香港教育越改革越多問題（關焯照）

ANChan59

nintendo 發表於 17-10-17 11:56
會計師，建築師，律師，醫生，似乎冇人會亂認自己是 "師"。
但工程行係好奇，冇牌都自稱甚至工作職位可以叫 ...

我又不完全同意你對非學位工程師的看法，現在忙，遲些再補充！

我去到某個時候，我都冇打算註册，因為我當時沒有需要，後來是因緣際會才註冊的，但註冊之後就有其他機會！

nintendo

shadeslayer 發表於 17-10-17 13:49
本帖最後由 shadeslayer 於 17-10-17 13:50 編輯

我認同「工程師」可能被濫用，但無理由因為公眾誤解， ...

我自己家人有兩個工程師，我個人當然不會亂判行業不專業。
真正取到工程師資格的冇問題，

但而家阿貓阿狗都可以自稱工程師，甚至連行內人都話駛乜有牌。
( 試下師爺出去自稱律師會點？)
以前做開唔執咁正，唔代表係對，容許一班人亂咁自稱工程師，真係冇問題？


如果認為冇問題，咁當我冇講過。
道不同不相為謀，唔駛覆我，我自己消失，你地慢慢。
( 教師只是一個名，和會計師工程師的 "師" 不同，正如我唔會討論美容師是否專業 )

shadeslayer

nintendo 發表於 17-10-17 14:59
我自己家人有兩個工程師，我個人當然不會亂判行業不專業。
真正取到工程師資格的冇問題，

如果認為冇問題，咁當我冇講過。
道不同不相為謀，唔駛覆我，我自己消失，你地慢慢。

Xxxxx

唔使咁嚴重，我一早已講我同意工程師的名字被濫用，一早同意有問題。

shadeslayer

nintendo 發表於 17-10-17 14:59
我自己家人有兩個工程師，我個人當然不會亂判行業不專業。
真正取到工程師資格的冇問題，

Wow, you are comparing 敎師 to 美容師？  So much for respect to teachers.

Doray

用職業去決定re 唔respect 一個人今時今似乎有點out....

Vanadium

Doray 發表於 17-10-17 19:15
用職業去決定re 唔respect 一個人今時今似乎有點out....

Out得好緊要.....^^

其實真係好多人不能與時並進，有D甚至停係封建年代。

shadeslayer

Doray 發表於 17-10-17 19:15
用職業去決定re 唔respect 一個人今時今似乎有點out....

你要看前文後理，我地講緊的是對專業性的 respect 。

shadeslayer

Vanadium 發表於 17-10-17 19:30
Out得好緊要.....^^

其實真係好多人不能與時並進，有D甚至停係封建年代。

我知要你明是好難的。

Vanadium

所謂牌唔牌，感覺主要源於法律責任，某D工作因有重要法律授權，如醫生可開藥、判斷一個人係咪已死亡，機電工程師判斷一部電梯係咪安全比人用，當然必定要發牌或註冊。如果無須負責呢D，講攞牌黎做咩? 難道有牌高級過無牌? 負責工程，但無需負責有法律責任部份，唔見得唔可以叫工程師。唔知呢個世界有無軟件工程師牌照，但我估Bill Gates同Steve Jobs應該無呢個牌。

講有無牌，不如講工作(態度)專唔專業仲好。有牌但唔專業既醫生都可以為錢亂開手術，有時反而我想食餐晏時，食店廚房D員工無牌但專業少少，唔好對手污污糟糟又去轉頭切碟义雞飯比你。

教師只係一個好cheap既稱呼，新聞報導標題，part-time補下一兩個鐘習都係叫教師，教師呢個稱號應cheap過美容師、廚師、龍虎武師。

Doray

shadeslayer 發表於 17-10-17 19:41
你要看前文後理，我地講緊的是對專業性的 respect 。

我知，但正是咁，我唔會"神化" 所謂乜師乜師，佢地只係受過某啲範疇比較深入訓練，但我唔會話我respect 會計師多過大學講師……

shadeslayer

Vanadium 發表於 17-10-17 19:55
所謂牌唔牌，感覺主要源於法律責任，某D工作因有重要法律授權，如醫生可開藥、判斷一個人係咪已死亡，機電 ...

哈，但咩叫「教育專業人員協會」呢？  根據你的分析，佢地把專業放進名稱中係笑話？ 你是教育界的，甚至是協會成員，係咪應該爭取正名。

Vanadium

shadeslayer 發表於 17-10-17 22:22
哈，但咩叫「教育專業人員協會」呢？  根據你的分析，佢地把專業放進名稱中係笑話？ 你是教育界的，甚至是 ...

