九龍禮賢幼稚園K3家長請進！

penpen

朱古力,
唔好咁講啦~ 天氣唔好大家都唔想嘛~  
果日個個都倦, 都鬧過情緒~~  

朱古力

penpen,

唉！我個心始終都唔安樂，唔好意思呀！夜晚我問塱生，你覺得自己今日表現有幾多分，佢答我１分，我話點解得１分咁少，佢話因為自己發好大脾氣，我話點解要發咁大脾氣呢？佢就無出聲，教仔一ｄ都唔容易呀！ :cry:  :cry:

penpen

朱古力,
唔洗唔安樂喎!! 我相信大家都冇放響心, 我都有話妹豬冇禮貌架!! 佢話佢冇冇禮貌, 我一句響人地屋企喊就已經係冇禮貌, 佢都冇聲出咯~  
但我都覺得塱生太失控喇~~ 妳要小心睇住佢, 了解佢多d, 最重要係千祈唔可以再對妳旭手旭腳(推都唔得),千祈唔好俾佢有機會食住妳呀!! 唔係再大d就唔得掂!
現在d細路點同我地以前一舊飯咁丫~~ 真係難教好多喇~ 冇法, 物質豐富左, 唔懂珍惜, 得一想二, 冇禮貌, 嗅脾氣,霸道,...... 每個細路梗有d咁滯! 所以一個就夠晒數!

妳自己都要鍚自己多d, 返工, 放工揍仔, 返屋企仲煮埋飯, 好佩服妳!!    

dns

penpen & 朱古力:

好耐無上黎！見到你們的對話我都好有同感！

現在d細路點同我地以前一舊飯咁丫~~ 真係難教好多喇~ 冇法, 物質豐富左, 唔懂珍惜, 得一想二, 冇禮貌, 嗅脾氣,霸道,...... 每個細路梗有d咁滯!

我現在都同朱古力你一樣返工, 放工揍仔, 返屋企仲煮埋飯,
但我要揍兩個！呢排吾知係咪天口吾好Ｄ細路都嗅脾氣Ｄ！

我個兩個細路有Ｄ怪僻用開Ｄ野吾可以比其它人touch架！
你地Ｄ細路有無咁架？

penpen

dns,
唔俾其他人掂佢d野, 我妹豬又冇咁喎!!  暫時我都未諗到佢有d咩怪癖

Smilesun

我囡囡下年讀禮賢ｋ１，我地住馬鞍山，唔知校車點行呢？來回要幾耐？我見學校穿俾我個行程表，好驚人，走晒馬鞍山，火炭，沙田，大圍．．．．
或者有無媽咪有司機叔叔的電話呢？唔該晒

penpen

馬鞍山好似差不多係尾站, 妳可致電92340633問問廖先生

Smilesun 寫道:
我囡囡下年讀禮賢ｋ１，我地住馬鞍山，唔知校車點行呢？來回要幾耐？我見學校穿俾我個行程表，好驚人，走晒馬鞍山，火炭，沙田，大圍．．．．
或者有無媽咪有司機叔叔的電話呢？唔該晒

penpen

朱古力,
dan太今日話dan生同dan仔好想摸蜆, 留意到天氣報告會落行雷閃電, 問若果真係點算, 朗媽話唔緊要, 會買定斤蜆埋響妳個天台俾佢地慢慢摸喎~    
另外, 我地今日相討左買d咩燒, 驚妳買得太多, 明天俾張list妳, ok?!  

朱古力

penpen,

最好添啦！我唔洗煩呀！
我最頭痛去買食物，又驚唔夠食喎！
又怕食淨晒喎！

你地寫比我啦！
食物　　數量
雞翼　　？？隻
豬扒　　？？件

Smilesun

penpen
唔該晒呀...我問過廖先生佢話去埋第一城就入隨道啦...咁我就放心晒...

我另外都想問如果我八月先去買體育服,會唔會無貨呢?
因為小朋友大得好快,唔想咁早買住....

朱古力

Smilesun,

我囝囝都係馬鞍山翠擁華庭上車，上車時間係８：０５左右，都唔算早，其實我地馬鞍山區既學生唔多，所以前兩年都無車坐，要自己送返學，今年都係得６個小朋友坐車（不包括沙田區），今年既車程係先去帝堡城（２個）＞＞翠擁華庭（２個）＞＞錦泰隔鄰私人樓（１個）＞＞碧濤（１個）之後經獅子山出隧道返學校啦！返到去約８：４８左右啦！

