各位特殊障礙小朋友既媽咪,開學順利嘛?

12312

游泳, 我地的小朋友大多數 1: 1 會好些, (當然有些例外)
大人學10堂都未學會呀, 不可以心急呀.
小兒學了1年游泳, 基本上算是識小小,(蛙泳, 自由式--動作還未能控制自然 ), 還未達起碼的標準--50米. (入校隊的基本要求)

原帖由 BB頭maimimi 於 09-10-14 10:53 發表
唔該晒你先,另外我囝囝學游水,而家學咗10堂,都係唔識,而且比例係1:4,想問各位媽咪,咁樣係咪好難學識呢?

BB頭maimimi

請問1:1幾錢一堂呢?小朋友冬會唔會都繼續學呢?

原帖由 12312 於 09-10-14 21:46 發表
游泳, 我地的小朋友大多數 1: 1 會好些, (當然有些例外)
大人學10堂都未學會呀, 不可以心急呀.
小兒學了1年游泳, 基本上算是識小小,(蛙泳, 自由式--動作還未能控制自然 ), 還未達起碼的標準--50米. (入校隊的基本要 ...

12312

我知道就 $2xx to $3xx/堂, 冬天有暖水池 (政府)
我果個游泳教練是教開我地的小朋友, 我估是泳會的老闆(會安排人手教人), 佢都幾惡架, "傳聞"有mami 拉走小朋友吾比學游泳. 但小兒就"好很跟佢學游泳", 第一堂已經听听話話--因為小兒知道佢識教會佢游水 . (以前泳褲都吾肯穿呀) .間中爸爸都會帶佢去"操水" , 練好"浮力" (我想省 $$).

原帖由 BB頭maimimi 於 09-10-15 09:38 發表
請問1:1幾錢一堂呢?小朋友冬會唔會都繼續學呢?

BB頭maimimi

教我小朋友的教練都係專教special的,但就成班一齊教,因為教練只肯給我小朋友用浮板,唔肯比佢拖手,佢又惡,我小朋友唔知係咪覺得好大壓力,就成日扮嘔,扮扮下就真係嘔埋出黎,我見差唔多學咗10堂都係麻麻地,所以睇下有冇其他介紹。12312,你小朋友仲有冇學其他野呢?

原帖由 12312 於 09-10-15 23:11 發表
我知道就 $2xx to $3xx/堂, 冬天有暖水池 (政府)
我果個游泳教練是教開我地的小朋友, 我估是泳會的老闆(會安排人手教人), 佢都幾惡架, "傳聞"有mami 拉走小朋友吾比學游泳. 但小兒就"好很跟佢學游泳", 第一堂已經听 ...

12312

你的case 咁似我朋友的 case , 會否同一人? 她在尖xx 游泳. (小朋友好聰明, 知道整污濁泳池就吾使學游水)
平時可以帶多些去 泳池玩水, 不要強逼 游泳(可能有反效果)
小兒會 混軸溜冰(普通教練) 是從呢位老師學會"自信心".

原帖由 BB頭maimimi 於 09-10-16 10:40 發表
教我小朋友的教練都係專教special的,但就成班一齊教,因為教練只肯給我小朋友用浮板,唔肯比佢拖手,佢又惡,我小朋友唔知係咪覺得好大壓力,就成日扮嘔,扮扮下就真係嘔埋出黎,我見差唔多學咗10堂都係麻麻地,所以睇下有冇 ...

BB頭maimimi

我小朋友只知道唔舒服可以唔駛學游水,真古古惑!混軸溜冰的收費係多少?唔知真雪溜冰,小朋友能夠學到呢?因為我係mega box見啲小朋友好細個都學緊

原帖由 12312 於 09-10-16 13:31 發表
你的case 咁似我朋友的 case , 會否同一人? 她在尖xx 游泳. (小朋友好聰明, 知道整污濁泳池就吾使學游水)
平時可以帶多些去 泳池玩水, 不要強逼 游泳(可能有反效果)
小兒會 混軸溜冰(普通教練) 是從呢位老師學會"自 ...

12312

滾軸溜冰的sir 都會真雪溜冰, 技術去到什麼程度就吾知啦. (佢都話教小兒, 但我沒有時間< 要找時間玩返10堂) 阿sir 友又非常的忙.

