06年9月入讀蘇淅幼稚園K1既家長, 入唻交流下啦!

sunflower

十月媽咪 寫道:
sunflower,
好野, 我又識多個我女果班同學仔既媽咪喇, 多多指教, 你仔仔係邊組架? 我個女係坐最近門口果組架!  

我個仔係中間果組呀!

pearll

Hello CanKan

多謝你的意見

Pearll

wewetwet

十月媽咪,
係喎!看過彤彤手冊,好似真係未教'我愛我的媽媽!',我個囡唔知點解,成日要我播呢首歌,又好似識唱一兩句呀!唔知是否在家播CD時唔覺而學了呢?!

joeytcy,
係呀!係呀!我個囡真係叫陳依彤,但現在自一年前已改了名,讀音差不多,現在叫'鐿彤'!

各位媽咪,
請問你們小朋友放學後,會唔會睡午覺呢?!
我個囡好怪,自小就不甚喜歡睡午覺,我想,現在她要早起床,應該下午都睡一陣啦,但事實點哄都唔睡,頂多夜晚比平常早小小睡,就係九點多,有時仲十點先睡,她可能巳習慣了,就由她順其自然吧!

十月媽咪

joeytcy,
hello kitty??????

十月媽咪

sunflower,
哈, 我地E班三個, 都係唔同組架! 咁你囝囝有冇講過自己果組係咩名堂呀? 我個女話自己果組係蝴蝶組, 但我仲未同老師證實佢講既野係咪啱呀!  

十月媽咪

wewetwet,
彤彤唱果首我愛我的媽媽, 原來婷婷都識唱架! 頭先播CD畀佢聽果陣, 佢都識跟住唱的!

"鐿"呢個字點讀呀?

我個女每日放學返唻食少少野, 玩一陣, 大約一點至一點半左右, 就會自動爬上床, 以九秒九既速度瞓著架喇, 少則要瞓1.5小時, 長則要瞓三小時, 視乎我果日有冇陪佢齊齊瞓!  

joeytcy

我個女通常都無午睡喎.....不過就好鬼早訓......有時7點幾8點就自自然去訓...........(因姑媽好早食飯)..而且佢地都係早睡早起個隻.........不過返黎我呢邊就會遲d訓......

joeytcy

十月媽
hellokitty.......即係貓呀

十月媽咪

joeytcy,
貓? 咁即係老師畀左個咩印你囡囡呀?     同埋你地係咪都係噚日收到第二份評估呀?  

十月媽咪

ccffcc,
蘇浙小學只會係我同佬既一個backup, 如果阿女將來考到間唔駛交學費之餘, 校風又好, 學習風氣又好既小學, 咁就唔會讀蘇小啦! 不過若然唔好彩, 派唔到間正野, 咁蘇小未嘗唔係一個好既backup既!
蘇幼係用普通話&英語的, 廣東話...基本上老師唔會用, 不過我唔知, 若然個小朋友聽極都聽唔明, 老師會唔會靜雞雞同果個小朋友改用廣東話解釋, 不過我都問過阿女, 老師有冇同佢講過廣東話, 阿女話無呀, 講普通話架!

joeytcy

ccffcc

以我所知係k1..k2..k3..中k1已經係用最多廣東話...不過老師係會用x序漸進方式.......當然上堂教ger字同歌係用國語啦......另外有25分鐘係英文(外籍教師).....你唔洗擔心佢跟唔到架.......好似我個女(k1)....之前除左識唱國歌之外(因姑仗教)...一句普通話都唔堯...依家只不過讀左兩個月.......已經識唱好多歌仔.....講顏色....有話咩我是女孩子等等...我曾經問佢朝頭早你見到老師會講咩...佢話"老師早"...而且有d音都好似幾準........睇怕再遲d...我個女就可以教番我啦......

