為咩讀國際學校

細佬Bebe

siuta 發表於 20-10-18 23:43
教快半年有咩用呢？對考小學考中學有幫助，對小朋友長遠教育幫助好有限。小三學生讀一年嘅嘢俾一個中三生 ...

不能認同更多

「21世界的21堂課」一書當中有幾課 令我對小朋友既教育有更明確既方向

作者講到 而家既小朋友將來需要既知識係未有的 佢地將來既職業大部份都未出現 加深左我一向覺得 教育唔應該停留係學知識 尤其是一啲陳年既知識 更唔好講某啲教育體制下既嚴重過時既課程（平心而論 唔係淨係香港 世界好多地方既教育都有呢個問題）

係將來既世界 要教一年既知識 （教得快也好 慢也好）好有可能唔需要0.00001秒就查到出泥

究竟仲需唔需要教學生呢啲知識 都值得商榷 要睇科技發展既速度 而傳統定義既知識 我覺得將來可能只係a piece of informaiton 有啲甚至乎係common sense 究竟要用幾多時間去教去學？

所以我覺得學校既教育應該係learn how to learn, not to learn knowledge.  而課堂上教既知識 可以視為鍛鍊學習能力同其他能力（好似你第二段所講既）既工具 不是目標

小朋友學得快得過AI先值得炫耀 但現實是無可能

下次有LS好朋友（open-minded既）咁講 或者可以帶佢地跳出框框 去唸下教快半年既意義

細佬Bebe

小寶貝兒 發表於 20-10-19 15:38
冇數據冇野揸手會好冇安全感丫嘛

總之要量化小朋友有幾叻 係人群中係咩位置咩排名 我理解家長「安全感」作崇既心理 不過覺得量化學習成果係太細個既階段真係無益

我小朋友讀IB 我對佢既學業除左每星期老師幾句comment外 真係咩都唔知

係疫症期間同佢一齊上online class 可以一睹學校點教 我係好感恩的 更加令我對課程有信心

與其去量化小朋友學習成果 以作同其他小朋友比較 我寧願拎住學校既curriculum 睇下而家教緊咩主題 可以點係日常生活鞏固同補足佢係學校既學習

細佬Bebe

Osiana 發表於 20-10-19 07:01
無錯，好多 LS家長衡量一間學校好唔好用教花半年或一年做指標，又成日講邊間小學學術高D。 小學教育係基本 ...

香港學生最可悲係「讀得咁辛苦公開試考左呢個分數 如果唔做人人爭崩頭想讀既醫生律師好似好蝕」心態

呢個想法包含左幾個好可悲既價值觀

1）讀得咁辛苦 讀書/學習係苦差 所以考完試要燒哂啲notes

讀完書唔想再學習 我唸大家都唔想自己小朋友咁唸

2）多人爭 多人想做 搵錢多既 才是好職業 少人爭易入既科系（for example 某啲時代既IT and Engineering) 考得咁高分一定唔入

搞到香港既大學本質同ive無分別 係職業先修課程

麥明詩前男友富家子林作有評論過呢個現象 雖然我對佢個人幾反感 佢作為富家子弟咁講好多人會聽唔入耳 覺得佢都唔貼地 但確實香港唔應該咁樣

我覺得最難過係見到有啲富家子弟無經濟壓力同誘因既 都「迫住」讀醫讀法律 咁樣就更加令到其他行業無人才 發展更加偏向個幾個行業 香港就越泥越唔多元化 引發一個惡性循環

狀元去哂讀醫同法律 其他學生就用自己考到既分數 揀最有錢途既學科 好多人因為咁enjoy唔到自己既工作 份工真係為左賺錢供樓

讀書時又唔開心 出泥做野又係唔鐘意無熱情既領域

3）個個都爭住讀書叻 父母都無瑕去發掘小朋友長處優點 社會技能單一化

陳美齡講過 香港教育仲停留係考狀元既境界 這都什麼年代？

h0146406

木子兔媽媽 發表於 20-10-10 12:42
缺陷係你同隔離師奶講，小朋友唔係讀隔離間學校，佢哋就100%話，讀國際學校呀？跟住......我通常不解釋. : ...

跟著問你日日返學校玩，唔洗做功課，學唔學到嘢㗎?

964000

h0146406 發表於 20-10-20 13:17
跟著問你日日返學校玩，唔洗做功課，學唔學到嘢㗎?