唔知你點解咁憎教師(或只係部份教師)，不過.....唔好以為我曾係老師就一定會幫老師講說話。

首先，教育界有為數不少....可能近一半老師，絕對唔會稱得上專業，有唔少就可能連教學能力都無。我早前已講，教育政策唔應該為考慮呢D老師飯碗而做唔應該做既事。林鄭放幾10億落學校黎保住老師飯碗，比我係佢就寧用幾10憶以肥雞餐半強迫咁快快送走D已無心戀戰既老師，放返D位出黎比新一代有心有力既人仲實際。

當年李國章做局長，開口埋口都話"我地D老師好專業好好"，我經常心裡鬧 - 李局長做人真係虛假得好緊要 (事實係協助前特首選時既一番話已証實佢個人好虛假)。

第二，教育若講知識與運作，的確唔係專業，暫時一D都唔專業，現所謂專業，好多時只係講個心，即教師對工作投入程度，會唔會不斷學不斷試去提升教學水平。「教育專業人員協會」的確係笑話，成個教協從無積極推動教師專業發展，期刊教學/案例分享少，只係廣告同買賣(超市)，講親咩都講爭取權益。不過教協從來較強調自己角色係"工會"，如果講推動教育專業，可能教聯會仲做得好過教協，但都唔夠。香港小數教育組織，如「數理教育學會」，講推動教師專業發展同理科教育，做得似樣好多。

Shadeslayer大師，建議你睇事物，對事唔好對人，當然....如我所講，教師事實都唔少係hea hea地做打份工，但有心既都真係仲有好多，而且，係社會事件上.....會出黎講野既，我敢說......大都反係好有心做野、好想搞好教育果班老師，另一班無心教師，放工就潛水啦(其實甚至返緊工都潛水)，理鬼得你教育政策、TSA/BCA，總之行貨交足，個個月尾有糧出，自己仔女唔受影響就得。

仲有，你最錯就係成鬼日用"成績表現"去評價老師工作，講咩名校老師點點點所以間學校做得成績好，差校老師一定係點衰衰衰先做到間學校成績差。成績差既學校，都有好多極極極有心既老師，部份有心到相信值得所有教育工作者拜服，建議你多D留意下新聞同教育資料吧，唔係下下以學校好唔好，去評價當中既老師好唔好。

其實你點踩教師都無用，香港各行各業選擇多，教師從來唔算係好吸引既工(從社經地位及長遠發展前途)，即使依家好似人工高，但稍為真有腦既精英，都唔會咁蠢為起薪人工去擇業，只有少數精英自小真係好有志願做教師先會刻意入呢行，呢點睇睇教育大學既收生成績就會知。加上香港學校管理用下放辦學團體呢個制度，但辦學團體雜牌軍到難以致信，早前間興德學校事件正正公開比公眾睇我幾個月前係EK講既野，辦學團體先重要，如興德咁請人可以完全用人為親，而又一班老師為鬥氣攞正牌長請病假，但費用係來自納稅人，係咁既教育制度下，教育想做得好真係唔容易。

我個人覺得教師起薪人工，以現時標準黎講，係過晒高。用工作環境、良好管理、前途、專業發展吸引人才，遠比用錢好。不過要既得利益者講重整教育工作職級架構，談何容易?

同你吹水到呢到，唔好再問我，反正你都當我廢話，bye bye。

shadeslayer

Vanadium 發表於 17-10-17 23:54
唔知你點解咁憎教師(或只係部份教師)，不過.....唔好以為我曾係老師就一定會幫老師講說話。

首先，教育界 ...

你又唔知撑到無雷公咁遠，藉口一千個，千錯萬錯，人地錯。自己返唔到岸就話唔玩，都幾好笑。

Doray

唔係喎，我覺得V 網友好有point. 佢係道出行業真實嘅情況，我覺得S 網友先對做老師呢個行業有過份理想化嘅憧景，當現實唔係咁就不停咁話人唔專業。
我唔會覺得讀Archit 做工程個個都立志建設社會，做親醫生都以病人利益為優先。

你成日都話respect 係earn 返嚟係啱，不過有幾多有心有力精英會入呢行？有幾多人會(有得選擇下) 去選一個成世都重覆做同一樣嘅行業，日日管教班七咀八舌嘅馬騮？

planetearth

Vanadium 發表於 17-10-17 19:55
所謂牌唔牌，感覺主要源於法律責任，某D工作因有重要法律授權，如醫生可開藥、判斷一個人係咪已死亡，機電 ...

