德福事務所

*vienna*

今年我都有報考k1,但沒交留位費,而我都聽聞過,呢間學校的某些老師不太友善對待小朋友!今次事件該老師應該反省,自己係咪適合再做老師,以免影響小朋友和學校其她的好老師!  

amysin 寫道:
前幾日,本人行過九龍灣德福幼稚園,由於該校都屬開放式,故此,我行過都會由窗口望吓D小朋友上課情況.
而行到遊樂操場果邊,見到有班小朋友排排坐係[登]仔,其中有三個小朋友坐住張[登]彈彈吓,負責睇住佢地既人就好大聲叫佢地坐好D(記得係好勞氣同好大聲果種),講真果班應該係NURSERY班,D小朋友有幾大呀?我想講既唔係LEE一點,仲有下文既,當時其中一個已經坐定定,其餘二個仲係張[登]彈,係LEE個時侯果個人突然行埋去抱起其中一個好大力咁放佢落地(坐係地上),9秘9再將另一個小朋友再做LEE個動作.但真係唔驚會登親佢地咁好用力,當時成班小朋友靜哂,佢又再大聲鬧佢2個,
好彩我小朋友唔係到讀,但係我見到真係好  ,今日記得打佢投訴,校長主任都放咗工,聽日再打過.     
    

fostermak

amysin:
你係乜野時間同埋你d學生係著灰色校服定白色圍裙仔?
同埋可唔可以形容一下老師係乜樣或身型?

我都想知呀...

amysin

星期三上午11:30,個惡人係身材肥胖既女性,係nursery班門口位置(無留意咩校服)既[登]仔,當時仲有野圍住果個範圍既,我明天再打去lee間學校投訴,

fostermak

amysin:
我知係邊位老師咯,我以為係上次我投訴果位添...

kyleung

Minna ma：
Check pm pls  

Minanotabo 寫道:
謙媽,

你PM個E-mail比我呀,
我send旅行D相比你!

kyleung

amysin：
多謝你的post
希望你投訴完比校長聽之後
講一講校長有咩反應
我都好想知有冇咁既事
同埋學校點回應

維尼熊pooh

慘啦! 我有D擔心, 因為我今年阿囝會入讀N1, 如果咁'橋', 係佢教, 重要有兩個老師都係咁, 中的機會無形中大咗, 點算?

amysin,fostermak
你地係唔係知道邊個, 佢係中國人/外藉人, 可唔可以話我知佢姓名, 如果唔方便, 你地PM俾我, 等我留意, fostermak, 你上次投訴, 又係邊位老師.

kyleung

pooh：
咁你又唔駛咁擔心
講真，德福係開放式就咁橋比你見到啫
其他學校有冇老師係咁
你根本係點都唔會知得到wor

同埋個老師真係咁樣做的話
會唔會有ｄ前文後理係我地唔知呢？
好似個小朋友講極都唔聽
又影響到其他小朋友呢？

我都緊張架，唔知amysin講緊既係咪就係我個仔個老師
因為佢真係肥肥地既
不過我知佢果班真係有ｄ頑皮仔
所以我想知道下學校既回應先
再之後向老師查問究竟

fostermak

維尼熊pooh & amysin:
唔好咁擔心住,正如kyleugn話齋,未知前文下理,不如等amysin同校長反映左件事後,睇下校長點回應...

我知道如果有d小朋友上堂唔守規矩,又影響到其他同學,老師會致電同家長講番個情況,得到家長同意先處罰學生,但都講明係用乜野方式,例如上堂顧住傾計,老師咪將同學調位等或罰企...

fostermak

維尼熊pooh & amysin:
至於我之前o既投訴,其實都曾經響呢度bk post過,亦問過呢度德福媽咪意見...都唔介意再講返出黎...

舊年十月囡囡返n1一星期後,我都投訴過一名老師,果陣我都考慮左好耐好唔好投訴,亦好似你地咁擔心,因為我唔知果個老師係邊個,唔知道投訴後,校長會唔會秉公處理,亦唔知會唔會影響到佢份工,亦唔知前文後理,而我只見到部分片段,
怕投訴後囡囡會被校方歧視或遭不友善對待,後尾我都考慮左幾日先決定出信投訴,校長好快回應...

事件如下:
囡囡上課地點位於地下,所以每朝送佢返學後,我都會響課室另一邊窗口出面偷望囡囡一陣先走,見教佢個老師好有愛心,但係有一日無意望到隔離班班一位老師對其中一位學生態度好差...