原帖由 BB頭maimimi 於 09-10-16 17:21 發表
我小朋友只知道唔舒服可以唔駛學游水,真古古惑!混軸溜冰的收費係多少?唔知真雪溜冰,小朋友能夠學到呢?因為我係mega box見啲小朋友好細個都學緊

~仔仔媽咪~

原帖由 BB頭maimimi 於 09-10-16 17:21 發表
我小朋友只知道唔舒服可以唔駛學游水,真古古惑!混軸溜冰的收費係多少?唔知真雪溜冰,小朋友能夠學到呢?因為我係mega box見啲小朋友好細個都學緊

查實小朋友細細個學溜冰會好快上手架!我仔都係六七歲學溜冰,之後七歲打後又學埋ice hockey,我仔第一堂已經周圍溜喇!仲片'車'咁快!始終小朋友會大膽D,學野都會比大人快D架!

我仔嗰時响西九龍中心度學,八百五十蚊五堂(無記錯的話),個教練都幾好架,幾有心機教細路幾鐘意小朋友.

BB頭maimimi

仔仔媽咪,

你仔仔而家仲有冇玩呢?如果係mega box, 就近我啲,但安全嗎?

原帖由 ~仔仔媽咪~ 於 09-10-16 23:46 發表


查實小朋友細細個學溜冰會好快上手架!我仔都係六七歲學溜冰,之後七歲打後又學埋ice hockey,我仔第一堂已經周圍溜喇!仲片'車'咁快!始終小朋友會大膽D,學野都會比大人快D架!

我仔嗰時响西九龍中心度學,八百五十蚊五 ...

~仔仔媽咪~

原帖由 BB頭maimimi 於 09-10-19 15:51 發表
仔仔媽咪,

你仔仔而家仲有冇玩呢?如果係mega box, 就近我啲,但安全嗎?

依家我仔無玩喇~一黎之前真係無錢俾佢參加出面興趣班,二黎我仔真係失控到個個教練都頂佢唔順要放棄佢,所以佢學識咗我就無帶佢去學囉...不過遲下我都會俾佢耐唔耐去玩既~

我覺得安全架,尤其ice hockey佢本身都要戴護膝頭盔,跌落D冰度又唔痛,同埋我都見有好多三四歲嗰D黎玩囉~安全架!

jena2468

我近期好DOWN, 亞仔呢期好失控, 有一個同學經常同佢有磨擦, 攪到佢大發脾氣, 差D三個老師都攪佢唔掂!
呢幾日轉食CONCERTA, 但係佢又咀多手多, 琴日最尾個堂又來破壞課堂秩序, 跟手比老師帶離課室, 老師好好留佢堂幫佢補課, 但係佢唔合作, 唔肯認錯重故意扮傻,東拉西扯都唔願意打開書補課 , 擾攘一輪最後成7點至走得 !
我真係覺得好對老師唔住, 教過佢嘅老師個個都好包容佢, 特別呢個月差唔多日日都攪亂檔, 老師同我講一齊努力, 堅持,講到我忍唔住 重要老師安慰我, 我真係覺得好愧疚 !

~仔仔媽咪~

原帖由 jena2468 於 09-10-21 10:46 發表
我近期好DOWN, 亞仔呢期好失控, 有一個同學經常同佢有磨擦, 攪到佢大發脾氣, 差D三個老師都攪佢唔掂!
呢幾日轉食CONCERTA, 但係佢又咀多手多, 琴日最尾個堂又來破壞課堂秩序, 跟手比老師帶離課室, 老師好好留佢堂幫 ...

relax~~~只要老師一日未放棄囝囝都會有轉機.您囝囝幾時再覆診?試下同醫生講番呢個問題,睇下葯嗰方面可唔可以再轉形式去食,,,例如朝早食concerta,中午過後食番粒ritalin黎補充一下,睇下咁樣得唔得.

同埋試下再同囝囝好好地傾下,睇下佢肯唔肯講出心底話黎,始終有時佢地嗰D反叛行為都會'事出必有因',我囝可能本身又有自閉問題,佢好少會講自己心底裡面既感受同說話架!但最近期佢開始同我講番佢既感受,原來有好多野我係唔知亦誤會咗佢好多,佢肯講俾我知,至少我都醒覺原來我仔人仔細細都會有佢既諗法同感受,亦醒覺原來佢都有佢既難處同响邊度kick住咗,佢地唔識社交,原來佢地真係唔明點解人地會咁嬲或者咁樣話佢同埋成日話佢發脾氣囉!呢樣都係我仔最近話番俾我知.

