教數心得

MrBeast

Tecoelectric 發表於 15-5-27 14:48
唉，我兒子小一，起初也不覺數學怎麼，但每次考試測驗得10幾分，我已經買了很多練習，每次我自已看完覺得佢 ...

2 suggestions:
1) 搵日坐底同佢一起做些練習，試下能否看出他出錯的原因
2）如2A對他太難，做返小一程度的先，打好基礎之後再教深的

wan_sosin

原帖由 Tecoelectric 於 15-05-28 發表
我想大家誤會了，我入的是最普通最普通的津小，並非什麼私校，我是一個好普通家長也負擔不起私校，我選近家 ...

上面MrBeast嘅意見好好！
另外，暫時可能合格嘅期望都有點遠，期望佢有進步就好！教你小朋友唔好理老師催促，將自己識做的用心去做好，唔識嘅由佢先，唔做住，反正亂做都一定錯，把握自己識嘅，做啱佢，考完返屋企，讚好做得啱嘅部份，等佢有返信心！要D時間慢慢追，同小朋友一齊努力！

Tecoelectric

是的，就來考試，我也只好用這方法，實在太多，教到A又教唔到B，我已同佢坐底做過，做得好慢，晤識轉彎，我一同佢講還有10分鐘佢好驚，不斷叫我俾佢諗下，見到咁都唔知點反應，我估在學校老師一講佢仲驚

little_yolky

MrBeast 發表於 15-5-28 13:30
2 suggestions:
1) 搵日坐底同佢一起做些練習，試下能否看出他出錯的原因
2）如2A對他太難，做返小一程度的 ...

咁D練習做到什麼程度至OK? 可以升級?

MrBeast

little_yolky 發表於 15-5-28 17:17
咁D練習做到什麼程度至OK? 可以升級?

我自己就：最好係明，唔明就follow steps ，做到d正常普通題就得，ie, 不是那些高思尖子題。

1234ats

今天用兒子的例子解釋一下我對操數的看法。

小兒上了中三後數學成績比較穩定，一般八十幾分，我很少跟進他的數學科。

上學期學三角函數sine，cosine及tangent。老師派了兩份工作紙，共有四五十題數，所有題目內容基本都是差不多，只是數字不同。

小兒做完之後我問他覺得怎樣，他向來不喜歡操數，他認為內容很淺，做功課很悶。既然他這樣說，我便選了一題數，問他tangent其中一隻角是哪兩條邊的比例，考考他的反應。他能答對，但用了十秒八秒。之後問了第二條sine，他也是用了差不多時間才能答對。

於是我跟他說，他花時間做了幾十題數之後做這兩題數還要認真思考，反應還是這麼慢，跟我以前講過計數要total control 的要求還有很大差距。這些函數是三角的基本入門，以後會經常遇到，如果不能master好，很容易會淡忘，將會越來越吃力。

我說對於任何一個直角三角形，我是能夠瞬時便能說出某個角的某個三角函數是哪兩條邊的比例，或者隨便指出兩條邊和一隻角，我也能第一時間講出相應的函數。
對我來說這些反應其實與心算3+5相同，這些瞬時反應有點像打球時的即時反應一般感覺。我認為這些反應不一定是IQ高的學生才能掌握，普通人都能具備。

我不是要兒子做得跟我一樣快，但必須做到神態輕鬆，兩三秒是可以接受。

他這樣做功課，其實是浪費時間，花了時間精力，卻得不到應有效果。如果有認真思考分析重點，基本不用筆算，只需認真練習這種反應，不用半小時（可能不用十分鐘），便能熟練地掌握這幾個函數與邊長比例的關係，終身受用。
幾天後我再問他，他基本能夠做到我所要求。我問他tanA，他能馬上講出a/b。
我叫他每隔數天花幾分鐘練習這些反應，練得十次八次自然會以後記得。

其實小學與初中很多課題都不複雜，關鍵是掌握重點訓練適當反應，没有針對性的大量操練不一定有效。

數學操練我是著眼訓練能力與反應，不會太計較分數，我以前會從兒子測考的結果分析他有什麼問題需要訓練與改善。而每次訓練範圍不會太大，盡量少用筆算，提升效率。譬如計異分母分數加減，我只集中訓練他通分母，不需要計出整題的答案。最後要做到他覺得輕鬆無難度才收貨，故我很留意他做數時的眼神。

他每次訓練時間不會太長。如果他做不到我要求，改天再做，如果真的做不來而我沒想到更好方法，我便會暫時擱置，再過三幾個月待他的能力有改善後再練習。

因為不計較分數，所以沒有什麼壓力。重要的是他能把能力範圍以內的做到最好，所學的知識以後都能輕鬆運用自如。

S-Kwok

原帖由 little_yolky 於 15-05-28 發表
已經交咗千幾蚊學費了, 早知留返D錢食自助餐

最開心係今次計錢佢全部啱晒, 平時起碼錯一半的, ...

