直私失意圍爐區

tummypooh

其實小一選唔上，又真係未必係小朋友唔得或家長冇做好，唔符合當時遊戲規則呢個字比較貼切。

小一對學術要求未必好高，但對小朋友的反應真係比較高，可能小朋友本身好叻，但唔鍾意同陌生人講嘢，或要較長時間熱身，已經唔係小朋友學術的問題。

所以你會見啲名校神校不斷有進進出出。入左去讀，成績先決；去到插班，筆試行先，即刻又變左另一個世界。

daijuju

tummypooh 發表於 21-10-30 11:31
其實小一選唔上，又真係未必係小朋友唔得或家長冇做好，唔符合當時遊戲規則呢個字比較貼切。

小一對學術要 ...

完全同意。淨係考小一先咁玩面試為主。之後校內成績/插班都係幾乎全睇學術做卷。

kitkit89

daijuju 發表於 21-10-30 11:00
直私喜歡揀唔怕醜，表達能力高，邏輯轉數快，自理好有禮貌的小朋友...... 的確有些小朋友性格/天生表達問題 ...

我仔就係咁內向，怕醜，表達能力唔好，上年我哋當interview 係俾機會佢多接觸陌生人，訓練，雖然收好多rejected 但最後叩門階段終於見到佢有進步。
考直私只係一個過程，唔係終點，上左小學先係開始！

PTL_L

tummypooh 發表於 21-10-30 11:31
其實小一選唔上，又真係未必係小朋友唔得或家長冇做好，唔符合當時遊戲規則呢個字比較貼切。

小一對學術要 ...

以上都係經驗人之談，但呢一刻呢班升小一家長會先以情緒主導，情緒係應該發洩，圍爐完繼續向前行，其實真係講過千次百次，當過多數年，回頭望真係小朋友成長中小事一則，之後仲有好多好多事情要面對，所以身心都要健康同堅強先處理到。

老人家生仔

回覆 yin0101 的帖子

冇錯！
失手：呢個詞係比準備充足嘅小朋友用，即係成績好好，名幼出名（咁人哋都睇咩學校、咩教育水平）、上足面試班學技巧，甚至唔怕醜好講得…！

由報名一刻已經知個遊戲規則係面試、拍片，就係短短5分鐘內要了解囝囝囡囡，落得場就係要點喺呢個制度之下突圍，而唔係自我感覺良好，根本唔收就係人哋走漏眼、失手等等。

做家長嘅，其實都好單向、好直接，就係「準備充足」。
呢個世界冇嘢係「百分百」充足，等如你上面試班，都≠一定有學校收。
面試班，佢返學到底明唔明？
返嚟你有冇同佢溫書？重複一萬次嘅練習？
呢個先至係入場先決條件分高低。

分完高低梗有人會唔開心嘅，唔得咪搵個原因係咩囉？
小朋友太怕羞？佢學術未夠？表達能力唔夠清晰？
搵多啲朋友同陌生嘅大人傾偈、做多啲練習簿、俾啲故事佢慢慢引導佢點樣表達出嚟
呢啲咪就係要花時間練習嘅嘢囉

與其要相信學校走漏眼，搵啲校長講過嘅文章做佐證，不如花時間同小朋友講多10次故事啦、出多20題數學題俾佢啦、捉佢同成個屋苑嘅保安叔叔打招呼啦！
因為個結果真係唔得吖嘛！

「查找不足」呢四個字其實真係金句，就好似大人搵工一樣，短短5分鐘就要交代自己前半生嘅所有嘢，咁人哋唔請你，又係H R走漏眼？唔識貨？

遊戲規則係好殘忍，幾歲人仔就要玩㗎喇，但係……可以點呢？咪又係要玩！

仔仔考唔到男拔、港同，咁我知人哋係收大B，自問又唔係由一歲開始谷佢，唔係咁精英！
咁到底係港同、男拔唔識貨、走漏眼？
定係我想再插返呢間學校嘅時候，要小朋友更加Sharp醒？


