>

TWMa

yk:
搵左一輪先 up 到啊

ykwong

唔該晒！但你都係咁姨 搵ｄ野講丫！依家真係齋 up 喎！

我記得仲欠你個理大電話嫁，不過個 friend 中左六合彩，一家大紬去左 disneyland。恨死人！

TWMa

咁姨囉~~~~~ 我都記得欠你 Program 既 (夠未?)
講多兩句... 岩岩睇左隔離個 "胎教", 先明咩叫 "DBBoy 係 BK 商業 VIP"  

toffeeli

同D朋友講起呀仔今年會升小學，個個都同我講幼稚園巳經係"蜜月"期，一升小學就忙到飛起，除咗功課、考試，重要陪個仔做project.....無時得閒咁，搞到我有"升小恐懼症"  

ykwong

唔記得左，定你冇講過，你家小主讀邊間呢？肯放開，便冇問題。訓練自發性較為重要，唔係就好似我咁變成一個書僮。

tlwtlw888

我同意，訓練自發性非常重要，所謂「學會學習」就是首先要培養小朋友的學習興趣，然後使他們學會主動學習，那樣便能終生受用了。因此我認為為小朋友選校便不應選一些填鴨式及催谷式的，終日競逐在考試名次上，功課太繁重，便極有可能令他們失去學習興趣，家長亦不能有較多時間因應自己小朋友的需要加強其他方面的訓練和培養其他方面的興趣。這樣看來自發性頂多只是使孩子在考試前「自發性」地讀書，因為知道考試肥佬的後果，對於考試後的「自發性」相信是絕無僅有，那就談不上學會主動學習了。

TWMa

小朋友會不會和你們討論生死、生育方面的問題, 各位又如何回答呢?

麟媽媽

有呀！我們有宗教信仰，我向兒子解釋人總會有這一步，有人早D、有人遲D，是一個循環，而死後回到天主家裡，有天主照顧不用怕。
但兒子是個很感性的孩子，我老爺過身時他只有4歲，但已知以後不再見到爺爺，當時他哭得好厲害。到了現在都兩年有多了，偶然見到老爺在video出現，兒子還會默默流淚的....

WYmom

toffeeli 寫道:
同D朋友講起呀仔今年會升小學，個個都同我講幼稚園巳經係"蜜月"期，一升小學就忙到飛起，除咗功課、考試，重要陪個仔做project.....無時得閒咁，搞到我有"升小恐懼症"  

This is quite true, so I treasure very much the few years when my kid is still studying in kinder, will go out to travel more.

ykwong

常問。近來會問天堂、地獄，鬼魂等問題。

如何回答，最常的便是將自己的價值觀告之，然後加句世事無絕對，以上問題，現時未有確實答案，將來亦未必有等。

人有不同觀念，小孩子是騙不到的，言行不一致，久而久之，說話便沒有說服力，不宜參考標準答案。

以前有學童因各式壓力下自殺(近年好似少了，唔知同取消升中試、學能試有冇關)，現在則(界)手成風。所以若討論相關話題，我一定以問甚麼最寶貴告終。

生育，家計會有對布公仔，詳顯生殖器官細節 ，連陰毛都有。遲早都要教，早好過遲。好過忽然有晚你個女衝入你房，叫爸爸唔好蝦媽媽，媽媽叫得好慘   

麟媽媽

至於生仔，佢好似無咩興趣知好似無點問過…反而係我同佢講過吓，但見佢無咩心機聽咁…
不過亞仔有樣觀念唔知錯定對，問吓你地先。佢認為人既私隱部位是胸前，下身同埋個pat pat。咁佢游水唔肯只著泳褲的，是著一件頭泳衣的。佢夏天亦唔肯著背心，說人家可從夾位看到胸前喎！你知男仔背心款好大夾位架嘛。
我比佢激死，但佢都係話老師說是私隱部位，我同佢講男仔唔係咁計架！但佢都係唔理我！

TWMa

女兒也屬感性一族, 在她兩歲左右, 和她一起看 "冰河世紀", 兩幕戲---媽咪奮力把小寶寶推上岸, 自己卻終體力不支隨水漂走及最後小男生終見回爹地, 卻得和動物朋友們分手, 只見她無聲無息、淚流滿面...
她問了我好多次關於死亡的問題了, 每次的提問略有不同, 但大致上就是 "你 (人) 是不是一定會變老, 然後會死亡, 為什麼?"(第一次回答她, 是, 有一天我會死時, 她眼濕濕大聲的抗議 "但係我唔想你死!")
昨晚, 臨睡前, 她又和我 "聊" 死亡和 "生BB" 問題了, 我只是簡單地用生物生長、繁殖的循環現象和一點點的細胞學理論解釋給她聽. 她昨天提出的生BB 問題, 圍繞著 "結婚和生BB的必然關係" 上... 最近, 她問得頻繁, 不知是否和學校 "生命教育" 的教學主題有關?!

yk:
性教育的問題, 根本不用擔心, 關於生殖器官的講解, 我本來想等她大一點再講清楚一些, 誰知她一升K2, 有天回家便告訴我 "今天老師教了男性的xx... 放入女性...., 然後...., 就有 BB了"
你唔好諗到依家既細佬mug 都唔識啊

ykwong

麟媽媽 ,

我大少以前都係咁，連比堅尼都唔肯著，一定要著平腳既！咁我就同佢講：你睇，ｄ操水班邊有人著潛水衣，仲個個都著三角褲。你又睇，著潛水衣或滑浪衣既全部都係初班既。佢除都除唔切！

ykwong

為免被人鬧 hi-jack topic，到此 topic 回應。同埋我發現有d人收視率好高，特別 judy，為防"害你變成愛你"，搬黎呢度講。

stccmc 先，

我再看多次 babyplus 那 topic，發覺原來從未講過 babyplus 係乜。其他有關 topic 一向小看。一心以為係 DHA, Omega  3 類同補充劑藥物。可能搞錯晒。謹此致歉！