叻女
其實呢啲都係考試技巧真係要識。

S-Kwok

原帖由 wan_sosin 於 15-05-28 發表
數學基本無得溫，溫書就係要做數！單用隻眼去睇無用！我小學唔讀書無得講，到中學D數係不停做！
之前得樓主 ...

我反而接受唔到唔小心，我仔做卷好快，好多時唔仔細睇題目，成日同我講我第一個做完。唉…仔，唔係要做得快 係要做得啱。

wan_sosin

原帖由 S-Kwok 於 15-05-30 發表
我反而接受唔到唔小心，我仔做卷好快，好多時唔仔細睇題目，成日同我講我第一個做完。唉…仔，唔係要做得快 ...

唉！唔小心係小朋友尤其男仔嘅死症！
我都唔想接受，唔只數學，每科總會錯下小小大意嘢！中文抄錯字，英文錯大細階，常識睇錯圖，錯唔多都會接受，但都會提下要注意的地方！
有時惟有安慰下自己，諗下自己都經常會打錯字。

S-Kwok

原帖由 1234ats 於 15-05-30 發表
本帖最後由 1234ats 於 15-5-30 12:31 編輯

今天用兒子的例子解釋一下我對操數的看法。

很好的分享

wan_sosin

1234ats 發表於 15-5-30 12:09
今天用兒子的例子解釋一下我對操數的看法。

小兒上了中三後數學成績比較穩定，一般八十幾分，我很少跟進他 ...

非常多謝你無私地分享你的心得,真係十分受用!total control 真係好重要,好有幫助!

little_yolky

wan_sosin 發表於 15-5-30 12:57
唉！唔小心係小朋友尤其男仔嘅死症！
我都唔想接受，唔只數學，每科總會錯下小小大意嘢！中文抄錯字，英文 ...

係, 唔明點解做卷可以唔睇題目。上次測驗, 題目其中一個要求係要「圈」出正確的公仔然後先至作答, 全班居然得兩個同學有圈, 真係死未

1234ats

little_yolky
題目其中一個要求係要「圈」出正確的公仔然後先至作答, 全班居然得兩個同學有圈, 真係死未
---------------------------------------------------------------------------

其實這正正反映小孩做事大頭蝦甩甩漏漏正常不過，可能我們自己小時做得比他們錯得更無厘頭。孩子長大後這些“問題”自然會改善，太操心自己辛苦。

wan_sosin

原帖由 1234ats 於 15-06-02 發表
little_yolky
題目其中一個要求係要「圈」出正確的公仔然後先至作答, 全班居然得兩個同學有圈, 真係死未
-- ...

相信唔多人天生就細心，通常要經過經驗甚至訓練才有這個能力！但小朋友對有興趣的事情就會自然有咁嘅能力，我個仔對兩個相似的超人的些微差別都能看出來！所以興趣都係幫助小朋友學習的好原素！

smartcash

回覆 1234ats 的帖子

樓主, 我仔仔和您的仔仔很相似, 他有發展遲緩, 手眼唔協調。眼睛睇野常有周圍跳的情況, 看題目常未看完就下筆定結論。

他現在小二, 做什麼運動可改善呢?

1234ats

回覆 smartcash 的帖子

請看169樓。
另外要恆常運動，游泳打波單車跑步都可以。一些協調性的運動或遊戲例如羽毛球，跳繩，打韆鞦，擲豆袋等也有幫助，不過可能需要很大耐性教導。

smartcash

回覆 1234ats 的帖子

多謝樓主, 很好的分享。

little_yolky

1234ats 發表於 15-6-2 12:04
little_yolky
題目其中一個要求係要「圈」出正確的公仔然後先至作答, 全班居然得兩個同學有圈, 真係死未
-- ...

.............我囡囡係全班有圈出正確公仔果兩個其中一個, 另一個係考第一果位............問題係, 佢又唔大頭蝦又有睇題目, 都仲要低分果下至弊

tiffybb

多謝分享，我女數學係咁情況，應用題更甚..佢專注力唔好...我見到你個帖真係覺得有返d希望