順便寄語其他家長，唔得真係唔緊要，但係嘗試尋找小朋友嘅問題所在，如果仲有幾間未interview嘅，即刻同佢惡補一下，甚至問吓你嘅面試班老師。
如果連問邊個都唔知嘅話，咁……享受過程啦

daijuju

kitkit89 發表於 21-10-30 11:56
我仔就係咁內向，怕醜，表達能力唔好，上年我哋當interview 係俾機會佢多接觸陌生人，訓練，雖然收好多rej ...

agree. 小一面試考唔到心儀直私唔使再花時間train表達sharp 醒，集中train 中英數做卷準備插班仲實際。上到小學根本已另一玩法。

Hea底爸爸

daijuju 發表於 21-10-30 12:15
agree. 小一面試考唔到心儀直私唔使再花時間train表達sharp 醒，集中train 中英數做卷準備插班仲實際。上 ...

好同意

cn1988

老人家生仔 發表於 21-10-30 10:09
回覆 超能爸爸 的帖子

有人校長會走漏眼，所以相信一間兩間三間走漏眼，亦考慮搵點解走漏眼嘅原因，呢個係 ...

完全同意 態度咁超然就根本唔使叫個仔落場
亦都唔使喺度 show off 點咁不在乎
呢度係圍爐取暖區，唔係自吹自擂區

慢遊

我個小朋友in乜衰，衰乜。每次落空，我都同面試班老師傾計丶檢討。明明活潑外向健談，偏偏新派直資全部落空，我哋懷疑佢坐唔定丶又或者太緊張？
其實，真係好想知佢邊方面有不足，可以去改善。
而家我都疊埋心水，去備戰叩門，自問一生人無乜彩數，唔敢寄望大抽獎。

老人家生仔

回覆 cn1988 的帖子

其實我覺得好多家長，呢一刻都好亂，係都好亂！
由報名開始到依家都亂！
我估有部分係見人報佢又報，到底學校咩玩法？宗教、教友有冇優勢？
人地K1開始準備，聖公會嘅聖公會、天主教嘅天主教、基督教嘅基督教
咁有返面試班嘅天主教小朋友報高主教、基督教嘅小朋友報男女拔、救恩有優勢，人地家長計好晒數

但有啲人報佢又報，見到即使同分或者差少少，都收個教友嘅，又唔順超，呢啲係未搞清楚個遊戲規則、唔熟辦學理念，第一個亂。

第二個亂，係自己都未諗通想點？直私同派位，某程度係兩條隊，但你有直私就未必有得抽獎，既然咁看輕直私得失，咁即係看重抽獎啦？
咁報直私做乜？收咗你可能冇得抽獎，最看重嘅抽獎！
如果都恨直私學位，即係非唔緊要啦！
想要乜都未知，第二個亂！

第三個亂，自己囝囡咩程度都唔知！係，係好叻！但同全香港比較呢？
識玩識笑識講嘢，係基本咋？
有啲由K1打造入晒血嘅小朋友，識得睇圖畫啲細節，再作個合理嘅故事，唔會郁身郁勢！
咁邊啲叻啲？
要參加遊戲就要諗計突圍！
有問題咪一齊改囉！
呢個係由亂人報就報—》自己都未諗掂—-〉覺得佢都幾叻啊？
慢慢發展出嚟！

正如咁講，考小一係靠面試、靠印象，已經係最易嘅玩法、最易入場！
靠小二插班？學術有幾高要求？
小朋友幾難適應？

叩門呢環，仲大鑊，你估一啲二線直私嘅，叩唔叩呢？
又係面試同一玩法，優勢邊啲人贏呢？
120個位都未分到，得翻5個位，點突圍呢？

Orhome

其實我唔係太明白，點解收reject就係家長準備不足？態度豁達就係自吹自擂？叫人相信小朋友就係不知反醒？係咪我miss咗啲乜嘢？

cat20203

各位爸媽加油，呢個咁灰嘅時間我都經歷過，但我哋和仔仔成長咗。
考直私全部reject，無上面試班，無補中英數，愉快童年
到K3中尾，集中預備小一課程，練字，閲讀，操卷，
入了一線官津
當時機到，他已是級10（原來個天幫我揀咗）
現在需要keep住學習，keep住團火，預備升中挑戰
回想那時以為只有直私條路，原來出面臥虎藏龍，唔怪得香港家長背後努力不容忽視！唔好放棄，漫漫長路⋯⋯

