聖若瑟英文小學就來出結果有喜歡呢間小學的家長嗎？

Kaytechan

回覆 xubin2008 的帖子

St Joe 的老師係嚴中有愛，會好願意打電話給家長講番小朋友課堂上的學習情況，功課，小息違規（記紅卡），會和家長一起想辦法去教好小朋友。如家長有咩問題都可以打俾老師了解😊

xubin2008

回覆 Kaytechan 的帖子

太好啦！咁做其實學校付出好多，我都好鍾意！謝謝你話比我知呢D細節位！期待返學

xubin2008

有時候真係唔係特別做啲咩，Stjo嘅post都會成日被頂起上來，希望比更多家長了解返呢間學校，亦唔係坊間傳言又谷又深，比有仔個家庭多啲選擇

cacathepanda

hkcsty 發表於 21-5-14 09:29
回覆 cacathepanda 的帖子

平時無外補英文？

外補英文只是上 Oral ，希望唔太有港式口音。

SJ英文程度係深，若然唔係疫情唔使返學，基礎打得好好

cacathepanda

這6年，班主任會起碼教三、四個subject，好多時係2個主科， 所以班主任對住佢哋嘅時間會比較長，亦會比較了解小朋友。 我遇到咁多年嘅班主任， 無論男老師或者女老師，都似湊仔咁湊住佢哋。

我仔後來話畀我知， 佢一年級嘅時候， 唔小心叫錯咗班主任做媽咪

cacathepanda

Happymama88 發表於 21-5-13 11:33
回覆 xubin2008 的帖子

消息都係呢三年六年級家長發出來的，我可以話呢三年升中成績真係每年都更上一層， ...

暫時知道，好多間直資都有收咗……，到最後去邊，要到叩門後才知道

xubin2008

回覆 cacathepanda 的帖子

哈哈～好有愛！好期待啊，今年你哋畢業，我哋加入

xubin2008

回覆 cacathepanda 的帖子

哈哈～希望大家都升到心儀中學

Kaytechan

回覆 xubin2008 的帖子

我認為谷唔谷真係好睇個人。有同學讀得如魚得水好輕鬆，有人搞唔掂，要全科日補夜補，再唔掂中途去番次一級的學校。我個人覺得功課真係唔多，學校也有好多時間給小朋友做功課，我小朋友當年很多時都係做哂功課先番屋企。如小朋友本身讀學券的幼稚園學校，我會建議暑假教定預習定小一課程因小一已教小二英文，數學也教高半級。

xubin2008

回覆 Kaytechan 的帖子

你呢個係好建議，要先比個仔習慣下小一內容

cacathepanda

谷唔谷其實不是在於學校，而是在於家長。

男仔你要佢坐定定温書已經難，佢哋嘅粗心大意，由嬲到爆到接受認命，仲要阿Q地等佢幾時開竅……仲要平均分爭唔夠一分已經跌落級十幾廿名之後…… 一係阿媽嘅EQ就會越練越高，一係就加操……

決定就在於家長了

xubin2008

回覆 cacathepanda 的帖子

啱啱～我覺得我根本改變唔到個仔，我決定改變自己嘅心態，我會接受仔仔開竅慢，只可以慢慢來～

Kaytechan

回覆 cacathepanda 的帖子

入得St Joe的家長都希望幫小朋友學術打好基礎，升中學更想一層樓。我個人覺得家長的氛圍都會好影響大家和小朋友，始終最後升中要呈分，學校透明度也很高，成績表上有哂班和級的名次，家長們難免會拿小朋友比較。見到其他家長紛紛去補習，自己小朋友就算名列前茅，都會擔心花無百日紅本身，又會揾埋一樣份。

cacathepanda

學校最谷只係五、六年級，因為真的殺到埋身，小朋友有功課跟唔到，老師的電話就會到。

到五、六年級大家都發力，不進則退就好肯定，更多的是平時考6-7x的都考上8x分甚至9x分，曾經同未來校長傾過，我好担心名次追唔上，佢詳細解釋俾我知，名次唔重要，水漲船高，分數才最重要，分數達標就能上B1。

cacathepanda

xubin2008 發表於 21-5-14 22:53
回覆 cacathepanda 的帖子

啱啱～我覺得我根本改變唔到個仔，我決定改變自己嘅心態，我會接受仔仔開竅慢， ...

呈三……這如此重要嘅考試，我仔數學只有及格多小小，我嘔了一大灘血

Kaytechan

小一小二的確是適應期，小朋友家長讀書壓力較小。我記得三年級的家長群中有些家長係家長日就會詢問升中問題，怕小朋友學術基礎和同學差太遠，諗住提早發力，怕小五先加油趕唔切。這種想法好個人，但的確有些家長會小三就谷。
至於升中呈分，我覺得一般係本地傳統學校讀書都係大壓力。以我所知，每間小學有特定的Band One /Two/Three的學生比例，而每年這個比例取決於前一屆畢業生考Pre S1 的成績（可以話係前人種樹後人乘涼的道理）。如學校有40-50% band 1, 小五小六呈分就紛紛發力，希望把小朋友濟身到全級前40/50% ,派到Band 1中學。所以點解谷谷三寶的學校無中學都咁多人爭讀，原因係佢每年80-90%band 1，只要名次唔太後都能是Band 1.
唉，話說回來，我覺得這個是香港升中呈分制度的其中一個不公平之處。不過現階段我覺得家長還是多注重學校的教學方式，評估模式，教育理念是否適合小朋友和家長。

xubin2008

回覆 Kaytechan 的帖子

的確係咁，家長之間真係好難唔做比較，一比較家長一定會焦慮，一焦慮就一定會補習，辛苦個仔

xubin2008

回覆 cacathepanda 的帖子

未來校長講得好有道理，冇辦法小朋友們各個都係進步中

xubin2008

回覆 cacathepanda 的帖子

唉，亞媽要調整返心態，繼續努力問吓學校點先幫個仔可以派到間心儀學校

xubin2008

回覆 Kaytechan 的帖子

解釋好詳盡非常感謝，我明白啦！我仍然心儀Stjo，之後要睇仔仔自己嘅能力啦