老師應否以垃圾來責駡學生?

Vanadium

仍糾纏鬧"垃圾"啱與唔啱?

100%唔啱......已無可爭辯之地方，都唔知不斷仍有人討論為何唔啱為咩，竟然長篇幅討論無爭議地方，拗1+1係咪等於2?

真係唔知係咁要強調唔啱既家長，知唔知反對樓主意氣投訴係講緊咩，真係咁難明?

呀媽打仔係唔啱，打一下都可以話係唔啱，其實鬧都未必啱，但係.....若然呀媽係個仔長年極反叛難教，一言九頂，恨鐵不成鋼下，忍唔住打個仔一下，然後.....成班路人甲路人乙見到，又話要報警，對個呀媽又話拉又話鎖又話佢不道德教壞細路，仲強調打仔不配做人呀媽，即係咩呢? 香港人幾時變成咁.......

教壞細路? 不見我早前引述新聞，仔女報警拉呀爸呀媽啊! 香港現年青人唔係就係咁? 自己大大堆問題反而唔去改，不斷挑剔人地錯處，然後話人點唔掂、報警、告上法庭、投訴.........係度不斷支持投訴既留言，真係好好榜樣呢!

Vanadium

老實講，郁啲無限上綱上線先係最教壞人，最令人討厭。

小朋友唔識分? 真係咁易比你教好或教壞? 若然父母只係好偶然好嬲下先忍唔住打一下(或幾下)，個小朋友就會從此有暴力傾向? 若然老師平時都好好人，好照顧學生，講野都好有分吋，偶然一次激氣得濟，爆左句垃圾，學生從此就會亂咁鬧人垃圾?

敢問係度既家長唔係真係咁思想簡單嘛......若然完全分唔到真係教壞人既長期行為，同極偶發既一時激動，算了，無話可說。

Vanadium

樓主已係第9頁#163回應左，我覺得真係好好，衷心希望佢幫到個仔改善會令老師好嬲既問題，將來小朋友係一個有自信又積極既人。

若然果位老師真係自問有講圾垃，但反過黎又唔覺得自己有問題，比我就真係問清楚點解佢會嬲得咁緊要，係唔係個仔對佢講粗口、郁手郁腳或其他，若然係自己個仔態度或反應都有啲過份，我會算數，甚至向佢道歉都得。

但若然真係好濕碎，而佢又經常對其他人或只係不斷對自己個仔係咁，又覺得鬧人圾垃無問題，我會投訴，甚至去教育人員操守議會投訴 (或者應用"反映"呢個字比"投訴"恰當)。

所以，我唔係唔支持投訴，只係覺得凡事要搞清楚，要睇清楚個老師其實係咩人，亦要考慮自己子女當時表現，避免佢轉移視線，唔處理佢應該做好或做得過份既地方。

ABC-DAD

little_yolky 發表於 18-5-28 13:06
我哋個年代, 好多老師都係咁的。

亦有好多老師唔係咁。

shadeslayer

siden 發表於 18-5-28 16:34
原來楼主已經這樣處理，好ok wor。

大家就一人少句，我諗都冇人會認為老師係做得啱，分別只係走唔走去投 ...

「我的答案:老師叫垃圾學生(不是指樓主)垃圾，正在是其是非其非，在教育中，不是欺凌。」

呢句算唔算？詳細請看#96，和我問的問題。
#86

ABC-DAD

little_yolky 發表於 18-5-28 14:36
係, 無睇錯, 你係前輩。你哋班同學都好勇喎, 其他老師一定平時好仁慈。我哋老師個個出少林, 好好打, 所以由 ...

口個代人，邊有家長會有時間理學校嘅事？就算品學兼優嘅都係街童嚟。同學知道自己唔啱，就算體罰都唔會嬲老師，打手指同無影椅好碎料，係屋企同學早練成金鐘罩鐵布衫啦。

同學只係笑都咁鬧，實在欺人太甚。我地口個代，小二自己搭車搭船行路返學放學，自少尊重老師，最緊要個代課係無厘頭又鬧又罰，自己唔爭取，下一堂又嚟咪大劑，有升中試架，自修睇書都唔可以？都忍下。我地無錯，你侮辱我地就係過份啦。

ABC-DAD

Vanadium 發表於 18-5-28 18:38
仍糾纏鬧"垃圾"啱與唔啱?

100%唔啱......已無可爭辯之地方，都唔知不斷仍有人討論為何唔啱為咩，竟然長篇 ...

你唔覺得有啲老師自己就係做緊你所講嘅嘢咩，挑剔人地嘅過錯，但睇唔到自己...見別人眼中有刺，卻不見自己眼中有樑木。

Vanadium

ABC-DAD 發表於 18-5-28 20:54
你唔覺得有啲老師自己就係做緊你所講嘅嘢咩，挑剔人地嘅過錯，但睇唔到自己...見別人眼中有刺，卻不見自己 ...

