拉小提琴分享及交流part 2

mummom

回復 Sindy 的帖子

對不起！  sindy 板主。我不是說您嚴而令孩子停學。我很少發表，所以可能表達得有點笨拙。
我是說由這件事令的想起，的分享。如果大家看完所有的交流，SINDY板主一定不是太嚴的家長。您最多分享是如何選琴。您是提供最多資料給大家的。所以我沒有意識到令大家以為我在批評您。
實在對不起！請原諒，我不是這個意思！

在我的分享中， 我也說了我都有倍孩子練琴的。這是一定要的，無論任何樂器，尤其是細時。
我看了很久才把所有的交流看完，我吾記得誰嚴誰不嚴，這都是看孩子而言的。我只是希望家長要認識孩子，不是“逼一定好”，也不是“不逼又一定好”。我很喜歡這個板，所以希望有不用意見加入。

如有冒犯，敬請原諒。尤其Sindy板主。

mummom

回復 lillymarie 的帖子

對不起！我絕沒有衝著誰而來。我在這裡看了很多，我真的沒有留意是誰說的。
如有冒犯，請您多多包涵。大家看了覺得不對，就笑笑算了。言詞上可能有太多誤會，就好似我誤會有家長，太嚴了一樣。

我不再回應了。為免誤會加深，亦都deleted 了我的分享。我吾係好識點deleted，但應該deleted左啦，如果未，請板主deleted左佢啦！謝謝！

打擾大家了！希望大家的孩子都習琴愉快，學有所成。

四隻貓

henryho4h 發表於 12-12-10 15:54
印象中,你囡囡參加了上年校際音樂節同考了APA, 請問你囡囡不是今年考小一嗎(我記你好LIKE CKY)? 因老師叫仔 ...

今年考APA 但得waiting list. 即係考唔到.
老師叫考你就俾仔仔試下.如果想知APA 學習情況, 就要找其他版友幫忙了

今年女女有參加校際音樂節, 發現呀女係好喜歡比賽果類人, 出年都會再參加二級小提琴獨奏, 佢非常喜歡首二級比賽歌.

剛完成所有小學面試, CKY 未有結果, 不知道在十二月底會否有公佈, 還是一如往年一月先知結果..似乎大家都知道我係CKY 支持者, 也許我太明戀了吧

cyhh

大家好，我小朋友3歲半，自己要求學小提琴，已經學左一個月了，但一直都係用琴行的琴(怕佢3分鐘熱度)，打算如果佢2-3個月仲係繼續學的話，會同佢買琴。佢依家用緊1/10嘅琴，佢103cm高。



想問下大家，到時係咪買1/8會好d呢？有無咩牌子可以介紹？網上search過話roweller幾好。需要轉尼龍弦嗎？我打算買一部不太貴的琴(怕佢用得粗)，希望價錢在$700左右。

另外呢部ok嗎？http://hk.f1.page.auctions.yahoo.com/hk/auction/1130928098?u=pmusic7

多謝大家(^^)

mummom

做父母很難！
有親戚的兒子，已長大，有次跟我抱怨他小時父母沒逼他學樂器，我還跟他說笑，”無逼你都是父母的錯嗎？“。
又有朋友的女兒，被逼了幾年都是放棄了， 只學到4級。
我自己有兩個朋友，已是成年人，小時被逼學琴，一個鋼琴，一個小提琴（他們多幸運，我細時很想學，但沒機會，我而家幾十歲人先學左一年）。大了，一到中學，父母不能再逼，就掂都吾肯再掂部琴。佢地直頭同我講話，見到部琴都憎。其中一個，佢老婆話想個女學鋼琴，佢馬上反對，唉！

所以最怕是錯配！！
當然，如果堅信是對孩子好，就不用理會其他說什麼。說到底孩子是自己的，自己最了解。

以上只是個人分享。沒有批評誰人之意，請不要對號入座。

lillymarie

mummom 發表於 12-12-10 17:38
做父母很難！
有親戚的兒子，已長大，有次跟我抱怨他小時父母沒逼他學樂器，我還跟他說笑，”無逼你都是父 ...

我今日才在想這個問題， 我身邊亦有很多朋友和小朋友，亦是被逼學琴，又或者遺憾沒被逼學琴。我自己細個時學過一陣琴，當時我爸爸站在我身後聽我練琴，一彈錯就敲我的頭，搞到我好驚。於是對他說自己不學了。但我現在明白爸爸當時那麼緊張，是因為學琴令他有經濟壓力。Anyway, 這就是做父母之苦！學成或學不成都是父母的錯！！！

lillymarie

cyhh 發表於 12-12-10 17:09
大家好，我小朋友3歲半，自己要求學小提琴，已經學左一個月了，但一直都係用琴行的琴(怕佢3分鐘熱度)，打算 ...

