又係衰英文科。。

Rachelmummy2008

cara.mak 發表於 18-3-28 23:52
請指教當大量閱讀書籍同時，應如何叫小朋友不要一味只看故事情節，如何引導她看文筆及文化呢？
...

小女是大量閱讀的同時，沒有出外補習，而從她不喜歡寫字，直到現在自己說要投稿，要寫文。

在學校的測考，由糊里糊塗的做卷，到現在發現中英語試卷原來不是太難，而且當其他人覺得越來越深的時候，她反而認為越來越容易掌握。

文筆我很讚同從不斷重覆看之時，加上寫作興趣，孩子自然地用相同的語句表達。

文化，我不肯定，不過我從女兒創作中發現很多成語，成語連接歷史故事，或許當中也吸收了一丁點吧！

little_yolky

eviepa 發表於 18-3-29 07:48
可是，很多小朋友未必有興趣看很多英文書，這也是事實。對於這些小朋友，其實只要有辦法教好文法，生字方面 ...

有閱讀同無閱讀習慣當然不能比較啦。.............不過, 好surprise原來你當年都有迫阿女的..........

我想請問你當年迫阿女睇英文書時, 如何防止佢揸住本書發夢呢?

MrBeast

little_yolky 發表於 18-3-29 09:11
我係分兩條腿走, 一條係佢自己喜歡看的書; 另一條係我希望佢看的書, 這些一般都是我希望她知道的佳句、文筆 ...

我較功利，主要是討論寓意和人物感受，因為考試會考

HaYi

我覺得閱讀唔好求效果, 不要為成績而讀, 小朋友才會有機會選擇自己愛的讀物, 自然愛上閱讀.   所以一心想要閱讀改善語文成績的, 才會因太久見效果而覺得讀得冇效, 讀錯...對閱讀失望.

要改善成績的, 做法會好唔同.   快考而冇時間的 : 讀閱讀理解 + 做文法.   有時間的, 看U tube 看卡通.   

我2個在英普私幼上直資英小.  

大的英文一向閱讀OK, K3已chapter book (佢自由選, 我冇理佢), 初小的英文小說已可讀千頁以上.  亦試可做到8成對超學年3年以上的卷.   但學校考試分仍不高, 他們學校的卷同坊間的方式好唔同, 不用教科書, 有自己的theme, 重理解, 多長答, 文法又要正確. 寫作同GE相似, 非只寫文, 更多mix type of question.    哩度往往失分.  因為佢答中了核心, 但唔夠complete 同文法失誤扣分. 高小我叫佢加下proofreading 文法 (Mix 個些), 2卷先可以有時有A.  反而聆聽和speaking 佢成日上網看u tube,  所以2卷都常A.    所以學校分數我覺得要提高, 就要以小朋友的特質針對性安排.  是否扼殺閱讀的興趣?  如太多課外野做就可能根本冇時間自由閱讀, 又引起對英文的怨恨同懼怕.  睇下點分配時間先最有效.     

小的(P1)英文可以, 但相對大的喜歡中文多些, 英文我閱讀我亦只有佢看 簡單的薄charpter book / picture book / 科普書.  因為佢肯聽指令同唔多怕悶, 所以亦每周加做少少坊間的簡單文法做溫習防身  (學校唔太傳統地教).  平時看下英文卡通之類維持興趣.  暫時都可以.

October.

little_kid 發表於 18-3-26 17:12
唔知點對症下藥。例如:in front of 做練習填充識填,測驗找錯處 in front on 搵唔到; 做練習填充listen to 識填，測驗填proposition listen ( to )唔識; Where ,What 做練習識，測驗填充唔識。。。。測驗前做了兩本填充加proofreading 練習  ...

1）應該識但做proof reading時搵唔到錯處。/// 我覺得係小朋友唔夠細心及觀察力較弱，家長需要用實例去教導佢，做卷時睇題目、文章要仔細，唔好貪快而匆匆掠過。

2）Where ,What 做練習識，測驗填充唔識。/// 這點就關閲讀理解事，佢根本唔明句子咩意思，所以填錯。

Yanamami

little_yolky 發表於 18-3-29 09:18
有閱讀同無閱讀習慣當然不能比較啦。.............不過, 好surprise原來你當年都有迫阿女的..........:happ ...

我女睇两行就瞓著添……

October.

Yanamami 發表於 18-3-29 09:39
我女睇两行就瞓著添……

我叫仔睇書，佢攞成績來“串“ 我，我知道叫佢睇書為時已晚了。

Yanamami

October. 發表於 18-3-29 09:47
我叫仔睇書，佢攞成績來“串“ 我，我知道叫佢睇書為時已晚了。
...

其实好多知識性同人生領悟真係唔可以靠成績反影到出黎……我都觉得自己引導唔到两个女睇書好失敗我只会觉得佢地叻考試，唔代表真正有墨水｡我大女好dd, 唔睇書但成日上網聽talk睇articles, 細女……no eye see.

MrBeast

October. 發表於 18-3-29 09:47
我叫仔睇書，佢攞成績來“串“ 我，我知道叫佢睇書為時已晚了。
...

我小朋友已識同我講睇書唔會幫到佢成績
不過又要佢朗讀、reading assignment、做少少筆記，都無損佢興趣，算係咁

October.

