今年考小過程的總結同反思

luckyhei

回覆 Jean1769 的帖子

真心唔明白，呢度係教育王國，上來睇留言應該都係想學習點樣為子女爭取入讀最好嘅學校度，但原來大家討論之後得出嘅結論，就係入邊間學校都無所謂。如果真係，又點解要咁勤力每日都上嚟留言呢。
其實所有直資學校，都係受政府津貼，呢啲都係我哋交出嚟嘅稅。爭取入直資學校，其實係爭取返自己孩子應得嘅嘢，就算係私立或者國際學校，校址嘅地皮通常都係政府以低價或者免費嘅形式批俾佢。咁點解有一啲學生可以享受廣闊嘅校園，寧靜嘅環境？另一班學生就要喺嘈雜嘅街市隔離上堂。

我覺得係名校學到最重要嘅，係培養小朋友獨特嘅氣質。我喺皇仁書院讀中學，我學到嘅係優秀嘅答題技巧。但我可以坦白講，我同時學到嘅就係公務員嗰種少做少錯，因循守舊，最緊要有Preceding cases，咁係因為我所有老師都係公務員。

男拔萃的自信、女拔萃的進取、德望的堅毅、SPB的溫文爾雅等等，呢啲都係父母夢寐以求可以比子女最好嘅禮物。

luckyhei

回覆 Jean1769 的帖子

同埋其實人要去到幾狂妄自大，先至會批評一班用心栽培子女的家長，不辭勞苦帶佢哋去補習，但又考唔到名校嘅，就係一班失敗嘅家長。
喺我嘅辦公室，我只有一位上司，而有1000個下屬，但我永遠都唔會講我係比佢哋更成功，佢哋可能收入冇咁高，可享受嘅家庭時間亦冇我咁多，但佢哋絕對會係比更好嘅爸爸或媽媽，至少喺佢哋子女心目中係最偉大、最愛嘅人。

我教我個仔一個最重要嘅道理，職業有分高低、但係人嘅本質一定冇高低之分，每一個人都係值得尊重。

Jean1769

luckyhei 發表於 22-12-30 20:10
回覆 Jean1769 的帖子

真心唔明白，呢度係教育王國，上來睇留言應該都係想學習點樣為子女爭取入讀最好嘅學 ...

每日上黎留言，就係想睇下部分家長點樣吹棒所謂名校神校同覺得自己點好其他學校幾等。

唔追求名校就係狂妄自大？咁話人就真係唔知邊個先係狂妄自大咯哦，原來你有男神offer，仲有 SPB, PKC, TSL, FFS 和音小的正取，超勁呀，入硬牛劍了。

你不如睇下我之前d留言，我有讚DB㗎喎

karenaleung

Jean1769 發表於 22-12-30 19:11
太多好處？請分享

唔詳述了(emoji)

Carly0909

Jean1769 發表於 22-12-30 21:09
本帖最後由 Jean1769 於 22-12-30 21:14 編輯

每日上黎留言，就係想睇下部分家長點樣吹棒所謂名校神校 ...

究竟我喺度睇緊咩？
狂妄自大咁用架咩

luckyhei

Jean1769 發表於 22-12-30 21:09
本帖最後由 Jean1769 於 22-12-30 21:14 編輯

每日上黎留言，就係想睇下部分家長點樣吹棒所謂名校神校 ...

本帖最後由 luckyhei 於 22-12-30 21:47 編輯

「我覺得，會報佢肯接受佢果套怪獸家長，入唔到神校真係失敗。」
Quoted directly from you

你可以抨擊Miss Cheung, 亦可以唔認同報Miss Cheung 的家長的觀念，但絕對
冇資格話佢哋係一班失敗嘅家長。

當你引用我說過的話時，希望你復述完整句子。我同時只有優才、SMC、SFA、播道的備取，WKF的不録取。


那個時候，收到一連串對兒子面試的否定，又親眼見證兒子在SPB時的失準。當我獨處時，身為一個大男人，我也哭了起來。因為我很想幫我兒子，但又感到無能為力。
將心比己，如果你為你的子女努力過，但最終未能成功，這時有一個人話你是一個失敗的父母。你會難受嗎？