轉不轉1/8要看小朋友手臂有多長。我上網睇資料就話細琴用steel strings會响些。牌子就唔識啦。

Sindy

mummom 發表於 12-12-10 13:09
回復 Sindy 的帖子

對不起！  sindy 板主。我不是說您嚴而令孩子停學。我很少發表，所以可能表達得有點笨 ...

你唔駛客氣, 你都係分享自己既感受, 同樣, 我都係分享自己既睇法, 所以並沒有冒不冒犯這回事, 我絕對容納得到不同意見的, 放心
其實好多事, 無好同唔好, 我只係想講你無講既一面... 無其他意思的, 你亦都唔好介意

記得有個女仔, 中一二鋼琴考完八級, 就話我以後都唔學琴, 但兩年後就同阿媽講要學埋演奏級, 其實, 過左五六級, 佢地想點先係自己真係既野, 之前都講, 五級以下, 要睇譜, 要顧技巧, 真係唔係咁多人鐘意的, 我都係其中一個

我主要係想提返, 有時佢地既意願係要建立係佢真係認識果樣野, 先可以有真感受而已...

Sindy

cyhh 發表於 12-12-10 17:09
大家好，我小朋友3歲半，自己要求學小提琴，已經學左一個月了，但一直都係用琴行的琴(怕佢3分鐘熱度)，打算 ...

部琴O唔OK, 都要試過先知, 有時個樣唔靚. 有花痕, 但可能聲極靚, 因為樂器, 係睇聲, 唔係睇樣..

Sindy

henryho4h 發表於 12-12-10 15:54
印象中,你囡囡參加了上年校際音樂節同考了APA, 請問你囡囡不是今年考小一嗎(我記你好LIKE CKY)? 因老師叫仔 ...

你想知APA咩? 應該有好多人答到你的, 皮毛的, 我都知少少

Sindy

henryho4h 發表於 12-12-10 20:45
除了考兩首不同風格的歌, 還會考其他嘢嗎? 例如SCALE、SIGHT-READING、AURAL等? THANKS! ...

人人會有D唔同, 我仔就無, 但我女有考D聽音之類, 你考咩級? 如果佢覺得初步合既話, 會考多D的

Sindy

henryho4h 發表於 12-12-10 21:01
五級鋼琴, 因小提琴老師冇叫, 其實我都prefer用小提琴考, 因阿仔拉起小提琴比鋼琴更enjoy! 介唔介意分享下 ...

鋼琴比小提琴難好多....我女果時考最初級(二級起碼果D), 好似叫mj201/301, 唔記得左... 佢真係睇有無天份同誠意, 認唔認真.. 呢度都有D係度學緊的, 不過女女都中學囉應該...唔係話down grade考就收, 睇返基本功紮唔紮實...考得五級鋼琴, 就唔可以用其他樂器架喇, 除非你志在參與啫

rio

請問有無家長可介紹小提琴老師給我?我想找一個嚴的老師,thx

mummom

回復 Sindy 的帖子

謝謝您的諒解。我會學習分享時要小心用詞，避免誤會。

Sindy

wootaitai  仲有沒有學double bass？

無呀, 我女上左一年APA, 佢叫佢升班, 要上埋其他, 我覺得貴得濟, 我女主力唔係double bass, 二萬幾蚊一年, 佢情願上小提琴或鋼琴多D, 所以無係APA學, 跟住係學校都係上左一年, 又無學囉... 而家放緊個琴, 好大件....

mummom

回復 lillymarie 的帖子

唉！所以真係要好小心。
我就比較偏向“推下佢，拉下佢，提下佢 ＋ 勁讚佢”的方法，即是“曲線逼佢”。我吾係吾逼，老實講，小朋友係要逼下，我同阿仔講話“吾練就吾交學費”我梗係有超強信心head 住佢，我知佢想學，所以咁講。如果我知佢吾學最開心，我梗吾會咁講啦！做父母的每天都在鬥智鬥力。另外入樂團是很有推動力的。有表演，小朋友都好有心機練。
“直線逼”反彈力可以好強。
阿仔細時學鋼琴，有個姐姐好叻，8級攞Distinction. 我同傾，讚她好叻，我仔都肯練但吾算勤力。姐姐讀名牌女校，佢叫我吾好逼得阿仔太勁，如果都肯練就提下佢好啦。佢自己就是細時比阿媽逼，逼到佢話吾學，所以學到2／3級就停左。大個上到中學，見同學個個都有7／8級，好勁，所以叫阿媽比佢學返。佢當時已中五，佢話要準備會考又要考琴好辛苦。佢同我講，學琴時間很長，小朋友很難明白及做到日復一日地練琴，佢自己細時都不是不練琴，但媽媽要求好高，放假想休息不準，佢細時都是讀名牌小學，所以家課都多，再加練琴，細時真係好想玩，就怪鋼琴令佢無得玩，所以攪到佢頂吾順，就停學了。我就是以此為鑑。

但也見很多人，完全吾逼，推都吾推下，真係好快就吾學。
希望大家努力找到對孩子最好的方法。我的已大了，已算是過了這關了。其他家長繼續努力！