Yanamami 發表於 18-3-29 10:12
其实好多知識性同人生領悟真係唔可以靠成績反影到出黎……我都觉得自己引導唔到两个女睇書好失敗 ...

係架，起碼我覺得閲讀係一個非常之好既個人享受，搵到本岩自己口味既書或雜誌睇真係好開心架，我阿婆到8X歲仲日日睇報紙。

不過咁，依家又唔一定睇書先學到野既，互聯網世界，想知既咩都可以知道。

阿仔睇唔睇書原本係佢自己選擇，我又唔覺得同成績關係好大，但我怕到高中說話及作文需要引經據典（我唔肯定需唔需要），想佢有點中國文化墨水應付下考試就算（絕對我個人取向，并不可取）。

October.

MrBeast 發表於 18-3-29 10:38
我小朋友已識同我講睇書唔會幫到佢成績
不過又要佢朗讀、reading assignment、做少少筆記，都 ...

係車廂裏都見到，攞本書睇既係幼稚園生及小學生，中學生基本絕跡（但我相信呢道好多家長既仔女到中學都大量閲讀既）。

讀書應該有各自個人方法，你小朋友呢種都係一個適合佢既好方法

little_yolky

Yanamami 發表於 18-3-29 10:12
其实好多知識性同人生領悟真係唔可以靠成績反影到出黎……我都觉得自己引導唔到两个女睇書好失敗 ...

係呀, 所以佢哋睇書我實情無諗過同成績掛鈎, 不過睇多咗, 真係知多好多嘢。有一次行過歷史博, 見到個展覽banner, 好大個金器, 阿大同我講：媽咪, 果個係陝西既文物嚟。我心入面頓時：.............., 然後講：阿女, 等我上網查一查先。原來件嘢佢响陝西尋寶記見過。又有一次, 阿妹無端端同我講：媽咪, 人係咪由馬騮進化嚟架? 我答：唔係, 係同屬靈長類, 同猿類比較接近, 同馬騮無咁接近, 係其中一個分支進化既。然後佢又問我：咁最初生物點嚟架? 我心入面又：.........................。依家D小朋友, 問題越嚟越難答。家姐前排問我, 覺得薛寶釵性格如何。真係救命。

C6買套大英百科全書俾佢哋係正確既, 叫佢哋自己睇睇之餘, 我哋做家長都要補一補。

little_yolky

October. 發表於 18-3-29 09:47
我叫仔睇書，佢攞成績來“串“ 我，我知道叫佢睇書為時已晚了。
...

你同阿仔講, 睇書唔係為成績, 係為要有修養。我希望兩個女多睇書, 都係為咗培養氣質而已, 女仔有氣質差好遠架。

little_yolky

MrBeast 發表於 18-3-29 10:38
我小朋友已識同我講睇書唔會幫到佢成績
不過又要佢朗讀、reading assignment、做少少筆記，都 ...

你好趕客喎。

little_yolky

October. 發表於 18-3-29 11:03
係車廂裏都見到，攞本書睇既係幼稚園生及小學生，中學生基本絕跡（但我相信呢道好多家長既仔女到中學都大量 ...

因為响車廂睇書會俾阿媽鬧。

Yanamami

little_yolky 發表於 18-3-29 11:17
你同阿仔講, 睇書唔係為成績, 係為要有修養。我希望兩個女多睇書, 都係為咗培養氣質而已, 女仔有氣質差好遠 ...

講左……不过佢話not my style(ek做乜無反白眼emoji?),仲話最怕d－本正經成日揸住本書既同学~

kwunpa

October. 發表於 18-3-29 11:03
係車廂裏都見到，攞本書睇既係幼稚園生及小學生，中學生基本絕跡（但我相信呢道好多家長既仔女到中學都大量 ...

//攞本書睇既係幼稚園生及小學生，中學生基本絕跡//

因爲手機系書本的最大敵人。

October.

little_yolky 發表於 18-3-29 11:17
你同阿仔講, 睇書唔係為成績, 係為要有修養。我希望兩個女多睇書, 都係為咗培養氣質而已, 女仔有氣質差好遠 ...

我知道呀，但阿仔佢青春期，我同佢講修養呢啲野，佢唔采我呀。

但其實，佢對歷史、軍事、戰爭、自然界係比較有興趣，佢同爸爸成日係電視睇呢類野。

October.

little_yolky 發表於 18-3-29 11:17
你同阿仔講, 睇書唔係為成績, 係為要有修養。我希望兩個女多睇書, 都係為咗培養氣質而已, 女仔有氣質差好遠 ...

講你可能唔信，我女睇得太多d咩中外古典，佢行出來言行係好有教養呀，不過，人生觀受到唔少影嚮，有啲諗法好不切實際，我好唔想佢咁，我寧愿佢唔睇書。

little_yolky

October. 發表於 18-3-29 11:42
講你可能唔信，我女睇得太多d咩中外古典，佢行出來言行係好有教養呀，不過，人生觀受到唔少影嚮，有啲諗法 ...

好彩阿女近排多睇歷史, 少咗睇古典啫。我都擔心架, 佢之前成日睇埋D中國古典, 真係怕影響個價值觀架。好彩佢近排迷上歷史, 所以又少咗睇呢類書。不過, 睇得多歷史我又係擔心, 佢前幾個禮拜同C6講, 大個想讀考古, 我同C6互相指摘對方, 話係對方造成既惡果。