經係Term Break放假了，真係快，先返學個多月就Term Break，佢地真係愉快學習了。

以下供參考用:
Maths UT
6/10/15  16:45-17:15
19/1/16  16:45-17:30
20/4/16  15:45-16:30

中文評估
12/10-15/10/15  隨堂
25/1-29/1/16  隨堂
5/4-8/4/16  3:45-5:15

Fanny_ma

校網出左通告

上年英文考得認真吾錯

O~O

呀女話12月學校有團去哈爾濱睇冰，你地會唔會報名呀？

NurseSally

請問如屬band2 中至尾學生，是否不需在1st round 申請F1 學位？可第二輪先報呢？Thanks!

NanaLi1127

大家好!我是今年畢業的學生家長.小儿有clarinet 單簧管留在家里沒人用,如果有家長需要可以PM我.

O~O

回覆 NurseSally 的帖子

這組別反正大抽獎都唔會有咩好結果時，考得入羅中已非常好，而且之後的呈分試和畢業試就輕鬆多了，總算買個希望先。

O~O

回覆 O~O 的帖子

如果呀女想去，都會比佢去，都真係幾靚，但真係好好好凍。。。

bogie888

原帖由 O~O 於 15-10-29 發表
回覆 O~O 的帖子

如果呀女想去，都會比佢去，都真係幾靚，但真係好好好凍。。。 ...

唔見學校有相關通告既……
是否限定某些年級呢？

NurseSally

原帖由 O~O 於 15-10-29 發表
回覆 NurseSally 的帖子

這組別反正大抽獎都唔會有咩好結果時，考得入羅中已非常好，而且之後的呈分試和畢 ...

咁羅中對band2中至尾學生嚟講，面試難嗎？

O~O

回覆 NurseSally 的帖子

第一部份個別英語面試，都係講日常嘢，識幾多英語咪講幾多。第二部份小組討論，家長可坐在後面睇，係關於啲學校生活、社區及時事，如果平日都係活躍份子就一定難唔到。
佢返而著重操行，表現自如就得，當然現場禮貌係好重要。
面試應該唔難，但學校最終點選就別論。

O~O

回覆 bogie888 的帖子

呀女話係課室聽廣播預告，聖誕節出發，通告我都唔見有喎。

NurseSally

原帖由 O~O 於 15-11-03 發表
回覆 NurseSally 的帖子

第一部份個別英語面試，都係講日常嘢，識幾多英語咪講幾多。第二部份小組討論，家 ...

Thx!

結結巴巴

NurseSally 發表於 15-10-20 23:36
請問如屬band2 中至尾學生，是否不需在1st round 申請F1 學位？可第二輪先報呢？Thanks!



  ...

既然要試，何不第一輪就報呢？成功固然好，不成功就當作取些經驗，第二輪再試。

lu-ka

原帖由 結結巴巴 於 15-11-12 發表
既然要試，何不第一輪就報呢？成功固然好，不成功就當作取些經驗，第二輪再試。 ...

我都係咁樣，唔會錯過任何機會！

lu-ka

原帖由 NurseSally 於 15-10-30 發表
咁羅中對band2中至尾學生嚟講，面試難嗎？

我仔本身係b2c，唔難in，但一定要主動肯講。

kin818kin

lu-ka 發表於 15-11-15 00:41
我都係咁樣，唔會錯過任何機會！

lu-ka你好

上星期六我去左羅中簡介會，對校長既教學方式及理念都感認同。你小朋友今年中二，我想更了解學校的資訊，想麻煩你解答下幾條問題。

1)請問係過去的一年中學校老師、教學課程、學生品德等各方面。在你的接觸當中是否仍然滿意？有邊方面最滿意，又有邊方面可以有待改善？

2)請問你打算幾年班送小朋友去外國讀書？

3)如果唔打算送小朋友去外國讀書，讀此校想升讀本地大學是否好困難？

4)知不知道教學課程的內容比起一般中學是差不多？偏簡單？偏深？


唔好意思﹗咁多問題請教﹗


謝謝回答﹗

kin818kin

lu-ka 發表於 15-11-15 00:43
我仔本身係b2c，唔難in，但一定要主動肯講。

lu-ka

你雖然話阿仔是b2c學生，但見佢 interview 時表現自如，你仔會唔會本身成績係幾好，只係考試時一時失手，所以跌左去b2c？

lu-ka

原帖由 kin818kin 於 15-11-16 發表
lu-ka你好

上星期六我去左羅中簡介會，對校長既教學方式及理念都感認同。你小朋友今年中二，我想更了解學 ...

Kin818ikin, 你

你有去簡介會覺得 點樣呀? 我仔果日都有出席，佢話佢有上台做present 佢個project, 我仔少少肥，好易認

1) 我覺老師對同學真係好好，如學生有咩問題，好多時會主動打比我，例如阿仔欠交功課，佢地初初會比機會比學生，但有啲學生一路唔肯交，過過幾次，老師會打嚟同家長傾，希望可以幫到同學，因為功課都會計分的。我記 得有一次，我仔欠交功課，英文老師覺得以阿仔成績唔交功課引至冇分好唔值，佢主動同我傾，仲whatsapp我要做 既功課資料，要我跟篤住冇走雞。老師願意攞出自已嘅食飯時間或放時間幫學生補課，有好多學生都主動搵老師補課的，好互動。學校係比較自由，讓學生自由發揮，呢樣我好欣賞的。功課少，因為好多都會係課堂做咗。以我所知學生跟老師嘅關係非常好。我暫時未搵到到改善嘅地方。品格如果我同你講個都好乖都係呃你嘅，每間學校有好學生，亦有壞學生，但我仔到現裡識嘅同學都係ok的，唔會出夜街果啲。

2) 我有諗過讀完中三出國。

3) 呢樣真係好難答你，早兩年DSE成績真係麻麻，但學校不斷改進，好似今年，學校特意係外面請咗位中文教授嚟做顧問，又請咗位教授幫同學補課教數學。學校好肯放資源。今年DSE成績比舊年好好多，當然仲有一定空間，雖要時間的。

4) 佢地課程比較國際，因為多外籍老師，佢地教學態度並唔係好似香港，上課堂著重討論。

總括嚟講，我好滿意學校，有幸阿仔能入到羅中。

lu-ka

原帖由 kin818kin 於 15-11-16 發表
lu-ka

你雖然話阿仔是b2c學生，但見佢 interview 時表現自如，你仔會唔會本身成績係幾好，只係考試時一時 ...

我仔成績唔好，係小學時只仔英文有A, 操行有A, 但因為中文錯引致其他主科都麻麻。好彩佢英文talk得，面試時表現得唔錯。如果入中中，真係死得……中文差，仲要入b3中中，你都諗到後果了……

lu-ka

原帖由 kin818kin 於 15-11-16 發表
lu-ka你好

上星期六我去左羅中簡介會，對校長既教學方式及理念都感認同。你小朋友今年中二，我想更了解學 ...

可唔可搭單講下我仔果日上台表現呀? 我好想知呀！ 我好想出席，但冇時間。阿仔話佢只係用咗1日時間諗要講咩，老師們冇同佢彩排過，冇同佢傾過要講啲咩，要自由發揮，全部自己爆肚