聖羅撒小學 CHAT ROOM

wankwok

心心媽 & Cameo,
謝謝你們。已寫了一封短信給班主任，請她電話聯絡我們，了解一下囡囡在校情況。可能因為我囡囡性格比較怪，所以特別擔心。

wankwok

但返了唔夠一個月學，被調位四-五次，都幾不尋常吧!個囡又好像反應不大，又無話老師唔好，只是她告訴我坐了"午膳長"隔離，我才知佢又調位。要好辛苦才套到她在校d嘢，因她唔多講嘢的。

Daisy媽咪

wankwok 寫道:
但返了唔夠一個月學，被調位四-五次，都幾不尋常吧!個囡又好像反應不大，又無話老師唔好，只是她告訴我坐了"午膳長"隔離，我才知佢又調位。要好辛苦才套到她在校d嘢，因她唔多講嘢的。

其實可能唔係你個女問題, 而係你個女乖, 所以調開同d成日講野(好似我個女咁), 希望d成日講野既小朋友靜d掛 !

心心媽

Daisy媽咪

妳囡囡好嗎?我問我女知唔知邊個係Daisy,佢話唔知喎!佢連剛剛調去同佢坐的同學仔姓什名誰都唔知的!成舊雲架佢!

我想問下改左的工作紙是否須交回給老師呢?我見呀女袋左幾日都仲係功課袋內,唔知好唔好拿起!?

wankwok

Daisy媽咪,
一定係我個女有問題(我都想知是甚麼問題，希望只是小問題), 雖然她唔出聲但又不算乖,而是怪怪地，但應該又未至於會經常俾老師罰掛!
加之，現在新坐她隔離的"午膳長"一定是個好乖的孩子，因為我個囡都是如此說， 她絕對不是調開同d成日講野既小朋友坐。反而是老師將佢調去同d乖坐就真。
我只希望老師不是對她有偏見便好了。如果係真的好慘。待跟老師溝通後，知道她在校情況才知如何解決囡囡的問題。謝謝安慰!

cameo

wankwok,
我今日問左我個女嘞,佢同我講你個女叫郭xx(佢有可能講錯名,但應該係你個女嘞),原來你女女在你面前讚我女的說話,佢都有同我個女講呀,佢自己都有話覺得自己寫字好快,返到屋企做功課又快(你個女都唔係覺得自己唔叻丫)~
我問我女郭同學係點,佢話郭同學以前坐o係第七行所以唔知佢上堂係點,但應該無俾老師鬧過,調左一齊坐都唔係曳,我女話郭同學都係乖學生(佢有數某d常被老師鬧的人出嚟),我女重話郭同學英文比自己好添....
其實我估你個女唔係真係"曳",只係有時見到某d同學被老師讚時佢都希望自己有機會吧....可能佢同我個女大家都係小朋友所以講野可以好直接la(小朋友識左一日就可以傾到偈),你女女可能唔識點同你表達啫,又或者佢睇得出你擔心佢所以唔敢講呢(我女開頭都係咁),既然佢覺得自己做功課快係叻,咁你讚吓佢等佢開心吓囉,,,hehehehe.......唔好太擔心la,而家你個女又覺得我個女乖,我個女又係覺得你個女乖,咁佢地可以做到朋友仔嘛,hahah~同埋坐在你女後面的同學仔都係一個乖學生呀,我個女話佢好留心上堂的啊,,,,,
同埋我想講你知,咪信晒你個女講呀,我個女唔係想像中咁叻咁乖咋,佢話自己上堂間中都有恰眼瞓o架,hahha...做野又慢...可能佢見老師讚過我個女所以就覺得乖la...hahah

Daisy媽咪

222

心心媽 寫道:
Daisy媽咪

妳囡囡好嗎?我問我女知唔知邊個係Daisy,佢話唔知喎!佢連剛剛調去同佢坐的同學仔姓什名誰都唔知的!成舊雲架佢!

我想問下改左的工作紙是否須交回給老師呢?我見呀女袋左幾日都仲係功課袋內,唔知好唔好拿起!?

What I did is just put the latest one in the bag.

wankwok

cameo,
謝謝你的回應。
很開心知道我們女兒對對方互有好感，希望佢地做到好朋友就好了。我女真的是姓郭的，比你女胖及高。
待老師跟我們聯絡後，應可知悉小女兒多次調位之謎吧。

cameo

wankwok,
haha,同老師傾左可能真係乜問題都無lu...hehe,,,因我都係咁,同老師傾左一次之後都放心左好多...
daisy媽咪,心心媽,
你地都係B班?想問問你地小朋友午膳時係咪要用圍裙呀?我聽同我一站上車的妹妹好似要帶,佢都係B班,,,但我個女又唔洗喎,所以成日都整到污漬落條裙度,,,,

Daisy媽咪

She did bring the apron to school but she said is the art & craft class  

心心媽

我個女一開始食飯就帶圍裙架喇,唔係條白裙點算?!小朋友自己食飯好論盡架!

cameo

我個女就係無話過要用圍裙,我咪廢事特登要佢用囉,如果老師無叫,咁好似得佢一個用就好古怪....所以日日都要用"碧蓮"同佢噴左先洗,,,,,
不過校服烏糟都唔成大問題,最多咪麻煩d同佢洗囉,最可憐係見佢日日揹住個大書包,我個女又係生得細粒,根本點執書包都係咁,,,,,,日日揹住上落樓梯真係唔太好呢 ,我接佢放左學揹一陣都膊頭痛嘞~
如果可以將朝早"早讀"時間抽到10分鐘掉去放學用就好嘞,等老師可以教佢地"留書",留低唔需要帶返屋企用o既書咪好囉......
我個女今日都有欠功課呀,原來志堅要做兩課,我無留意到,個傻豬又唔記得,做左一課就交鬼左...