十月媽咪

joeytcy,
好慘架, 我老公都叫我檢討下, 佢話個女D發音仲準過我呀! 嗚嗚...咁人地係唔識普通話架嘛, 我識既話, 駛鬼畀個女去學咩, 我自己教都得啦!    

joeytcy

即是同第一次評估一樣lor.........不過我未證實係咪第二次評估....hehe...因我昨晚無問姑媽.....剩係同個女傾計.....但我都有再問佢....佢都係話粉紅色por...(即最差)....佢又話全部係hellokitty黎....跟住我聽都姑仗係後面問佢...hellokitty係咪即是兔仔呀....我個女就話係貓黎架....甘姑仗就話甘係咪第一呀....我個女就無講野....甘我就叫個女答..唔係第一..但係都有第三.......我個女就笑笑口同姑仗講啦....然之後我同個女講下次再比心機啦...下次lou綠色印仔好唔好...跟住我個女就話唔好喎...綠色係男仔....女仔要粉紅色ger喎....hahaha.........(我今會過去個女到食飯..順便及下)

我醒起上十月媽你提及友愛個part....於是我就問個女你係學校有無掛住自己玩具唔其他人呀....我個女就答無...但係跟住就講比我聽話有個同學仔成日搶佢本書喎.....甘我咪話你應該讓比佢先痳...你可以搵第2d啫.....跟住佢就話...個本書係我自己架.....佢自己都有一本一樣架........如果我本書比佢整欄左...我就無得讀架啦........呵...我突然又覺得我個女大個女左.......跟住我同佢講你下次試下有禮貌d請佢比番本書你啦.....勸下佢啦.........(如果真係有發生..我估我個女可能有同人地掙野lou番本書)........

joeytcy

十月媽...
同你老公講...甘咪好lou....交一個學費....幾個一齊學......
呢d就叫做取諸父母...用諸父母.....

我都唔掂架..........唔洗怕...我培你.........

joeytcy

ccffcc

重有個問題我未答....好大可能唔會直上....因學費問題...

十月媽咪

joeytcy,
又係粉紅色? 乜你地個老師咁手緊架?    

你d普通話又係好似我咁...咁普通呀? 阿女果班呢, 我諗起碼有四份一既父母, 係普通話非常流利, 有d甚至應該係台灣人之類唻架, 連佢地既小朋友, d普通話都係好掂的! 所以我初頭都好擔心個女唔知聽唔聽得明, 同埋好驚佢聽唔明果陣會無心機讀...好彩...好彩...而家返左個半月學有多, 阿女都適應左, 同埋最緊要係...佢無抗拒!  

CHM

各位媽咪,

我都唔懂普通話,囝囝還好過我,第一日上課我都唔知老師講甩,聽D唔聽D呀!個囝學到幾多就幾多啦!最緊要佢開開心心,順其自然,將來條路有排辛苦啊!

今次評估佢頭兩個是紅色, 跟住係綠色, 不過囝囝真的有進步, 因為佢昨天第一次返學無喊到, 是第一次啊!

蘇小不知好不好, 不過係網到知道沙田蘇中就好好, 希望到我們的囝女時,就係No1啦!

十月媽咪

ccffcc,

其實上年我幫阿女考左九間, 有d係純粹畀佢考唻warm up下 (崇真 & 約克), 有d係人地話好, 我又想去見識下 (S.C., 根德園), 有d係我心儀, 但超難考的 (協恩, 聖保祿), 有D我都心儀, 但比較容易考既 (蘇幼, 啟思附小幼稚園, 創價)! 超難考果兩間, 當然係被REJECT喇, 畢竟我個女係年尾女, 點都蝕底D; 另外創價因為我唔肯要下午班, 所以做左後備! 其餘既都係上午班!

而用唻warm up既果兩間, 去in過之後, 覺得無乜特別, 所以無再考慮; S.C.個感覺好工廠FEEL, 學費亦貴, 都放棄; 根德園考果陣, 老師畀我既感覺好差, 所以一考完, 我已經同隻佬講, 收都唔會讀; FINAL就係蘇幼同啟思附小之間去揀!

蘇幼係傳統學校, 啟思附小係活動教學, 係兩類好唔同類型既學校, 呢兩間我地都交左留位費, 我自己就心大心細, 直覺上覺得應該畀阿女讀啟思, 咁佢既創意可以得到無限發揮; 但另一方面又擔心, 太過活動教學, 恐怕放縱得滯, 到升小學果陣, 涵接上出現大問題!

FINAL DECISION交左畀我佬, 我佬覺得蘇幼全普通話教學係一個優勢, 最重要既係, 佢覺得小朋友係應該自小要適應壓力的, 樣樣都照顧周到, 關懷備至, 對阿女將來適應呢個社會, 未必係一件好事! 反而佢覺得, 唔需要樣樣都畀到最好, (包括學習環境, 學校硬件), 甚至乎, 老師對阿女嚴少少, 都未嘗唔係一件好事, 所以FINAL揀左蘇幼!