On line 期間直接見到學習情況，一D都唔淺，好多係open questions , 好多explanations, 同LS 對model answer的學習方式好不同。
上堂勁用腦，不是齋坐聽老師講，已經手口腦並用，難怪回家可以不用再做太多功課，一星期一兩份功課自己安排時間做。
課程設計有心思，連music都會學埋writing, 例如去年學校Science教animal life cycle, music就配合教saint Saens的動物嘉年華，, 然後聽完音樂描寫下你覺得隻動物做緊乜。教學主題融入生活文化，我覺得比本地通識課程實用有趣很多。

背誦機會少，傳統覺得小朋友背左好多資料如數家珍先叻。沒有測考, LS起碼逼你背左堆野做左堆練習。IS學唔學到野只有家長自己知。老師會叫我地放假千其唔好溫習要去玩，小朋友會用呢句「反擊」你，怪獸家長可能「反眼」。
不過我小朋友不喜歡背野和重覆的練習，IS模式適合佢學得不錯，就算happy的LS因為DSE及呈分課程內容限制，老師家長文化不同，未必達到同一效果。

boyzzzz

Year 1 玩drama 又講又跳又music又conversation 已經好豐富

Osiana

細佬Bebe 發表於 20-10-20 07:33
香港學生最可悲係「讀得咁辛苦公開試考左呢個分數 如果唔做人人爭崩頭想讀既醫生律師好似好蝕」心態

呢個 ...

香港教育升學完全將錢同學科掛鉤真係好悲哀。其實，真係行行出狀元，James Oliver 未必係為咗賺好多錢去讀廚，佢真係真心鐘意，加上運氣所以先賺好多錢。

一個社會係需要不同嘅人才，有不同嘅領域，呢個社會先會成功。其實香港都好多IT人才，不過，香港教育無創意，好多IT人才，只係係實用方面，屬於中下層人員，而真正有創意嘅都走晒去外國發展。

一生人為咗要成績好入神科，賺好多錢去供樓物質，跟住咁就一世人，難怪香港快樂指數低。

要係生活賺錢興趣找到一個平衡，人生先會開心，先會有心理健康。

Osiana

h0146406 發表於 20-10-20 13:17
跟著問你日日返學校玩，唔洗做功課，學唔學到嘢㗎?

真係有一個朋友嘅細路問過我，話我個女唔使功課，學唔學到嘢㗎 （佢學校都幾多功課）。 我叫佢乖D，聽媽咪話，俾心機做功課。

melobi12

h0146406 發表於 20-10-20 13:17
跟著問你日日返學校玩，唔洗做功課，學唔學到嘢㗎?

最近有日帶我女 (IS K2)同佢朋友仔 (LS K2, target名小) 去野餐，朋友見到隻昆蟲就把握機會問佢小朋友「昆蟲身體分為幾多個部位呀？」小朋友即刻答「頭胸腹！」我當時真心讚歎佢小朋友竟然咁都識（我明明記得自己小學先學）。而且我見到昆蟲嘅反應係同個女講「嘩你睇下有隻xxx呀」（勁冇深度)

點知第二日夜晚我女拎住隻蝴蝶勞作問我 “mommy did you know a butterfly has 3 parts? Head, thorax, abdomen.” 然後又數 a bee’s life cycle 俾我聽。我第一次發現我女返幼稚園唔止玩，唔止學同小朋友相處、學自理咁簡單，仲會學到嘢呢啲書本上嘅知識

細佬Bebe

Osiana 發表於 20-10-21 01:34
真係有一個朋友嘅細路問過我，話我個女唔使功課，學唔學到嘢㗎 （佢學校都幾多功課）。 我叫佢乖D，聽媽咪 ...

神回

小朋友竟然咁問 我以為媽媽們先會咁問

細佬Bebe

boyzzzz 發表於 20-10-20 15:23
Year 1 玩drama 又講又跳又music又conversation 已經好豐富

無知一問 conversation學對話？ 係學校eca?

boyzzzz

細佬Bebe 發表於 20-10-21 11:45
無知一問 conversation學對話？ 係學校eca?

eca ..

Kitgarrison

回覆 yaijing 的帖子

請問你個仔讀邊間？好似好有趣咁！
我幫小朋友搵緊Reception 學位報名。

mandy_ng207

melobi12 發表於 20-10-21 11:32
本帖最後由 melobi12 於 20-10-21 11:34 編輯

最近有日帶我女 (IS K2)同佢朋友仔 (LS K2, target名小)  ...

係呀，國際學校嘅老師幾識得融會貫通，好多小朋友幼稚園嘅時候都會讀A very hungry caterpillar，就係咁樣佢哋學識咗蝴蝶嘅一生