最近有一位朋友，退休老師副校說，每個人都有個comfort zone, 我們要教導孩子一步步走出個comfort zone, 個comfort zone會越 越變越大。 深刻領會當中的哲學。
這位朋友有位 優秀的學生, 已是颇有科學成就的人物，在的訪問當中 提及這位老師對他的啟發.
我中 學有位老師喜歡講她週遊列國的經驗，令我嚮往外國 見識(我那個年代及當時的家境不是容易的),吸引我走出自己的comfort zone.另外有一位物理老師講課非常有趣生動，吸引我對理工科 產生濃厚的興趣.
老師在我生命過程中有著不同重要的角色。當然也遇過 略為差勁的的老師. 當然我傾向記住對我影響深遠的老師們， 不好的 無形中忘記了。
至於我的工程師們，工作過程中也有很多創新發明, 有時是一些獨特的生產工具的創新. 當中 創造很多價值。
科技大學一位優秀的畢業生，創立大疆科技， 航拍机銷售至少十億美元 這位工程師沒有註冊.
有位朋友 在北美生活，兒子讀麻省理工畢業出嚟 現在在科技公司做工程的工作，也不是註冊。
可能 家族之間互相 影響, 讀大學的全都是理工科。 有機械工程電子工程 電腦工程自動化工程土木工程醫學工程化學工程。
外甥前公司是公眾服務 機構， 一班老工程師想培養他， 工程師註冊是其一個階段。 他反而不想因為做一名註冊工程師而放棄自己的理想，他還是追求自己的理想，向ai自動化方向發展。 最近他主導的一個project登上報紙。 後來他又跳去另一間 跨國企業 搞大數據， 當然他到這個階段人工是非常吸引的。
我不是其他行業，分享的也只是 身邊的故事 ，也不敢指點批評別人。

shadeslayer

Doray 發表於 17-10-18 09:58
唔係喎，我覺得V 網友好有point. 佢係道出行業真實嘅情況，我覺得S 網友先對做老師呢個行業有過份理想化嘅 ...

過份理想和憧憬？ Are you kidding me?Teachers are arguably one of the most important jobs.If some of them do not have passion of doing that, they better leave. 芬蘭的教師質數又如何？，是否無可能？ 壞老師有一千個理由藉口，要做好老師理由只有一個。

年輕人是社會的未來，是社會的希望。

壞教師，壞學校，壞家長直接影響年輕人。年輕人差勁，社會便沒未來，沒希望。醫生工程師得過且過，只影響社會的現在，教師得過且過，影響社會的未來。為何老師要盡力盡責也想不到，真是雞同鴨講。

我不是針對教師，我針對壞教師，香港教育界中的敗類。

Doray

我冇話教師工作唔重要，所以既然要提升質素，所以V網友咪講，需要用工作環境、良好管理、前途、專業發展吸引人才。咁呢啲又應該靠邊個去推動呢？

ABC-DAD

又做下塘邊鶴先:唔同意教育系一定要收到尖子先培育出好老師，呢種思維就好落伍荒謬。我亦唔會理嗰種收好差嘅學生，教到出人頭地先算春風化雨嘅歪理。教育專業同所有專業一樣，是一種委身，終身事業，起碼入職在識時有咁嘅志向。做家長，要對教師專重同支持，好嘅回饋，好重要，可以支持到老師追尋作育英才嘅熱忱。小朋友同新入職老師一樣，本質唔壞，一係教壞?一係學壞? 但經驗話我知，no,大多係方法唔適合，當老師累積多左經驗，自不然得心應手，教學相長啫。

shadeslayer

Doray 發表於 17-10-18 12:10
我冇話教師工作唔重要，所以既然要提升質素，所以V網友咪講，需要用工作環境、良好管理、前途、專業發展吸 ...

老師薪酬比大部份行業高，香港放在教育資源真不少，只欠老師個心。

最大問題係要增資源時就說老師重要，什麼靈魂工程師，要問責時就說不要神化老師，不要不合理期望。再問又係别人的錯，再要求增資源。

無心做，增乜資源也是徒然。

只欠個心。

講要人尊重無用的，老師不尊重自已行業，得過且過，以自己為中心，以學校為中心，不以孩子利益為中心，你估人地傻的，看不出嗎。

交個心出來，以孩子利益着想，别人是看到的。孩子看到，家長看到。。。 This is what I called respect is to be earned.

ABC-DAD

shadeslayer 發表於 17-10-18 13:38
本帖最後由 shadeslayer 於 17-10-18 13:39 編輯

老師薪酬比大部份行業高，香港放在教育資源真不少，只 ...

不能不配服閣下敢言，是其是，非其非。