PTL_L

老人家生仔 發表於 21-10-30 22:29
回覆 cn1988 的帖子

其實我覺得好多家長，呢一刻都好亂，係都好亂！

你仲未計大一年仔考小一呢，大把人都係咁，唔係年頭年尾咁簡單，係真真正正大一年。

cn1988

Orhome 發表於 21-10-30 22:35
其實我唔係太明白，點解收reject就係家長準備不足？態度豁達就係自吹自擂？叫人相信小朋友就係不知反醒？係 ...

你認為真正豁達的人會經常將「我很豁達」掛在嘴邊？

糯米米糍

睇到某啲言論真係幾可悲。

面對挫折得失，從來不同人都有不同態度，有人會反思、有人會檢討；有人執著、有人平淡、有人積極，唔係每個人都要好似進激的巨人，要同自己一樣。

況且並唔係所有人將考直私呢樣野視為一場比賽，得左叫成功，失左叫失敗，如果如此制度下家長都咁看待，咁無疑係在制度之上更深化單一教育，亦限制左小朋友嘅無限可能，稚子何辜。

參加一場馬拉松，有人年年月月鍛鍊，定立速度時間名次上嘅目標；有人剛剛跑步一年半載想挑戰自己；有人為推動環保宣傳；有人為海外賽事作熱身。參加一個項目，有人重視準備，有人重視訓練，有人重視過程，有人重視結果。單一嘅人，就只看到單一嘅理由。

遊戲固然有其規則，但面對規則面對過程面對結果如何自處，相信唔需要對他人指手畫腳。冇錯，在某些既定環境制度下，大勢所趨，的確有時候身不由己，但當面對小小挫折不順，同自己同小朋友講咩說話，都總要視乎孩子嘅性格特質，背後又係咪等如人地咩都冇做，莫非其他人又知道？滿口都只係輸贏，孩子嘅價值同眼光，就只有如何。

弱肉強食嘅社會下，小孩子慢慢長大都的確要面對，但點樣去平衡，在同一河流入面，要隨波逐流，定行雲流水，要為自己小朋友建立如何嘅價值觀，如何嘅思維，家長還是有選擇，至少在心態之上。

cn1988

老人家生仔 發表於 21-10-30 22:29
回覆 cn1988 的帖子

其實我覺得好多家長，呢一刻都好亂，係都好亂！

嘗試總結：報得直私就係有要求，但你有要求，學校們都一樣 有要求。  

cn1988

糯米米糍 發表於 21-10-31 00:26
睇到某啲言論真係幾可悲。

面對挫折得失，從來不同人都有不同態度，有人會反思、有人會檢討；有人執著、有 ...

你都幾有趣，人哋講遊戲規則你就牽扯到價值觀， 然後夾硬話人哋係呢套價值觀， 再夾硬話人哋想將呢套價值觀強加於所有人身上。長篇大論的開頭就用可悲兩個字來總結，氣勢十足。 你講的其實有點道理，不過找錯教訓對象。

另外，好認同你呢一句「面對規則面對過程面對結果如何自處，相信唔需要對他人指手畫腳」， 所以我特別睇唔順眼啲人走來圍爐取暖區表示自己幾咁不在乎：咁即係對緊張結果、面對挫敗需要安慰的家長們指手畫腳。

Orhome

cn1988 發表於 21-10-30 23:57
你認為真正豁達的人會經常將「我很豁達」掛在嘴邊？

下？！睇唔到有咩邏輯關係喎。

yhchanchan

慢遊 發表於 21-10-30 13:05
我個小朋友in乜衰，衰乜。每次落空，我都同面試班老師傾計丶檢討。明明活潑外向健談，偏偏新派直資全部落空 ...

zoom in 果時應該見到