你仲未話我知，邊部机洗晒你副身家。你影d相唔錯喎，我都想多買部高階數碼機玩下，參考下，今次唔係八卦。

然後到 philip，

近年的各類型腦神經研究，都是以今天的我打倒昨天的我為己任 (當代各類型研究、論文之特性)。以前話學琴有助左右腦開發，又有所謂莫扎特效應。基本上全有研究推翻。 最近還有研究話胎兒根本是聾的，又點睇！

莫扎特效應，你話肯定 可用，我會話肯定冇用！音樂，還是還原基本最 可靠：陶冶性情算吧！

最後到 judy，

我最近多左野做，不能快速回應。

升中問題，對實際運作未算明白，說不明，就是真的不明，所以想多請教過來人。

我對秦始皇看不明，因我對作者在其個人/學校網頁所下之功夫和誠意，令我相信這是真實的結果。但總覺 有不妥。經你提點，發現了主因:

同學所選，除了保一外，近乎沒有頂級名校，(保一曾有輝煌成績，算不算頂級，可相榷)。此校自我形像之低，令人難以致信。總會有家長不聽學校的 "指引"卦。又冇自信爆棚的小朋友？不解！

我要多了解，才可進一步分析，廢事又講錯:cry: 現有問題如下:

選校表要否經學校提交？

第一輪自行分配，結果是否一定要在統一派位同日公佈，若統一派位填上同一學校，同學及/或學校，是否無法得知派位乃經自行還是派位取得？

若自行得到直資(不派位)或私校，或體藝等。結果一早得知，還可不可參加統一派位？有冇得揀。

亦請其他有識之仕，多發表意見及心得。

另 judy 之填表方針，遲點再討論。

judy

“選校表要否經學校提交？” 不知。

“第一輪自行分配，結果是否一定要在統一派位同日公佈，若統一派位填上同一學校，同學及/或學校，是否無法得知派位乃經自行還是派位取得？” 是的，如果統一派位填上同一學校，同學及/或學校，是無法得知派位乃經自行還是派位取得的。

“若自行得到直資(不派位)或私校，或體藝等。結果一早得知，還可不可參加統一派位？有冇得揀。” 如為直資、體藝所收，不可參加統一派位。至於私校，不知，但註冊時，要交回小六學生証，所以，我認為註冊了私校，不可參加統一派位(除非私校不要求交回小六學生証)。

ykwong

stccmc,

未有目標，對型號亦不太清楚，只想買部單鏡機，可以玩下光圈、快門同對焦，自己控制下反差、景深同色溫個類入門野。我唔係拍友黎。Budget 一萬樓下，最好七、八千，有冇好介紹？

judy,

填表:

所以，無論如何，將所有Band1學校填下，再Band2，最符合 “越多Band1生入讀Band1學校”。

又有啟發，秦始皇選校法應是一群乖學生 + 家長以信任指引的現像 :不博名校，專攻次級 band one EMI，並在前列志願選 band two學校，無非求一、二擊必中。

再看看全冇將協和放次選的 band one 生抽中，保一則有幸有不幸(但中的全屬首選)，可推算較佳的學校學位在 round one 中已被用盡咁濟。

judy 之方法一定行不通，除非人人同你一樣想法。平白錯失在 round 2, 3, 4的機會。要中好學校，在 round one 不成功便成仁，雖 說點都係 band one 揀晒先，但你遇著秦始皇般學校 (相信為數不少)，便連入協和，德愛的機會都冇埋。

最可惜你無法驗証你之方法，對我來說 ：[size=large]太不幸了！

題外話，研究指40%學生可以英語教學。 85 % 呢個指標冇可能達唔到。理論上得33%band one 生，又少過 25% 英中(呢點唔知數據，斷估) 受歡迎學校應至少有 90% band one 生入讀(10% 自行分配，除非學校專揀體藝生，否則揀中非 band one 生機會係 0)。唔明點解咁多英中呱呱嘈

judy

judy 之方法一定行不通，除非人人同你一樣想法。平白錯失在 round 2, 3, 4的機會。要中好學校，在 round one 不成功便成仁，雖 說點都係 band one 揀晒先，但你遇著秦始皇般學校 (相信為數不少)，便連入協和，德愛的機會都冇埋。

YK,

估唔到你咁蠢。

題外話，研究指40%學生可以英語教學。 85 % 呢個指標冇可能達唔到。理論上得33%band one 生，又少過 25% 英中(呢點唔知數據，斷估) 受歡迎學校應至少有 90% band one 生入讀(10% 自行分配，除非學校專揀體藝生，否則揀中非 band one 生機會係 0)。唔明點解咁多英中呱呱嘈

係咯，點解佢地會嘈呢？

ykwong

估唔到你咁蠢。

你米開估住，比我諗一諗點蠢法。雖然諗到機會唔高。其他人可搶答。 [size=xx-small](鬼有其他人咩，來來去去都係得你釆我，而家連 麟媽，wunma 都唔 show 我)