校服通常都有存貨，如果無就要自己出去買，其實大多數都會買左先，因為費事煩嗎？你可以買大少少，咁未唔洗驚好快唔岩著咯！我囝囝唔係高好多，所以一套衫著到今年畢業啦！之前都無諗到，反而圍裙就高班時要買過套，因為之前無買大少少，圍裙用裙袋分班，如果升班可以用十蚊買個裙袋自己縫，唔洗買過一件．

penpen

Smilesun,
朱古力係我同班同學(佢囝囝同我囡囡同班, 即係我地都係同班 ), 佢答晒妳喇~~  


朱古力,

飲品相信妳已經預左!!
食品方面:
羊扒, 牛仔骨,
豬扒, 蟹柳,
腸, 獅子狗卷, 丸, 燒賣,
豆卜, 菜包既菜&菇,
法包,
一斤蜆+X斤沙, 預黎若果dan生dan仔摸唔到俾朗朗媽用黎埋響妳個天台的!!   

朗朗媽咪話妳已經大個女, 數量方面由妳預, 有問題妳打電話俾佢啦~~ haha~~
c u tmr !!  

p.s. 若果妳見到手掌咁大果d bbq磨菇買埋丫, 唔該!!
求先我響taste 見到$30包想買, 但又怕明天會...!!
所以若果明天冇...就拜托妳了~~ 行過見到先買, 不用專程去買喎~~  thx!!  

朱古力

咩係手掌咁大既磨菇呀！我唔識喎！點算呢？   

penpen

唔緊要, 下次我買

Smilesun

朱古力，ｐｅｎｐｅｎ
唔該晒呀．．．
朱古力你住翠擁華庭，我朋友都係，佢個囡囡下年都會讀禮賢架，不過我地讀下午．．．而我呢就住雅濤居，希望司機叔叔肯停樓下啦．．．
你地好開心有得ｂｂｑ．．．不過呢幾日天氣唔係太好，希望唔會影響你地的活動啦．．．

penpen

多謝妳昨天招呼, 後來先知妳專程請假, 真係唔好意思! 希望下次可以摸到蜆(叫埋妳家姐)啦~
生生昨天進步了, 冇發脾氣!! 讚下佢啦~~


我又唔知妳個password, 咁妳delet左段野未得囉~~
又一個傻媽!!    

朱古力 寫道:
penpen,

好彩你唔係鬧緊人，否則我就水洗都唔清啦！
        

朱古力

Smilesun
我唔係住翠擁華庭架，我住西沙路，因為校車唔肯去我度，所以每日我同囝囝都會行去翠擁華庭門口上車．

penpen,
我見你解釋左所以就唔取消咯！我都係講下笑    ，我都有諗過唔請假，不過唔請我要兩點半後先返到屋企，又要買食物，又要去摸蜆，實在太趕啦！自己都頂得住，要塱生趕黎趕去佢會好辛苦！所以決定都係請假咯！佢無發脾氣可能都係因為佢有充足睡眠，因為佢睡到十點幾先起身，仲要係我家姐打黎嘈醒左佢呀！最好笑係，因為我房有部分機，佢聽見電話落床聽，佢同大姨講媽咪返左工，佢以為我留低左佢一個人係屋企    ，琴日最掃慶係下午先黎落雨，整個上午都咁好天氣，攪到乜都做唔到，真激氣 ，琴日真係唔該晒亞榮同da生呀！幫我清左露台D垃圾呀！其實想掉好耐，不過老公平日又放得夜，假日又想休息，我又唔夠力搬．

朱古力

琴日望下月曆，哎！好緊張呀仲有十幾日（下個再下個星期六）就有結果啦！緊張既情緒返來了，我即刻諗請唔請假呢？唔請我一定無心情做野或做錯晒野，因為個心已經飛左去睇放榜，我老公話等佢睇，叫佢去我情願自己去，佢一直都無跟過報小一既野，肯定唔知頭又唔知路，如果請就要請１�６（五）和２�６（六），因為１�６（五）佢地表演，點算好呢？

penpen

朱古力,
我同廷曜媽呼講,下次若果咁啱又係星期六, 佢可以上妳阿媽度接生生, 佢住sun po kong 嘛~~
原來我果日未上來之前榮仔同dan生做左義工, 我相信佢地都冇所謂既~~ 成日打搞你至真!!  
我同朗媽講返響度見妳唔該佢地果種感覺, 就好似上次我地上完你度, 你上天台發覺清晒場一樣咁開心咁

妳呀!! 唔好咁快心掛掛俾咁大壓力自己, 有排都未到2號, 唔係大吉利是講句, 妳未到果日就暈低左喇~~ 放鬆d, 果件事就交俾展生去做啦~~     乖啦~~  

allyri

Hi,
1/請問有無人已找到由東區到九龍塘BB褓姆車?

2/請問有無人正找BB褓姆車呢?
我現找到一褓姆車每天由東區到九龍塘(9月開始).
但要有人數.
pls contact me:
[email protected]

many thanks.