子女的期望 vs 父母的期望

Christi

樓主，很明白你此刻感受。每一個女兒都會和阿媽有糾結，糾結數極都數不完。到女兒做人阿媽，思想就會不同，可能由阿媽處學到反面教材，但會多左啲體諒。

greentea000

回覆 Christi 的帖子

早已經無咬牙切齒，同埋我想事業為重，無打算生啊！

greentea000

回覆 wan_sosin 的帖子

介唔介意講下點發現你仔係sen？我見有D中學先發現，錯失好多時間。

wan_sosin

greentea000 發表於 17-3-8 18:44
回覆 wan_sosin 的帖子

介唔介意講下點發現你仔係sen？我見有D中學先發現，錯失好多時間。

唔介意!只係我哋好易被人誤解，SEN其實有好多"款式"!
我個仔由BB仔開始已能人所不能，佢動作之快，多，密，已經好似上了鏈一樣，唔好話我自己覺得，朋友都已經同我講笑咁講，話佢過度活躍，人哋就講下笑，對我嚟講唔係講笑。
佢一直大個呢個情況持續升級，亂衝亂撞，整爛無數野，但如果要分辨，係曳定真係活躍過度，第一要排除教養問題，第二是在任何環境對任何人都會同樣表現，有些小朋友屋企惡霸，返到學校就好怕老師好乖，同埋唔聽教唔等於過度活躍，好多家長當同一件事。
如果稍為大個先發現，可能是因為只有專注力弱，而活躍行為不明顯。
另外一種難發現嘅SEN係高功能自閉症，因為智力正常甚至偏高，所以家長會忽視佢哋固執同社交問題。
讀寫障都有些難發現，初時好易被錯認是懶，或唔專心。
不過而家要做評估的途徑好多，只係金錢上的問題，相信一般家庭去少次旅行都可以比得起評估費用，問題係家長肯唔肯面對。

我仔已算好，活躍變成佢嘅強項，運動好且有潛質接受刻苦訓練，因為精力過人，人哋攰到瞓低，佢仲可以去玩，不過運動方面一樣唔可以操之過急，太快谷盡會同讀書一樣，未必捱得到日後。

hkpapa852

wan_sosin 發表於 17-3-8 19:23
唔介意!只係我哋好易被人誤解，SEN其實有好多"款式"!
我個仔由BB仔開始已能人所不能，佢動作之快，多，密 ...

高功能自閉症

其實好多歷史名人都係呢種人
呢種人最大問題係: 與人相處

wan_sosin

hkpapa852 發表於 17-3-9 10:13
高功能自閉症

其實好多歷史名人都係呢種人

佢哋興趣狹窄，排除佢哋覺得不重要的人同事，因為咁樣有過人的專注力，可以極度沉醉在佢自己的興趣上，但要真的到達成功，都唔容易，始終好多事情都需要懂得同人合作。

hkpapa852

wan_sosin 發表於 17-3-9 10:44
佢哋興趣狹窄，排除佢哋覺得不重要的人同事，因為咁樣有過人的專注力，可以極度沉醉在佢自己的興趣上，但 ...

其實我認識幾個確診係高功能自閉既成年人, 佢地都無以下特點:
興趣狹窄
過人的專注力

不過都有以下特點:
絕對自我中心
極度唔理他人感受
衰咗會認死狗, 但多年都未見有任何改善

wan_sosin

hkpapa852 發表於 17-3-9 10:56
其實我認識幾個確診係高功能自閉既成年人, 佢地都無以下特點:
興趣狹窄
過人的專注力

所以SEN有很多款式，加上性格不同，出來的情況都不同，高功能都可以是正常人能力，唔一定去到有超凡能力，有些人都會被以前嗰套想法影響，認為以前所謂的"亞氏保加"就一定係天才，其實唔一定，現在統稱自閉普系，自閉光譜下，其實有好多唔同情況，ADHD反而簡單好多

hkpapa852

IloveJJ 發表於 17-3-9 11:09
成人又點會確診呢？自己去測試嗎？

其中一個, 因為家庭問題, 攪到要去做心理輔導, 輔導期間治療師懷疑叫佢去做檢查確診
另一個, 因為懷疑小朋友係SEN, 去做檢驗時個度D人叫家長驗埋, 點知又最後被確診嗰個係家長

wan_sosin

IloveJJ 發表於 17-3-9 11:11
响BK嗰邊睇過一個與ADHD丈夫相處既post，唔知點形容，只可以話太太要有好大包容。
...