所以或者試下得閒多D同囝囝傾下閒偈,久唔久借D2引下佢同你講多D佢自己D野,佢肯講時,你又好似朋友咁又講下你自己既諗法同感受,當大家交流下意見咁,睇下會唔會好D.

加油呀!我仔打人打咗十年,今年開學到依家都一次都無再打人,只要我地肯努力,奇蹟一定出現. 記住!我地呢班媽咪一直都响度支持您!我地要KEEP住互相扶持!笑番下啦!

jena2468

係啦, 我個仔都係 A 仔, 所以好難套佢講內心話, 以前我地都handle 到, 但近呢幾個月就覺得佢開始大個 (11YRS) 有D反叛野出左黎, 經前晚留堂, 琴日上堂又乖番 ! 老師唔放棄我更加唔可以放棄, 不過就真係要比自己有RELAX嘅時間, 我呢兩日都激到頭痛, E+都仲痛緊呀 !

BB頭maimimi

jena2468

我見到你囝囝的學校老師都幾好,我囝囝啱啱升小一,校長同我講要大家一齊努力,我希望佢可以係呢間學校完成6年小學就好了,唔知你介唔介意PM你囝囝的校名比我呢?

KSWKSW

我仔仔就快2岁半了, 一个单字都没, 我觉得前路茫茫, 一点希望都没, 就要烦死了.

原帖由 ~仔仔媽咪~ 於 09-10-21 11:20 發表


relax~~~只要老師一日未放棄囝囝都會有轉機.您囝囝幾時再覆診?試下同醫生講番呢個問題,睇下葯嗰方面可唔可以再轉形式去食,,,例如朝早食concerta,中午過後食番粒ritalin黎補充一下,睇下咁樣得唔得.

同埋試下再同囝 ...

~仔仔媽咪~

原帖由 jena2468 於 09-10-22 09:09 發表
係啦, 我個仔都係 A 仔, 所以好難套佢講內心話, 以前我地都handle 到, 但近呢幾個月就覺得佢開始大個 (11YRS) 有D反叛野出左黎, 經前晚留堂, 琴日上堂又乖番 ! 老師唔放棄我更加唔可以放棄, 不過就真係要比自己有REL ...

慢慢黎啦,,,始終A仔嗰D脾氣真係難搞好多架!基本上佢地唔講真係無人會了解佢地諗乜同點諗野,好似我老豆咁,佢都係A A地架!有時我同我哥都頂唔順我老豆D脾氣,我老豆係嗰D一定要搵野黎嘈黎嬲&鬧既人黎,嗰日無事無干佢係會周身唔聚財,所以佢會成日係咁搵位有事無事都走黎話你投訴你,今日我至'訓話'完我老豆,我老豆嗰D真係要一野好大聲咁話佢,佢至'滿足'跟住正常番,好彩我囝無呢個特性,但係又係諗野唔識得轉彎嗰隻黎.

我仔係一覺得你係蝦佢/對佢唔好,佢就當咗一定係,唔識去分析亦唔識去先檢討下自己有無做錯/有無問題.但呢D心理學家又話係自閉既特徵黎,話自閉既人永遠唔會諗人地感受,淨係識得諗自己感受,所以有時同佢地講野講道理真係唔可以用第三身形式黎教.

我仔又係好唔識得表達自己,係早排唔知做乜,突然主動同我傾心事,同我呻話成日唔知點解同學成日話佢發脾氣,咁我至知原來佢真係唔明,跟住佢又話佢嗰次佢車爆咗同學個頭,係因為之前番學响教育電視見到有個女學生俾成班同學整古,我仔話睇完覺得好不安,個心好亂好唔舒服,好唔知點咁,跟住放學D同學又黎撩佢話佢,佢就唔知點解會拎起垃圾桶黎掟向同學仔個頭度...呢樣我真係頭一次聽到,我叫我仔下次見到D佢會不安既野就唔好俾自己睇同聽,費時影响自己情緒.