當其他同學唱早操歌果陣,有三位同學就坐響度食早點,其中一位同學唔知係唔肯飲水定飲得少,老師就好惡咁鬧佢(我望到佢果樣兇神惡煞,但隔住玻璃,聽唔到鬧乜),用手指篤住佢個額頭鬧,跟住用杯好粗魯咁質佢飲水,小朋友唔飲,老師發脾氣掟佢條抹嘴巾,由桌一端掟到另一端...

當時我o既反應係:呢位小朋友只係唔飲水,又冇做曳野,咁樣鬧佢真係好侮辱,而且果位老師好冇愛心兼冇耐性,即使有乜唔o岩,都唔駛咁對佢,況且佢得兩歲,冇反抗,亦唔識駁嘴,仲坐定定任佢舞...
自問我囡囡又係食野好少好慢,唔食就好唔俾面,一啖都唔食,會用手推開及另咩面,見到咁,果陣我都好擔心囡囡會唔會受到咁樣對待,同埋諗係咪要即同囡囡轉校,結果見教佢果老師好好,先決定繼續讀落去...

後尾校長回應係:
---果位老師係教全日班,但(我見)朝早佢會同半日日合教,並話佢任教兩年,一直得到家長讚賞,平日說話細細聲,不過眼仔碌碌,唔笑果陣,個樣會好惡,校長亦話曾經因為咁誤會左佢,事後學校旅行或接送放學,都有同呢位老師接觸,佢其實講野好陰聲細氣,好斯文,不過唔笑果陣,個樣好惡死好

HIN2003

但我覺這種情況不應出現在德福幼稚園. 因現時大部份的幼稚園已做到很有愛心和耐心地對待小朋友!

kyleung

Hin2003：
我唔係為學校講說話
不過小妹覺得因為德福係一間＜比你地望到佢運作的學校＞
所以好又好，差又好，
人人都可以從窗外望得到

其他幼稚園有冇呢ｄ事發生呢？
冇人知囉！

就我囝囝由去年11月插班到今日
我覺得N1所有老師都好有愛心
就算唔係佢o個班的學生
佢都會好有愛心咁對待

小妹愚見都係等目擊者向校方報告了事件後
待老師校長回應了再評吧！

kyleung

思晴媽：
原來你見到個case係咁
希望個老師都真係知道自己可能係惡左ｄ
全日班就係同我亞仔o個班早上一齊上
最近窗口
我朝朝都可以同亞仔在窗口揮手bye bye

kyleung

All：
你地ｄ盆栽放完學校之後點呀？
我亞囝o個盆已經殘哂...      

fostermak

kyleung:
思晴果盆黃豆仲未殘,而家放響麻麻屋企曬太陽,出左好多葉...

你地知唔知才藝表演果日,家日可唔可以入去睇或錄影或影相架?我今朝見k1國際班響校務處出面禮堂表演,家長就坐響校院外張...

kyleung

今早問左主任喇
係唔可以比家長睇架 :-|  :-|  :-|
睇唔到添.....     

fostermak 寫道:
你地知唔知才藝表演果日,家日可唔可以入去睇或錄影或影相架?我今朝見k1國際班響校務處出面禮堂表演,家長就坐響校院外張...

katrina918

Hi 各位mami,

我想問下關於 N1  問題, 囝囝會於今年九月入學 N1 fullday class.
首先一開學, 有無識應期? 即係立即返全日 or 兩個鐘,四個鐘,逐日慢慢加鐘, 直至全日時間.
被, 床墊,枕頭須唔須要自己買or 學校代訂 or 學校供應?

Thanks.

littledada

kyleung,

我通常都不讓我個仔見到我!
但每一次都被妳兒子看見我, 他每次都笑笑口望住我, 又同我揮手, 他真的很好玩, 很開心又活潑, 他的反應好正!

我想問妳平時邊個幫妳湊他的? 湊得他如此可愛活潑?

kyleung 寫道:
我朝朝都可以同亞仔在窗口揮手bye bye

Minanotabo

我都覺得德福的老師大都是很好, 對小朋友很有心! 我女女讀IN1越來越開心. 其實小朋友的反應最直接, 如果老師唔好, 他們會不喜歡的!

不過最近亦為第二D事同學校傾緊, 但一來我又忙, 二來亦同思晴媽想法一樣, 怕跟進事件後影嚮女女同老帥關係, 因為老師出發點是好, 不過有些處理上不夠細心和一致性, 同過程中有少少bad feeling. :-| 但上星期五打比校長, 佢去左開會, 到今日都無覆, 都唔知仲打唔打多次! 詳情等有結果再同大家分享!

煩惱!!!

Minanotabo

係喎,
你地才藝表演,
仔仔女女表演咩呀!

我女念詩咋!