希望你都睇到，我曾經講過嘅一句說話，考小是一場殘酷又折磨人嘅戰爭，我們的敵人是考小嘅制度，家長們都係喺呢場戰場中嘅戰友，點解要互相傷害呢？

Jean1769

luckyhei 發表於 22-12-30 21:46
本帖最後由 luckyhei 於 22-12-30 21:49 編輯

本帖最後由 luckyhei 於 22-12-30 21:47 編輯

原來係咁你係咪就係幫襯金撈張的家長？接受到無老師資格的「老師」話自己細路知唔知定，又或者「老師」話唔buy佢果套的家長就係玻璃心（唔記得exactly佢用乜形容詞，一陣搵下啦），呢位老師仲要叫d學生一齊笑唔叻的學生，請問係乜教育。為左考入神校名校而要自己仔女接受咁的教育，仲要當佢神咁拜，的確係怪獸家長。

唔好意思，我覺得你因為你仔表現失準而喊，真係有點問題。係我心目中，香港的學校不論官津直私，衰極有個譜，唔似呢度咁，入唔到名校神校就覺得人生好似玩完咁。就算係最受追棒的神校，我親眼見到個小學細路著住校服在街邊大聲爆粗。無意踩神校名校，只係覺得唔駛將呢d學校棒到天上有地下無。中學黎講，一間學校收哂學霸中的學霸外校生，畢業生成績好好不是正常嗎？

你再問多十次我都會咁答你，出盡九牛二虎之力的父母，自稱不辭勞苦「為你好」的父母，要仔女不停學野考cert參加豬肉獎比賽加十全大補忙過返工，為左送仔女入名校神校而忘記初衷，是失敗的！

從你所講：
「上來睇留言應該都係想學習點樣為子女爭取入讀最好嘅學校度」

咩叫最好的學校？好明顯你已經有一個標準答案。

「我教我個仔一個最重要嘅道理，職業有分高低、但係人嘅本質一定冇高低之分」

我想講，我同你相反，我覺得職業無高低之分，而我最尊重的職業係清潔工人。

Anyway，好明顯我哋係唔同channel，你唔駛說服我我都唔需要說服你。

luckyhei

回覆 Jean1769 的帖子

香港一直以來最可愛的就是對和以不同的尊重，我尊重你對愛小孩初衷的堅持。
我想補充的是，其實所有名直資、私立甚至國際學校，都是佔用我們的社會資源，因為考小制度的不公平，大眾的利益就集中於一班世襲的名校學生身上。只要你考入名校，你就可以繼承你的學長前人的風光，校友的捐助。就係呢種不公平，阻礙香港社會階層的流動性，抹煞青少年的努力。考名校其實係我哋爭取回我哋應得嘅權益。

祝大家新年快樂。

Carly0909

神校名校，宜家冇，唔等於將來會冇，就算讀街市隔離嘅小學，唔代表將來考唔到神校，唔好用個框框，框住唔係讀神校名校嘅小朋友，就算津校都有好多神津，中學一樣係入返全港最top嘅學校，而名校神校都有好多讀唔掂要離開，考小一時好多小朋友未開竅，再加上好多因素學校令到學校唔收，但學校唔會話我哋知，有陣時真係即使家長點努力都未必成功，而家入到神校名校，都唔一定真係鶴立雞群果一群，其實仲有好多小朋友只係深藏不露，只係家長唔想俾太大壓力，寧願比佢哋自由發揮。

Carly0909

luckyhei 發表於 22-12-30 22:21
回覆 Jean1769 的帖子

香港一直以來最可愛的就是對和以不同的尊重，我尊重你對愛小孩初衷的堅持。

乜唔係應該係津校佔得最多資源咩？
唔好意思，真心想問

Jean1769

luckyhei 發表於 22-12-30 22:21
回覆 Jean1769 的帖子

香港一直以來最可愛的就是對和以不同的尊重，我尊重你對愛小孩初衷的堅持。

既然你講呢d，我又分享下我睇法。現今香港向上流機會接近無，因為幼稚園開始已人以群分。

我認同你所講名校神校有一d普通學校無的例如人脈或較好語境、學校設施（係咪就等如其他學校就不是好學校就睇你點定義好）。而要入呢堆學校又的確如你所講要「栽培」包括兩文三語一體一藝見慣大場面唔怕生保，而呢d，好老實，都係要用錢去堆砌（又稱栽培）。

「考名校其實係我哋爭取回我的應得嘅權益。」

而好明顯，而家只有中產或以上先有機會爭取「呢d應得的權益」，名校神校轉直私，考小面試過三關，我只能說是基層的悲哀。

Anyway，我在笑怪獸風氣時認同是香港教育制度所做成，要玩呢個遊戲唯有跟返規則，只不過想各位父母諗真d，香港的學校其實一般黎講都唔會差，入唔到神校名校人生唔會玩完，亦唔需要為左入呢d學校而逼迫子女忙過返工，又或上埋d甚麼老師班。

sandra1004

Carly0909 發表於 22-12-30 22:31
神校名校，宜家冇，唔等於將來會冇，就算讀街市隔離嘅小學，唔代表將來考唔到神校，唔好用個框框，框住唔係 ...