ADHD定ASD?
照計ADHD唔一定同人好大衝突，佢哋唔一定會做成社交困難，我仔嗰隻，好追求同人一齊，亦會理解別人心意

wan_sosin

IloveJJ 發表於 17-3-9 11:35
其實我唔識又唔係好肯定個名，剩係記得佢話個老公好難接受改變，例如:屋企既野，但優點就係好專一，又話身 ...

這應該是自閉普系(ASD), 佢哋係超固執，所以絕不改變，唔理解別人想法，常人嘅感覺，對佢哋嚟講才叫異常，反過來否定你。
ADHD會求求其其，唔理細節。

greentea000

回覆 wan_sosin 的帖子

你點下決心帶個仔去做評估架？仔自己點面對自己係sen，定係成功將太好動變成運動特長反而更自信？而上堂坐唔定係咪訓練都無用？
多謝分享。

wan_sosin

greentea000 發表於 17-3-9 12:41
回覆 wan_sosin 的帖子

你點下決心帶個仔去做評估架？仔自己點面對自己係sen，定係成功將太好動變成運動特 ...

我仔4歲半開始去評估.排到K3去見精神科,去評估是想還個公道比我仔,人哋會覺得佢係曳係壞,唔聽教,繼而覺得我無家教.我自己本身唔太介意佢同人唔同,只是佢的個人特質,不過要生存係個社會就顯得有點困難.我唔太爭扎去面對同帶佢去評估,覺得只係想幫佢容易d生存.
佢自己對佢ADHD唔太大感受,我一直好正面同佢講,話佢有一部法拉利,可惜無車牌,現在要學點控制佢,否則撞鬼死.
佢在精神科上小一預備班時,不知幾開心,因為見到同類,點玩都唔會有小朋友投訴佢,完咗個班仲問我有無得再去.

除了評估之前,有段時間佢經常給其他人責怪(動機是想教佢)令佢無乜信心,佢本身都是有信心的人,而且很有主見.
我無得怪想教佢而用錯方法的人,因為佢哋真係唔知點樣真正教到呢類小朋友.
當然運動係佢最有信心的,問佢邊樣最叻,一定講係跑步,所以我同爸爸教佢,唔好同人打架,有乜事就跑,無人追到你.我仔仲要係可以跑長跑嗰種.

從幼兒直到入小學,能夠訓練佢唔離開座位已經叫理想,好難叫佢係個位都唔可以郁下個身,踼下隻脚,教得到就唔係ADHD,呀仔好清楚咁表達我聽,唔郁會有種抖唔到氣的感覺,試問邊個可以唔抖氣.郁來郁去唔係貪玩,是因為唔郁會好難受.叫唔到隻馬騮學樹懶.

wan_sosin

greentea000 發表於 17-3-9 12:41
回覆 wan_sosin 的帖子

你點下決心帶個仔去做評估架？仔自己點面對自己係sen，定係成功將太好動變成運動特 ...

段片個老師最後用一個唔擅長游水的人來比喻SEN所面對的困難，好中!

https://m.facebook.com/story.php?story_fbid=604998933043842&id=105985736278500

twlo

siden 發表於 17-3-6 10:42
學生穿裙子還穿褲子？

或是穿裙子和褲子的學生都有？

是否講銅記個間St Pxxl。如果是，真的不可恭維，它只是一間追求成績的學店，完全沒有愛心及關心小朋友感受。
真人真事：
當年(不經不覺已十多年前)一個要好朋友女兒想入讀，而我識人，最後她的女兒成功入讀幼稚園，跟著入埋小學部，因為成績不佳，小五時女孩被老師明言追不上，而被放棄，叫轉校。
之前已多次暗示，這樣會對小朋友也有很大影響，所以家長們真的不要為炫耀及羅威而迫小朋友入讀名校。

brother4

成績叻算樓主 ，成績差算自己 ，盡力考便可以，將來的路大家不知，不要鑽牛角尖，因有感而發，剛有個神科大學生再不能讀書了，真係好可惜，期望落差大太了嗎?

October.

wan_sosin 發表於 17-3-9 14:06
我仔4歲半開始去評估.排到K3去見精神科,去評估是想還個公道比我仔,人哋會覺得佢係曳係壞,唔聽教,繼而覺得 ...

父母不容易。

好似食藥可以控制，不過，妳仔可能唔需要，靠輔導已經可以糾正。