家有蠢鈍兒，係家庭教育問題?

ToMing123

MNIF 發表於 19-10-12 10:53
按照樓主所講，樓主都好明白問題所在，只不過是沒有找到應對方法。我覺你仔最大問題是不夠「定」。大家有 ...

講起來有點矛盾，阿仔表面行為其實算安靜內向，佢經常出席我的朋友圈活動，100%大人都話佢乖，不過佢好多小動作真係要家人同老師先會發現。佢思緒上係唔夠定，剛開始學圍棋希望有所幫助。也會嘗試閣下建議多誦讀經典。阿仔三四歲時可背頌6,7首唐詩，心經都識背（嫲嫲教佢，我開頭都唔知)，不過細仔出世後，大家都忙住湊個細，荒廢了。

見到前輩們悉心栽培小朋友，小朋友都能文能武，樓主的小朋友其實天資聰穎，奧數攞獎證明佢思考邏輯能力好好，真係好羨慕，亦都自覺做得不夠多。幼稚園時都沒有逼迫佢地學嘢，或者特別訓練佢地閱讀寫作和其他學術技能，只係隨佢地喜歡在工餘時間陪伴。

不過大仔上到小二就發現個底打得唔夠好，即使不求名列前矛或者有特別專長，但如果一直落後，或者唔學懂自主學習，遲早都會有學業壓力，惟有落啲力惡補，加上細仔只是K1, 性格比哥哥反叛固執，希望再做好啲學習上的準備。


唔好意思，騎劫咗樓主個Post。

sunnymama2

ToMing123 發表於 19-10-13 02:58
講起來有點矛盾，阿仔表面行為其實算安靜內向，佢經常出席我的朋友圈活動，100%大人都話佢乖，不過佢好多 ...

我都好開心可以開呢個post, 可以見到好多高人培養子女的方法。

要教出“聰明”的子女，我睇到係父母都要比好多心機落去，如時間，耐性，和方法，呢三樣野真係缺一不可。

你講到你大仔的問題，同我個仔其實好相似，成日唔記得d好簡單的字點!學校功課寫詞語“神奇” ，佢可以寫寫吓寫左"䄎"!睇故事書好鐘意跳黎睇，有時練琴時拉完一行佢又會重複拉番嗰行。

成日都諗究竟佢有咩學習問題。不過可能呢幾日唔駛同佢温默書，我開始可以靜下來反省自己。

琴日出外吃早餐，等野食時阿仔就攞紙筆出黎畫漫畫，其間問左我幾次d字點寫，我就開始憫，同佢講，好心我講完你用腦記住啦。跟住爸爸就出聲，話個仔算好好啦，起碼佢唔係拎住部機等野食吖。跟住我“叮”一聲，又係喎，於是就開始讚阿仔好叻，識寫好多字。佢就飄飄然笑，我心諗我係佢阿媽，佢叻唔叻係定左，我應該
要多些鼓勵佢。

不過正向教育對住小朋友都癲的時候好難執行。唔知道你大仔的合作程度，不過照咁睇，你個仔記性其實好好，老師都讚佢聰明（相反我仔小一的老師話阿仔儍吓儍吓tim），而家最主要問題係寫字方面? 你有冇揾中文科老師傾吓?

karllambb

樓主個間學校十個九個係資優，仲要阿媽好識背後發功，人比人比死人，你覺得佢140IQ（我隨便估）點解都咁蠢，會不會因為身邊同學150或160IQ? 因為我真係識人k3計到小四數嘅人考到貴校，亦知道呢間總平均分差0.x是可以爭幾十名。
讀呢啲學校可能阿媽要調整心態

sunnymama2

MNIF 發表於 19-10-13 17:02
回到默書問題，我哋看似簡單，其實對初小嘅小朋友係有難道。
我小兒學校，中，英默都好緊湊，一個學期中英 ...

謝分享

ToMing123

MNIF 發表於 19-10-13 18:52
在未找到其它方法之前，我建議妳認真去教小朋友去讀熟一本經典先啦，買本「道德經」，一字一句咁教佢朗讀， ...

謝謝建議

ToMing123

IloveJJ 發表於 19-10-13 14:02
你講嗰啲無特別既野（聰明學野快，無腰骨，挨來挨去，趴响枱，搞文具，漏筆畫，唔夠集中……），其實我仔 ...

謝謝分享，真係要多了解下先

Charlie妹

sunnymama2 發表於 19-10-5 11:32
因為懷疑小朋友學障，所以揾專家睇吓有咩問題及需要咩治療，結果係學習能力冇問題，唔需要任何治療，反而要 ...