刺唔刺、樑唔樑，討論呢啲，只會無限loop，你咁講，人地又可以係咁講，何不都承認係自己係罪人，好好係上帝面前認罪改錯，而唔係將注意力放係人地既罪過上邊呢?

shadeslayer

Vanadium 發表於 18-5-28 21:19
刺唔刺、樑唔樑，討論呢啲，只會無限loop，你咁講，人地又可以係咁講，何不都承認係自己係罪人，好好係上帝 ...

老師的過錯，唔影響孩子，相信無乜人理。

Vanadium

父母先係年青人既榜樣，若然話老師既榜樣會影響自己仔女，父母榜樣既影響，絕對係一個半個老師既百倍千倍。

面對負評，即使劣如垃圾，父母既正面及冷靜處理，子女會見到，亦會學; 一收到批評，立即衝動回應，子女亦會見到，又會學。即使老師無理鬧垃圾，家長教導上做得適宜，對子女有正面又積極既作用，處理得唔好，反倒加深垃圾既負面效果。

年青人之抗逆力雖話部份係天生，但事實不少係後天培養。上一代人從小就比人鬧到大，習慣晒逆境，長大抗逆力就強得多。現在年青人個個比人錫慣就慣，下下講愛心教導，小小事就話心靈受創，要生要死。情況就如免疫系統，醫學研究幾可證實，好多免疫系統病，如濕疹、哮喘、甚至血癌，都因為細個時個生活環境太乾淨，免疫系統太小段練，一有事就發左神經! 小朋友....比人鬧下，唔好太上心，否則適得其反。

家校合作其實又係一個issue。縱然唔同意學校或老師一啲手法，其實若非去到好critical，避免同學校或老師唱反調，對小朋友好處好大機會多過壞處。就如父母一樣，呀媽對小朋友話要咁，轉個頭呀爸就話呀媽錯應要咁，再轉個頭呀媽又鬧呀爸，叫小朋友跟佢做法，個小朋友會學得好? 絕對啱與錯何需執著.....太執著唔係有時仲衰?

ABC-DAD

Vanadium 發表於 18-5-28 21:19
刺唔刺、樑唔樑，討論呢啲，只會無限loop，你咁講，人地又可以係咁講，何不都承認係自己係罪人，好好係上帝 ...

認左啦，受洗嘅人邊個唔係認罪誨改呢？只係你自己覺得自己站在道德高地去教訓人啫，我想分享下嘅係知過能改，學識寬恕，就海闊天空。律人以嚴，律己以寬嘅人，好假道學。
又經常左閃右避，無謂吖。
我提出嘅係前面講左啦，老師同學生係可以有錯同改過嘅權利，只不過係一個人人平等嘅權利。唔應該學生錯就「應分受侮辱」，老師錯不但唔去自省，家長亦唔好去過問，而且你個講法重係針對家長為孩子討公道的權利都要被剝削，重係小提大造，我先覺得係有問題。我無講要入人罪，你要護短，我都無嘢好講。唯一要問嘅係，『欺凌』自己嘅學生，到底係咪一個老師『教育學生』應有嘅手段，而且要一代一代咁去承襲？

maomaofafa

ABC-DAD 發表於 18-5-28 22:03
認左啦，受洗嘅人邊個唔係認罪誨改呢？只係你自己覺得自己站在道德高地去教訓人啫，我想分享下嘅係知過能 ...

有些老師不懂自律，自以為有些權勢便為所欲為。話得學生垃圾，投訴佢又有什麼問題？若要人不知 除非己莫為。學生自身不夠好家長便陪著改善，師資有問題一樣要反映。誰願意自己的小孩跟著一個喜歡辱罵學生的老師學習？有些人總是喜歡把事情混為一談。如果老師不好，難道學生也可以罵老師垃圾了？老師應以品德為先方為師，凡事以理服人。孩子不懂便教，如教不到便叫人垃圾，不如去試下夠不夠膽當面叫同事/校長垃圾？因為孩子不會反抗所以才夠膽嗎？持強凌弱做什麼教師？如果該老師認為沒問題應投訴到教育局局長，問問他覺得如何？什麼叫小題大做？學生錯了便要改，老師也一樣！

Vanadium

ABC-DAD 發表於 18-5-28 22:03
認左啦，受洗嘅人邊個唔係認罪誨改呢？只係你自己覺得自己站在道德高地去教訓人啫，我想分享下嘅係知過能 ...