之前佢講呢堆野前,佢係响番屋企途中無啦啦自己好無心機响樹喊,我問佢,佢初時又係例牌話無野,再問多佢幾次,佢至喊到好傷心咁話佢一諗起以前佢做過D錯事(打人、吐口水),佢就覺得好嬲自己,覺得自己好核突,咁我至開始同佢傾開呢個話題.

查實呢次同我仔既對話,我都學到野,至少我都知,雖則佢地係有自閉問題,但唔代表佢地無思想無感受無諗法,佢地同我地一樣有,亦知道原來佢地平時係成日俾我地誤解誤會,我成日以為我仔淨係諗玩諗超人玩具,但原來我仔有好多時自己都會諗呢D'正經'野,會認真去檢討去諗自己.所以的確令我改觀咗.

同埋早前我去咗一個記者招待會,係有一班患有自閉症既青年,佢地幾個合作寫咗一本書,係講番佢地自己既感受同諗法,呢本書真係好好,我嗰日都掀咗幾頁黎睇,佢地用番佢地既角度去講番自閉症人士既感受同想法,呢D野真係平時無機會睇到聽到,之前我地睇開嗰D講自閉症既書都係專家同醫生寫,都係數據既野黎,但呢本書佢地係切切實實去講番俾我地知A仔佢地究竟諗D乜同有咩難處同感受,

例如我睇咗一篇係其中一位A仔青年講番,佢細個真係唔識得社交,原來佢當時係覺得好無助,佢點都理解/捉摸唔到人地諗乜同做乜會嬲,當佢地'無端'激嬲人地嗰陣時,佢地真係唔知點解人地會嬲,佢地會感到好不安好無助,結果怕咗社交,就係捉摸唔到人地幾時會嬲,怕得罪人,結果索性唔去社交.睇到呢度,我好似睇緊我仔個心咁,係好深感受囉.

本書原本話已經出咗,但暫時我去咗幾間三聯同商務印書館,都仲未見到有得賣,如果出咗,到時我再話俾你知吖.

或者你又可以睇番呢個POST:

http://forum.edu-kingdom.com/viewthread.php?tid=2154180&extra=page%3D2


放心啦,您囝囝查實開始大個仔,都會分到對錯,至少見到佢第二日會乖番,我地班仔真係時好時壞架,有時我都會俾個仔激到頭好痛,但始終我地係佢地媽咪都要堅持要繼續努力,所以我地都先relax咗自己先,等自己休息一下後,我地至有energy繼續努力,所以依家最先要做既就係您要relax咗自己先!加油呀!

[ 本帖最後由 ~仔仔媽咪~ 於 09-10-22 21:02 編輯 ]

~仔仔媽咪~

原帖由 KSWKSW 於 09-10-22 11:35 發表
我仔仔就快2岁半了, 一个单字都没, 我觉得前路茫茫, 一点希望都没, 就要烦死了.

囝囝做咗評估未?平時有無上任何既訓練班/學前班?

~仔仔媽咪~

原帖由 ANDREAMLEE 於 09-10-23 14:21 發表
我好辛苦！！！！！！好有壓力！！！！！！
囝囝有學障，讀小三！囡囡無，讀小五！一直諗住囡囡在學業上自己可以攪掂，所以放工後用大部份時間跟囝囝，囡囡自己攪掂或ｃ６跟！點知到最近才知囡囡的成績已大不如前，暑假後，我已好少睇她功課！諗住無問題！而ｃ６因工作關係 ...

唔好俾自己太大壓力啦!咁樣您同囝囝囡囡都會好辛苦架!至重要都係要KEEP番仔女讀書學習個心,就算依家成績差咗,但佢地仲有個心想讀好D書,一樣可以補救到,試下調節番個時間同方式去教囉,可以既話,媽媽都可以同一時間兩個小朋友一齊做功課一齊去溫習,同時間一齊去兼顧番佢地兩個既學業,始終如果兩個分開黎做功課,你搞得囝囝黎,都無咁多精神同體力去應付另一個囉,慢慢黎,只要掌握到佢地既學習情緒同方式,自然會易教好多,不過真係好靠媽媽抽多D時間同耐性去慢慢摸索同發明多D方法去教囉.加油呀!

KSWKSW

评估话系自闭症倾向, 上了1年训练班同2果月学前班, 但时步唔大, 好烦啊.

原帖由 ~仔仔媽咪~ 於 09-10-22 20:54 發表


囝囝做咗評估未?平時有無上任何既訓練班/學前班?