樓主唔好意思，只睇你的文字，已感受到你的焦急，不難想像一起生活會令人很大壓力。因為我身邊亦有這類性格人士。每當這位家人叫我做乜做乜時，我就求其應下佢，因為費時嘈及煩，但又唔會做足，一嚟唔認同佢做法，二嚟廢事佢得寸進尺。佢都覺得我蠢，我又何嘗唔係覺得佢蠢。你個仔唔爆你，真係好孝順。請原諒我這般坦白。

retriever

MNIF 發表於 19-10-5 14:35
家庭教育要能成功，有些手段就成了必要之惡，要怎樣回應孩子，媽媽們自己要慢慢學習，如果唔掂就搵爸爸出面 ...

爸爸「死角」指什麼?

retriever

Charlie妹 發表於 19-10-14 23:37
樓主唔好意思，只睇你的文字，已感受到你的焦急，不難想像一起生活會令人很大壓力。因為我身邊亦有這類性 ...

似乎有D 借題發揮

sunnymama2

Charlie妹 發表於 19-10-14 23:37
樓主唔好意思，只睇你的文字，已感受到你的焦急，不難想像一起生活會令人很大壓力。因為我身邊亦有這類性 ...

唔緊要，多謝你坦白

我確實係好多不足之處，尤其在教養方面更是。

其實有諗過，是否父母兒時讀書順利，反而對孩子發展唔好? 我細個時讀書非常順利，一睇就明，睇幾次就記得，學野亦好快，到現在自己孩子和以前自己比，成日諗“點解咁簡單都唔識"，實在差太遠了，所以懷疑佢學障。其實，阿仔除左學習方面，其他好多野比我叻。

不過你講得啱，阿仔其實真係好錫我，我都感謝ek呢度咁多位家長，包括你地比咁多意見我，或善意批判我，令我一邊向大家學習，一邊反省自己。

retriever

sunnymama2 發表於 19-10-13 07:12
我都好開心可以開呢個post, 可以見到好多高人培養子女的方法。

要教出“聰明”的子女，我睇到係父母都要 ...

"三樣野真係缺一不可"


呢句好熟喎...




你話你仔成日唔記得, 喂! 仔係咁架啦, 照計你仔讀果間, 係教你地"教仔大不同" 喎.


關於你講既默書和生字, 其實係咪可以俾返個波佢, 譬如, 叫佢建議方法, 再用結果去証明及要求佢要改進方法, 而唔係一開始跟你果套?


生字方面, 我不嬲係叫細路自己查字典, 呢個係最好既, 一來要佢主動解決問題, 二來中文係筆劃字, 查得多易D 記得字既各部份拼合, 可以認識相關既詞語!

sunnymama2

retriever 發表於 19-10-15 08:48
似乎有D 借題發揮

其實起標題時，諗左一陣，有諗過起“家有蠢鈍的資優兒，父母應如何教育”，亦有諗過“父母求學時期太順利，是否不利孩子發展”等等

不過內容都係一樣，就係我唔識教仔。。。

sunnymama2

retriever 發表於 19-10-15 08:57
"三樣野真係缺一不可"

即係唔會直接同佢講個字點解?

retriever

sunnymama2 發表於 19-10-15 08:58
本帖最後由 sunnymama2 於 19-10-15 08:59 編輯

其實起標題時，諗左一陣，有諗過起“家有蠢鈍的資優兒 ...

我話有D 借題發揮, 係指Charlie妹既回覆, 佢講緊身邊既人.

retriever

Elenalan 發表於 19-10-5 17:56
鬧係冇用，鬧完鬥氣完最後又係俾佢成功激嬲父母仲要父母收拾殘局，佢唔會覺得有咩問題，因為唔使承擔後果 ...

無論方法點, 我覺得"嚴格執行" 最重要!

sunnymama2

retriever 發表於 19-10-15 08:57
"三樣野真係缺一不可"

本帖最後由 sunnymama2 於 19-10-15 10:09 編輯

都係吧，我冇女兒，唔知男仔和女仔學習是否唔同，可以比較就係和我細個比，我細個絕對唔聰明，不過求學一帆風順，直至出黎揾第一份理想工作都好順利。睇番阿仔同我差別太大。。。

我老公好唔同，自小唔叫讀書叻 入band 5 中學，出黎做野初時一般，但。。。佢的事业發展好過我好多。所以佢對阿仔學业冇乜所謂，當然會用心教，但態度好過我好多，亦對仔好少發脾氣。

不過因為老公對阿仔“無所求”，我睇唔過眼才唔俾佢教。但我都好感恩，老公和我係兩種唔同教養style,令阿仔有“抖氣”空間，但亦因為大家管教方式唔同，所以亦會鬧得不快，我在教養小孩冇soulmate, 所以唯有在ek 尋求幫助。