我自問站唔到起道德高地，係教養方面，大把野做唔好，有時又太忙有心無力。

但老實分享既亦唔係咩道德高地，就如你出post分享睇書一樣，如果有人話你講睇書就站係道德高地，你笑唔笑? 我都會笑囉。

我諗每件事10個人就隨時有10個睇法，我講完唔係要人認同，亳無必要，討論區.....大家各自各互相參詳便是。

____________________


我諗你無點睇過我既留言，正常，太長氣，無睇都應該。只不過我想指出，我似乎無講過你以下果段既野，不過大家會無謂深究，浪費時間。:)

「而且你個講法重係針對家長為孩子討公道的權利都要被剝削，重係小提大造，我先覺得係有問題。我無講要入人罪，你要護短，我都無嘢好講。唯一要問嘅係，『欺凌』自己嘅學生，到底係咪一個老師『教育學生』應有嘅手段，而且要一代一代咁去承襲？」

ABC-DAD

Vanadium 發表於 18-5-28 21:39
父母先係年青人既榜樣，若然話老師既榜樣會影響自己仔女，父母榜樣既影響，絕對係一個半個老師既百倍千倍。 ...

我想問，有小朋友有抗逆能力，就應該歸功畀 苛刻對待佢嘅人？
有啲匪夷所思。
人要接受礳練去成長，同意，我唔會 泛指所有老師都有問題，只係針對被欺凌嘅小學生係有被保護嘅權利。
另一方面，家長自身嘅處理方式，作為成年人，係佢地應該要理性啲去做，自己負責返個後果。

ABC-DAD

Vanadium 發表於 18-5-28 22:18
我自問站唔到起道德高地，係教養方面，大把野做唔好，有時又太忙有心無力。

但老實分享既亦唔係咩道德高 ...

無所謂，你無講唔代表唔存在，亦唔係你有做類似嘅事，只係你似乎在為此辨護，覺得我針對你。我知大家都唔多同一個平台。晚安。________________________________________________我希望家長面對老師欺凌學學生嘅事要嚴肅處理。

ABC-DAD

相對論我都唔識，不過我欣賞佢可以整理完用好清楚嘅數學方程式去讓人驗證。

Vanadium

ABC-DAD 發表於 18-5-28 22:26
我想問，有小朋友有抗逆能力，就應該歸功畀 苛刻對待佢嘅人？
有啲匪夷所思。

我諗我係咪表達緊家長或唔需要對小朋友被批評後既唔開心太大反應? 就好似少少病痛，當作段練免疫系統呢? 你會唔會誤會左話我講到病菌有益?

況且，你無聊時(強調係好無聊時)，可以睇返我既留言，我會唔會係講緊投訴最好了解清楚當時情況，關心下仔女點解會比老師鬧成咁，而唔係講緊唔可以投訴呢? 我會唔會係講緊完全不問不聞既投訴，係對子女無幫助，而係唔係講緊唔可以投訴呢?

樓主講到了解完，仲話個老師死唔認錯，假設個老師唔係失常，鬧人垃圾係佢正常表現，我支持佢投訴喎，我反覺得佢話要個仔畢業後先投訴仲唔係幾好，話晒依家係家長身份，畢左業....用咩身份去投訴? 其實我都想教佢點投都得，教師操守議會有表格填，樓主若見此留言可以PM我。

晚安啦，別人既事，大家討論下，無必要上心。

ABC-DAD

Vanadium 發表於 18-5-28 22:47
我諗我係咪表達緊家長或唔需要對小朋友被批評後既唔開心太大反應? 就好似少少病痛，當作段練免疫系統呢?  ...

我無咩大反應。要講嘅講完。

ABC-DAD

Vanadium 發表於 18-5-28 22:47
我諗我係咪表達緊家長或唔需要對小朋友被批評後既唔開心太大反應? 就好似少少病痛，當作段練免疫系統呢?  ...

有部分睇左同意你嘅，我唔會劃蛇添足啦。我多左好多打法無聊時間嘅興趣，你大可少担心。
《好為人師》，唔啱我。

Vanadium

樓主，若你自問好認真處理兒子問題，多方了解後得知此教師唔係失常，鬧人垃圾係佢正常表現，而你仔仔當時或過去係無做任何野激動、挑釁佢，而佢只係就你仔仔功課問題無端端當眾鬧佢垃圾，而你同佢講完佢又唔認錯仲覺無問題，我建議你作出嚴正投訴，以下係教師操守議會表格:

http://cpc.edb.org.hk/tc/procedure_advice.htm

建議根據以下三點教師操守作出投訴: (http://cpc.edb.org.hk/tc/code_02.htm)
2.2  9.應與學生建立互相信任、互相尊重的關係。
2.2 15.評論學生時應具建設性。
2.2 16.應避免使學生難堪或受到羞辱。

希望幫到你。

(此投訴只會去到該教師，學校不知情，故可避免驚動其他教師，影響對你兒子印象。 但若投訴成立，議會會建議教育局如何處理，包括除教師牌，相信亦會通知學校管理層，可能比向校長投訴更佳，因不知道校長與該老師何等關係，就算校長都未必會公正處理。)