認同
而且唔係人人受谷
唔係個個家庭都support 到小朋友入名校
我仔女自由慣，冇外補習慣
突然要佢地出去外補，可能會弄巧反拙
令佢地失去學習興趣
應付到學校之餘有時間一齊睇下書
就已經ok了

adako728

呢個社會係有啲家長自我感覺十分良好，可能係本身自己都係「名校」背景，加上工作又一人之下萬一之上，難免唔多唔少都中了少少「名校」啲毒，搞到自己可能都開始已經有少少情緒問題卻不自知。回憶返，我自己細個冇讀名校，打工也沒有人地打到咁叻，卻從未睇少自己，亦從來都唔覺得自己/仔女需要呢一類的標籤，唔知點解我成日覺得其實內心越係自卑嘅人先越需要外界一些所謂的「光環」來很多來填充自己內心的不安⋯簡稱：焦慮症

f00130

考學校目標一定係要入名校？上EK又係為了想入名校嗎？
可能本身唔係「名校」出身 有些想法真係跟唔上….

f00130

對於考小學 我覺得只要小朋友、父母盡咗力就夠了 成功與否交給個天 無需太大壓力俾自己 就算考唔到又點 大把人都考唔到啦 又唔會無書讀 前面嘅路仲好長 毋需將呢一刻的失落無限放大囉
同埋有些父母為考學校 搞到小朋友好忙又上興趣班又面試班又補習班 其實又係咪真係需要咁多呢 定人去我去驚執輸心態為主 可以認真反思一下係咪真係有用先啦

hkpapa852

luckyhei 發表於 22-12-30 22:21
回覆 Jean1769 的帖子

香港一直以來最可愛的就是對和以不同的尊重，我尊重你對愛小孩初衷的堅持。

其實你似乎只係想盡力去「爭取」番政府既資源，而唔係想子女入名校噃？
如果作為名校畢業生依家係一人之下千人之上既管理層都唔明白「盲目」考小學既失敗之處，實在可悲。

認真去睇，有邊間小學有公開過佢地小一收生要求同評分準則？如果無，點解你以為乜乜物物班會有能力幫到你？其實咪只係寧願做多唔好做少，執輸行頭慘過敗家既心態。

現實中，有冇瞭解過香港升學同考試制度？

Jean1769

hkpapa852 發表於 22-12-31 01:42
其實你似乎只係想盡力去「爭取」番政府既資源，而唔係想子女入名校噃？
如果作為名校畢業生依家係一人之下 ...

hkpapa講得好中。依我觀察而家香港d家長就係執輸行頭慘過敗家的心態。見人哋做乜學乜就自己跟住學。幼稚園都要上中文認字班，金撈張面試班自稱考小成績優秀就撲去理得你用乜方法，缺乏自我思考能力。真係悲哀

hkpapa852

Jean1769 發表於 22-12-31 11:32
hkpapa講得好中。依我觀察而家香港d家長就係執輸行頭慘過敗家的心態。見人哋做乜學乜就自己跟住學。幼稚園 ...

從報考既學校名單同數字就知，有幾多家長只係漁翁撒網式，根本無認真瞭解過去考既學校
否則如果本身有清𥇦目標，根本唔會考各類教學方針完全不同既學校

hkpapa852

luckyhei 發表於 22-12-30 21:46
本帖最後由 luckyhei 於 22-12-30 21:49 編輯

本帖最後由 luckyhei 於 22-12-30 21:47 編輯

考小是一場殘酷又折磨人嘅戰爭


去唔去考學校係家長自己揀
唔去考學校讀派位學校唔通會死咩？
每年最後都有～80%小朋友要讀派位學校㗎啦！
唔通佢哋父母係唔用心栽培子女，或者係失敗者？

azure7689

hkpapa852 發表於 22-12-31 14:50
考小是一場殘酷又折磨人嘅戰爭

會覺得係一場戰爭，因為they are fighting a proxy battle，分唔開個人同子女嘅成績/成就。
會喺教育王國將個人名校背景同公司職位掛在口邊係一個indicator。