心心媽

我個女條裙重係白雪雪架!

另外我想問下,妳地囡囡d功課是自己做定要妳地幫架?我囡囡不論中英數都有唔明要我解釋比佢聽,佢先識做!我好擔心佢追唔上呀! :cry:  :cry:

wankwok

小朋友年紀少少，但又要日日揹住十磅有多的書包上落樓梯真係幾辛苦，不過這已經是數十年來一直未能解決的問題。我們都唔知可以如何幫他們。

cameo

心心媽,
如果佢著住咪唔多覺眼囉,但細心望就由領位到心口都有少少污漬o架,求其唔覺眼就算嘞,hahahaha
我個女d功課就一時時la,如果只係普通抄寫就自己攪掂,因為佢都會望番之前d格式,但要睇題目or新教o個d就要講一講先知做乜囉(特別係英文科),其實我都唔清楚究竟係我個女太過唔留心老師解說,定係老師只係好簡單咁講左一次,因講得唔清楚,即使佢有留心聽住都會記唔晒咁多o架....其實比起幼稚園,我覺得功課個"量"係差唔多,但可能佢以前係每樣功課都自己攪得掂,所以佢好有心機做o架,而家反而求其左,大意左添,,,,,,,,,可能佢每日上堂d野"吸收"唔晒,無心機吧....
我都發現佢好多時即使係中文字,都會識讀唔識解,而英文生字就教6,7個先識讀1個,,,,,, :cry:
wankwok,
你個女尋日請我個女食啫喱仔,,hehehe...兩個今日一齊小息,重約好聽日帶啫喱返去交換添啊......好開心今日聽到個女話午膳後去左圖書館睇書,佢重話在圖書館都見到你個女呀

wankwok

cameo,
有關交換啫喱仔...等事件，我囡囡都未有向我提及呀!
有D事從這裡得知後，偶然提及的話，她又會記得無同我提及，她便會問我點解會知，我求其講東講西帶過。
今日佢有講在校跌傷了膝蓋，有個好像是姓何的同學仔陪她往塗藥及貼藥水膠布。
改了明天做"便服日"，囡囡話因有體育堂所以一定要穿褲子，你囡囡有否向你提及?

cameo

wankwok,
haha,我女開頭都有問我點解會知某d事,但我同佢講左我識左郭同學個媽咪,咁佢又覺得無乜野嘞,其實我個女都習慣,即使我同林老師傾電話佢都唔太出奇,問左原因又會覺得"好平常"o架嘞....因我成日同佢講"媽咪好鍾意識新朋友"..hehe
我都知便服日改左日子呀,開頭重驚個女會失望添,因為佢勁貪靚,重打算無乜幾何可以著條靚裙仔返學,點知而家撞正運動堂要著褲,我問個女知唔知"改日子",佢又好無野咁提我要著咩,跟住重話係自己寫手冊又點會唔知喎
其實一向我都習慣左同個女傾學校o既事,只係林老師在電話中叫我唔好迫得佢太多,不過我又唔想太被動等個女自己講喎,咪淨係提d"開心野"囉,例如有冇跳橡根繩呀,今日同邊個一齊玩呀,,,咁囉,,,hehe

wankwok

cameo,
我囡囡話小息見唔到"午膳長"，所以無交換啫喱仔。佢爹地就話坐隔離都見唔到真奇怪，佢就答落到操場先可以食，但在操場找不到"午膳長"，所以給了另一位同學仔食。

cameo

wankwok,
hahhaaha,佢地有時講野真係好攪笑,我個女都有話尋日無同郭同學一齊小息呀,可能無落雨,我個女又掛住周圍走嘞,,hehe~
係呢,你女女識唔識英文功課呀?我發覺我個女d英文好似教左同無教差唔多,問佢又話有聽書,但我發覺佢d英文工作紙根本都唔識做,已經o係學校做左的兩三題其實都只係跟住miss Tin講左個答案就抄,我個女真係求其到不得了呢..

wankwok

cameo,
我囡囡話佢有去圖書館排隊用電腦，但不知道是在午膳時間或是小息了。佢話有大姐姐幫佢地報名然後等叫名先有得用。
我囡囡D功課暫時都是她放學後自己主動完成，然後晚上再由我們查手冊檢查，由幼稚園開始都是如此，但現在就比K3的時候敷衍了，原因是她趕著完成後要和細佬及鄰居小朋友到樓下公園玩。以前上半日班，時間充裕，她幾俾心機做功課，因為她非常非常喜歡K3的班主任，唔想叫老師失望(讀了幾年書，只有這個老師叫她如此在意)，現在就放學回家已差不多4時了，"趕時間"去玩，但就一定全部功課完成，只是質素欠奉。有關英文功課，暫時OK，事實上是各方面都差過K3的時候，以前返半日，學的東西卻不少，又吸收，可能方法有別吧。但都不重要，最慘是她經常無故就哭 ，不關做功課事，原因佢又講唔出。